ᔫᐱᐅᑉ ᐊᒡᓚᖏᑦ 27 - ᐊᒡᓔᑦ ᐃᑦᔪᕐᖕᓁᑦᑐᑦ

ᔫᐱ

¹ ᔫᐱ ᓱᓕ ᐱᑦᓯᐊᕐᓂᕐᒥᓂ ᓱᖁᓯᓚᐅᓐᖏᓚᖅ, ᐅᖃᕐᓗᓂᓗ:

² “ᒎᑎ ᐆᒪᖕᒪᑦ, ᐅᕙᓐᓂᒃ ᐊᑦᔨᒋᔭᐅᓐᖏᑎᑦᓯᔪᖅ, ᐊᔪᒐᖃᖏᑦᑐᕐᓗ, ᑕᕐᓂᓐᓂᒃ ᖃᓯᓕᓇᕐᓯᑎᑦᓯᔪᖅ;

³ ᐊᓂᕐᓂᓐᓄᑦ ᓇᔪᕐᑕᐅᓂᓐᓂ, ᒎᑎᐅᓪᓗ ᐊᓂᕐᓂᖓ ᓱᕐᓗᒃᑯᑦ ᐊᓂᕐᑎᕆᐅᑎᒋᓂᓐᓂ;

⁴ ᖃᓂᕋ ᐱᐅᖏᑦᑐᒥᒃ ᐅᖃᐅᓯᖃᕐᓂᐊᓐᖏᓚᖅ, ᐅᖃᕋᓗ ᓯᓔᕐᕆᒃᓯᓂᕐᓂᒃ ᐅᖃᕐᓂᐊᓐᖏᓚᖅ.

⁵ ᐅᖃᐅᓯᕆᔭᑦᓯᓐᓂᒃ ᓱᓕᓂᕅᓗᖓ ᐅᖃᕐᓂᐊᓐᖏᓚᖓ; ᑐᖁᓚᐅᖏᓐᓂᓐᓂ ᐸᓯᔭᒃᓴᐅᖏᓐᓂᕋ ᓴᒃᑯᓐᓂᐊᓐᖏᓚᕋ.

⁶ ᐃᓱᐊᕐᑐᓕᓂᕋ ᑎᒍᒥᐊᖏᓐᓇᕐᓂᐊᕐᐸᕋ, ᓴᒃᑯᓐᓂᐊᕐᓇᒍᓗ; ᐆᒻᒪᑎᒪ ᐃᖅᑲᕐᑐᓚᐅᖏᒻᒪᖓ ᐃᓅᓂᓕᒫᓐᓂ.

⁷ ᐊᑭᕋᕐᑐᕐᑎᒃᑲ ᐱᐅᖏᑦᑐᑎᑐᑦ ᑍᒤᓕᕐᓕᑦ, ᐅᕙᓐᓂᒡᓗ ᓵᓐᖓᓯᓇᓱᒃᑐᖅ ᐃᓱᐊᖏᑦᑐᑐᑦ ᑍᒤᓕᕐᓕ.

⁸ ᓱᓇᒥᒡᓕ ᒎᑎᖃᖏᑦᑐᖅ ᓂᕆᐅᒋᔭᒃᓴᖃᕐᐹ? ᐃᓅᓯᖓ ᒎᑎᐅᑉ ᑎᒍᒃᐸᒍ,

⁹ ᐊᑲᐅᖏᑦᑐᒧᑦ ᑎᑭᑕᐅᒍᓂ, ᑐᒃᓯᐊᕐᐸᑦ ᒎᑎᐅᑉ ᑐᓴᕋᔭᕐᐸᐅᒃ?

¹⁰ ᐊᔪᒐᖃᖏᑦᑐᖅ ᖁᕕᐊᓲᑎᒋᔪᓐᓇᕐᐸᐅᒃ? ᒎᑎᓗ ᑍᒪᓐᖓᑦ ᓂᓪᓕᐊᕕᒋᖃᑦᑕᕋᔭᕐᐸᐅᒃ?

¹¹ ᐊᔪᕆᕐᑐᓚᐅᕐᓚᑦᓯ ᒎᑎᐅᑉ ᐱᔪᓐᓇᕐᓂᕐᔪᐊᖓᓂᒃ; ᒎᑎᐅᓪᓗ ᐊᔪᒐᖃᖏᑦᑑᑉ ᖃᓄᐃᓕᐅᕈᓐᓇᕐᓂᖓᓂᒃ.

¹² ᑕᑯᒋᑦ, ᓇᖕᒥᓂᖅ ᑕᑯᓯᒪᓕᕐᐸᓯ ᑕᒪᑦᓯ; ᓱᖕᒪᓪᓕ ᑐᑭᖃᖏᑦᑐᓂᒃ ᐅᖃᓪᓚᓕᕐᐱᓰ?”

ᔪᐸᕆ

¹³ “ᑍᒫᒃ ᑕᕝᕙ ᒎᑎᖃᖏᑦᑐᖅ ᐊᑭᓕᕐᑕᐅᓲᖑᕗᖅ ᒎᑎᒧᑦ, ᐅᖁᒤᒃᓴᕐᑎᑦᓯᔪᓪᓗ ᐊᑭᔭᐅᑦᔪᑎᒥᖕᓂᒃ ᑭᖑᕐᖑᑎᔭᒃᓴᖃᕐᐳᑦ ᐊᔪᒐᖃᖏᑦᑐᒥᑦ:

¹⁴ ᕿᑐᕐᖓᖏᑦ ᐅᓄᕐᓯᒃᐸᑕ, ᑐᖁᔪᒫᕐᐳᑦ ᓴᕕᒡᔪᐊᒧᑦ; ᑭᖑᕚᖏᓪᓗ ᓂᕿᒃᓴᖃᕈᒫᓐᖏᓚᑦ ᓈᒻᒪᒃᑐᒥᒃ.

¹⁵ ᑭᖑᕚᖏᓐᓂᑦ ᐊᒥᐊᒃᑰᔪᑦ ᐋᓐᓂᐊᓇᕐᑐᒧᑦ ᑐᖁᔪᒫᕐᐳᑦ, ᐅᐃᒡᒐᕐᓂᖏᓪᓗ ᐃᓚᓐᖓᕋᓗᐊᕈᑎᒃ ᕿᒃᓵᒍᑎᖃᕈᒫᓐᖏᓚᑦ.

¹⁶ ᓯᐅᓪᕕᕆᓂᒃ ᑲᑎᑦᓯᓗᓂ ᓴᓂᕐᑎᑐᑦ ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ, ᐊᓐᓄᕌᓂᒡᓗ ᓄᐊᑦᓯᓗᓂ ᖃᓕᕇᓕᑎᑦᓯᔪᓐᓇᕋᓗᐊᕐᐳᖅ ᒪᕐᕋᑎᑐᑦ;

¹⁷ ᐳᕐᑐᓯᑎᑦᓯᔪᓐᓇᕋᓗᐊᕐᐳᖅ, ᐃᓱᐊᕐᑐᓕᔫᓪᓕ ᐊᑐᕈᒫᕐᐰᑦ, ᐸᓯᔭᒃᓴᐅᖏᑦᑐᓪᓗ ᓯᐅᓪᕕᕆᓂᒃ ᐊᕕᒃᑐᐃᔪᒫᕐᐳᑦ.

¹⁸ ᐃᒡᓗᓕᐅᕐᓯᒪᕗᖅ ᐋᓯᕙᐅᑉ ᓄᓗᐊᖏᑎᑐᑦ ᑍᒤᑦᑐᓂᒃ, ᖃᐅᔨᓴᕐᑎᐅᓪᓗ ᐅᖅᑯᐊᓕᓂᓕᐊᕆᓯᒪᔭᖓᑎᑐᑦ.

¹⁹ ᐊᒃᓱᐃᑦᑑᓪᓗᓂ ᓯᓂᒐᓱᓕᕐᐳᖅ, ᑲᑎᑦᓯᔪᓐᓃᕐᓗᓂᓗ; ᑐᐸᒃᐳᕐᓕ, ᐊᒃᓱᐃᑦᔪᑎᒋᓚᐅᕐᑕᖏᑦ ᐱᑕᖃᕈᓐᓃᕐᑎᓪᓗᒋᑦ.

²⁰ ᑲᑉᐱᐊᓵᕆᔨᓄᑦ ᐅᐸᒃᑐᕐᑕᐅᕗᖅ ᑰᖕᒧᑦ ᐅᓗᑦᔭᐅᔪᑎᑐᑦ; ᐅᓐᓄᐊᒃᑯᑦ ᐊᓄᕆᕐᔪᐊᕐᒧᑦ ᓵᕕᐅᑦᔭᐅᕗᖅ;

²¹ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒧᑦ ᐊᓄᕆᒧᑦ ᑎᑭᑕᐅᕗᖅ; ᐃᓂᒋᔭᖓᓂᑦ ᓅᑎᑕᐅᓪᓗᓂ ᑎᒃᑕᐅᕗᖅ.

²² ᐊᓄᕌᕐᕕᐅᕗᖅ ᓂᑲᒋᔭᐅᓇᓂ; ᐱᔪᓐᓇᕐᓂᓕᒫᒥᓄᑦ ᐊᓐᓇᒐᓱᒃᑲᓗᐊᕐᐳᖅ ᐊᒡᒍᕐᓗᓂ.

²³ ᐸᑦᑕᒃᑐᕈᑎᒋᔭᐅᓂᐊᕐᐳᖅ, ᓱᓗᒃᓱᕐᕕᐅᓗᓂᓗ ᐃᓂᒋᔭᖓᓂᑦ ᓄᑎᑕᐅᕗᖅ.”