ᔫᐱᐅᑉ ᐊᒡᓚᖏᑦ 26 - ᐊᒡᓔᑦ ᐃᑦᔪᕐᖕᓁᑦᑐᑦᔫᐱ 1 ᔫᐱᓕ ᑭᐅᕗᖅ: 2 “ᖃᓄᖅ ᐃᑲᔪᕐᓯᒪᕕᐅᒃ ᐱᔪᓐᓇᕐᓂᖃᖏᑦᑐᖅ! ᖃᓄᕐᓗ ᓴᐳᑎᓯᒪᕕᐅᒃ ᓲᖑᓂᖃᖏᑦᑐᖅ! 3 ᖃᓄᖅ ᐅᖃᖃᑎᒋᓪᓗᒍ ᐃᑲᔪᕐᓯᓯᒪᕕᐅᒃ ᓯᓚᑐᓂᖃᖏᑦᑐᖅ, ᖃᓄᕐᓗ ᖃᐅᔨᒪᑦᓯᐊᕐᓂᕐᓂᒃ ᐊᔪᕆᕐᑑᑎᓯᒪᓪᓗᒍ! 4 ᐅᖃᐅᓯᕆᔭᑎᑦ ᑭᓇᒧᑦ ᐃᑲᔫᑎᒃᓴᐅᓇᓱᒋᕕᒌᑦ? ᑭᓇᒧᓪᓗ ᑕᒪᒃᑯᓂᖓ ᐅᖃᓪᓚᖁᔭᐅᓯᒪᕕᑦ?” ᐱᐅᓪᑖᑦ 5 “ᑐᖁᖓᔪᑦ ᐊᓂᕐᓂᖏᑦ ᐊᖏᔪᒥᒃ ᓴᔪᒃᐳᑦ, ᐃᒪᐅᑉ ᐊᑖᓃᑦᑐᑦ ᐃᒪᕐᒥᐅᑕᓕᒫᓪᓗ. 6 ᑐᖁᖓᔪᑦ ᐃᓂᖓᑦ ᐊᓐᓄᕌᖃᓐᖏᓚᖅ ᒎᑎᐅᑉ ᓵᖓᓂ, ᐊᓯᕈᕐᑕᐅᓂᕐᓗ ᐅᓕᒃᓯᒪᓇᓂ ᑖᑦᓱᒪᓂ. 7 ᑖᑦᓱᒪ ᐅᓐᓄᐊᓪᓗᐊᖅ ᐃᓯᕕᑉᐹ ᓱᓇᖃᖏᑦᑐᒥ, ᓄᓇᕐᔪᐊᕐᓗ ᓂᕕᓐᖓᕐᑎᑉᐹ ᐱᑕᖃᖏᑦᑐᒧᑦ. 8 ᑖᑦᓱᒪ ᓄᕗᑦᓴᕆᒃᑐᑦ ᐃᒥᕐᒥᒃ ᐃᒻᒥᕐᐰᑦ, ᐃᒪᖃᕈᓐᓇᕐᑎᑉᐰᓪᓗ ᖄᖁᓇᒋᑦ ᐃᒥᐅᑉ ᐅᖁᒤᓐᓂᖓᓄᑦ. 9 ᑕᖅᑭᖅ ᐃᓗᐃᑦᑑᓕᕐᑎᓪᓗᒍ ᑕᓕᑎᖃᑦᑕᕐᐹ, ᓄᕗᔭᖁᑎᓂ ᐃᓯᕕᓪᓗᒋᑦ ᑕᖅᑭᐅᑉ ᒥᒃᓯᑦᑎᒍᑦ. 10 ᐃᒪᐅᑉ ᖁᓛᓂ ᑭᒡᓕᓕᐅᕆᓯᒪᕗᖅ, ᐊᕕᒃᓯᒪᐅᑎᐅᖁᓪᓗᒍ ᖃᐅᒪᔪᒧᑦ ᑖᕐᑐᒧᓪᓗ. 11 ᕿᓚᐅᑉ ᓱᑲᖏᑦ ᓴᔪᒃᐱᓗᒃᐳᑦ, ᖁᐊᕐᓵᕐᓗᑎᒡᓗ ᑖᑦᓱᒪ ᓱᐊᖕᓂᖓᓄᑦ. 12 ᐱᔪᓐᓇᕐᓂᕐᒥᓄᑦ ᐃᒪᕐᕕᒃ ᓂᒫᓪᓚᒃᑎᑉᐹ; ᖃᐅᔨᒪᓂᕐᒥᓄᓪᓗ ᒪᓕᒡᔪᐊᖅ ᕆᕼᐋᑉ ᓄᖅᑲᕐᑎᑉᐹ. 13 ᐊᓄᕆᖓᓄᑦ ᕿᓚᒃ ᓴᓗᒻᒪᕐᑎᑕᐅᕗᖅ; ᐊᒡᒐᖏᑕ ᖁᒡᓗᒋᐊᖅ ᕿᒫᓇᓱᒃᑐᖅ ᑲᐱᓪᓗᒍ ᑐᖁᑉᐹ. 14 ᑕᒪᒃᑯᐊᓕ ᐊᖅᑯᑎᖏᑕ ᐃᓱᐊᐱᑐᐃᓐᓇᖓᓐᓂᒃ ᓇᓗᓁᕐᓯᕗᑦ; ᓂᐱᑭᓪᓗᓂᓗ ᐅᖃᕐᓂᖓᓂᒃ ᑐᓴᒐᓛᒃᓯᒪᕗᒍᑦ! ᑭᐊᓕ ᐱᔪᓐᓇᕐᑐᕐᔪᐊᖑᓗᓂ ᑲᓪᓗᖕᓂᖓ ᑐᑭᓯᔪᓐᓇᕐᐸᐅᒃ?” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society