ᔫᐱᐅᑉ ᐊᒡᓚᖏᑦ 23 - ᐊᒡᓔᑦ ᐃᑦᔪᕐᖕᓁᑦᑐᑦ

ᔫᐱ

¹ ᑕᕝᕙ ᔫᐱᐅᑉ ᑭᐅᕚ:

² “ᐅᓪᓗᒥᒧᑦ ᓱᓕ ᑎᑭᓪᓗᒍ ᒎᑎᒥᒃ ᓈᒻᒪᒃᓴᖏᓪᓚᕆᒃᐳᖓ, ᐋᓐᓂᐊᓂᕐᒧᑦ ᓂᐹᓂᐅᓴᓂᕋ ᓱᓕ ᓄᖅᑲᖓᑎᑦᓱᓐᓇᖏᓐᓇᒃᑯ.

³ ᖃᓄᕐᑐᖅ ᓇᓃᓐᓂᖓᓂᒃ ᖃᐅᔨᓚᐅᕐᓚᖓ, ᓇᔪᕐᑕᖓᓄᑦ ᐃᒃᓯᕙᐅᑕᖓᓄᑦ ᐅᐸᖕᓂᐊᕋᒃᑯ.

⁴ ᖃᓄᐃᓐᓂᕆᔭᓐᓂᒃ ᐅᖃᐅᑎᑦᓯᐊᕋᔭᕐᐸᕋ ᑭᐅᒪᐅᑎᖃᑎᒋᓗᒍᓗ ᐅᖃᖃᑎᒋᒐᔭᕋᒃᑯ.

⁵ ᖃᓄᖅ ᑭᐅᒐᔭᕐᒪᖔᑦ ᖃᐅᔨᔪᒪᒐᔭᕐᐸᕋ, ᖃᓄᕐᓗ ᐅᖃᕋᔭᕐᒪᖔᑦ ᑐᑭᓯᔪᒪᒐᔭᕐᓗᖓ.

⁶ ᐱᔪᓐᓇᕐᓂᓕᒫᒥᓄᑦ ᐅᕙᓐᓂᒃ ᐊᑭᒋᐊᕋᔭᕐᑐᒃᓴᐅᕚ? ᐋᒃᑲ, ᐅᖃᐅᓯᕆᔭᓐᓂᖏᓐᓇ ᓈᓚᑦᓯᐊᕋᔭᕐᑐᖅ.

⁷ ᑕᕝᕙᓂ ᐃᓱᐊᕐᑐᓕᔪᒧᑦ ᐅᖃᖃᑎᒋᔭᐅᔪᓐᓇᕐᒪᑦ, ᐸᓯᔭᒃᓴᐅᖏᓐᓂᓐᓂᒡᓗ ᓇᓗᓁᕐᓯᕕᒋᒐᔭᕐᐹᖓ ᐃᓱᖃᖏᑦᑐᒧᑦ.

⁸ ᑕᑯᒋᑦ, ᓯᕗᓂᓐᓂ ᕿᓂᓚᐅᕐᐸᕋ ᑕᕝᕙᓃᓚᐅᓐᖏᓚᖅ; ᑭᖑᓂᓐᓂᓗ ᕿᓂᓚᐅᕆᕙᕋ, ᓇᓂᓚᐅᓐᖏᓚᕋᓕ;

⁹ ᓴᐅᒥᖕᒪ ᓇᓛᓂ ᕿᓂᓚᐅᕐᐸᕋ, ᑕᑯᓚᐅᓐᖏᓚᕋᓕ; ᑕᓕᕐᐱᓐᓄᑦ ᕿᕕᐊᕋᓗᐊᕐᒥᒐᒪ, ᑕᑯᓚᐅᖏᓐᓂᕙᕋ.

¹⁰ ᒎᑎᐅᓪᓕ ᐊᓪᓗᕐᓂᓕᒫᒃᑲ ᖃᐅᔨᒪᕔᑦ; ᐆᒃᑐᕋᕐᓯᒪᓕᕋᒥᖓ, ᒎᓗᑎᑐᑦ ᑍᒤᑎᓐᓂᐊᓕᕐᐹᖓ.

¹¹ ᑐᒥᖏᑦ ᐊᑐᑦᓯᐊᕐᓗᒋᑦ ᒪᓕᒃᓯᒪᒐᒃᑭᑦ, ᐊᑐᕐᑕᐅᖁᔭᖓᑕᓗ ᐊᓯᐊᓄᑦ ᓴᖑᓚᐅᕐᓇᖓ.

¹² ᐱᖁᔭᖏᑦ ᐅᖃᐅᓯᕆᓯᒪᔭᖏᑦ ᕿᒪᓚᐅᓐᖏᓚᒃᑲ; ᑲᒪᒋᑦᓯᐊᕐᓗᒋᑦ ᓴᕐᓕᐊᓚᐅᕐᐸᒃᑲ ᑖᑦᓱᒪ ᐅᖃᐅᓯᖏᑦ.

¹³ ᑖᓐᓇ ᐊᓯᑦᔨᕈᓐᓇᓐᖏᓚᖅ ᑭᐊᓕ ᓴᖑᑎᑦᓱᓐᓇᕐᐸᐅ? ᐱᓇᓱᐊᕈᒪᔭᒥᓂᒃ, ᐱᓇᓱᐊᕐᐸᒃᐳᖅ.

¹⁴ ᑖᑦᓱᒪ ᐱᓇᓱᐊᕈᒪᔭᓂ ᐅᕙᓐᓄᑦ ᑲᔪᓯᑎᓐᓂᐊᕐᐹ; ᐱᓇᓱᐊᕈᒪᔭᖏᑦ ᐅᓄᕐᒪᑕ ᐃᓱᒪᒋᓯᒪᔭᖏᑦ.

¹⁵ ᑍᒤᒻᒪᑦ ᖁᐊᕐᓵᖓᕗᖓ ᑖᑦᓱᒪ ᓵᖓᓂ; ᑕᒪᓐᓇ ᐃᓱᒪᒋᓕᕌᖓᒃᑯ, ᑲᑉᐱᐊᒋᓕᖃᑦᑕᕐᐸᕋ.

¹⁶ ᒎᑎᐅᑉ ᐆᒻᒪᑎᒐ ᓄᑮᕐᑎᑉᐹ; ᐊᔪᒐᖃᖏᑦᑑᑉ ᑲᑉᐱᐊᓱᕕᒡᔪᐊᓕᕐᑎᒻᒪᖓ;

¹⁷ ᑖᕐᑐᕐᔪᐊᒦᒃᑲᓗᐊᕋᒪ ᐊᔪᓕᕐᑎᑕᐅᓯᒪᖏᓐᓇᒪ, ᑖᕐᑐᕐᔪᐊᒧᑦ ᐅᓕᒃᑕᐅᓪᓗᖓ ᑕᑯᓐᓇᕐᑎᑕᐅᖏᒃᑲᓗᐊᕋᒪ.”