ᔫᐱᐅᑉ ᐊᒡᓚᖏᑦ 17 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᐃᓅᔪᓐᓁᕐᕕᒃᓴᕋ ᖃᒡᓕᕗᖅ, ᐊᓂᕐᓂᕋ ᓯᖁᒥᓯᒪᓕᕐᒪᑦ, ᐃᓗᕕᒃᓴᕋᓗ ᐅᕙᓐᓂᒃ ᐅᑕᖅᑭᓕᕐᐳᖅ.

² ᐅᕙᓐᓂᒃ ᒥᑕᐅᑎᒃᓴᕐᑐᑦ ᐊᕙᑎᓐᓃᑉᐳᑦ; ᑕᑯᓐᓇᖃᑦᑕᕐᐸᒃᑲᓗ ᒥᑕᐅᑎᒃᓴᕕᒡᔪᐊᕐᑎᓪᓗᒋᑦ.

³ ᓱᓕᓪᓗᖓ ᐅᖃᖃᑦᑕᕋᒪ ᒎᑏᒃ ᐅᖃᐅᓯᒃᑲ ᐃᓚᓕᐅᒃᑭᑦ; ᐅᖃᐅᓯᕆᔭᒃᑲᓕ ᓇᓪᓕᐊᓐᓄᑦ ᓴᐳᑎᔭᐅᓂᐊᕐᐸᑦ?

⁴ ᐃᓱᒪᖏᑦ ᑐᑭᓯᔪᓐᓇᓐᖏᑎᓐᓇᕕᒋᑦ, ᑍᒤᒻᒪᑦ ᐅᕙᓐᓂᒃ ᓵᓚᖃᕐᑎᑦᑍᓕᒃᑭᑦ.

⁵ ᐊᖑᑦ ᐱᖃᓐᓇᕆᔭᒥᓂᒃ ᐱᔭᐅᒃᑬᒃᐸᑦ ᑮᓇᐅᔭᕐᑖᕈᒪᓂᕐᒧᑦ, ᑕᕝᕙ ᕿᑐᕐᖓᖏᑕ ᑕᒪᓐᓇ ᐅᖁᒤᒃᓴᐅᑎᒋᓕᕐᓂᐊᕐᐹᑦ.

⁶ ᐃᓄᖕᓂᑦ ᑕᒪᓐᓇ ᑐᕌᖓᑎᑕᐅᓇᓱᐊᕐᐳᖅ ᐅᕙᓐᓄᑦ, ᑕᕝᕙ ᐃᓄᖕᓄᑦ ᐅᐸᒃᑕᐅᓪᓗᖓ ᐅᕆᐊᕐᕕᐅᖃᑦᑕᕐᐳᖓ.

⁷ ᕿᒃᓵᖕᓂᕐᒧᑦ ᑕᑯᓐᓇᑦᓯᐊᕈᓐᓁᕐᐳᖓ, ᐊᕙᑎᓕᒫᒃᑲᓗ ᑕᕐᕋᑎᑐᑦ ᓵᑦᑑᑎᒋᓕᕐᐳᑦ.

⁸ ᐃᓄᐃᑦ ᖃᓄᐃᑦᔪᑎᖃᖏᑦᑐᑦ ᑕᒪᑐᒥᖓ ᖁᐊᕐᓵᕈᑎᖃᕐᐳᑦ, ᐸᓯᔭᒃᓴᐅᖏᑦᑐᕐᓗ ᓵᓐᖓᓯᔭᕆᐊᖃᓕᕐᐳᖅ ᒎᑎᖃᖏᑦᑐᓂᒃ.

⁹ ᐃᓱᐊᕐᑐᓕᔪᕐᓕ ᐱᓇᓱᐊᕐᓂᕐᒥᓂᒃ ᑲᔪᓯᑦᓯᐊᕐᐳᖅ, ᓈᒻᒪᖏᑦᑐᒥᒡᓗ ᐱᓇᓱᐊᕐᓯᒪᖏᑦᑐᖅ ᓲᖑᓯᕙᓪᓕᐊᑐᐃᓐᓇᕐᓂᐊᕐᐳᖅ.

¹⁰ ᐊᑍ ᐃᓘᓐᓇᓯ ᕾᓕᕆᑦᓯ ᓵᓐᓄᑦ, ᐊᑯᓐᓇᑦᓯᓐᓂ ᓯᓚᑐᔪᒥᒃ ᓇᓂᓯᖏᓐᓇᒪ.

¹¹ ᐅᓪᓗᒃᑲ ᐊᓂᒍᕐᐳᑦ, ᐸᕐᓇᒃᓯᒪᔭᒃᑲᓗ ᓯᖁᒥᓯᒪᓕᕐᓗᑎᒃ, ᐆᒻᒪᑎᓐᓂ ᐊᒡᓛᑦ ᓂᕆᐅᒋᔭᖃᕈᓐᓁᕐᐳᖓ.

¹² ᐅᓐᓄᐊᒥᒃ ᐅᓪᓗᖃᖔᓕᕐᐳᑦ; ᐅᖃᕐᓗᑎᒡᓗ, ‘ᖃᐅᒻᒪᓯᕗᖅ,’ ᑖᓪᓚᕆᒃᑎᓪᓗᒍ ᓱᓕ.

¹³ ᐊᖏᕐᕋᒃᓴᑐᐊᕆᔫᔮᓕᕐᐸᕋ ᑐᖁᖓᔪᑦ ᐃᓂᖓᑦ, ᑕᕝᕙᓂ ᓇᓪᓚᖓᕕᒃᓴᕋ ᐋᖅᑭᒃᑕᐅᓯᒪᓕᕐᐳᖅ ᑖᕐᑐᒥ.

¹⁴ ᐃᓗᕕᖃᕐᕕᒃ ᐊᑖᑕᓐᓂᒃ ᑍᒐᔭᕈᒃᑯ, ᖁᒡᓗᒋᐊᕋᓛᓪᓗ ᐊᓈᓇᓐᓂᒃ ᑍᒍᒃᑭᑦ, ᐅᕝᕙᓗ ᓇᔭᓐᓂᒃ,

¹⁵ ᓂᕆᐅᒋᔭᒃᓴᕋᓕ ᑍᒪ ᓇᓃᓕᕋᔭᕐᐸ? ᑭᐊᓗ ᓂᕆᐅᖕᓂᕋ ᑕᑯᒐᔭᕐᐸᐅᒃ?

¹⁶ ᓂᕆᐅᖕᓂᕋ ᑐᖁᖓᔪᑦ ᐃᓂᖓᓄᐊᖃᑎᒋᔪᓐᓇᕋᔭᕐᐸᕌ? ᑕᐅᓄᖓ ᑐᖁᖓᔪᑦ ᐃᓂᖓᓄᑦ ᐊᑕᐅᑦᓯᒃᑰᕈᓐᓇᕋᔭᕐᐱᓅᒃ?”