ᔫᐱᐅᑉ ᐊᒡᓚᖏᑦ 15 - ᐊᒡᓔᑦ ᐃᑦᔪᕐᖕᓁᑦᑐᑦ

ᐅᖃᖃᑎᒌᖕᓂᐅᑉ ᐂᑉᐸᖓ 15:1—21:34 ᐃᓕᐹᓯ

¹ ᑕᕝᕙ ᐃᓕᐹᓯ ᑎᒪᓁᑎᒥᐅᖅ ᑭᐅᕗᖅ:

² “ᐃᓄᒃ ᓯᓚᑐᔪᖅ ᑭᐅᔪᓐᓇᕐᐹ ᐊᓄᕆᑎᑐᑦ ᖃᐅᔨᒪᓂᖃᕐᓗᓂ, ᐃᒻᒥᓂᒡᓗ ᐃᓗᒻᒥᕐᑎᓪᓗᓂ ᐊᓄᕆᒥᒃ ᓯᕿᓂᐅᑉ ᓄᐃᕕᐊᓂᑦ ᐱᔪᒥᒃ?

³ ᐃᓄᒃ ᓯᓚᑐᔪᖅ ᐃᓕᒃᑐᑦ ᐅᖃᓪᓚᒃᑲᔭᓐᖏᓚᖅ ᐅᕝᕙᓗ ᐃᒻᒥᓂᒃ ᓴᐳᑎᓇᓱᐊᕋᔭᓐᖏᓚᖅ ᐅᖃᐅᓯᑐᐃᓐᓇᕐᓄᑦ.

⁴ ᒎᑎᒥᒃ ᓯᕘᕋᖏᓐᓂᕐᒥᒃ ᐱᓇᓱᐊᓕᕐᐳᑎᑦ, ᑖᑦᓱᒧᖓᓗ ᑐᒃᓯᐊᕐᓂᕐᒥᒃ ᐊᒡᕕᐊᕈᑎᒃᓴᓕᐅᕐᓗᑎᑦ.

⁵ ᐱᐅᖏᑦᑐᓕᓂᕐᐱᑦ ᐊᔪᕆᕐᑐᕐᐹᑎᑦ ᐅᖃᐅᓯᒃᓴᕐᓂᒃ, ᐅᖃᐅᓰᓪᓗ ᓂᕈᐊᕐᓯᒪᓪᓗᒋᑦ ᓯᓔᕐᕆᒃᓯᓇᓱᐊᕈᑎᑎᑦ.

⁶ ᓇᖕᒥᓂᖅ ᐅᖃᐅᓯᕐᓄᑦ ᐸᓯᔭᐅᕗᑎᑦ, ᐅᕙᓐᓅᖏᑦᑐᖅ; ᖃᓂᕐᓄᑦ ᓇᖕᒥᓂᖅ ᓇᓗᓁᕐᐳᑎᑦ ᐊᑭᕋᕐᑐᕐᑕᐅᒐᕕᑦ.

⁷ ᐃᓄᓕᒫᓂᑦ ᐃᕐᓂᐊᕆᔭᐅᓯᒪᔪᓂᑦ ᓯᕗᓪᓕᕐᐸᐅᓯᒪᕖᑦ? ᐅᕝᕙᓗ ᐃᓅᓕᓚᐅᕐᐲᑦ ᖃᖅᑬᑦ ᓴᓇᔭᐅᓚᐅᕐᑎᓐᓇᒋᑦ?

⁸ ᒎᑎᐅᑉ ᐋᖅᑭᒃᓱᕋᓱᐊᓕᕐᑕᖏᓐᓂᒃ ᑐᓵᓚᐅᕐᓯᒪᕖᑦ? ᐃᓅᓪᓗ ᓯᓚᑐᓂᕆᔪᓐᓇᕐᑕᓕᒫᖏᓐᓂᒃ ᐱᓯᒪᔪᑑᕖᑦ?

⁹ ᓱᓇᒥᒃ ᖃᐅᔨᒪᕖᑦ ᖃᐅᔨᒪᓐᖏᑕᑦᑎᓐᓂᒃ? ᓱᓇᒥᒃ ᑐᑭᓯᓯᒪᕖᑦ ᑐᑭᓯᐅᒪᓐᖏᑕᑦᑎᓐᓂᒃ?

¹⁰ ᐃᓕᑎᑕᐅᓯᒪᕗᒍᑦ ᖀᖃᓕᕐᑐᓄᑦ ᐃᓄᑐᖃᐅᓕᕐᑐᓄᓪᓗ, ᐊᑖᑕᖕᓂᑦ ᐊᖓᔪᒃᓯᕐᓄᑦ ᓯᕗᓪᓕᐅᓯᒪᔪᓄᓪᓗ.

¹¹ ᒎᑎᐅᑉ ᒪᓂᒍᕐᓯᒪᕚᑎᑦ ᓱᖕᒪᓪᓕ ᐃᓕᖕᓄᑦ ᓱᓇᐅᓐᖏᓗᐊᕐᐸ? ᐅᕝᕙᓗ ᐅᖃᐅᓰᑦ ᐃᓕᖕᓂᒃ ᓂᑲᒍᓱᓗᐊᕆᕕᒌᑦ?

¹² ᓱᖕᒪᑦ ᐆᒻᒪᑎᒃᑯᑦ ᐃᓱᒪᒋᔭᕕᑦ ᐊᐅᓚᑐᐃᓐᓇᓕᕐᐹᑎᑦ, ᓱᖕᒪᓪᓗ ᓈᒻᒪᒃᓴᖏᓐᓂᕐᒧᑦ ᐃᔨᒃᑭᐅᒥᔭᒃᐱᑦ?

¹³ ᒎᑎᒥᒃ ᐊᓂᕐᓂᒃᑯᑦ ᐊᑭᕋᕐᑐᓕᕐᐳᑎᑦ, ᐅᖃᓪᓚᒡᕕᒋᓕᕐᓗᒍᓗ ᓈᒻᒪᒃᓴᖏᓐᓂᕆᔭᕐᓂᒃ?

¹⁴ ᐃᓄᒃ ᓇᓪᓕᐊᑦ ᐊᔪᕐᓂᖃᖏᑦᓯᐊᕈᓐᓇᕐᐸ? ᐅᕝᕙᓗ ᐊᕐᓇᒥᑦ ᐃᕐᓂᐊᖑᓯᒪᔪᖅ ᖃᓄᖅ ᐃᓱᐊᕐᑑᔪᓐᓇᕐᐸ?

¹⁵ ᑕᑯᒋᑦ ᒎᑎᐅᑉ ᐂᖏᓕᖁᑎᓂ ᐊᒡᓛᑦ ᑕᑎᒋᔪᓐᓇᓚᐅᓐᖏᓔᑦ, ᐊᒡᓛᑦ ᑖᑦᓱᒪ ᓵᖓᓂ ᕿᓔᑦ ᐃᑦᔪᕐᓁᑦᑑᓚᐅᖏᒻᒪᑕ.

¹⁶ ᐃᓄᒃ ᐱᐅᖏᑦᑐᓕᓂᕐᒥᒃ ᐃᒥᖃᑦᑕᕐᐳᖅ ᐃᒥᐅᔮᕐᑎᓪᓗᒍ, ᐄᓛᒃ, ᐃᓄᒃ ᓇᕐᕈᓇᕐᑐᐊᓘᕗᖅ; ᓱᓇᐅᖏᑦᓯᐊᕐᓗᓂᓗ.

¹⁷ ᔫᐲ, ᓈᓚᓚᐅᓐᖓ; ᑕᑯᓯᒪᔭᓐᓂᒃ ᐅᓂᒃᑳᕐᑎᓪᓗᖓ.

¹⁸ ᓯᓚᑐᔪᓄᑦ ᐊᔪᕆᕐᑐᕐᑕᐅᓯᒪᒐᒪ, ᓯᕗᓕᕕᓂᕐᒥᖕᓄᑦ ᐅᖃᕐᕕᐅᓯᒪᒐᒥᒃ ᐊᓐᖏᒍᑦᔭᐅᓇᑎᒃ,

¹⁹ ᑖᒃᑯᓄᖓᑐᐊᖅ ᓄᓇ ᑐᓂᔭᐅᓯᒪᓚᐅᕐᒪᑦ, ᑕᕝᕙᓂᓗ ᓄᓇᖃᖏᑦᑐᓄᑦ ᐊᖅᑯᓵᕐᑕᐅᕙᓚᐅᕋᑎᒃ.

²⁰ ᐃᓄᒃ ᐱᐅᖏᑦᑐᓕᔪᖅ ᐃᓅᖃᑎᒥᓂᒃ ᐅᖁᒤᒃᓴᕐᑎᑦᓯᕙᒃᑐᖅ, ᐋᓐᓂᐊᓇᕐᑐᒦᓐᓂᐊᕐᐳᖅ ᐃᓅᓯᓕᒫᓂ ᓈᓗᒍ.

²¹ ᑲᑉᐱᐊᓱᐊᕙᓗᖕᒥᒃ ᓂᐱᒥᒃ ᑐᓵᕙᖕᓂᐊᕐᐳᖅ; ᐃᓱᒫᓗᓇᕐᑐᖃᕐᑎᓐᓇᒍ ᐊᓯᕈᐃᔨᒧᑦ ᑎᑭᑕᐅᔪᒫᕐᐳᖅ.

²² ᑖᕐᑐᒥᑦ ᐊᓂᔭᕆᐊᒃᓴᖅ ᐊᔪᓕᕐᐳᖅ, ᓴᕕᒡᔪᐊᕐᓗ ᑐᖁᑦᓯᔪᒃᓴᖅ ᑖᑦᓱᒥᖓ ᐅᑕᖅᑭᕗᖅ.

²³ ᑎᖕᒥᐊᑦ ᑎᒥᕕᓂᕐᑐᓲᑦ ᐅᑕᖅᑭᕗᑦ ᓂᕆᔪᒪᒧᑦ, ᓇᖕᒥᓂᕐᓗ ᖃᐅᔨᒪᕗᖅ ᓯᕗᓂᖓ ᑖᕐᑐᒦᒻᒪᑦ.

²⁴ ᐃᓱᒪᔮᕐᓂᖅ ᐃᓱᒫᓘᑎᖃᕐᓂᕐᓗ ᐅᖁᒤᒃᓴᕈᑎᒋᕚ, ᐊᖓᔪᖅᑳᕐᔪᐊᑉ ᐅᓇᑕᕐᓂᕐᒧᑦ ᐸᕐᓇᖕᓂᖓᑐᑦ ᐱᓇᓱᐊᕐᑕᐅᕗᖅ.

²⁵ ᑍᒤᑦᑐᒦᑉᐳᖅ ᒎᑎᒥᒃ ᐊᒡᒐᖕᒥᓄᑦ ᐊᑭᕋᕐᑐᕐᓯᒪᓂᕐᒥᓄᑦ, ᓵᓚᖃᕋᓱᐊᕐᓯᒪᓪᓗᓂᓗ ᐊᔪᒐᖃᖏᑦᑐᒥᒃ.

²⁶ ᓴᖑᑎᑕᐅᔪᓐᓇᕋᓂ ᓵᓐᖓᓚᐅᕐᒪᑦ ᓴᐴᓗᑕᓂ ᑖᑦᓱᒧᖓ ᖁᒻᒧᐊᒃᑎᓪᓗᓂᐅᒃ;

²⁷ ᑍᒤᑦᑑᑉ ᑮᓇᓂ ᖁᐃᓂᓂᕐᒧᑦ ᐅᓕᒃᑕᐅᑎᓯᒪᕚ, ᑎᒥᓂᓗ ᐅᕐᓱᒧᑦ ᐅᓕᒃᓯᒪᔭᐅᑎᓪᓗᒍ.

²⁸ ᑖᓐᓇᐅᕗᖅ ᐃᒡᓗᒐᓴᖕᓂᒃ ᓄᓇᑖᕐᓯᒪᔪᖅ ᓵᓚᖃᕐᓂᒃᑯᑦ, ᐃᒡᓗᑖᕐᓯᒪᓪᓗᓂᓗ ᐃᓄᖏᓐᓂᑦ ᕿᒪᒃᑕᐅᓯᒪᔪᓂᒃ, ᐃᒡᓗᐃᓪᓕ ᐃᒡᓗᒐᓮᓪᓗ ᓄᖑᑕᐅᔪᒫᕐᐳᑦ ᐊᓯᕈᕐᑕᐅᓂᕐᒧᑦ.

²⁹ ᑖᑦᓱᒪᓕ ᐊᔪᕐᓴᖏᓐᓂᖓ ᓄᖑᔪᒫᕐᐳᖅ ᐊᑯᓂᐅᖏᑦᑐᖅ, ᐱᖁᑎᖏᓪᓗ ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᓂᐊᕋᑎᒃ;

³⁰ ᑖᕐᑐᕐᔪᐊᒥᑦ ᐊᓂᔪᓐᓇᕐᓂᐊᓐᖏᓚᖅ, ᓇᐹᕐᑐᑎᑐᑦ ᐊᕙᓚᖓᔪᖏᑦ ᐃᑯᐊᓪᓚᒃᓯᒪᔪᑎᑐᑦ ᑍᒤᑉᐳᖅ, ᐱᕈᕐᑐᖏᓪᓗ ᐊᓄᕆᒧᑦ ᑎᒃᑕᐅᔪᒫᕐᐳᑦ.

³¹ ᐃᒻᒥᓂᒃ ᓯᓔᕐᕆᓯᒪᕗᖅ; ᓱᓇᐅᖏᑦᑐᒥᒃ ᑕᑎᖃᕐᓯᒪᒐᒥ, ᑖᓐᓇ ᓱᓇᐅᖏᑦᑐᒥᒃ ᐊᑭᓕᕐᑕᐅᑦᔪᑎᖃᕈᒪᕐᐳᖅ.

³² ᐃᓅᓯᖓ ᓈᓚᐅᕐᑎᓐᓇᒍ ᐊᑭᓕᕐᑕᐅᔭᕇᕈᒫᕐᐳᖅ, ᐱᕈᕐᑐᖏᓪᓗ ᐊᕙᓚᖓᔪᑦ ᑐᖑᔪᕐᓯᓂᐊᕋᑎᒃ.

³³ ᕔᓂᒃᓴᓕᒃᑎᑐᑦ ᐱᕈᕇᖏᑦᑐᓂᒃ ᑲᑕᒊᔪᑎᑐᑦ ᑍᒤᑉᐳᖅ, ᓇᐹᕐᑐᑎᑐᓪᓗ ᐅᕐᓱᒃᓴᓂᒃ ᑲᑕᒊᔪᑎᑐᑦ ᑍᒤᓪᓗᓂ.

³⁴ ᒎᑎᖃᖏᑦᑐᑦ ᓇᔪᕐᑕᖏᑦ ᑭᖑᕚᒃᓴᖃᕐᓂᐊᓐᖏᓚᑦ, ᐃᒡᓗᖏᑦ ᐃᑯᒪᒧᑦ ᓄᖑᑕᐅᔪᒫᕐᐳᑦ ᓯᓔᕐᕆᒃᓯᓂᒃᑯᑦ ᐱᓕᕆᓯᒪᔪᑦ.

³⁵ ᐊᑲᐅᖏᑦᑐᓕᓂᕐᒥᒃ ᓄᑕᕋᒃᓴᕐᑖᕋᒥᒃ ᐱᐅᖏᑦᑐᒥᒃ ᕿᑐᕐᖓᕐᑖᕐᐳᑦ; ᐆᒻᒪᑎᖏᓪᓗ ᓯᓔᕐᕆᒃᓯᓂᕐᒥᒃ ᐅᐸᓗᖎᔧᓯᒪᓪᓗᑎᒃ.”