ᔪᐊᓇᓯᐅᑉ ᐊᒡᓚᖏᑦ 21 - ᐊᒡᓔᑦ ᐃᑦᔪᕐᖕᓁᑦᑐᑦ

ᔩᓱᓯᐅᑉ ᓴᖅᑭᓐᓂᖓ ᐃᓕᓐᓂᐊᕐᑎᓄᑦ 7ᓄᑦ

¹ ᑕᒪᑐᒪ ᑭᖑᕐᖓᒍᑦ ᔩᓱᓯ ᓴᖅᑭᒃᑲᓐᓂᓚᐅᕆᕗᖅ ᐃᓕᓐᓂᐊᕐᑎᒥᓄᑦ ᑍᐱᐅᕆᐊᓯᐅᑉ ᑕᓯᕐᔪᐊᖓᑕ ᓴᓂᐊᓂ; ᐃᒫᒃ ᐱᓂᐊᕐᓂᖃᕐᓗᓂ ᓴᖅᑭᓚᐅᕐᐳᖅ.

² ᑲᑎᓐᖓᓚᐅᕐᐳᑦ ᐅᑯᐊ ᓮᒨᓂ ᐲᑦᑐᕉᓯ, ᑑᒪᓯᓗ ᒪᕐᕈᓕᐊᕕᓂᕐᒥᒃ ᑍᔭᖅ, ᓈᑕᓁᓗ ᑬᓇᒥᑦ ᒐᓕᓕᐊᒦᑦᑐᒥᑦ ᐱᓯᒪᔪᖅ, ᓯᐱᑎᐅᓪᓗ ᐃᕐᓂᖏᒃ ᒪᕐᕉᒃ, ᐊᓯᖏᒡᓗ ᒪᕐᕉᒃ ᔩᓱᓯᐅᑉ ᐃᓕᓐᓂᐊᕐᑎᖏᒃ.

³ ᓮᒨᓂ ᐲᑦᑐᕉᓯᐅᑉ ᐃᓚᓂ ᐅᖃᐅᑎᕔᑦ, “ᐃᖃᓪᓕᐊᓕᕋᒪ.” ᑖᒃᑯᐊ ᐅᖃᐅᑎᕚᑦ, “ᐃᓚᒋᓂᐊᕐᐸᑦᑎᒋᑦ.” ᐊᓂᒐᒥᒡᓗ ᐅᒥᐊᒧᐊᕐᐳᑦ; ᐅᓐᓄᐊᒥᓕ ᑕᒪᑐᒪᓂ ᐃᖃᓗᓚᐅᓐᖏᓚᑦ.

⁴ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ, ᔩᓱᓯ ᑕᓯᐅᑉ ᓯᓈᓂ ᓇᖏᕐᐳᖅ; ᐃᓕᓐᓂᐊᕐᑎᑦ ᖃᐅᔨᒪᓐᖏᓚᑦ ᔩᓱᓯᐅᓂᖓᓂᒃ.

⁵ ᔩᓱᓯᐅᑉ ᐊᐱᕆᕔᑦ, “ᕿᑐᕐᖎᑦ, ᐃᖃᓗᓚᐅᓐᖏᓚᓰ?” ᑖᒃᑯᐊ ᑭᐅᕚᑦ, “ᐃᖃᓗᓚᐅᓐᖏᓚᒍᑦ.”

⁶ ᑕᕝᕙ ᐅᖃᐅᑎᕔᑦ, “ᓄᓗᐊᓯ ᓂᖏᑎᓚᐅᕐᓯᐅᒃ ᐅᒥᐊᑉ ᑕᓕᕐᐱᐊᓄᑦ, ᑕᕝᕙ ᐃᖃᓗᖕᓂᐊᕐᐳᓯ.” ᑕᕝᕙ ᓄᓗᐊᑎᒃ ᓂᖏᑎᑉᐰᑦ, ᐊᒧᐊᕈᓐᓇᕈᓐᓁᕐᓗᒋᑦ, ᐃᖃᓗᐃᑦ ᐅᓄᕐᓂᖏᓐᓄᑦ.

⁷ ᑕᕝᕙ ᐃᓕᓐᓂᐊᕐᑎᐅᑉ ᔩᓱᓯᐅᑉ ᓇᒡᓕᒋᔭᖓᑕ ᐲᑦᑐᕉᓯ ᐅᖃᐅᑎᕚ, “ᐊᑕᓂᐅᕗᖅ!” ᓮᒨᓂᓕ ᐲᑦᑐᕉᓯ ᑐᓴᕋᒥ ᐊᑕᓂᐅᖕᒪᑦ, ᐊᓐᓄᕌᓂ ᓯᓚᓪᓕᖅ ᐊᑎᕚ ᐲᕐᓯᒪᓚᐅᕋᒥᐅᒃ ᐱᓇᓱᐊᕐᓗᓂ, ᐃᒫᓄᓪᓗ ᒥᓯᒃᐳᖅ.

⁸ ᐃᓕᓐᓂᐊᕐᑏᓪᓕ ᓄᓇᓕᐊᕐᐳᑦ ᐅᒥᐊᒃᑯᑦ, ᓄᓗᐊᒥᖕᓂᒃ ᑲᓕᓪᖢᑎᒃ ᐃᖃᓗᖕᓂᒃ ᑕᑕᑦᑐᓂᒃ, ᓄᓇᒧᑦ ᐅᖓᓯᖏᓐᓇᒥᒃ, ᐆᒃᑐᑎᓂᒃ 100ᓂᒃ ᐅᖓᓯᖕᓂᖃᕋᒥᒃ ᓄᓇᒧᑦ.

⁹ ᓄᓇᒧᑦ ᓂᐅᒐᒥᒃ, ᑕᑯᕗᑦ ᕿᔪᒃᓴᓂᒃ ᐃᑯᒪᔪᓂᒃ, ᐃᖃᓗᖕᓂᒡᓗ ᐃᒐᔭᐅᔪᓂᒃ, ᓂᐊᖂᔭᓂᒡᓗ.

¹⁰ ᔩᓱᓯᐅᑉ ᐅᖃᐅᑎᕔᑦ, “ᐃᖃᓗᕋᑖᕐᑕᑦᓯᓐᓂᒃ ᑕᒪᐅᓐᖕᒊᒋᑦᓯ.”

¹¹ ᑕᕝᕙ ᓮᒨᓂ ᐲᑦᑐᕉᓯ ᐅᒥᐊᒧᑦ ᐃᑭᓪᓗᓂ ᓄᓗᐊᑦ ᓄᓇᒧᑦ ᐅᓂᐊᕐᐰᑦ, ᐃᖃᓗᖕᓂᒃ ᐊᖏᔫᑎᓂᒃ ᑕᑕᑦᑐᑦ, 153ᓂᒃ; ᐃᖃᓗᐃᑦ ᑍᒫᒃ ᐅᓄᕐᑎᒋᒐᓗᐊᕐᒪᑕ, ᓄᓗᐊᑦ ᐊᓕᒃᑕᐅᓐᖏᓚᑦ.

¹² ᔩᓱᓯᐅᑉ ᐅᖃᐅᑎᕔᑦ, “ᕾᓗᓯ ᓂᕆᓕᕆᑦᓯ.” ᐃᓕᓐᓂᐊᕐᑏᓪᓗ ᓇᓪᓕᐊᑦᑕᓘᓐᓃᑦ ᐊᐱᕆᔪᒪᓐᖏᓛ, “ᑭᓇᐅᕕᑦ” ᖃᐅᔨᒪᒐᒥᒃ ᐊᑕᓂᐅᖕᒪᑦ.

¹³ ᔩᓱᓯ ᕾᒐᒥ ᓂᐊᖂᔭᖅ ᑎᒍᕚ ᑖᒃᑯᓄᖓ ᑐᓂᓪᓗᒍ, ᑍᒤᓕᐅᕆᕗᕐᑕᐅᖅ ᐃᖃᓗᖕᓂᒃ.

¹⁴ ᑕᒪᑦᔭ ᔩᓱᓯᐅᑉ ᐱᖓᔪᖓᓐᓂᒃ ᓴᖅᑭᓐᓂᕆᓚᐅᕐᑕᖓ ᐃᓕᓐᓂᐊᕐᑎᒥᓄᑦ ᑐᖁᖓᔪᓂᑦ ᒪᑭᓐᓂᖓᑕ ᑭᖑᕐᖓᓂ.

ᔩᓱᓯᐅᑉ ᐲᑦᑐᕉᓯᐅᓪᓗ ᐅᖃᖃᑎᒌᖕᓂᖓᒃ

¹⁵ ᓂᕆᔭᕇᕋᒥᒡᓕ, ᔩᓱᓯ ᐅᖃᕐᐳᖅ ᓮᒨᓂ ᐲᑦᑐᕉᓯᒧᑦ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐅᑯᓇᖔᑦ ᐱᓐᓇᕆᓂᕐᓴᕆᕕᖔ?” ᐲᑦᑐᕉᓯᐅᑉ ᑭᐅᕚ, “ᐃᓛᒃ ᐊᑕᓃᖅ; ᖃᐅᔨᒪᕗᑎᑦ ᓇᒡᓕᒋᒐᒃᑭ.” ᔩᓱᓯᐅᑉ ᐅᖃᐅᑎᕚ, “ᓰᐱᓛᖁᑎᒃᑲ ᓂᕆᑎᓐᓂᐊᒃᑭᑦ.”

¹⁶ ᐂᑉᐸᖓᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ ᔪᐊᓇᓯᐅᑉ ᐃᕐᓂᖓ, ᐱᓐᓈᕆᕕᖔ?” ᑖᑦᓱᒪ ᑭᐅᕚ, “ᐃᓛᒃ ᐊᑕᓃᖅ, ᖃᐅᔨᒪᕗᑎᑦ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᐰᕆᓂᐊᒃᑭᑦ.”

¹⁷ ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

¹⁸ ᓱᓕᔪᒥᒃ ᐅᖃᐅᑎᕙᒋᑦ, ᐃᓅᓱᒃᑑᑎᓪᓗᑎᑦ, ᐃᓕᖕᓂᒃ ᑕᑦᓯᕈᓯᕐᓗᑎᑦ ᐂᕙᓚᐅᕐᐳᑎᑦ ᐂᕕᒋᔪᒪᔭᕐᓄᑦ; ᐃᑦᑑᓕᕈᕕᓪᓕ ᑕᓖᒃᑭᒃ ᐃᓴᒍᒫᕐᐹᒃᑭᒃ, ᐊᓯᕕᓪᓗ ᑕᑦᓯᕈᓯᕈᒫᕐᐹᑎᑦ ᐂᑎᓪᓗᑎᑦ ᐂᕕᒋᔪᒪᓐᖏᑕᕐᓄᑦ.”

¹⁹ ᔩᓱᓯ ᑕᒪᑐᒥᖓ ᐅᖃᓚᐅᕐᐳᖅ, ᐲᑦᑐᕉᓯᐅᑉ ᑐᖁᑕᐅᓗᓂ ᒎᑎᐅᑉ ᓂᕐᑐᕐᓇᕐᑎᑕᐅᓂᕆᓛᕐᑕᖓᓂᒃ ᐅᖃᐅᓯᖃᕐᓗᓂ. ᑕᒪᑐᒪ ᑭᖑᕐᖓᒍᑦ ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.”

ᔩᓱᓯ ᐃᓕᓐᓂᐊᕐᑎᓗ

²⁰ ᐲᑦᑐᕉᓯᓕ ᑐᓄᒻᒧᑦ ᕿᕕᐊᕋᒥ ᑐᓄᒥᓃᑦᑐᒥᒃ ᑕᑯᕗᖅ ᐃᓕᓐᓂᐊᕐᑎᒥᒃ ᔩᓱᓯᐅᑉ ᓇᒡᓕᒋᔭᖓᓂᒃ, ᑖᓐᓇ ᐅᓐᓄᒃᓯᐅᑎᒥᒃ ᓂᕆᓪᓗᑎᒃ ᔩᓱᓯᒧᑦ ᐄᒐᖓᓚᐅᕐᑐᖅ ᐊᐱᕆᓚᐅᕐᑐᕐᓗ, “ᐊᑕᓃᖅ, ᓇᓪᓕᐊᑦᑕ ᐱᔭᐅᑎᓐᓂᐊᕐᐹᑏᑦ?”

²¹ ᐲᑦᑐᕉᓯᐅᑉ ᑕᑯᒐᒥᐅᒃ, ᔩᓱᓯ ᐅᖃᐅᑎᕚ, “ᐊᑕᓃᖅ ᐅᓇᓕ ᐊᖑᑦ ᖃᓄᐃᓕᖓᓂᐊᕐᐹ?”

²² ᔩᓱᓯᐅᑉ ᐅᖃᐅᑎᕚ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ, ᐃᕝᕕᓪᓕ ᒪᓕᓐᖓ!”

²³ ᑕᕝᕙ ᔩᓱᓯᐅᑉ ᒪᓕᒃᑎᖏᑦ ᐅᖃᖃᑦᑕᐅᑎᓕᕐᐳᑦ ᐅᓇ ᐃᓕᓐᓂᐊᕐᑎ ᑐᖁᓂᐊᓐᖏᓚᖅ; ᔩᓱᓯ ᐅᖃᓚᐅᓐᖏᓚᖅ ᑐᖁᓂᐊᖏᓐᓂᕋᕐᓗᓂᐅᒃ; ᐅᖃᓚᐅᕐᐳᕐᓕ, “ᐃᓅᖏᓐᓇᖁᒍᒃᑯ ᑎᑭᓚᐅᖏᓐᓂᓐᓂ, ᐃᓱᒪᓇᓐᖏᓚᖅ ᐃᓕᖕᓄᑦ.”

²⁴ ᑖᓐᓇᐅᕗᖅ ᐃᓕᓐᓂᐊᕐᑎ ᑕᒪᒃᑯᓂᖓ ᐅᖃᐅᓯᖃᕐᑐᖅ, ᑕᒪᒃᑯᐊ ᑎᑎᕋᓚᐅᕐᐰᑦ; ᖃᐅᔨᒪᕗᒍᓪᓗ ᐅᖃᐅᓯᕆᔭᖏᑦ ᓱᓕᖕᒪᑕ.

ᐅᖃᐅᓰᑦ ᑭᖑᓪᓕᕐᐹᑦ

²⁵ ᐊᓯᖏᓐᓂᒃᑕᐅᖅ ᔩᓱᓯ ᐊᒥᓱᓂᒃ ᐱᓂᐊᕐᓂᖃᓚᐅᕐᐳᖅ; ᐱᓂᐊᕐᓂᕆᓚᐅᕐᑕᖏᓪᓕ ᐊᑕᖏᕐᓗᑎᒃ ᑎᑎᕋᕐᑕᐅᒐᔭᕐᐸᑕ ᑭᖑᓕᕇᒃᑕᕐᓂᖏᑦ ᒪᓕᒡᓗᒋᑦ, ᓯᓚᕐᔪᐊᕐᒥᐅᑦ ᑖᒃᑯᓂᖓ ᑎᑎᕋᕐᓯᒪᔪᓂᒃ ᐱᓯᒪᔪᓐᓇᕋᓱᒋᓐᖏᓚᒃᑲ.