ᔪᐊᓇᓯᐅᑉ ᐊᒡᓚᖏᑦ 16 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᑕᒪᒃᑯᓂᖓ ᐅᖃᐅᑎᕙᑦᓯ ᐹᓪᓚᖁᓇᓯ.

² ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂᑦ ᐊᓂᑎᑕᐅᔪᒫᕐᐳᓯ; ᓇᓪᓕᐅᑎᔪᒫᕐᐳᖅ ᓇᓪᓕᐊᑦ ᐃᓕᑦᓯᓐᓂᒃ ᑐᖁᑦᓯᓗᑎᒃ ᒎᑎᒥᒃ ᐱᔨᑦᓯᕋᓱᒋᔪᒫᕐᓂᖓᑦ.

³ ᑍᒤᓕᐅᕐᕕᐅᔪᒫᕐᐳᓯ ᐊᑖᑕᒐᓗ ᐅᕙᒍᒃ ᖃᐅᔨᒪᖏᓐᓇᒥᑎᒃᑯᒃ.

^4a ᑕᒪᒃᑯᓂᖓᓕ ᐅᖃᐅᑎᓚᐅᕐᐸᑦᓯ, ᑕᒪᓐᓇ ᐱᕕᒃᓴᖓᑦ ᓇᓪᓕᐅᑎᒃᐸᑦ ᐃᖅᑬᓕᖁᓪᓗᓯ ᑖᒃᑯᓂᖓ ᐅᖃᐅᓯᖃᓚᐅᕐᓂᓐᓂᒃ ᐃᓕᑦᓯᓐᓄᑦ.”

ᐊᓂᕐᓂᐅᑉ ᐃᑦᔪᕐᓁᑦᑑᑉ ᐱᓇᓱᐊᕐᓂᖓ

^4b “ᑕᒪᒃᑯᓂᖓ ᐱᒋᐊᕐᓂᖓᓂᑦ ᐅᖃᐅᑎᓚᐅᓐᖏᓚᑦᓯ, ᓇᔪᓚᐅᕋᑦᓯ.

⁵ ᒫᓐᓇᓕ ᑎᓕᔨᓐᓄᑦ ᐂᓂᐊᕐᐳᖓ; ᐊᐱᕆᔪᖃᓐᖏᓚᓯᓕ ᓇᒧᖓᕐᓂᐊᕐᒪᖔᕐᒪ.

⁶ ᑕᒪᒃᑯᓂᖓᓕ ᐅᖃᐅᑎᒐᑦᓯ, ᐆᒻᒪᑎᑦᓯᒍᑦ ᕿᒃᓵᓕᕐᐳᓯ.

⁷ ᓱᓕᔪᒥᒃ ᐅᖃᐅᑎᕙᑦᓯ: ᐃᓕᑦᓯᓐᓄᑦ ᐱᕙᓪᓕᕐᓇᕐᓂᕐᓴᐅᕗᖅ ᐊᐅᓪᓚᕈᒪ, ᐊᐅᓪᓚᖏᒃᑯᒪ, ᐃᑲᔪᕐᑎᐅᑉ ᑎᑭᓐᓂᐊᖏᒻᒪᓯ; ᐊᐅᓪᓚᕈᒪᓕ, ᐃᓕᑦᓯᓐᓄᑦ ᑎᓕᓛᕐᐸᕋ.

⁸ ᑎᑭᒍᓂᓗ, ᓯᓚᕐᔪᐊᕐᒥᐅᑦ ᑐᑭᓯᑎᓛᕐᐰᑦ ᐊᔪᕐᓂᕐᒥᒃ ᓇᓛᒎᕐᓂᕐᒥᒡᓗ ᐃᖅᑲᕐᑐᕐᑕᐅᓂᕐᒥᒡᓗ.

⁹ ᐊᔪᕐᓂᖅ ᐱᑦᔪᑎᒋᓪᓗᒍ, ᐅᕙᓐᓄᑦ ᐅᒃᐱᖏᒻᒪᑕ;

¹⁰ ᓇᓛᒎᕐᓂᖅ ᐱᑦᔪᑎᒋᓪᓗᒍ, ᐊᑖᑕᒧᐊᕐᓂᐊᕐᐳᖓ, ᑕᑯᓂᐊᕈᓐᓃᕐᐸᑦᓯᓐᖓᓗ;

¹¹ ᐃᖅᑲᕐᑐᐃᓂᖅ ᐱᑦᔪᑎᒋᓪᓗᒍ, ᓯᓚᕐᔪᐊᑉ ᒪᑐᒪ ᐊᐅᓚᑦᓯᔨᖓ ᐃᖅᑲᕐᑐᕐᑕᐅᖕᒪᑦ.

¹² “ᓱᓕ ᐊᒥᓱᓂᒃ ᐅᖃᐅᓯᒃᓴᖃᕋᓗᐊᕐᐳᖓ ᐃᓕᑦᓯᓐᓄᑦ, ᒫᓐᓇᓕ ᑐᓴᕈᑦᓯᐅᒃ ᓇᓗᓇᓗᐊᕐᐳᑦ ᐃᓕᑦᓯᓐᓄᑦ.

¹³ ᓱᓕᔫᓪᓕ ᐊᓂᕐᓂᖓ ᑎᑭᒃᑯᓂ, ᓱᓕᓂᕐᓄᑦ ᑕᒤᓐᓄᑦ ᑕᓯᐅᓛᕐᐹᓯ; ᓇᖕᒥᓂᖅ ᐱᔪᓐᓇᕐᓂᓂ ᒪᓕᒡᓗᒍ ᐅᖃᓪᓚᓛᖏᒻᒪᑦ, ᑐᓴᕐᑕᒥᓂᒡᓕ ᐅᖃᐅᑦᔨᔪᒫᕐᐳᖅ, ᓇᓪᓕᐅᑎᔪᒫᕐᑐᓂᒡᓗ ᐅᖃᐅᑎᔪᒫᕐᐹᓯ.

¹⁴ ᑖᑦᓱᒪ ᓂᕐᑐᕐᓇᕐᑎᑦᑐᒫᕐᐹᖓ, ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕐᓂᐊᕐᒪᑦ ᐃᓕᑦᓯᓐᓄᑦ.

¹⁵ ᐊᑖᑕᒪ ᐱᖏᑦ ᐱᒋᕙᒃᑲ; ᑍᒤᒻᒪᑦ ᐅᖃᕐᐳᖓ ᑖᓐᓇ ᐅᖃᐅᓯᓐᓂᒃ ᐅᖃᐅᓯᖃᕈᒫᕐᐳᖅ ᐃᓕᑦᓯᓐᓄᑦ.”

ᕿᒃᓵᒃᑎᑕᐅᓂᖅ ᖁᕕᐊᓱᒃᑎᑕᐅᓂᕐᓗ

¹⁶ “ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ; ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ.”

¹⁷ ᑕᕝᕙ ᐃᓕᓐᓂᐊᕐᑎᖏᑕ ᐃᓚᖏᑦ ᐃᒻᒥᖕᓄᑦ ᐅᖃᖃᑦᑕᐅᑎᓕᕐᐳᑦ, “ᖃᓄᕐᖑᓇ ᑐᑭᓕᖕᓂᒃ ᐅᖃᓪᓚᓕᕐᑐᖅ, ᐅᖃᐅᑎᖕᒪᑎᒍᑦ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ’; ᐅᖃᕆᓪᓗᓂᓗ, ‘ᐊᑖᑕᒧᑦ ᐂᓂᐊᕋᒪ.’

¹⁸ ᖃᓄᕐᖑᓈ ᑐᑭᓕᒃ ‘ᐊᑯᓂᐅᖏᑦᑐᖅ’? ᖃᓄᖅ ᐅᖃᕋᓱᐊᕐᒪᖔᑦ ᑐᑭᓯᓐᖏᓚᕗᑦ.”

¹⁹ ᔩᓱᓯᐅᓪᓕ ᖃᐅᔨᒪᒐᒥᒋᑦ ᐊᐱᕐᓱᕈᒪᓂᖏᑦ; ᐅᖃᐅᑎᕔᑦ, “ᐅᖃᕋᒪ, ‘ᐊᑯᓂᐅᖏᑦᑐᖅ ᑕᑯᖃᑦᑕᕐᓂᐊᕈᓐᓃᕐᐸᑦᓯᓐᖓ, ᐊᑯᓂᐅᖏᑦᑐᕐᓗ ᑕᑯᓂᐊᕆᕙᑦᓯᓐᖓ’ ᑕᒪᓐᓇ ᑕᕝᕙ ᐃᓕᑦᓯᓐᓄᑦ ᐊᐱᕐᓲᑎᒋᔭᓰ?

²⁰ ᓱᓕᔪᒥᒃ ᐅᖃᐅᑎᕙᑦᓯ, ᕿᐊᓗᓯᓗ ᐅᒡᒍᐊᓛᕐᐳᓯ, ᓯᓚᕐᔪᐊᕐᒥᐅᓪᓕ ᖁᕕᐊᓱᓛᕐᐳᑦ; ᐃᓕᑦᓯᓕ ᕿᒃᓵᒍᒫᕐᐳᓯ, ᕿᒃᓵᖕᓂᓯᓕ ᖁᕕᐊᓱᓂᖑᕐᑎᑕᐅᓛᕆᕗᖅ.

²¹ ᐊᕐᓇᖅ ᓄᑕᕋᕐᑖᕋᓱᒃᑯᓂ ᕿᒃᓵᓕᕐᐳᖅ, ᓇᓪᓕᐅᓐᓂᖓ ᓇᓪᓕᐅᑎᖕᒪᑦ; ᓄᑕᕋᑯᓗᒡᓕ ᐃᕐᓂᐊᕆᔭᕇᕈᓂᐅᒃ, ᐃᓗᖏᕐᓱᕐᓂᕆᖅᑲᐅᔭᓂ ᐳᐃᒍᕐᐹ, ᖁᕕᐊᓱᓕᕐᐳᖅ ᓄᑕᕋᑯᓗᒃ ᐃᕐᓂᐊᖑᖕᒪᑦ ᓯᓚᕐᔪᐊᕐᒧᑦ.

²² ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

²³ “ᐅᓪᓗᖅ ᓇᓪᓕᐅᑎᒃᐸᑦ ᐅᕙᓐᓂᒃ ᐊᐱᕐᓲᕈᓐᓃᕈᒫᕐᐳᓯ. ᓱᓕᔪᒥᒃ ᐅᖃᐅᑎᕙᑦᓯ, ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᓱᓇᑐᐃᓐᓇᕐᒥᒃ, ᑖᑦᓱᒪ ᑐᓂᓯᕕᒋᓂᐊᕐᐹᓯ ᐊᑎᓐᓂ.

²⁴ ᒫᓐᓇᒧᑦ ᑎᑭᓪᓗᒍ ᑐᒃᓯᐊᓚᐅᓐᖏᓚᓯ ᓱᓇᑐᐃᓐᓇᕐᒥᒃ ᐊᑎᓐᓂ; ᑐᒃᓯᐊᕆᑦᓯ, ᑐᓂᓯᕕᐅᓂᐊᕐᐳᓯ ᑕᕝᕙ, ᖁᕕᐊᓱᖕᓂᓯ ᓈᒻᒪᒃᓯᑦᓯᐊᖁᓪᓗᒍ.”

ᓯᓚᕐᔪᐊᕐᒥᒃ ᓵᓚᖃᕐᓂᖅ

²⁵ “ᐊᑦᔨᐅᔪᓂᒃ ᐊᑐᕐᓗᖓ ᑕᒪᒃᑯᓂᖓ ᐅᖃᐅᑎᖃᑦᑕᓚᐅᕐᐸᑦᓯ; ᓇᓪᓕᐅᑎᔪᒫᕐᐳᕐᓕ ᐊᑦᔨᐅᔪᓂᒃ ᐊᑐᕐᓗᖓ ᐃᓕᑦᓯᓐᓄᑦ ᐅᖃᖃᑦᑕᕈᓐᓃᕐᕕᒃᓴᕋ ᑐᑭᓯᓇᑦᓯᐊᕐᑐᓂᒡᓕ ᐅᖃᕐᕕᒋᖃᑦᑕᓛᕐᐸᑦᓯ ᐊᑖᑕᒥᒃ.

²⁶ ᑕᒪᓐᓇ ᐅᓪᓗᖅ ᓇᓪᓕᐅᑎᒃᐸᑦ ᑐᒃᓯᐊᕈᒫᕐᐳᓯ ᐊᑎᓐᓂ; ᐅᖃᓐᖏᓚᖓᓕ ᐊᑖᑕ ᑐᒃᓯᐊᕐᕕᒋᔪᒪᓂᕋᕐᓗᒍ ᐱᑦᔪᑎᒋᓗᓯ;

²⁷ ᐊᑖᑕᐅᑉ ᓇᖕᒥᓂᖅ ᓇᒡᓕᒋᖕᒪᓯ, ᓇᒡᓕᒋᒐᑦᓯᓐᖓ ᐅᒃᐱᕐᓗᓯᓗ ᒎᑎᒥᑦ ᐱᓚᐅᕋᒪ.

²⁸ ᐊᑖᑕᒥᑦ ᐱᓯᒪᕗᖓ ᓯᓚᕐᔪᐊᕐᒧᐊᕐᓗᖓᓗ; ᒫᓐᓇᓕ ᓯᓚᕐᔪᐊᖅ ᕿᒪᖕᓂᐊᕐᐸᕋ ᐊᑖᑕᒧᑦ ᐂᓗᖓ.”

²⁹ ᐃᓕᓐᓂᐊᕐᑎᖏᑕ ᐅᖃᐅᑎᕚᑦ, “ᒫᓐᓇ ᑐᑭᓯᓇᑦᓯᐊᕐᑐᓂᒃ ᐅᖃᐅᓯᖃᓕᕐᐳᑎᑦ, ᐊᑦᔨᐅᔪᓂᒡᓗ ᐅᖃᐅᓯᖃᕐᓇᒃ.

³⁰ ᒫᓐᓇ ᑐᑭᓯᕗᒍᑦ ᓱᓇᓕᒫᑦ ᖃᐅᔨᒪᒐᕕᒋᑦ, ᐊᐱᕆᔭᐅᔭᕆᐊᖃᓐᖏᓚᑎᓪᓗ; ᑕᒪᓐᓇ ᐱᑦᔪᑎᒋᓪᓗᒍ ᐅᒃᐱᕈᓱᒃᐳᒍᑦ ᒎᑎᒥᑦ ᐱᓯᒪᓂᕐᓂᒃ.”

³¹ ᔩᓱᓯᐅᑉ ᑭᐅᕔᑦ, “ᒫᓐᓈ ᐅᒃᐱᓕᕐᐱᓰ?

³² ᓇᓪᓕᐅᑦᑐᒃᓴᖅ ᓇᓪᓕᐅᑎᔪᒫᕐᐳᖅ, ᒫᓐᓇᓗ ᐊᑐᓕᕐᐸᕗᑦ, ᓇᒧᑐᐃᓐᓇᖅ ᓯᐊᒻᒪᕐᑎᑕᐅᕕᒃᓴᓯ, ᐊᑐᓂᑦ ᐊᖏᕐᕋᑦᓯᓐᓄᐊᕐᓗᓯ, ᐅᕙᖓᓗ ᐃᓄᑑᑎᓪᓗᖓ ᕿᒪᒃᑕᐅᓛᕐᐳᖓ; ᑭᓯᐊᓂᓕ ᐃᓄᑑᓐᖏᓚᖓ, ᐊᑖᑕᐅᑉ ᓇᔪᕐᒪᖓ.

³³ ᑕᒪᒃᑯᓂᖓ ᐅᖃᐅᑎᓚᐅᕐᐸᑦᓯ, ᐅᕙᓐᓃᓪᓗᓯ ᐃᓱᒪᔮᖁᓇᓯ. ᓯᓚᕐᔪᐊᕐᒥ ᐅᖁᒤᒃᓴᕐᓇᕐᑐᒦᑉᐳᓯ; ᓯᕘᕋᓇᓯᓕ, ᓯᓚᕐᔪᐊᖅ ᓵᓚᒋᓯᒪᒐᒃᑯ.”