ᔨᕆᒤᐊᐅᑉ ᐊᒡᓚᖏᑦ 49 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᐅᑉ ᐃᖅᑲᕐᑐᐃᓂᖓ ᐊᒧᓁᑎᒥᐅᓂᒃ 1 ᐊᒧᓁᑎᒥᐅᑦ ᐱᓪᓗᒋᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ ᑭᖑᕚᒃᓴᕐᑖᕐᓂᖏᒻᒪᑖ? ᑭᖑᕐᖑᑦᔨᔪᒃᓴᖃᓐᖏᓛᖅ? ᖃᓄᐃᒻᒪᓪᓕ ᒫᓕᑭ ᒑᑎᒥᐅᓂᒃ ᑎᒍᓯᓯᒪᕚ? ᐊᒧᓁᑎᒥᐅᓂᒡᓗ ᐃᓄᖃᐅᕐᓗᑎᒃ ᓄᓇᓕᖏᑦ. 2 ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᖁᔨᓗᖓ ᓂᓪᓕᕈᒫᕋᒪ ᕌᐸᒥᐅᓄᑦ ᐊᒧᓁᑎᒦᑦᑐᓄᑦ, ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᓄᓇᓖᓪᓗ ᖃᓂᒋᔭᖓᓃᑦᑐᑦ ᐃᑭᓐᓂᑯᐃᓐᓇᐅᓕᕐᓗᑎᒃ, ᐃᓴᕆᐊᓕᒥᐅᓪᓗ ᐊᕐᓵᕐᓯᔪᒫᕐᐳᑦ ᐊᕐᓵᕐᓯᔨᒋᓚᐅᕐᑕᒥᖕᓂᒃ, ᐊᑕᓂᖅ ᐅᖃᕐᐳᖅ. 3 ᕼᐃᓴᐸᓂᒥᐅᑕᐅᔪᓯ ᓂᐹᕐᓗᓯ ᕿᐊᓕᕆᑦᓯ, ᐂᒥᐅᑦ ᐊᓯᕈᕐᑕᐅᖕᒪᑕ, ᕌᐸᒥᐅᑦ ᐊᕐᓁᑦ ᕿᐊᓕᕆᑦᓯ! ᐆᒪᔫᑉ ᒥᖅᑯᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᕐᓗᓯ ᐅᒡᒍᐊᕐᓂᑦᓯᓐᓂᒃ ᓴᖅᑭᑎᑦᓯᓕᕆᑦᓯ, ᐊᕙᒻᒧᑐᐃᓐᓇᓕᕆᑦᓯ ᐊᕙᓗᕐᔪᐊᑉ ᐃᓗᐊᓂ, ᒎᑎᓯ ᒫᓕᑭ ᑎᒍᔭᐅᓗᓂ ᐊᐅᓪᓚᕈᑦᔭᐅᖕᒪᑦ ᑐᓂᕐᕈᓯᕐᑎᑦᓯᔨᖁᑎᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓪᓗᑎᒃ. 4 ᓱᖕᒪᑦ ᐅᓇᖕᒥᓁᔭᐅᑎᖃᕐᐱᓰ ᓇᕐᓴᖁᑎᑦᓯᓐᓂᒃ ᐱᕈᕐᑐᖃᑦᓯᐊᕐᐸᒃᑐᓂᒃ, ᐃᓕᑦᓯ ᐊᓯᓐᓂᐊᕐᑎᐅᔪᓯ ᐊᔪᕐᓴᖏᑦᔪᑎᑦᓯᓐᓂᒃ ᑕᑎᖃᕐᓗᓯ ᐅᖃᕐᐸᒃᐳᓯ, ‘ᐅᓇᑕᕐᑕᐅᓂᐅᔭᓐᖏᓚᒍᑦ.’ 5 ᑕᑯᒋᑦ, ᑲᑉᐱᐊᓇᕐᑐᒧᑦ ᑎᑭᕝᕕᐅᑎᓐᓂᐊᕐᐸᑦᓯ, ᐊᕙᑎᑦᓯᓐᓂᑦ ᐱᔪᓂᒃ, ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓ ᐅᖃᕐᐳᖅ, ᑕᒪᑦᓯ ᓄᓇᑦᓯᓐᓂᑦ ᐊᐅᓪᓚᕈᑦᔭᐅᔪᒫᕐᐳᓯ, ᕿᒫᓂᑯᐃᓪᓗ ᐃᓂᒃᓴᖃᕈᒫᓐᖏᓚᑦ. 6 “ᑕᒪᑐᒪᓕ ᑭᖑᓂᖓᒍᑦ ᐊᒧᓁᑎᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐊᑕᓂᖅ ᐅᖃᕐᐳᖅ.” ᐊᑕᓂᐅᑉ ᐃᖅᑲᕐᑐᐃᓂᖓ ᐄᑐᒥᒥᐅᓂᒃ 7 ᐄᑐᒥᒥᐅᑦ ᐱᓪᓗᒋᑦ, ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑏᒪᓐᒥᐅᑦ ᓯᓚᑐᓂᖃᕈᓐᓃᕐᐹᑦ? ᐃᓱᒪᒃᓴᕐᓯᐅᕐᑎᖏᑦ ᐃᓱᒪᑦᓯᐊᕈᓐᓁᓪᓕᖕᒪᑖ? ᓯᓚᑐᓂᖏᑦ ᐊᓯᐅᓯᒪᕚᑦ? 8 ᕿᒫᓕᕆᑦᓯ, ᕾᕈᓱᖕᓂᓗ ᐃᔨᕐᓯᒪᑐᐃᓐᓇᓕᕆᑦᓯ ᑏᑕᒥᐅᑕᐅᔪᓯ, ᐄᓴᐅᑉ ᑭᖑᕚᖏᑦ ᐊᓯᕈᕐᑕᐅᑎᓐᓂᐊᕋᒃᑭᑦ ᓱᒋᐊᓕᕈᒃᑭᑦ. 9 ᐸᐅᕐᖓᓂᒃ ᓄᓂᕙᒃᑏᑦ ᕿᒤᓂᑯᖃᕐᐸᓐᖏᓛᑦ ᐅᓄᖏᑦᑑᖓᓗᐊᓃᒃ? ᑎᒡᓕᒃᑏᓪᓗ ᐅᓐᓄᐊᒃᑯᑦ ᑎᒡᓕᒐᕌᖓᒥᒃ ᐱᔪᒪᔭᒥᖕᓂᒃ ᑭᓯᐊᓂ ᐱᕙᓐᖏᓛᑦ? 10 ᐄᓴᐅᑉ ᑭᖑᕚᖏᑦ ᓱᓁᕈᑎᓂᐊᕐᐸᒃᑲ, ᐃᔨᕋᕐᑐᕐᕕᖏᓪᓗ ᓴᖅᑭᑎᓐᓂᐊᕐᐸᒃᑲ, ᐃᔨᕐᓯᒪᕖᕈᑎᑯᓪᓗᒋᑦ ᕿᑐᕐᖓᖏᑦ, ᐃᓚᖏᓪᓗ, ᐃᓅᖃᑎᖏᓪᓗ ᓄᖑᓐᓂᐊᕐᐳᑦ, ᑭᖑᕚᒃᓴᖃᒃᑲᓐᓂᕈᓐᓃᖁᓪᓗᒋᑦ. 11 ᐃᓕᐊᕐᔪᖁᑎᓯ ᕿᒪᒃᓯᐅᒃ, ᑲᒪᒋᓂᐊᕐᐸᒃᑲ, ᐅᐃᒡᒐᕐᓂᖁᑎᓯᑦᑕᐅᖅ ᐅᕙᓐᓂᒃ ᑕᑎᖃᕈᓐᓇᕐᓂᐊᕐᐳᑦ. 12 “ᐃᒫᒃ ᐊᑕᓂᖅ ᐅᖃᕐᐳᖅ, ᐃᒥᕐᒐᒃᓴᖁᑎᓐᓂᒃ ᐃᒥᕆᐊᖃᖏᑦᑑᒐᓗᐊᑦ ᐃᒥᕐᓂᐊᕐᐳᑦ, ᓱᒋᐊᕐᑕᐅᓚᐅᕐᓯᒪᖏᓪᓗᑎᑦ ᐃᓅᔪᒃᓴᐅᕖᑦ? ᓱᒋᐊᕐᑕᐅᖏᑦᑑᓂᐊᓐᖏᓚᑎᑦ, ᐃᒥᖃᑕᐅᔪᒃᓴᐅᕗᑎᓪᓕ ᐃᒥᕐᑕᐅᔪᒃᓴᒥᒃ. 13 ᐅᖃᒻᒪᕆᒃᐳᖓ, ᐊᑕᓂᖅ ᐅᖃᕐᐳᖅ, ᐳᔾᕋᒥᐅᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ, ᑕᑯᒥᓁᑦᑐᕐᔪᐊᖑᓕᕐᓗᑎᒃ, ᐸᓯᔭᒃᓴᐅᔪᒫᕐᐳᑦ ᐅᖃᕐᓂᕐᓘᑎᒃᓴᐅᓕᕐᓗᑎᒡᓗ, ᓄᓇᓕᖁᑎᓕᒫᖏᑦ ᓄᓇᓕᕕᓂᑐᐃᓐᓇᐅᓕᕈᒫᕐᐳᑦ. 14 “ᐊᑕᓂᕐᒥᑦ ᑐᓴᒐᒃᓴᒥᒃ ᐅᖃᐅᑎᔭᐅᓚᐅᕐᐳᖓ, ᑐᓴᕐᑎᑦᓯᔨ ᐃᓅᖃᑎᒌᒡᔪᐊᓄᑦ ᐅᖃᕆᐊᕐᑐᕐᑎᑕᐅᕗᖅ, ᐃᒫᒃ, ‘ᑲᑎᕐᓱᓕᕆᑦᓯ ᐅᓇᑕᕆᐊᕐᓂᐊᕋᑦᓯᒋᒃ.’ 15 ᑕᑯᒋᑦ, ᐃᓅᖃᑎᒌᒡᔪᐊᑦ ᐊᑯᓐᓂᖓᓂ ᒥᑭᓐᓂᕐᐸᐅᑎᑦᓱᒫᕐᐸᒋᑦ, ᐃᓄᖕᓄᓪᓗ ᓇᕐᕈᒋᔭᒃᓴᐅᓗᑎᑦ. 16 ᑲᑉᐱᐊᓱᒃᑎᑦᓯᓂᕆᖃᑦᑕᕐᑕᑦᓯᓐᓄᑦ, ᐱᐅᔪᕆᓂᑦᓯᓐᓄᓪᓗ ᐅᐃᕕᕐᕆᔭᐅᕗᓯ, ᐃᓈᕈᐃᑦ ᕾᕈᓱᖏᓐᓂ ᐊᖏᕐᕋᖃᕐᐳᓯ, ᐳᕐᑐᔪᒦᓐᓇᓱᐊᕐᓗᓯᓗ ᐊᖏᕐᕋᖃᕈᒪᓪᓗᓯ ᐳᕐᑐᓂᕐᐹᓃᑦᑐᓂᒃ ᓇᒃᑐᕋᓕᐅᑉ ᐃᕙᕕᖃᕐᕕᖏᑎᑐᑦ, ᐃᓂᒋᔭᑦᓯᓐᓂᑦ ᑲᑕᒃᑎᑦᓱᒫᕐᐸᑦᓯ, ᐊᑕᓂᖅ ᐅᖃᕐᐳᖅ. 17 “ᐄᑐᒥᒥᐅᑦ ᑕᑯᒥᓁᑦᑐᕐᔪᐊᓐᖑᕈᒫᕐᐳᑦ, ᐊᖅᑯᓵᕐᑐᑦ ᒥᑕᐅᑎᒃᓴᕐᐸᒍᒫᕐᐳᑦ ᑕᑯᔭᒥᖕᓂᒃ, ᑖᑦᓱᒪ ᓯᖁᑦᑎᕐᓯᒪᓂᖓᓄᑦ. 18 ᓲᕐᓗᑦᑕᐅᖅ ᓱᑑᒪᒥᐅᑦ ᒍᒨᕋᒥᐅᓪᓗ ᐊᓯᕈᕐᑕᐅᓂᕆᓚᐅᕐᑕᖓᑎᑐᑦ, ᓄᓇᓕᐅᖃᑎᒌᑦᑕᐅᖅ ᐊᓯᕈᕐᑕᐅᖃᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᑕᕝᕙᓂ ᓄᓇᖃᕐᑐᖃᕈᓐᓃᕈᒫᕐᒪᑦ ᐃᓄᖕᓄᑦ ᓄᓇᒋᔭᐅᔪᒪᔪᓐᓃᕈᒫᕐᒪᑕ. 19 ᑕᑯᒋᑦ, ᐃᒤᑦᓱᒫᕐᐳᖅ ᓛᔭᑎᑐᑦ ᓇᐹᕐᑐᐃᑦ ᐃᒻᒧᐊᓂ ᓴᖅᑭᑳᓪᓚᒃᑐᑎᑐᑦ ᓇᑎᕐᓇᒧᑦ ᔪᐊᕐᑕᓂᐅᑉ ᑰᖓᓄᑦ, ᑍᒫᒃᑕᐅᖅ ᐄᑐᒥᒥᐅᑦ ᐊᖑᔪᒫᕐᐸᒃᑲ ᓄᓇᖓᓐᓂ ᑕᕝᕔᓐᓇᖅ, ᓇᓪᓕᐊᓐᓂᒃ ᑍᒤᓕᐅᕐᑐᒃᓴᒥᒃ ᓂᕈᐊᕈᓐᓇᕐᐳᖔ, ᑭᓇ ᐅᕙᑦᑐᑦ ᑍᒤᑉᐹ? ᐊᑭᓕᖃᕈᓐᓇᕐᑐᖅ ᐅᕙᓐᓂᒃ? ᓰᐱᓕᕆᔨᑕᖃᕐᐹ ᐅᕙᓐᓂᒃ ᐊᑭᕋᕐᑐᕈᓐᓇᕐᑐᒥᒃ? 20 ᑐᓴᕐᓯᐅᒃ ᐊᑕᓂᐅᑉ ᐸᕐᓁᕈᑦᔨᓂᖓ ᐄᑐᒥᒥᐅᓂᒃ, ᐱᓇᓱᐊᕈᒪᓂᕆᔭᖓᓗ ᑏᒪᓐᒥᐅᓄᑦ, ᓄᕐᕋᖁᑎᖏᑦ ᐊᐅᓪᓚᕈᑎᓂᐊᕐᐰᑦ, ᐃᓄᖏᓪᓗ ᑲᑉᐱᐊᓱᕕᒡᔪᐊᕈᒫᕐᐳᑦ ᐱᓂᐊᕐᕕᐅᓂᕐᒥᓄᑦ. 21 ᐅᕐᕈᒃᐸᑕ ᓄᓇ ᓴᔪᒃᐱᓗᒍᒫᕐᐳᖅ, ᕿᐊᓂᖓᓪᓗ ᑐᓴᕐᑕᐅᔪᒫᕐᐳᖅ ᐊᒐᐸᒥᐅᓄᑦ ᐃᒪᕐᒥ ᐊᐅᐸᓗᒃᑕᒥ. 22 ᑕᑯᓕᕆᑦ ᓇᒃᑐᕋᓕᖕᒥᒃ ᐊᐅᕐᓵᕐᑐᒥᒃ ᐃᓴᕈᖏᒃᑕᓗ ᐃᓵᖓᓂᖏᒃ ᐅᓕᒃᓯᕘᒃ ᐳᔾᕋᒥᐅᓂᒃ, ᐅᓪᓗᒥ ᑍᑲᓂ ᐄᑐᒥᒥᐅᑦ ᐅᓇᑕᕐᑎᖁᑎᖏᑦ ᐃᒃᐱᒍᓱᖕᓂᖃᕈᒫᕐᐳᑦ ᐊᕐᓇᐅᑉ ᐃᕐᓂᓱᒃᑑᑉ ᐃᒃᐱᒍᓱᖕᓂᖓᑎᑐᑦ.” ᐊᑕᓂᐅᑉ ᐃᖅᑲᕐᑐᐃᓂᖓ ᑕᒫᓯᑰᓯᒥᐅᓂᒃ 23 “ᑕᒫᓯᑰᓯᒥᐅᑦ ᐱᓪᓗᒋᑦ ᕼᐊᒫᑎᒥᐅᑦ ᐋᕐᐹᑦᒥᐅᓪᓗ ᑲᒪᓂᐊᕐᐳᑦ, ᑐᓴᕈᒥᓇᖏᑦᑐᒥᒃ ᑐᓴᕐᑎᑕᐅᓯᒪᒐᒥᒃ, ᕿᑲᕈᓐᓇᕈᓐᓃᕐᐳᑦ ᐃᒪᕐᕕᐅᑉ ᒪᓕᖏᑎᑐᑦ. 24 ᑕᒫᓯᑰᓯᒥᐅᑦ ᖁᐊᕐᓵᖓᓂᕐᒧᑦ ᓄᑭᖏᕈᑎᓕᕋᒥᒃ, ᕿᒪᒃᓯᕗᑦ, ᐅᐃᒻᒪᒃᐳᑦ ᐋᓐᓂᐊᓂᕐᒧᓪᓗ ᕿᒃᓵᒃᐳᑦ, ᐊᕐᓇᑎᑐᑦ ᐃᕐᓂᓱᒃᑐᑎᑐᑦ. 25 ᐃᒡᓗᒐᓴᒡᔪᐊᑦ ᐊᔪᖏᓐᓂᖏᓐᓄᑦ ᖁᕕᐊᒋᔭᐅᓚᐅᕐᑐᑦ, ᐃᓄᖃᓚᐅᕐᓯᒪᖏᑦᑐᑎᑐᑦ ᕿᒪᒃᑕᐅᕗᖅ. 26 ᐃᓅᓱᒃᑐᖁᑎᖏᑦ ᐊᖅᑯᑎᖏᓐᓂ ᑐᖁᕋᕐᑕᐅᔪᒫᕐᐳᑦ, ᐅᓪᓗᒥᓗ ᑍᑲᓂ ᐅᓇᑕᕐᑎᖁᑎᖏᑦ ᓄᖑᑕᐅᔪᒫᕐᐳᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ. 27 ᑕᒫᓯᑰᓯᐅᑉ ᐊᕙᓗᕐᔪᐊᖓ ᐃᑯᐊᓪᓚᒃᑎᑦᓱᒫᕐᐸᕋ, ᐱᓐ-ᕼᐊᑖᓪᓗ ᐃᒡᓗᕐᔪᐊᖓ ᐃᑯᐊᓚᔪᒧᑦ ᓄᖑᑕᐅᔪᒫᕐᐳᖅ.” ᑮᑕᐅᑉ ᑭᖑᕚᖏᑕ ᐃᖅᑲᕐᑐᕐᑕᐅᓂᖏᑦ ᕼᐃᓴᒥᐅᓪᓗ 28 ᑭᑕᕆᐅᑉ ᑭᖑᕚᖏᑦ ᐱᓪᓗᒋᑦ ᕼᐂᔭᒥᐅᓪᓗ ᐊᐅᓚᑕᖏᑦ, ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑐᒃᓴᖁᑎᖏᓐᓄᑦ ᐅᐸᒃᑐᕐᑕᐅᓚᐅᕐᑐᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑭᑕᕆᐅᑉ ᑭᖑᕚᖏᑦ ᐅᓇᑕᕆᐊᓕᕐᓯᐅᒃ ᐃᓅᖃᑎᒌᖑᓂᖓᑦ ᐊᓯᕈᕐᑕᐅᓕ! 29 ᑐᐱᖏᑦ ᐆᒪᔪᖁᑎᖏᓪᓗ ᐱᔭᐅᔪᒫᕐᐳᑦ, ᐊᖏᕐᕋᖏᑦ ᐱᖁᑎᖏᓪᓗ ᐊᐅᓪᓚᕈᑦᔭᐅᓗᑎᒃ, ᑳᒥᓕᖁᑎᖏᓪᓗ ᐊᐅᓪᓚᕈᑎᔭᐅᔪᒫᕐᐳᑦ ᑖᒃᑯᓇᓐᖓᑦ, ᐃᓄᐃᓪᓗ ᑲᑉᐱᐊᓇᕐᓂᕅᔪᒫᕐᐳᑦ ᓇᓂᑐᐃᓐᓇᖅ. 30 “ᑐᐊᕕᕐᓗᓯ ᕿᒫᒋᑦᓯ, ᕾᕈᓱᖕᓃᑐᐃᓐᓇᕆᑦᓯ ᕼᐂᔭᒥ ᓄᓇᖃᕐᑐᓯ, ᐊᑕᓂᖅ ᐅᖃᕐᐳᖅ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐱᔪᒪᓪᓗᓯ ᐃᓱᒪᒃᓴᕐᓯᐅᕈᑎᒋᖕᒪᓯ, ᐱᓇᓱᐊᕐᓂᕆᔪᒪᔭᒥᓂᒡᓗ ᐃᓕᑦᓯᓐᓄᑦ ᐋᖅᑭᒃᓱᐃᓕᕐᐳᖅ. 31 ᐃᓅᖃᑎᒌᒡᔪᐊᑦ ᐃᓕᒪᓱᖏᑦᑐᑦ ᐅᓇᑕᕐᕕᐅᓂᐊᕋᓱᒋᓗᑎᒃ ᐅᐸᒃᑐᓕᕐᓯᐅᒃ, ᐊᑕᓂᖅ ᐅᖃᕐᐳᖅ, ᓄᓇᓕᒡᔪᐊᖏᑦ ᐃᑎᕐᑕᕐᕕᖃᖏᑦᑐᑦ ᐃᑎᕇᒃᑯᑎᖃᕋᑎᒡᓗ ᐃᓄᖏᑦ ᐱᔭᐅᑦᔧᒃᑯᑎᖃᖏᑦᑐᑦ. 32 “ᑳᒥᓕᖁᑎᖏᑦ ᑎᒎᖅᑲᒐᒃᓴᐅᓂᐊᕐᐳᑦ, ᐆᒪᔪᖁᑎᒐᓴᒃᔪᐊᖏᓪᓗ ᐱᑖᕆᔭᒃᓴᐅᓗᑎᒃ, ᐊᓄᕆᓄᑦ ᓯᐊᒻᒪᕐᑎᑦᓱᒫᕐᐸᒃᑲ ᓄᔭᕐᒥᖕᓂᒃ ᑭᐱᓯᓯᒪᔪᑦ, ᓇᑭᑐᐃᓐᓇᖅ ᑲᑉᐱᐊᓇᕐᑐᓂᒃ ᑎᑭᕝᕕᐅᑎᑦᓱᒫᕐᐸᒃᑲ, ᐊᑕᓂᖅ ᐅᖃᕐᐳᖅ. 33 ᕼᐂᔭ ᕿᒻᒥᐅᔮᕐᑐᓄᑦ ᐃᓂᑖᖑᔪᒫᕐᐳᖅ ᐃᓄᖃᖏᓐᓂᖓᓄᑦ, ᓄᓇᖃᕐᕕᐅᔪᓐᓃᕈᒫᕐᒪᑦ ᐃᓄᖃᕐᑐᒃᓴᐅᔪᓐᓃᕐᓗᓂᓗ.” ᐊᑕᓂᐅᑉ ᐃᖅᑲᕐᑐᐃᓂᖓ ᐃᓛᒥᐅᓂᒃ 34 ᐃᒫᒃ ᐊᑕᓂᖅ ᐅᖃᓚᐅᕐᐳᖅ ᔨᕆᒤᐊᒧᑦ ᐅᖃᕐᑎᒥᓄᑦ ᐃᓛᒥᐅᑦ ᐱᑦᔪᑎᒋᓪᓗᒋᑦ ᔨᑎᑬᐊ ᔫᑕᒥᐅᓄᑦ ᐊᖓᔪᖅᑳᕐᔪᐊᕆᔭᐅᓕᓵᕐᑎᓪᓗᒍ. 35 ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᑕᑯᒋᑦ, ᐃᓛᒥᐅᑦ ᐱᑎᒃᓯᖏᑦ ᓇᐱᔪᒪᕙᒃᑲ, ᐱᔪᓐᓇᐅᑎᒋᓂᕐᐹᕆᔭᖏᑦ. 36 ᐃᓛᒥᐅᑦ ᐊᓄᕆᓂᑦ ᓯᑕᒤᓂᑦ ᐱᔪᓂᑦ ᐊᓄᕌᕐᕕᐅᑎᑦᓱᒫᕐᐸᒃᑲ, ᓯᐊᒻᒪᕐᑎᓪᓗᒋᓪᓗ ᐊᓄᕇᑦ ᓯᑕᒪᑦ ᐊᓄᕌᕐᕕᖏᓐᓄᑦ, ᐃᓅᖃᑎᒌᒡᔪᐊᓕᒫᑦ ᐃᓛᒥᐅᓄᑦ ᕿᒫᕕᒋᔭᐅᓯᒪᔪᐃᓐᓇᐅᓕᓚᐅᖅᑳᕐᑎᓐᓇᒋᑦ. 37 ᐃᓛᒥᐅᑦ ᐊᑭᕋᖏᓐᓄᑦ ᑲᑉᐱᐊᓱᒃᑎᑕᐅᑎᑦᓱᒫᕋᒃᑭᑦ, ᑖᒃᑯᓂᖓ ᑐᖁᑦᓯᔪᒪᔪᓄᑦ ᑲᑉᐱᐊᓇᕐᑐᒧᑦ ᑎᑭᕝᕕᐅᑎᑦᓱᒫᕐᐸᒃᑲ ᓂᓐᖓᕕᒡᔪᐊᕐᓯᒪᓂᓐᓄᑦ, ᐊᑕᓂᖅ ᐅᖃᕐᐳᖅ, ᐅᓇᑕᕐᑐᓄᑦ ᐱᔭᐅᑎᑦᓱᒫᕐᐸᒃᑲ ᓄᖑᑕᐅᖏᓐᓂᓕᒫᖏᓐᓂ. 38 ᐃᓛᒥᐅᓂ ᐊᖓᔪᖅᑲᐅᕕᒃᑖᕐᓂᐊᕐᐳᖓ, ᐊᖓᔪᖅᑳᕐᔪᐊᖏᑦ, ᐊᖓᔪᖅᑳᖁᑎᖏᓪᓗ ᐊᓯᕈᕐᑕᐅᖁᓪᓗᒋᑦ, ᐊᑕᓂᖅ ᐅᖃᕐᐳᖅ. 39 ᑍᒤᓕᐅᕋᓗᐊᕐᑎᓪᓗᒋᑦ ᐃᓛᒥᐅᑦ ᐱᔪᓐᓇᕐᓯᑎᑦᓯᐊᕈᒫᕆᕙᒃᑲ, ᐅᓪᓗᓂ ᑎᑭᑦᓱᒫᕐᑐᓂ, ᐊᑕᓂᖅ ᐅᖃᕐᐳᖅ.” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society