ᔨᕆᒤᐊᐅᑉ ᐊᒡᓚᖏᑦ 31 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓴᕆᐊᓕᒥᐅᑦ ᐊᖏᕐᕋᒧᑦ ᐅᑎᕐᓂᖏᑦ

¹ ᐊᑕᓂᖅ ᐅᖃᕐᐳᖅ, “ᑕᒪᓐᓇ ᓇᓪᓕᐅᑎᒃᐸᑦ ᒎᑎᒋᔭᐅᔪᒫᕐᐳᖓ ᐃᓴᕆᐊᓕᒥᐅᑦ ᐃᓚᒌᒃᑐᖁᑎᓕᒫᖏᓐᓄᑦ ᑖᒃᑯᐊᓗ ᐃᓄᑯᑎᒋᔪᒫᕐᐸᒃᑲ.”

² ᐃᒫᒃ ᐊᑕᓂᖅ ᐅᖃᕐᐳᖅ, “ᐅᓇᑕᕐᑐᓂᑦ ᐊᓐᓇᒃᑐᑦ ᐱᑦᓯᐊᕐᕕᐅᓯᒪᓂᕐᒥᖕᓂᒃ ᖃᐅᔨᔪᒫᕐᐳᑦ ᓄᓇᖃᕐᕕᐅᕙᖏᑦᑐᓂ, ᐃᓴᕆᐊᓕᒥᐅᑦ ᑕᕾᕐᓯᕐᕕᒃᓴᖃᕈᒫᕐᐳᑦ ᕿᓂᓚᐅᕐᑕᒥᖕᓂᒃ.

³ ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

⁴ ᒪᑭᑎᒃᑲᓐᓂᕈᒫᕐᐸᑦᓯ, ᐱᕈᕐᑎᒃᑲᓐᓂᕐᓗᓯᓗ ᐃᓴᕆᐊᓕᒥᐅᖑᔪᓯ ᐊᖑᒻᒧᑦ ᐊᒃᑐᕐᑕᐅᓚᐅᕐᓯᒪᖏᑦᑐᑎᑐᑦ ᑍᒤᑦᑑᔪᓯ ᓯᕙᓂᕋᐅᑎᓯ ᐊᑐᕈᓐᓇᕐᓯᔪᒫᕐᐸᓯ ᑖᓂᓯᕐᓗᓯᓗ ᖁᕕᐊᓱᖕᓂᕐᒧᑦ.

⁵ ᐸᐅᕐᖓᓕᒃᓴᓂᒃ ᐱᕈᕐᓰᕕᓕᐅᕈᓐᓇᕐᓯᔪᒫᕆᕗᓯ ᓴᒥᐊᕆᐊᑉ ᖃᖅᑲᖏᓐᓂ ᐱᕈᕐᓰᕕᓕᕆᔪᑦ ᐱᕈᕐᑐᖏᓐᓂᑦ ᓂᕿᒃᓴᖃᑦᓯᐊᕈᒫᕐᐳᑦ.

⁶ ᐅᓪᓗᖅ ᓇᓪᓕᐅᑎᔪᒫᕐᐳᖅ ᐃᕗᕅᒻ ᖃᖅᑲᖏᓐᓂ ᖃᐅᔨᓴᕐᑏᑦ ᕾᒐᓛᕐᕕᒃᓴᖓᑦ, ‘ᕾᓕᕆᑦᓯ ᓮᐅᓂᒧᐊᓚᐅᕐᑕ, ᐊᑕᓂᐅᑉ ᒎᑎᑦᑕ ᓇᔪᕐᑕᖓᓄᑦ.’”

⁷ ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

⁸ ᑕᑯᒋᑦ, ᑎᑭᑎᒍᒫᕐᐸᒃᑲ ᐅᓐᓄᐊᓪᓗᐊᑉ ᓇᓛᓂᑦ, ᑲᑎᕐᓱᕈᒫᕐᐸᒃᑲᓗ ᓯᓚᕐᔪᐊᑉ ᑭᒡᓕᖏᓐᓂᑦ, ᑕᐅᑐᖏᑦᑐᑦ ᑐᓯᐊᑦᑐᓪᓗ, ᓄᑕᕋᒃᓴᓖᑦ ᐃᕐᓂᓱᒃᑐᓪᓗ ᑖᒃᑯᓄᖓ ᐃᓚᒋᔭᐅᔪᒫᕐᐳᑦ, ᐃᓄᒋᐊᒃᑐᕐᔪᐊᖑᓗᑎᒃ ᑕᒪᐅᖓ ᐅᑎᕈᒫᕐᒪᑕ.

⁹ ᕿᐊᓗᑎᒃ ᕾᔪᒫᕐᐳᑦ, ᑐᒃᓯᐊᕐᓗᑎᒡᓗ ᐱᔪᒫᕐᐳᑦ ᐅᑎᕐᑎᓕᕈᒃᑭᑦ, ᑕᓯᐅᕈᒫᕐᐸᒃᑲ ᑰᖕᒧᑦ ᐃᒥᖃᕐᑐᒧᑦ, ᒪᓂᕋᑦᑐᒃᑯᑦ ᐱᓱᕕᒃᓴᖃᕈᒫᕐᐳᑦ ᐹᓪᓚᒡᕕᒃᓴᖃᖁᓇᒋᑦ ᐃᓴᕆᐊᓕᒥᐅᓄᑦ ᐊᑖᑕᐅᒐᒪ, ᐃᕗᕅᑎᓗ ᐊᖓᔪᒃᓯᕐᐹᖁᑎᒋᕙᕋ.”

¹⁰ ᐊᑕᓂᖅ ᐅᖃᕐᐳᖅ, “ᐃᓅᖃᑎᒌᒡᔪᐊᖑᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᓕᕐᓯᒋᒃ ᑐᓴᕐᑕᐅᑎᓯᐅᒃ ᐃᒪᐅᑉ ᑭᒡᓕᖓᓂᒥᐅᓄᑦ ᐅᖓᓯᒃᑐᒦᑦᑐᓄᑦ, ᐃᓴᕆᐊᓕᒥᐅᓂᒃ ᓇᒧᑐᐃᓐᓈᕐᑎᑦᓯᓚᐅᕐᑑᑉ ᑲᑎᕐᓱᕈᒫᕆᕔᑦ ᐃᓄᖁᑎᓂᓗ ᐰᕆᓂᐊᕐᐰᑦ ᓰᐱᓂᒃ ᐰᕐᓯᔨᑎᑐᑦ.

¹¹ ᐊᑕᓂᐅᑉ ᔧᑯᒃᑯᑦ ᐅᑎᕐᑎᑕᐅᓂᖓ ᐊᑭᓕᕈᒫᕐᐹ, ᓵᓚᒋᔨᒋᓯᒪᔭᖏᓐᓂᓪᓗ ᐱᐅᓕᓗᒋᑦ ᐅᑎᕐᑎᑦᓱᒫᕐᐰᑦ.

¹² ᕾᔪᒫᕐᐳᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ ᕾᒐᓛᕐᓗᑎᒃ ᖃᖅᑲᒥ ᓮᐅᓂᒥ, ᖁᕕᐊᓲᑎᖃᕈᒫᕐᐳᓪᓗ ᐊᑕᓂᕐᒥᒃ ᐱᓕᐅᓯᐊᒥᖕᓂᒃ ᓂᐊᖂᔭᒃᓴᓂᒃ, ᐸᐅᕐᒊᑦ ᐃᑦᑎᖏᓐᓂᑦ ᐅᕐᓱᒃᓴᓂᓪᓗ, ᐆᒪᔪᖁᑎᒃᓴᖏᓪᓗ ᓰᐱᖁᑎᖏᑦ ᐃᒻᒧᒃᓯᐅᒊᓪᓗ ᐃᓅᔪᒫᕐᐳᑦ ᐱᕈᕐᓰᕕᒃᑎᑐᑦ ᐃᒪᖃᑦᓯᐊᕐᑐᑎᑐᑦ ᑍᒤᑦᓱᒫᕐᐳᑦ ᕿᒃᓵᒍᑎᒃᓴᖃᕈᓐᓃᕐᓗᑎᒡᓗ.

¹³ ᐊᕐᓁᑦ ᐃᓅᓱᒃᑐᑦ ᑖᓂᓯᕈᒫᕐᐳᑦ ᖁᕕᐊᓱᖕᓂᕐᒧᑦ, ᐊᖑᑎᓪᓗ ᐃᓅᓱᒃᑐᑦ ᐃᑦᑐᐃᓪᓗ ᖁᕕᐊᓱᖃᑕᐅᔪᒫᕆᕗᑦ, ᕿᒃᓵᖕᓂᖏᑦ ᒧᒥᒃᑎᑦᓱᒫᕐᐸᒃᑲ ᖁᕕᐊᓱᖕᓂᕐᒧᑦ, ᓮᒻᒪᕐᑎᑦᓱᒫᕐᐸᒃᑲ, ᕿᒃᓵᖕᓂᕆᓚᐅᕐᑕᖏᑦ ᖁᕕᐊᓱᖕᓂᓐᖑᕐᑎᓪᓗᒋᑦ.

¹⁴ ᑐᓂᕐᕈᓯᕐᑎᑦᓯᔩᑦ ᓂᕿᒃᓴᓂᒃ ᐊᒥᒐᖏᑦᑐᓂᒃ ᑐᓂᔪᒫᕐᐸᒃᑲ, ᐃᓄᖁᑎᒃᑲᓗ ᓈᒻᒪᒃᓯᔪᒫᕐᐳᑦ ᑐᓂᕐᕈᑎᓂᒃ, ᐊᑕᓂᖅ ᐅᖃᕐᐳᖅ.”

ᐊᑕᓂᐅᑉ ᓂᑲᒍᓱᖕᓂᖓ ᐃᓴᕆᐊᓕᒥᐅᓄᑦ

¹⁵ ᐃᒫᒃ ᐊᑕᓂᖅ ᐅᖃᕐᐳᖅ, “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓗ ᕿᑐᕐᖓᖏᑦ ᓄᖑᑕᐅᖕᒪᑕ.”

¹⁶ ᐃᒫᒃ ᐊᑕᓂᖅ ᐅᖃᕐᐳᖅ, “ᕿᐊᔪᓐᓃᕆᑦ, ᐃᔩᒃᑭᒡᓗ ᖁᕝᕕᖏᐊᕐᓗᒋᒃ ᐱᓇᓱᐊᕐᓂᑎᑦ ᐊᑭᓕᕐᑕᐅᔪᒫᕐᐳᑦ, ᐊᑕᓂᖅ ᐅᖃᕐᐳᖅ, ᐊᑭᕋᖏᑦᑕ ᓄᓇᖏᓐᓂᑦ ᐅᑎᕈᒫᕐᐳᑦ.

¹⁷ ᓂᕆᐅᖕᓂᒃᓴᖃᑦᓯᐊᕐᐳᖅ ᓯᕗᓂᒃᓴᕐᓂ, ᐊᑕᓂᖅ ᐅᖃᕐᐳᖅ, ᕿᑐᕐᖓᑎᑦ ᓄᓇᑐᖃᕐᒥᓄᑦ ᐅᑎᕈᒫᕐᐳᑦ.

¹⁸ ᐃᕗᕅᑎ ᕿᒃᓵᒡᓗᓂ ᐅᖃᕐᑐᖅ ᑐᓴᓚᐅᕐᐸᕋ, ᐋᖅᑭᒋᐊᓚᐅᕐᐸᕐᒪ ᓄᕐᕋᕐᑎᑐᑦ ᐃᓕᓴᕐᑕᐅᓯᒪᖏᑦᑐᑎᑐᑦ, ᐃᓂᕐᑎᕋᕕᖓ, ᐋᖅᑭᒍᑎᒋᕙᕋᓗ ᑕᒪᓐᓇ ᐅᑎᕐᑎᓚᐅᓐᖓ ᐅᑎᕐᓂᐊᕋᒪ ᐊᑕᓂᐅᒐᕕᑦ ᒎᑎᒐ.

¹⁹ ᑕᒻᒪᓚᐅᕋᒪ ᖃᕿᐊᓕᕐᐳᖓ; ᑐᑭᓯᓕᕋᒪᓗ ᖁᒃᑐᕋᕋ ᑎᒡᓗᓚᐅᕐᐸᕋ; ᑲᓐᖑᓱᓕᓚᐅᕐᐳᖓ ᑕᑯᖅᑯᑎᔪᓐᓃᕐᓗᖓᓗ, ᒪᒃᑯᖕᓂᕐᒪ ᑕᒻᒪᕐᑎᓚᐅᕐᒪᖓ.

²⁰ ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

²¹ ᐊᖅᑯᑏᑦ ᑎᑎᕋᕐᓯᒪᔪᓂᒃ ᓇᓗᓁᒃᑯᑦᓯᓕᕐᓯᐅᒃ, ᓇᐸᔪᓕᕐᓱᕐᓗᒋᓪᓗ ᐊᖅᑯᓪᓗ ᐊᑐᒐᓪᓚᕆᐅᔪᖅ ᓇᓗᓇᕈᓐᓃᕐᑎᓕᕐᓯᐅᒃ ᐊᑐᕐᐸᒃᑕᓯ, ᐅᑎᓕᕆᑦᓯ, ᐃᓴᕆᐊᓕᑏᑦ, ᐅᑎᓕᕆᑦᓯ ᐃᒡᓗᒐᓴᒡᔪᐊᓄᑦ ᑖᒃᑯᓄᖓ.

²² ᖃᓄᖅ ᐊᑯᓂᐅᑎᒋᔪᖅ ᐱᔭᕐᓂᖏᑦᑑᒐᓱᐊᕐᓂᐊᕐᐱᓰ? ᐅᒃᐱᕈᓱᒍᓐᓇᖏᑦᑐᓯ, ᐊᑕᓂᖅ ᓄᑖᒥᒃ ᓴᖅᑭᑎᑦᓯᓂᐊᕐᐳᖅ ᐊᖑᒻᒥᒃ ᐊᕐᓇᒧᑦ ᓴᐳᑦᔭᐅᓯᒪᖔᕐᑐᑎᑐᑦ ᑍᒤᑦᑐᒥᒃ.”

ᒎᑎᐅᑉ ᐃᓄᖁᑎᖏᑕ ᐱᔪᓐᓇᑦᓯᐊᕈᒫᕐᓂᖓᑦ

²³ ᐃᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ: “ᐊᐅᓪᓚᕈᑦᔭᐅᓯᒪᕕᒋᓚᐅᕐᑕᖏᓐᓂᑦ ᐅᑎᕐᑎᓯᒪᓕᕈᒃᑭᑦ, ᐃᓄᐃᑦ ᔫᑕᐅᑉ ᓄᓇᖓᓂ ᓄᓇᖃᓚᐅᕐᑐᑦ ᐅᖃᕈᓐᓇᕐᓯᔪᒫᕆᕗᑦ ᐃᒫᒃ, ‘ᐊᑕᓂᐅᑉ ᓮᒻᒪᕐᑎᓪᓕᓯ, ᓄᓇᖃᕐᑐᓯ ᐃᓱᐊᕐᑐᓕᓂᕐᒥ, ᖃᖅᑲᒦᑦᑐᑦ ᐃᑦᔪᕐᓁᑦᑐᒥ.’

²⁴ ᐃᓄᐃᑦ ᓄᓇᖃᖃᑎᒌᒍᒫᕐᐳᑦ ᔫᑕᐅᑉ ᓄᓇᓕᖁᑎᖏᓐᓂ, ᐱᕈᕐᓰᕕᓕᕆᔨᖃᐅᕈᒫᕐᐳᖅ ᓰᐱᓕᕆᔨᖃᐅᕐᓗᓂᓗ.

²⁵ ᑕᕐᓂᖏᑦ ᑕᖃᓯᒪᔪᑦ ᑕᕾᕐᓯᕐᕕᒃᓴᖃᕐᑎᑦᓱᒫᕐᐸᒃᑲ, ᑳᒡᑐᓪᓗ ᓂᕿᒃᓴᖃᕐᑎᓪᓗᒋᑦ.

²⁶ ᐃᓄᐃᓪᓗ ᐅᖃᕈᒫᕐᐳᑦ, ᑕᖃᓪᓗᖓ ᓯᓂᓕᓚᐅᕐᐳᖓ ᑐᐸᒃᐳᖓᓕ ᑕᖃᓯᒪᔪᓐᓃᕐᓗᖓ.

²⁷ “ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ ᐃᓴᕆᐊᓕᐅᑉ ᔫᑕᐅᓪᓗ ᓄᓇᖓ ᑲᓐᖓᕐᓱᐃᕕᒋᔪᒫᕋᒃᑯ ᐃᓄᖕᓂᒃ ᐆᒪᔪᓂᒡᓗ.

²⁸ ᓲᕐᓗᑦᑕᐅᖅ ᐱᕈᕐᑎᑦᓯᕙᒃᑲᒪ ᓄᖑᑎᑦᓯᕙᒡᓗᖓᓗ ᓵᓚᐅᑎᑦᓯᕙᒃᑲᒪ ᐊᓯᕈᐃᑎᑦᓯᕙᒡᓗᖓᓗ ᓄᖑᑕᐅᑎᑦᓯᕙᒡᓗᖓᓗ, ᑍᒫᒃᑕᐅᖅ ᐱᕈᕐᑎᑦᓱᒫᕐᐸᒃᑲ ᒪᑭᑎᓪᓗᒋᓪᓗ, ᐊᑕᓂᖅ ᐅᖃᕐᐳᖅ.

²⁹ ᑍᑦᓱᒪᓂᐅᓕᕐᐸᑦ ᐃᓄᐃᑦ ᐅᖃᖃᑦᑕᕈᓐᓃᕈᒫᕐᐳᑦ ᐃᒫᒃ: ‘ᐊᑖᑕᒋᔭᕗᑦ ᒪᒪᖏᑦᑐᓂᒃ ᐱᕈᕐᑐᓂᒃ ᓂᕆᓚᐅᕐᓂᕐᐳᑦ, ᕿᑐᕐᖓᖏᑕᓕ ᒪᒪᖏᓐᓂᖓ ᐱᐅᔪᓐᓃᕈᑎᒋᕚᑦ.’

³⁰ ᓇᓪᓕᐊᑦ ᑐᖁᔪᒫᕐᐳᖅ ᓇᖕᒥᓂᖅ ᐊᔪᕐᑐᓕᑦᔪᑎᒋᔭᒥᓄᑦ; ᐱᕈᕐᑐᒥᒡᓗ ᒪᒪᖏᑦᑐᒥᒃ ᓂᕆᔫᑉ ᓇᖕᒥᓂᖅ ᐱᐅᔪᓐᓃᕈᑎᒋᔪᒫᕐᐹ.”

³¹ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᐅᓪᓗᐃᑦ ᓇᓪᓕᐅᑦᓱᒫᕐᐳᑦ, ᓄᑖᒥᒃ ᐊᖏᖃᑎᒌᒍᑎᓕᐅᕈᒫᕐᓂᕋ ᐃᓴᕆᐊᓕᐅᑉ ᔫᑕᐅᓪᓗ ᐃᓅᖃᑎᒌᖏᓐᓄᑦ.

³² ᑖᓐᓇ ᐊᖏᖃᑎᒌᒍᑎᒋᔭᕋ ᐊᑦᔨᖃᕈᒫᓐᖏᓚᖅ ᓯᕗᓕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᓐᓄᑦ, ᑎᒍᓪᓗᒋᑦ ᑕᓯᐅᓚᐅᕋᒃᑭᑦ ᐄᑦᔨᑉᑎᒥᑦ, ᐊᖏᖃᑎᒌᒃᓯᒪᓂᑦᑎᓐᓂᒃ ᓯᖁᒥᑦᓯᓚᐅᕐᒪᑕ, ᐅᐃᒋᔭᐅᔪᑎᑐᑦ ᑖᒃᑯᓄᖓ ᑍᒤᒃᑲᓗᐊᕐᑎᓪᓗᖓ, ᐊᑕᓂᖅ ᐅᖃᕐᐳᖅ.

³³ ᐃᒤᑦᑐᒥᒃ ᐊᖏᖃᑎᒌᒍᑎᓕᐅᕈᒫᕐᐳᖓ ᐃᓴᕆᐊᓕᒥᐅᓄᑦ ᑍᒃᑯᐊ ᐅᓪᓗᐃᑦ ᑭᖑᕐᖓᒍᑦ, ᐊᑕᓂᖅ ᐅᖃᕐᐳᖅ: ᐱᖁᔭᒃᑲ ᑎᑎᕋᕈᒫᕐᐸᒃᑲ ᐃᓱᒪᖏᓐᓄᑦ ᐆᒻᒪᑎᖏᓐᓄᓪᓗ; ᑖᒃᑯᓄᖓ ᒎᑎᒋᔭᐅᔪᒫᕐᐳᖓ ᑖᒃᑯᐊᓗ ᐃᓄᖁᑎᒋᓗᒋᑦ.

³⁴ ᐃᓅᖃᑎᒥᖕᓂᒃ ᐊᔪᕆᕐᑐᐃᔭᕆᐊᖃᕈᓐᓃᕈᒫᕐᐳᑦ ᖃᑕᓐᖑᑎᒥᖕᓂᒡᓘᓐᓃᑦ ᐅᖃᐅᑦᔨᔪᖃᕐᐸᒍᓐᓃᕐᓗᓂ, ᐊᑕᓂᖅ ᖃᐅᔨᓕᕈᒃ, ᐅᕙᓐᓂᒃ ᖃᐅᔨᒪᔪᐃᓐᓇᐅᓕᕈᒫᕐᐳᑦ ᓱᓇᐅᖏᓐᓂᕐᐹᒥᑦ ᐱᓪᓚᕆᐅᓂᕐᐹᒧᑦ, ᐊᑕᓂᖅ ᐅᖃᕐᐳᖅ; ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓃᕈᒫᕋᒃᑭᑦ ᐃᖅᑲᐅᒪᔪᓐᓃᕐᓗᒋᓪᓗ.”

³⁵ ᐃᒫᒃ ᐊᑕᓂᖅ ᐅᖃᕐᐳᖅ, “ᓯᕿᓂᕐᒥᒃ ᖃᐅᒪᑎᑦᓯᔪᖅ ᐅᓪᓘᑎᓪᓗᒍ, ᐅᓐᓄᐊᒃᑯᓪᓗ ᑕᖅᑭᖃᕐᑎᑦᓯᔪᖅ ᐅᓪᓗᕆᐊᖃᕐᑎᑦᓯᓪᓗᓂᓗ, ᐃᒪᕐᐱᖕᓂᒃ ᒪᓕᒡᔪᐊᖃᕐᑎᑦᓯᔪᖅ; ᑖᓐᓇᐅᕗᖅ ᐊᑎᖃᕐᑐᖅ ᐊᑕᓂᕐᒥᒃ ᐊᔪᒐᖃᖏᑦᑐᒥᒃ.

³⁶ ᐊᑕᓂᖅ ᐅᖃᕐᐳᖅ, ᑕᒪᒃᑯᐊ ᐋᖅᑭᒃᓯᒪᓂᖏᑦ ᐊᓯᐅᒐᔭᕐᐸᑕ ᓵᓐᓂ, ᐃᓴᕆᐊᓕᒥᐅᑦᑕᐅᖅ ᑭᖑᕚᖏᑦ ᓄᖑᒃᑲᔭᕐᐳᑦ ᐃᓅᖃᑎᒌᒡᔪᐊᖑᓂᖓ ᓵᓐᓂ ᐃᓱᖃᖏᑦᑐᒧᑦ.”

³⁷ ᐊᑕᓂᖅ ᐃᒫᒃ ᐅᖃᕐᐳᖅ, “ᕿᓚᐅᑉ ᐊᖏᓂᖓ ᐆᒃᑐᕋᕐᑕᐅᔪᓐᓇᕋᔭᕐᐸᑦ, ᓄᓇᕐᔪᐊᓪᓗ ᑐᓐᖓᕕᖓ ᖃᐅᔨᔭᐅᔪᓐᓇᕐᓯᓗᓂ, ᑕᕝᕙ ᐃᓴᕆᐊᓕᒥᐅᑦ ᑭᖑᕚᖏᑦ ᐃᒋᑦᓱᒫᕐᐸᒃᑲ ᐱᓂᐊᕐᓂᕆᓚᐅᕐᑕᖏᑦ ᐱᑦᔪᑎᒋᓪᓗᒋᑦ, ᐊᑕᓂᖅ ᐅᖃᕐᐳᖅ.”

³⁸ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓇᓪᓕᐅᑦᓱᒫᕐᐳᖅ ᐃᒡᓗᒐᓴᒡᔪᐊᑦ ᓇᑉᐸᕐᑎᑕᐅᒃᑲᓐᓂᕈᒫᕐᓂᖓᑦ ᕼᐊᓇᓂᐅᑉ ᓇᐸᔪᕐᔪᐊᖓᓂᑦ ᐱᒋᐊᕐᓗᒍ ᐃᑎᕐᑕᕐᕕᒃ ᐃᓱᒥᒃ ᐊᑎᓕᒃ ᑎᑭᓪᓗᒍ.

³⁹ ᑭᒡᓕᖓᑕᓗ ᓇᓗᓁᕐᓯᒪᓂᖓ ᐱᒋᐊᕈᒫᕐᐳᖅ ᒐᕆᑉ ᐱᖑᖓᓂᑦ ᓴᖑᓗᓂ ᒍᐊᒧᑦ.

⁴⁰ ᓇᕐᓴᓕᒫᖅ ᐃᓗᕕᕐᓯᕕᐅᕙᒃᑐᖅ ᐊᒃᓯᕕᐅᕙᒃᑐᕐᓗ, ᓇᑎᕐᓇᕐᓗ ᑭᑐᕌᓂᐅᑉ ᑰᖓᓂᑦ, ᐃᑎᕐᑕᕐᕕᒃ ᕿᒻᒥᕐᔪᐊᒥᒃ ᑍᔭᐅᔪᖅ ᑎᑭᓪᓗᒍ, ᐊᑕᓂᐅᑉ ᓄᓇᖁᑎᖓᓂᒃ ᐃᑦᔪᕐᓁᑦᑐᒥᒃ ᑍᔭᐅᔪᒃᓴᐅᕗᖅ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒃᑲᓐᓂᕈᒫᓐᖏᓚᑦ ᐊᓯᕈᕐᑕᐅᒃᑲᓐᓂᓚᐅᕐᓯᒪᔪᓐᓃᕐᓗᑎᒡᓗ ᐃᓱᖃᖏᑦᑐᒧᑦ.”