ᐃᓗᐊᕐᓮᔩᑦ ᐊᒡᓚᖏᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

ᑎᐴᕋᐅᑉ ᐸᕌᑭᐅᓪᓗ ᐃᓐᖏᕈᑎᖓᒃ

¹ ᐅᓪᓗᒥᒃ ᑍᑦᓱᒪᓂ ᑎᐴᕋᓗ ᐸᕌᒃᓗ ᐊᐱᓄᐊᒻ ᐃᕐᓂᖓ ᐃᓐᖏᓚᐅᕐᐴᒃ ᐃᓐᖏᕈᓯᕐᒥᒃ ᐆᒥᖓ:

² ᓯᕗᓕᕐᑏᑦ ᓯᕗᓕᓚᐅᕐᐳᑦ ᐃᓴᕆᐊᓕᒥ. ᐃᓴᕆᐊᓕᒥᐅᑦ ᐅᓇᑕᕈᒪᒻᒪᕆᓚᐅᕐᐳᑦ; ᐃᕿᐊᓱᒐᑎᒃ ᐃᒻᒥᖕᓂᒃ ᑐᓂᓚᐅᕐᐳᑦ. ᐊᑕᓂᖅ ᓂᕐᑐᕐᑕᐅᓕ.

³ ᓈᓚᒋᑦᓯ ᐊᖓᔪᖅᑳᕐᔪᐊᖑᔪᓯ; ᑐᓵᒋᑦᓯᓗ ᐊᖓᔪᖅᑳᕐᔪᐊᑉ ᐃᕐᓂᖏᑦ; ᐊᑕᓂᕐᒧᑦ ᐃᓐᖏᕐᓂᐊᕋᒪ, ᑐᓴᕐᓂᔮᕐᓂᐊᕋᒪ ᐊᑕᓂᕐᒧᑦ ᐃᓴᕆᐊᓕᒥᐅᑦ ᒎᑎᖓᓐᓄᑦ.

⁴ ᐊᑕᓃᖅ, ᐃᖏᕐᕋᓯᑎᓪᓗᑎᑦ ᖃᖅᑲᓂ ᓰᐊᕆᒥ, ᐊᐅᓪᓚᕋᕕᓪᓗ ᐱᓱᒡᓗᑎᑦ ᐄᑐᒥᐅᑉ ᓄᓇᖓᓂᑦ, ᓄᓇ ᓴᔪᓚᐅᕐᐳᖅ, ᕿᓚᒃ ᑲᑕᓚᐅᕐᐳᖅ ᐊᒡᓛᑦ, ᓯᓚᓗᒃ ᑲᑕᓚᐅᕐᐳᖅ ᓄᕗᔭᓂᑦ.

⁵ ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ, ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.

⁶ ᓴᒻᒐᕆ ᐃᓅᑎᓪᓗᒍ, ᐊᓇᑎᐅᑉ ᐃᕐᓂᖓᑕ, ᔧᓕᓗ ᐃᓅᑎᓪᓗᒍ, ᐃᓄᒋᐊᒃᑐᕐᔪᐊᑦ ᐊᖅᑯᓵᖃᑦᑕᕐᑐᑦ ᓄᖅᑲᓚᐅᕐᐳᑦ, ᐊᐅᓪᓚᑲᑕᒃᑏᓪᓗ ᐊᖅᑯᑎᐅᒐᔪᖏᑦᑐᓂᒃ ᐊᑐᖃᑦᑕᓕᕐᓗᑎᒃ

⁷ ᖁᕕᐊᓇᕐᑐᑦ ᐃᓱᓕᓚᐅᕐᐳᑦ ᐃᓴᕆᐊᓕᒥ, ᑭᓱᑐᐃᓐᓇᓕᒫᑦ ᓄᖅᑲᓚᐅᕐᐳᑦ ᑭᓯᐊᓂ ᒪᑭᓐᓇᕕᑦ, ᑎᐴᕌ, ᓄᓇᕋᕐᑐᑦ ᑕᑯᒥᓇᕐᑐᑐᑦ ᐃᓴᕆᐊᓕᒧᑦ ᐊᓈᓇᐅᔪᑐᑦ.

⁸ ᒎᑎᒋᔭᐅᔪᑦ ᓄᑖᑦ ᓂᕈᐊᕐᑕᐅᖕᒪᑕ, ᐅᓇᑕᕐᓂᖅ ᐊᕙᓗᕐᔪᐊᑉ ᐃᑎᕐᑕᕐᕕᖏᓐᓃᓕᓚᐅᕐᐳᖅ ᐅᓇᑕᕐᓂᕐᒧᑦ ᓴᐴᓗᑍᑦ, ᖃᓗᒋᐊᓪᓗ ᑕᑯᒃᓴᐅᓚᐅᕐᐹᑦ 40,000ᓂ ᐃᓴᕆᐊᓕᑎᓂ?

⁹ ᐆᒻᒪᑎᒐ ᐃᓴᕆᐊᓕᒥᐅᑦ ᐅᓇᑕᕐᑎᖏᑕ ᐊᖓᔪᖅᑳᖏᓐᓃᓚᐅᕐᐳᖅ ᐃᑭᐊᓱᒐᑎᒃ ᐃᒻᒥᖕᓂᒃ ᑐᓂᓯᒪᔪᓂ ᐃᓄᐃᑦ ᐊᑯᕐᖓᓐᓂ ᐊᑕᓂᖅ ᓂᕐᑐᕐᑕᐅᓕ!

¹⁰ ᐅᖃᐅᓯᕆᓯᐅᒃ, ᐃᓕᑦᓯ ᓯᐅᑎᖅᑯᕐᑐᔪᓂ ᖃᑯᕐᑕᓂ ᐃᑭᒪᔪᓯ, ᐃᓕᑦᓯᓗ ᐃᒃᓯᕙᔪᓯ ᓂᕈᒥᑦᓯᐊᕐᑐᓂ. ᐃᓕᑦᓯᓗ ᐊᖅᑯᑎᒃᑯᑦ ᐱᓱᒃᑐᓯ.

¹¹ ᓈᓚᒋᑦᓯ! ᓂᑦᔭᐅᓯᔭᕐᑐᑦ ᓂᐱᖏᓐᓂᒃ ᐃᒥᕐᑎᑦᓯᔭᕐᑐᕐᕕᖕᓂ, ᑍᑲᓂ ᐅᖃᐅᓯᖃᓕᖅᑭᒃᑖᖏᒻᒪᑕ ᐊᑕᓂᐅᑉ ᓵᓚᖃᕐᓂᖓᓂᒃ ᓵᓚᖃᕈᑦᔨᓂᖓᓂᒃ ᐃᓴᕆᐊᓕᒥᒃ ᖁᕕᐊᒋᔭᖃᕐᓂᕐᒥᓄᑦ. ᐃᑎᕐᑕᕐᕕᖕᓄᑦ ᑕᐅᓄᖓ ᐱᓱᒃᐳᑦ ᐊᑕᓂᐅᑉ ᐃᓄᖁᑎᖏᑦ.

¹² ᑐᐸᓕᕆᑦ, ᑐᐸᓕᕆᑦ, ᑎᐴᕋ ᑐᐸᓕᕆᑦ, ᑐᐸᓕᕆᑦ, ᐃᓐᖏᓕᕐᓗᑎᓪᓗ. ᒪᑭᓕᕆᑦ ᐸᕌᒃ, ᐅᓇᑕᕐᓂᕐᒧᑦ ᑎᒍᓯᒪᔭᑎᑦ ᐊᐅᓪᓚᕈᑎᓕᒃᑭᑦ, ᐃᕝᕕᑦ ᐊᐱᓄᐊᒻ ᐃᕐᓂᖓ.

¹³ ᑕᐅᓄᖓ ᐱᓱᒃᐳᑦ ᐊᖓᔪᖅᑳᑦ ᐊᒥᐊᒃᑯᖏᑦ; ᐊᑕᓂᐅᑉ ᐃᓄᖁᑎᖏᑦ ᑕᐅᓄᖓ ᐱᓱᒃᐳᑦ ᐊᑕᓂᑎᒃ ᐱᓪᓗᒍ ᐅᓇᑕᕆᐊᕐᓗᑎᒃ ᐊᔪᖏᑦᑐᕐᔪᐊᓂᒃ.

¹⁴ ᐃᕗᕅᒥᑦ ᐊᐅᓪᓚᕐᐳᑦ ᑕᐅᕗᖓ ᓇᕐᓴᒧᑦ, ᐃᓕᖕᓂᒃ ᒪᓕᒡᓗᑎᒃ, ᐱᓐᔭᒥᓂᐅᑉ ᑭᖑᕚᖏᑦ, ᑭᖑᕚᖑᖃᑎᑎᑦ ᐃᓚᒋᓪᓗᒋᑦ. ᒪᑬᕆᒥᑦ ᐱᓱᒃᐳᑦ ᑕᐅᓄᖓ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ, ᓯᐳᓗᓂᒥᓪᓗ ᐱᓱᒃᐳᑦ ᐅᓇᑕᕐᑏᑦ ᑲᒪᔩᑦ ᐊᔭᐅᑉᐱᐊᓂᒃ ᑎᒍᒥᐊᕐᑐᑦ.

¹⁵ ᐃᓴᑳᕆᐅᑉ ᐊᖓᔪᖅᑳᕐᔪᐊᖏᑕ ᑐᖏᓕᖏᑦ ᑎᐴᕋᒧᐊᓚᐅᕐᐳᑦ; ᐃᓛᒃ, ᐃᓴᑳᕆᒃᑯᑦ ᓈᓚᑦᓯᐊᓚᐅᕐᐳᑦ ᐸᕌᒃᒥᒃ; ᓇᕐᓴᒧᑦ ᑐᐊᕕᕐᓗᑎᒃ ᒪᓕᒃᐹᑦ ᑭᖑᓂᑦᓯᐊᖓᓂ. ᕉᐱᓂᐅᓪᓕ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ ᐊᖏᔪᒥᒃ ᐃᓱᒪᒃᓴᕐᓯᐅᓚᐅᕐᐳᑦ ᒪᓕᖕᓂᐊᕐᒪᖔᕐᒥᒃ.

¹⁶ ᓱᖕᒪᓪᓕ ᓄᖅᑲᖓᑐᐃᓐᓇᓚᐅᕐᐱᓰ ᓰᐱᖁᑎᑦᓯ ᐊᑯᕐᖓᓐᓂ? ᑐᓵᔪᒪᓪᓗᓯ ᓰᐱᓕᕆᔨᓂᒃ ᐆᒪᔪᖁᑎᒥᖕᓄᑦ ᓂᓪᓕᐊᑎᑦᓯᕕᖃᕐᑐᓂᒃ? ᕉᐱᓂᐅᑉ ᑭᖑᕚᖏᑦ ᐊᕕᒃᓯᒪᓚᐅᕐᐳᑦ ᐃᓱᒪᒃᓴᕐᓯᐅᓚᐅᕐᒪᑕ ᐃᓚᒋᔭᐅᓂᐊᕐᒪᖔᕐᒥᒃ.

¹⁷ ᒋᓕᐊᑎᒥᐅᑦ ᔪᐊᕐᑕᓂᐅᑉ ᐊᑭᐊᓃᖏᓐᓇᓚᐅᕐᐳᑦ; ᑖᓐᓗ ᑭᖑᕚᖏᑦ ᓱᖕᒪᑦ ᐅᒥᐊᕐᔪᐊᓂᒃ ᓇᔪᕐᑎᖃᕋᓱᐊᓚᐅᕐᐹᑦ? ᐋᓱᕆᐅᑉ ᑭᖑᕚᖏᑦ ᐃᒪᐅᑉ ᓯᓈᓂ ᓄᖅᑲᖓᓚᐅᕐᐳᑦ ᐅᒥᐊᕐᔪᐊᑦ ᓄᓇᓕᐊᕐᕕᖏᓐᓂ.

¹⁸ ᓯᐳᓗᓂᐅᑉ ᐃᓄᖏᑦ ᐃᓅᓯᕐᑎᒃ ᑐᖁᒧᑦ ᑐᓂᓯᒪᓚᐅᕐᐰᑦ; ᓈᑉᑕᓕᐅᑦᑕᐅᖅ ᐃᓄᖏᑦ ᑍᒤᓕᐅᓚᐅᕆᕗᑦ, ᐅᓇᑕᕐᕕᖕᒥ ᓇᑎᕐᓇᒥ.

¹⁹ ᐊᖓᔪᖅᑳᕐᔪᐊᑦ ᑎᑭᓚᐅᕐᐳᑦ, ᐅᓇᑕᖃᑕᐅᓪᓗᑎᒡᓗ; ᐅᓇᑕᓚᐅᕐᐳᑦ ᑬᓇᓂᒥᐅᑦ ᐊᖓᔪᖅᑳᕐᔪᐊᖏᑦ, ᑖᓇᒃᒥ ᒥᒌᑑᑉ ᐃᒪᖏᑕ ᓴᓂᐊᓂ ᓯᐅᓪᕕᕆᒥᒡᓕ ᑎᒍᓯᓚᐅᓐᖏᓚᑦ ᓵᓚᖃᕐᑐᑦ ᑎᒍᕙᒃᑕᖏᓐᓂᒃ.

²⁰ ᐅᓪᓗᕆᐊᑦ ᐅᓇᑕᓚᐅᕐᐳᑦ ᕿᓚᖕᒥ, ᕿᓚᖕᒥᑦ ᐃᖏᕐᕋᕕᖕᒥᖕᓂᑦ ᐅᓇᑕᓚᐅᕐᐳᑦ ᓯᓰᕋᒥ.

²¹ ᑰᑉ ᑭᓲᓂᐅᑉ ᓴᕐᕙᐅᑎᓚᐅᕐᐰᑦ, ᑰᑉ ᓴᓐᖏᔪᐊᓘᓂᖓᓄᑦ, ᑭᓲᓐ ᑰᒃᑐᐊᓘᓂᖓᓄᑦ ᐱᓱᐃᓐᓇᕆᑦ, ᑕᕐᓃᖅ ᐊᒃᓱᕈᕐᓗᑎᑦ!

²² ᕿᒻᒥᕐᔪᐊᑦ ᕾᕗᑦ ᐸᖓᓕᖕᓂᖏᑦ ᓂᐱᖅᑯᕐᑐᓪᓗᑎᒃ ᐸᖓᓕᒡᓗᑎᒃ, ᕿᒻᒥᕐᔪᐊᑦ ᐊᖑᓴᓪᓗᐃᑦ ᐸᖓᓕᒃᐳᑦ.

²³ “ᐃᓱᒪᓂᕐᓗᒡᕕᐅᓕ ᒥᕉᔾ,” ᐊᑕᓂᐅᑉ ᐂᖏᓕᖓ ᐅᖃᕐᐳᖅ, “ᐃᓱᒪᓂᕐᓗᒡᕕᐅᓕ ᕿᒃᓵᖕᓇᕐᑐᒥᒃ, ᑕᕝᕙᓂ ᓄᓇᖃᕐᑐᑦ. ᕾᓚᐅᕐᒪᑕ ᐃᑲᔪᕐᑕᐅᒋᐊᕐᑐᕋᑎᒃ ᐊᑕᓂᕐᒧᑦ, ᐊᑕᓂᐅᑉ ᐃᑲᔪᕐᓂᖓᓄᑦ ᐊᔪᖏᑦᑐᐊᓗᖕᓂᑦ ᐃᑲᔪᕐᑕᐅᔪᒪᓗᑎᒃ.”

²⁴ ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᓕ ᔧᓕ, ᕼᐃᐸᕆᐅᑉ ᓄᓕᐊᖓ, ᑭᓁᑎ. ᑐᐱᕐᓃᑦᑐᓂᑦ ᐊᕐᓇᓂᑦ ᓮᒻᒪᕐᑎᑕᐅᓂᕐᐸᐅᕗᖅ.

²⁵ ᓯᓰᕋ ᐃᒥᕐᑎᑕᐅᔪᒪᑎᓪᓗᒍ, ᐃᒻᒧᖕᒥᒃ ᐃᒥᕐᑎᓚᐅᕐᑕᖓ. ᐴᒍᑕᑦᓯᐊᒧᑦ ᐃᒻᒧᖕᒥᒃ ᐂᑦᑐᓚᐅᕐᑕᖓ.

²⁶ ᑐᐱᐅᑉ ᐸᐅᒍᐊᖓᓂᒃ ᑎᒍᓯᓚᐅᕐᐳᖅ, ᑕᓕᕐᐱᖕᒧᓪᓗ ᓴᓇᔨᐅᑉ ᑲᐅᑕᖓ ᑎᒍᓪᓗᒍ; ᑖᑦᓱᒪᓗ ᓯᓰᕋ ᓂᐊᖁᐊᒍᑦ ᑲᐅᒐᕐᐹ, ᑖᑦᓱᒪ ᓂᐊᖁᐊ ᓯᖁᒥᑉᐹ ᓂᐊᖁᐊ ᐊᖕᒪᕐᓗᒍ ᐳᑐᕚ ᐃᕐᓴᖓᒍᑦ.

²⁷ ᓄᑮᕐᐳᖅ ᐅᕐᕈᓪᓗᓂᓗ, ᓇᓚᕗᖅ ᓄᖅᑲᖓᓪᓗᓂ ᐃᑎᒐᖏᓐᓂ; ᐃᑎᒐᖏᓐᓂᓗ ᓄᑮᕐᐳᖅ ᐅᕐᕈᕕᖕᒥᓂ; ᓄᑮᕐᕕᖕᒥᓂ ᐅᕐᕈᖓᕗᖅ ᑐᖁᓪᓗᓂ, ᐅᕐᕈᕕᖕᒥᓂ ᑐᖁᖓᓕᕐᐳᖅ.

²⁸ ᐃᒐᓛᒃᑯ ᐊᕐᓇᖅ ᑕᑯᓇᓱᓚᐅᕐᐳᖅ; ᓯᓰᕋᐅᑉ ᐊᓈᓇᖓ ᐃᒐᓛᑉ ᑖᓗᑕᖏᑕ ᐊᑯᓐᓂᖏᑎᒍᑦ ᑕᑯᓇᓱᓚᐅᕐᐳᖅ; “ᓲᖕᒪᓪᓖᓐᓇ ᕿᒧᒃᓯᐅᑎᖓ ᐊᒃᓴᓗᐊᓕᒃ ᑎᑭᓐᓇᓵᕐᐸ?” “ᓱᖕᒪᓪᓖᒃᑯᐊ ᕿᒻᒥᕐᔪᐊᖏᑕ ᐸᖓᓕᒡᕙᓗᖏᑦ ᑐᓴᕐᓴᐅᓇᓵᕐᐸᑦ?”

²⁹ ᓯᓚᑐᓂᕐᐹᖁᑎᖏᑦ ᐊᕐᓁᑦ ᑭᐅᓚᐅᕐᐳᑦ, ᑍᒤᓐᖏᓚᖅ, ᓇᖕᒥᓂᕐᓗ ᑭᐅᑦᔪᑎᒥᓂᒃ ᐅᖃᕐᓗᓂ.

³⁰ “ᕿᓂᑐᐃᓐᓇᓐᖏᓛᑦ ᑎᒍᔭᒃᓴᒥᖕᓂᒃ ᐊᕕᒃᑐᒐᒃᓴᒥᖕᓂᒃ ᓵᓚᖃᕐᓂᕐᒥᖕᓄᑦ? ᐊᕐᓇᒥᒃ ᒪᕐᕉᖕᓂᒡᓘᓐᓃᑉ ᐊᖑᒻᒧᑦ ᐊᑕᐅᓯᕐᒧᑦ ᑕᒤᓐᓄᑦ ᐊᓐᓄᕌᒃᓴᓂᒡᓗ ᐱᐅᔪᓂᒃ ᓯᓰᕋᒧᑦ, ᓄᕕᕐᓴᕐᓯᒪᔪᓂᒡᓘᓐᓃᑦ ᐊᖓᔪᖅᑳᕐᔪᐊᖅ ᓄᓕᐊᖓᑕ ᖁᖓᓯᖓᓅ.”

³¹ ᑍᒤᒻᒪᑦ ᐊᑭᕋᓕᒫᑎᑦ ᑍᒫᒃ ᑐᖁᓕᑦ, ᐆ ᐊᑕᓃᖅ. ᐃᓚᓐᓇᕆᔭᑎᓪᓕ ᖃᐅᒪᓕᕐᓕᑦ ᓯᕿᓂᐅᑉ ᖁᕝᕙᕐᐸᓪᓕᐊᓂᖓᑐᑦ ᐱᔪᓐᓇᕐᓂᖃᕐᓗᑎᒃ! ᓄᓇ ᐃᓂᓪᓚᖓᑦᓯᐊᓚᐅᕐᐳᖅ ᐊᕐᕌᒍᓂᒃ 40ᓂᒃ.