ᐃᓗᐊᕐᓮᔩᑦ ᐊᒡᓚᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᔨᑉᑕᓗ ᐃᕗᕅᒥᐅᓪᓗ ᑭᖑᕚᖏᑦ

¹ ᐃᕗᕅᒥᐅᑦ ᑭᖑᕚᖏᑕ ᐃᓄᖏᑦ ᐅᓇᑕᕆᐊᕐᓂᕐᒧᑦ ᐸᕐᓇᓚᐅᕐᐳᑦ, ᔪᐊᕐᑕᓂᐅᓪᓗ ᑰᖓᓂᒃ ᐃᑳᕐᓗᑎᒃ ᔭᐴᓂᐊᒧᐊᕐᐳᑦ ᐅᖃᕐᓗᑎᒡᓗ ᔨᑉᑕᒧᑦ, “ᓱᖕᒪᑦ ᐃᑳᕐᓗᑎᑦ ᐅᓇᑕᕆᐊᓚᐅᕐᐲᑦ ᐊᒧᓁᑎᒥᐅᓂᒃ ᐅᕙᑦᑎᓐᓂᒃᓗ ᐃᓚᖃᕈᒪᓗᑎᑦ ᕾᖁᔨᓇᑎᑦ? ᐃᒡᓗᐃᑦ ᐃᓂᒋᔧᑦ ᐃᑯᐊᓪᓚᖕᓂᐊᕐᐸᕗᑦ ᐃᑯᒪᒧᑦ.”

² ᔨᑉᑕᐅᑉ ᐅᖃᐅᑎᕔᑦ, “ᐃᓄᖁᑎᒃᑲ ᐊᑭᕋᕐᑑᑎᒃᓴᖃᓚᐅᕐᒪᑕ ᐊᒧᓁᑎᒥᐅᓂᒃ, ᕾᖁᔨᓚᐅᕋᓗᐊᕐᐳᖓ ᐃᓕᑦᓯᓐᓂᒃ ᓴᐳᑦᔨᓚᐅᓐᖏᓚᓯᓕ ᐅᕙᑦᑎᓐᓂᒃ ᑍᒃᑯᓇᓐᖓᑦ.

³ ᖃᐅᔨᒐᒪᓕ ᓴᐳᑦᔨᓇᓱᐊᕐᓂᐊᖏᓐᓂᑦᓯᓐᓂᒃ, ᐃᓅᓯᕋ ᐊᑦᑕᕐᓇᕐᑐᒦᑎᓚᐅᕐᐸᕋ, ᐃᑳᕐᓗᖓᓗ ᔪᐊᕐᑕᓂᒥᒃ ᐅᓇᑕᕆᐊᓚᐅᕐᐳᖓ ᐊᒧᓁᑎᓂᒃ, ᐊᑕᓂᐅᓪᓗ ᓵᓚᖃᕐᑎᓚᐅᕐᐹᖓ ᑖᒃᑯᓂᖓ; ᓱᖕᒪᓪᓕ ᕾᕕᓯ ᐅᓇᑕᕆᐊᕐᑐᕐᓗᖓ ᒫᓐᓇ?”

⁴ ᔨᑉᑕᐅᑉ ᒋᓕᐊᑎᒥᐅᑦ ᐊᖑᑎᓕᒫᑦ ᑲᑎᑎᑉᐰᑦ, ᐅᓇᑕᕐᐰᓪᓗ ᐃᕗᕅᒥᐅᑦ ᓵᓚᒋᓪᓗᒋᓪᓗ. ᐃᕗᕅᒥᐅᑦ ᐅᖃᓚᐅᕐᒪᑕ, “ᒋᓕᐊᑦᒥᐅᖑᔪᓯ ᐃᕗᕅᒦᑦᑐᓯ ᒫᓇᓯᒃᑯᓪᓗ ᕿᒤᓯᒪᕗᓯ ᐃᕗᕅᒥᒃ!”

⁵ ᕿᒫᖁᓇᒋᓪᓕ ᐃᕗᕅᒥᐅᑦ ᒋᓕᐊᑎᒥᐅᑦ ᑎᒍᓚᐅᕐᐰᑦ ᐃᑳᕐᕕᖕᓂ ᔪᐊᕐᑕᓂᐅᑦ ᑰᖓᓂ. ᐃᕗᕅᒥᐅᑦ ᑭᖑᕚᖏᑦ ᕿᒫᓇᓱᒃᑐᑦ ᐅᖃᕐᐸᓚᐅᕐᐳᑦ, “ᐃᑳᕐᑎᓐᖓ.” ᒋᓕᐊᑎᒥᐅᓪᓕ ᐊᖑᑎᑦ ᐊᐱᕆᖃᑦᑕᓚᐅᕐᐰᑦ, “ᐃᕗᕅᒥᐅᖑᕖᑦ?” ᐅᖃᕐᐸᑦ, “ᐃᕗᕅᒥᐅᖑᓐᖏᓚᖓ,”

⁶ ᐅᖃᐅᑦᔭᐅᖃᑦᑕᓚᐅᕐᐳᑦ ᐅᖃᕆᑦ, “ᓯᐳᓕᑎ.” ᐅᖃᖃᑦᑕᓚᐅᕐᐳᓪᓕ, “ᓯᐳᓕᑦ” ᐱᐅᓯᕐᒥᑐᑦ ᐅᖃᑦᓯᐊᕈᓐᓇᖏᓐᓇᒥᐅᒃ. ᑎᒍᔭᐅᕙᓚᐅᕐᐳᑦ ᑐᖁᑕᐅᓪᓗᑎᒡᓗ ᔪᐊᕐᑕᓂᐅᑉ ᑰᖓᑕ ᐃᑳᕐᕕᖏᓐᓂ. ᑍᑦᓱᒪᓂ 42,000ᐃᑦ ᐃᕗᕅᒥᐅᑦ ᑐᖁᑕᐅᓚᐅᕐᐳᑦ.

⁷ ᔨᑉᑕ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ ᐊᕐᕌᒍᓂᒃ ᐱᖓᓲᔪᕐᑐᓂᒃ. ᒋᓕᐊᑎᒥᐅᑕᕐᓗ ᔨᑉᑕ ᑐᖁᖕᒪᑦ ᐃᓗᕕᕐᑕᐅᕗᖅ ᓄᓇᒥᓂ ᒋᓕᐊᑎᒥ.

ᐃᑉᓴᓐ, ᐃᓚᓐ, ᐊᑉᑑᓂᓗ

⁸ ᔨᑉᑕᐅᑉ ᑭᖑᓂᖓᓂ, ᐃᑉᓴᓐ ᐱᑦᓕᐊᒥᐅᑕᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ.

⁹ ᐃᕐᓂᖃᓚᐅᕐᐳᖅ 30ᓂᒃ, ᐸᓂᖃᕐᓗᓂᓗ 30ᓂᒃ. ᐸᓂᓕᒫᓂ ᐂᑦᑑᑎᒋᓚᐅᕐᐰᑦ ᓄᓕᐊᕐᑖᕆᔭᐅᓪᓗᑎᒃ ᐃᓚᖏᑕ ᐊᓯᖏᓐᓄᑦ, ᐊᕐᓇᓂᒡᓗ 30ᓂᒃ ᐃᓚᖏᑕ ᐊᓯᖏᓐᓂᒃ ᑎᑭᑎᑦᓯᓚᐅᕐᐳᒃ ᓄᓕᐊᕐᑖᕆᔭᐅᖁᓪᓗᒋᑦ ᐃᕐᓂᕐᒥᓄᑦ ᐃᑉᓴᓇᐅᓪᓗ ᐃᓴᕆᐊᓕᒥᐅ ᑕᓯᐅᓚᐅᕐᐰᑦ ᐊᕐᕌᒍᓂᒃ 7ᓂᒃ.

¹⁰ ᐃᑉᓴᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᑦᓕᐊᒻᒥ.

¹¹ ᐃᑉᓴᓇᐅᑉ ᑭᖑᓂᖓᒍᑦ, ᐃᓘᓐ ᓯᐳᓗᓂᐅᑉ ᑭᖑᕚᖓᑕ ᐃᓴᕆᐊᓕᒥᐅᑦ ᑕᓯᐅᓚᐅᕐᐰᑦ ᐊᕐᕌᒍᓂᒃ ᖁᓕᓂᒃ.

¹² ᐃᓘᓐᓗ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐂᔭᓚᓐᓂᒥ ᓯᐳᓗᓂᐅᑉ ᓄᓇᖓᓂ.

¹³ ᐃᓚᓐᓗ ᑭᖑᓂᖓᓂ, ᐊᑉᑖᓐ ᕼᐃᓕᐅᓕᐅᑉ ᐃᕐᓂᖓ ᐱᕋᑐᓁᑎᒥᐅᖅ ᐃᓴᕆᐊᓕᒥᐅᓂᒃ ᑕᓯᐅᕐᓯᓚᐅᕐᐳᖅ.

¹⁴ ᐃᕐᓂᖃᓚᐅᕐᐳᖅ 40ᓂᒃ ᐃᕐᖑᑕᖃᕐᓗᓂᓗ ᐊᖑᑎᓂᒃ 30ᓂᒃ, ᑖᒃᑯᐊᓗ ᕿᒧᒃᓯᐅᑎᖃᓚᐅᕐᐳᑦ ᓯᐅᑎᖅᑯᕐᑐᔪᓂᒃ 70ᓂᒃ. ᐊᑉᑐᓐ ᑕᓯᐅᕐᓯᓚᐅᕐᐳᖅ ᐃᓴᕆᐊᓕᒥᐅᓂᒃ ᐊᕐᕌᒍᓂᒃ 8ᓂᒃ,

¹⁵ ᐊᑉᑖᓐᓗ ᕼᐃᓕᐅᓕᐅᑉ ᐃᕐᓂᖓ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᐱᕋᑐᓁᒥ ᐃᕗᕅᒥᐅᑦ ᓄᓇᖓᓂ ᖃᖅᑲᓕᖕᒥ ᐊᒪᓕᑬᑎᑦ ᓄᓇᖓᓂ.