ᔧᒥᓯᐅᑉ ᐊᒡᓚᖏᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᔪᕐᓴᖏᓐᓂᐅᑉ ᐅᓗᕆᐊᓇᕐᓂᖓ

¹ ᐃᓕᑦᓯ ᒫᓐᓇ ᐊᔪᕐᓴᖏᑦᑐᐊᓘᔪᓯ, ᕿᐊᓗᓯᓗ ᓂᓪᓕᐊᓕᕆᑦᓯ ᐅᒡᒍᐊᕐᓇᕐᑐᒧᑦ ᑎᑭᑕᐅᓕᕋᑦᓯ.

² ᐊᔪᕐᓴᓐᖏᑦᔪᑎᓯ ᐊᐅᓂᐅᓕᕐᐳᑦ ᐊᓐᓄᕌᓯᓗ ᖁᐱᕐᕈᓄᑦ ᖃᓪᓗᓈᕐᑕᕐᑐᓲᓄᑦ ᓂᕆᔭᐅᓯᒪᓕᕐᓗᑎᒃ.

³ ᒎᓗᓯ ᓯᐅᓪᕕᕆᓯᓗ ᒪᓐᖏᕐᑐᕆᕗᑦ, ᒪᓐᖏᕐᑐᕆᓂᖏᓪᓗ ᓇᓗᓁᒃᑯᑕᐅᓂᐊᕐᐳᑦ ᐱᒋᐊᕐᑕᐅᑦᔪᑎᒃᓴᑦᓯᓐᓄᑦ ᑎᒥᓯᓗ ᓂᕆᔭᐅᔪᒫᕐᐳᖅ ᐃᑯᒪᐅᑉ ᓄᖒᑦᓯᓂᖓᑐᑦ. ᑕᒪᑦᔭ ᑲᑎᕐᓱᕐᓯᒪᔭᓯ ᐊᔪᕐᓴᖏᑦᔪᑎᒋᓯᒋᒃ ᐅᓪᓗᐃᑦ ᑭᖑᓪᓕᖏᓐᓂ.

⁴ ᑕᑯᒋᑦ, ᐱᓇᓱᐊᕐᑐᑦ ᐱᕈᕐᓰᕕᖁᑎᑦᓯᓐᓂ ᐱᕈᕐᑐᓂᒃ ᓇᑲᑎᕆᔪᑦ ᐊᑭᓕᓚᐅᓐᖏᓚᓯ ᑮᓇᐅᔭᒃᓴᖏᓐᓂᒃ, ᓯᓔᕐᕆᒃᓯᓂᒃᑯᑦ, ᓈᒻᒪᒃᓴᕈᓐᓃᕐᓗᑎᒃ ᓂᓪᓕᐊᓂᖏᑦ ᑐᓴᓕᕐᓯᐅᒃ; ᐱᕈᕐᓰᕕᖁᑎᑦᓯᓐᓂ ᓇᑲᑎᕆᔪᑦ ᓂᓪᓕᐊᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᑐᓵᓕᕐᐰᑦ.

⁵ ᒫᓂ ᓄᓇᒥ ᐊᔪᕐᓴᖏᑦᑐᐊᓘᓪᓗᓯ ᖁᕕᐊᓱᑐᐃᓐᓇᕋᓱᐊᕐᓗᓯᓗ ᐃᓅᓚᐅᕐᐳᓯ; ᐃᓕᑦᓯᓐᓂᒃ ᖁᐃᓂᔪᓐᖑᕐᑎᑉᐳᓯ ᐅᓪᓗᒧᑦ ᑐᖁᑕᐅᓂᒃᓴᑦᓯᓐᓄᑦ.

⁶ ᑐᖁᑕᒃᓴᓐᖑᕐᑎᑦᓯᓚᐅᕐᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᖢᒋᓪᓗ; ᑖᒃᑯᐊᓗ ᐊᑭᕋᕐᑐᓚᐅᓐᖏᓛᓯ.

ᕿᓄᐃᓵᕐᓂᖅ ᑐᒃᓯᐊᕐᓂᕐᓗ

⁷ ᑍᒤᒻᒪᑦ ᐅᒃᐱᖃᑎᒃᑲ, ᕿᓄᐃᓵᕆᑦᓯ ᐊᑕᓂᖅ ᑎᑭᑦᓯᐊᕆᓗᒍ. ᑕᑯᒋᑦ ᐱᕈᕐᓰᕕᓕᕆᔨᐅᑉ ᕿᓄᐃᓵᕐᓗᓂ ᐱᕈᕐᑐᐃᑦ ᑕᑯᒥᓇᕐᑐᑦ ᐱᕈᕐᓯᐊᕆᕔᑦ, ᕿᓄᐃᓵᕐᓗᓂ ᐅᑕᖅᑭᕗᖅ ᐅᐱᕐᖔᒃᑯᑦ ᐅᑭᐊᒃᓵᒃᑯᓪᓗ ᓯᓚᓗᖕᓂᐅᕙᒃᑐᓂᒃ.

⁸ ᐃᓕᑦᓯᑦᑕᐅᖅ ᕿᓄᐃᓵᕐᑐᒃᓴᐅᕗᓯ. ᓂᕆᐅᖕᓂᖃᕐᓗᓯ ᐆᒻᒪᑎᑦᓯᒍᑦ ᐊᑕᓂᐅᑉ ᑎᑭᕝᕕᒃᓴᖓ ᖃᓂᑦᑑᓕᕐᒪᑦ.

⁹ ᓈᒻᒪᒃᓴᖏᓐᓂᕐᒧᑦ ᐅᖃᕐᓂᕐᓗᖃᑦᑕᐅᑎᓂᐊᕋᓯ ᐃᓚᑦᓯᓐᓄᑦ ᐅᒃᐱᕐᑑᖃᑎᒌᑦ, ᐃᖅᑲᕐᑐᕐᑕᐅᖁᓇᓯ; ᑕᑯᒋᑦ, ᐃᖅᑲᕐᑐᐃᔨ ᖃᒡᓕᕗᖅ ᐅᒃᑯᐊᒦᓕᕐᓗᓂ.

¹⁰ ᐅᒃᐱᕐᑑᖃᑎᒃᑲ, ᓇᓚᐅᑦᑍᔫᓚᐅᕐᑐᑦ ᐃᖅᑲᐅᒪᓚᐅᕐᓯᐅᒃ ᐊᑕᓂᐅᑉ ᐊᑎᖓᓂ ᐅᖃᕐᐸᓚᐅᕐᑐᑦ, ᐊᒃᓱᕈᕐᓇᕐᑐᒦᑎᑕᐅᓂᕐᒥᖕᓂ ᕿᓄᐃᓵᕈᑎᖃᕐᓗᑎᒃ ᐊᓂᒍᐃᕙᓚᐅᕐᑐᑦ.

¹¹ ᑕᑯᒋᑦ, ᓮᒪᓇᕐᑐᒥᒃ ᐃᓅᓯᖃᓚᐅᕐᓂᕋᕐᐸᕗᑦ ᕿᓄᐃᓵᓚᐅᕐᓂᖏᓐᓄᑦ. ᑐᓴᐅᒪᕙᓯ ᔫᐱᐅᑉ ᕿᓄᐃᓵᕐᓂᕆᓚᐅᕐᑕᖓ, ᑭᖑᓂᖓᒍᓪᓗ ᐊᑕᓂᕐᒧᑦ ᑐᓂᓯᕕᐅᓚᐅᕐᓂᖓ, ᐊᑕᓂᖅ ᓇᓪᓕᒍᓱᒃᔪᐊᕐᒪᑦ ᓂᑲᒍᓱᖕᓂᕐᔪᐊᖃᕐᓗᓂᓗ.

¹² ᐊᖏᓂᕐᐹᒥᒡᓕ ᐅᒃᐱᕐᑑᖃᑎᒃᑲ, ᐊᖏᕈᑎᖃᕌᖓᑦᓯ ᓱᓕᒃᑲᓐᓂᕈᑎᖃᕋᓱᒡᓗᓯ ᐅᖃᕕᒃᑐᒃᓴᐅᓐᖏᓚᓯ ᕿᓚᖕᒥᑦ ᓄᓇᒥᓪᓗ ᑍᓯᖃᓯᐅᑦᔨᓗᓯ, ᐅᕝᕙᓘᓐᓃᑦ ᐊᓯᖏᓐᓄᑦ, ᐃᒫᒡᓕ ᐅᖃᕐᐸᒋᑦᓯ; ᐊᖏᕈᑎᖃᕐᓗᓯ ᓱᓕᓗᑎᑦ ᐊᖏᕈᕕᑦ ᐊᖏᖏᓪᓗᑎᓪᓗ ᓱᓕᓗᑎᑦ ᐊᖏᖏᒃᑯᕕᑦ, ᐃᖅᑲᕐᑐᕐᑕᐅᑦᔪᑎᒃᓴᖃᖁᓇᓯ.

¹³ ᐃᓚᓯ ᐃᓗᐊᖏᑦᔪᑎᖃᕐᐹ? ᑖᓐᓇ ᑐᒃᓯᐊᕐᓕ. ᐃᓚᓯ ᖁᕕᐊᓱᒃᐹ? ᑖᓐᓇ ᐃᓐᖏᕐᓕ ᓂᕐᑐᐃᓗᓂ.

¹⁴ ᐃᓚᑦᓯᓐᓂᑦ ᖃᓂᒪᔪᖃᕐᐹ? ᑖᓐᓇ ᐅᒃᐱᕐᑑᖃᑎᒌᑦ ᐊᖓᔪᖅᑳᖏᓐᓂᒃ ᕾᖁᔨᓕ, ᑖᒃᑯᓄᖓ ᑐᒃᓯᐅᑦᔭᐅᖁᓪᓗᒍ, ᐸᐅᕐᖎᓪᓗ ᐅᕐᓱᖓᓄᑦ ᐅᕐᓱᕐᑎᕐᓗᒍ ᐊᑕᓂᐅᑉ ᐊᑎᖓᓂ;

¹⁵ ᑐᒃᓯᐊᕐᓂᐅᓪᓗ ᐅᒃᐱᕐᓂᒃᑰᕐᑐᑉ ᖃᓂᒪᔪᖅ ᐋᖅᑭᖕᓂᐊᕐᐹ, ᐊᑕᓂᐅᓪᓗ ᒪᑭᑎᓗᒍ; ᐊᔪᕐᑐᓕᓯᒪᒃᐸᓪᓗ, ᐃᓱᒪᒋᔪᓐᓁᕐᕕᐅᓂᐊᕐᐳᖅ.

¹⁶ ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.

¹⁷ ᐃᓔᑦᔭᑦᑕᐅᖅ ᐅᕙᑦᑎᑐᑦ ᐃᓄᑐᐃᓐᓇᐅᓚᐅᕐᐳᖅ ᐃᓗᖏᕐᑐᕐᓗᓂ ᑐᒃᓯᐊᕐᒪᑦ ᓯᓚᓗᖁᔨᓇᓂ, ᓯᓚᓗᓚᐅᓐᖏᓚᖅ ᓄᓇᒥ ᐊᕐᕌᒍᓂᒃ ᐱᖓᓱᓂᒃ ᑕᖅᑭᓂᒡᓗ ᐱᖓᓲᔪᕐᑐᓂᒃ.

¹⁸ ᐊᒻᒪ ᑐᒃᓯᐊᕐᒥᖕᒪᑦ, ᕿᓚᖕᒥᑦ ᓯᓚᓗᓕᓚᐅᕐᐳᖅ, ᓄᓇᓗ ᐱᕈᕐᑐᖃᓕᓚᐅᕆᕗᖅ.

¹⁹ ᐅᒃᐱᕐᑑᖃᑎᒃᑲ, ᐃᓚᑦᓯᓐᓂᑦ ᓱᓕᓂᕐᒥᑦ ᕿᒤᔪᖃᕐᐸᑦ ᐊᓯᖓᓄᓪᓗ ᐅᑎᕐᑎᑕᐅᒃᐸᑦ,

²⁰ ᖃᐅᔨᒪᓚᐅᕐᓕ ᓇᓪᓕᐊᑦ ᐊᔪᕐᑐᓕᔫᑉ ᑕᒻᒪᕐᓂᖓᓂᑦ ᐅᑎᕐᑎᑦᓯᔪᖅ ᑕᕐᓂᖓᓂᒃ ᑐᖁᒥᑦ ᐱᐅᓕᒃᓯᖕᒪᑦ ᐊᔪᕐᑐᓕᓂᕐᓂᒡᓗ ᐊᒥᓱᓂᒃ ᐃᓱᒪᒋᔪᓐᓁᕐᑕᐅᑎᑦᓯᓪᓗᓂ.