ᔧᒥᓯᐅᑉ ᐊᒡᓚᖏᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓅᖃᑎᑐᖃᕆᓐᖏᑕᒥᒃ ᓇᕐᕈᓂᐅᑉ ᐅᓗᕆᐊᓇᕐᓂᖓ

¹ ᐅᒃᐱᕐᑑᖃᑎᒃᑳ, ᐊᑦᔨᒌᓐᖏᑎᑦᓯᔪᒃᓴᐅᓐᖏᓚᓯ ᐃᓅᑉ ᑕᐅᑦᑐᐊ ᒪᓕᒡᓗᒍ ᐅᒃᐱᕐᑎᓪᓗᓯ ᐊᑕᓂᑦᑎᓐᓄᑦ ᔩᓱᓯ ᙭ᔅᑑᓯᒧᑦ, ᓂᕐᑐᕐᓇᕐᓂᕐᔪᐊᑉ ᐊᑕᓂᖓᓄᑦ.

² ᐊᖑᑦ ᑲᑎᒪᕕᑦᓯᓐᓄᑦ ᐃᑎᕐᐸᑦ ᒎᓗᒥᒃ ᓇᒡᒍᐊᕐᒥᓕᒃ ᐱᐅᔪᓂᒃᓗ ᐊᓐᓄᕌᕐᓯᒪᓗᓂ, ᐊᒻᒪ ᐊᖑᑦ ᐊᔪᕐᓴᕐᑐᖅ ᐊᓐᓄᕌᕐᓗᒃᑐᖅ ᐃᑎᕐᒥᓗᓂ,

³ ᐊᖑᑦ ᐱᐅᔪᓂᒃ ᐊᓐᓄᕌᑦᓯᐊᕆᒃᑐᖅ ᑲᒪᒋᑦᓯᐊᕐᓂᕐᓴᕆᒍᑦᓯᐅᒃ ᐅᖃᐅᑎᓗᒍᓗ, “ᒪᐅᖓ ᐃᒃᓯᕙᐅᑕᕐᒧᑦ ᐱᐅᔪᒧᑦ ᐃᖏᓪᓗᑎᑦ,” ᐊᔪᕐᓴᕐᑐᒧᓪᓗ ᐅᖃᕐᒥᓗᓯ, “ᐊᕙᓂ ᓂᑯᕕᖓᓕᕆᑦ,” ᐅᕝᕙᓗ “ᒪᐅᖓ ᓇᑎᕐᒧᑦ ᐃᖏᓕᕆᑦ,”

⁴ ᑍᒤᓕᐅᕈᑦᓯ ᑕᕝᕙ ᐸᓯᔭᒃᓴᐅᓕᕋᔭᓐᖏᓚᓰ? ᐊᑦᔨᒌᓐᖏᑎᑦᓯᓂᑦᓯᓐᓄᑦ, ᐃᓅᖃᑎᑦᓯᓐᓂᒡᓗ ᐃᖅᑲᕐᑐᐃᓪᓗᓯ ᐱᐅᖏᑦᑐᒥᒃ ᐃᓱᒪᖃᕐᓂᑦᓯᓐᓄᑦ.

⁵ ᑐᓴᕆᑦᓯ ᐅᒃᐱᕐᑑᖃᑎᒃᑳ ᓇᒡᓕᖕᓇᕐᑐᑦ. ᓯᓚᕐᔪᐊᕐᒥ ᐊᔪᕐᓴᕐᑐᑦ ᒎᑎᐅᑉ ᓂᕈᐊᕐᓯᒪᓐᖏᓔᑦ ᐅᒃᐱᕐᓂᕐᒥ ᐊᔪᕐᓴᕈᓐᓃᖁᓪᓗᒋᑦ ᑭᖑᕐᖑᑦᔨᖁᓪᓗᒋᓪᓗ ᐊᑕᓂᐅᕕᖕᒥᒃ ᓇᒡᓕᒃᑎᒥᓄᑦ ᐊᖏᕈᑎᒋᓯᒪᔭᒥᓂᒃ?

⁶ ᐃᓕᑦᓯᓕ ᐊᔪᕐᓴᕐᑐᓂᒃ ᓇᕐᕈᖃᑕᐅᕙᒃᑲᑦᓯ. ᐊᔪᕐᓴᖏᑦᑐᓅᑦ ᐅᖁᒤᒋᔭᑦᓯᓐᓃᑎᑕᐅᕙᓐᖏᓚᓯ? ᑖᒃᑯᓇᓐᖓᓪᓗ ᐃᖅᑲᕐᑐᒐᒃᓴᓐᖑᕐᑎᑕᐅᕙᒡᓗᓯ.

⁷ ᑖᒃᑯᐊ ᐅᖃᕐᓂᕐᓘᑎᖃᕐᐸᐳᑦ ᐱᐅᔪᒥᒃ ᑍᔭᐅᑦᔪᑎᑦᓯᓐᓂᒃ ᓇᕐᕈᓇᕐᓯᑎᑦᓯᓇᓱᐊᕐᓗᑎᒃ.

⁸ ᐊᖓᔪᖅᑳᔪᐊᑉ ᐱᖁᔭᖓ ᐊᑐᑦᓯᐊᕈᑦᓯᐅᒃ ᒎᑎᐅᑉ ᐅᖃᐅᓯᖏᑦ ᒪᓕᒃᓗᒋᑦ, ᐃᒫ, “ᐃᓅᖃᑏᑦ ᐃᓕᒃᑐᑦ ᓇᒡᓕᒋᔭᒃᓴᕆᕙᑦ” ᑕᑉᕙ ᓈᒻᒪᒃᑐᒥᒃ ᐱᕗᑎᑦ.

⁹ ᐊᑦᔨᒌᓐᖏᑎᑦᓯᕙᑲᑦᓯ, ᑕᕝᕙ ᐊᔪᕐᑐᓕᕗᓯ, ᐱᖁᔭᓄᓪᓗ ᐸᓯᔭᐅᒐᔭᕐᐳᓯ ᒪᓕᖏᓐᓂᕋᕐᑕᐅᓗᓯ.

¹⁰ ᑭᓇᑐᐃᓐᓇᖅ ᐱᖁᔭᓂᒃ ᑕᒤᓐᓂᒃ ᒪᓕᑦᓯᐊᕐᑑᑉ ᐊᑕᐅᓯᕐᓕ ᒪᓕᖏᒃᑯᓂᐅᒃ ᑕᕝᕙ ᐱᖁᔭᑦ ᑕᒪᕐᒥᒃ ᐸᓯᔭᒃᓴᐅᑦᔪᑎᒋᕔᑦ.

¹¹ ᑍᓐᓇ ᐅᖃᓚᐅᕐᓯᒪᖕᒪᑦ, “ᐊᓯᓐᓂᐊᕐᑐᒃᓴᐅᓐᖏᓚᑎᑦ,” ᐊᒻᒪ ᐅᖃᓚᐅᕆᕗᖅ, “ᐃᓄᐊᕐᑐᒃᓴᐅᓐᖏᓚᑎᑦ.” ᑕᕝᕙ ᐊᓯᓐᓂᐊᖏᒃᑲᓗᐊᕈᕕᑦ ᐃᓄᐊᕈᕕᓕ, ᑕᕝᕙ ᐱᖁᔭᑦ ᑕᒪᕐᒥᒃ ᐊᔪᕐᑐᓕᑦᔪᑎᒋᕙᑎᑦ.

¹² ᐅᖃᕅᒍᑦᓯ ᐱᓇᓱᐊᕈᑦᓯᓗ ᐃᖅᑲᕐᑐᕐᑕᐅᔪᒫᕐᑐᑎᑐᑦ ᐱᓇᓱᐊᖃᑦᑕᕆᑦᓯ ᐱᖁᔭᓄᑦ ᕿᓚᕈᑦᔮᕐᑎᑦᓯᔪᓄᑦ.

¹³ ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.

ᐅᒃᐱᕐᓂᖅ ᐱᓂᐊᕐᓂᕐᓗ

¹⁴ ᐅᒃᐱᕐᑑᖃᑎᒃᑳ, ᖃᓄᖅ ᐊᑐᕐᓇᕋᔭᕐᐸ, ᐅᒃᐱᕐᓂᖃᕐᓂᕋᕈᑦᓯ ᐱᓂᐊᕐᓂᒃᑯᓪᓗ ᓴᖅᑭᑎᖏᓪᓗᒍ? ᐅᒃᐱᕐᓂᑦᓯ ᑕᑉᕙ ᐱᐅᓕᔪᓐᓇᕐᐹᓰ?

¹⁵ ᐅᒃᐱᕐᑑᖃᑏᑦ ᐊᖑᑦ ᐊᕐᓇᕐᓗᓐᓃᑦ ᐊᓐᓄᕌᕐᓗᒃᓗᓂ ᖃᐅᑕᒫᓪᓗ ᓂᕿᒃᓴᖃᖏᓪᓗᓂ,

¹⁶ ᐃᓚᑦᓯᓐᓂᑦ ᐅᖃᐅᑦᔭᐅᒃᐸᑦ, “ᐃᓱᒪᔮᖏᓪᓗᑎᑦ ᐊᐅᓪᓚᓕᕆᑦ, ᐅᖅᑰᓯᐊᕆᑦ ᓂᕆᓗᑎᓪᓗ ᐊᕿᐊᑦᑐᕆᑦ,” ᑐᓂᓯᕕᒋᓇᒍᓗ ᑎᒥᐅᑉ ᐊᑐᒐᒃᓴᖏᓐᓂᒃ, ᖃᓄᖅ ᑕᒪᓐᓇ ᐱᕙᓪᓕᕐᓇᕋᔭᕐᐹ?

¹⁷ ᑍᒤᒃᑭᕗᕐᑕᐅᖅ ᐅᒃᐱᕐᓂᖅ ᑖᓐᓇᑑᓗᓂ, ᐱᓂᐊᕐᓂᕐᒥᒃ ᐃᓚᖃᖏᒃᑯᓂ, ᑐᖁᖓᕗᖅ.

¹⁸ ᐅᖃᕐᑐᖃᕋᔭᕐᐸᑦ, “ᐅᒃᐱᕐᓂᖃᕐᐳᑎᑦ, ᐅᕙᖓᓕ ᐱᓂᐊᕐᓂᖃᕐᐳᖓ.” ᐅᒃᐱᕐᓂᕐᒥᒃᓕ ᐱᓂᐊᕐᓂᕐᒥᒃ ᐃᓚᖃᖏᑦᑐᒥᒃ ᑕᑯᑎᓚᐅᓐᖓ, ᐅᒃᐱᕐᓂᓐᓂᒃᑕᐅᖅ ᑕᑯᑎᓐᓂᐊᕋᒃᑭᑦ ᐱᓂᐊᕐᓂᒃᑯᑦ.

¹⁹ ᐊᑕᐅᓯᕐᒥᒃ ᒎᑎᒥᒃ ᐅᒃᐱᕆᔭᖃᕐᐳᑎᑦ; ᓈᒻᒪᑦᑎᐊᕐᑐᒥᒃ ᐱᕗᑎᑦ. ᐊᓂᕐᓂᕐᓗᐃᑦᑕᐅᖅ ᑍᒫᒃ ᐅᒃᐱᕐᒥᖕᒪᑕ ᓴᔪᒡᓗᑎᒡᓗ.

²⁰ ᓯᓔᑦᑐᑎᑦ ᑕᑯᑎᑕᐅᔪᒪᕖ ᐅᒃᐱᕐᓂᐅᑉ ᐱᓂᐊᕐᓂᕐᒥᒃ ᐃᓚᖃᖏᑦᑑᑉ ᐊᑑᑎᖃᖏᓐᓂᖓᓂᒃ?

²¹ ᓯᕗᓕᕕᓂᕗᑦ ᐂᑉᕋᕼᐋᒻ ᐃᓗᐊᕐᓯᑎᑕᐅᓚᐅᓐᖏᓛᖅ ᐃᕐᓂᕐᒥᓂᒃ ᐂᓴᑭᒥᒃ ᑐᓂᕐᕈᓯᕐᕕᖕᒧᐊᕐᓯᒐᒥ?

²² ᑕᕝᕙ ᑕᑯᕗᑎᑦ ᐅᒃᐱᕐᓂᖓ ᐱᓂᐊᕐᓂᖓᓗ ᐊᑕᐅᑦᓯᒃᑯᑦ ᐱᓇᓱᐊᖃᑎᒌᓚᐅᕐᒪᑎᒃ.

²³ ᒎᑎᐅᑉ ᐅᖃᐅᓯᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᐂᑉᕋᕼᐋᒻ ᒎᑎ ᐅᒃᐱᕆᕚ, ᑕᒪᑐᒧᖓ ᐃᓗᐊᕐᓯᑎᑕᐅᓂᕋᕐᑕᐅᕗᖅ”; ᑍᔭᐅᓕᕐᓗᓂᓗ ᒎᑎᐅᑉ ᐃᓚᓐᓈᖓᓂᒃ.

²⁴ ᑕᕝᕙ ᑐᑭᓯᕗᓯ ᐃᓄᒃ ᐃᓗᐊᕐᓯᑎᑕᐅᖕᒪᑦ ᐱᓂᐊᕐᓂᕐᒥᒍᑦ ᐅᒃᐱᕐᓂᒃᑯᑐᐃᓐᓇᐅᖏᑦᑐᖅ.

²⁵ ᑍᒫᑦᓮᓐᓇᕐᑕᐅᖅ ᐊᖑᓐᓂᐊᕐᑎ ᕅᕼᐋᐱ ᐃᓗᐊᕐᓯᑎᑕᐅᓚᐅᕐᐳᖅ ᐱᓂᐊᕐᓂᕐᒥᒍᑦ ᐃᓴᕆᐊᓕᒥᐅᑦ ᖃᐅᔨᓴᕆᐊᕐᓯᒪᑎᑕᖏᓐᓂᒃ ᑐᓐᖓᓱᒃᑎᑦᓯᓚᐅᕐᒪᑦ ᐃᑲᔪᕐᓗᒋᓪᓗ ᐊᖅᑯᑎᐅᑉ ᐊᓯᐊᒍᑦ ᐊᐅᓪᓚᕐᑎᓪᓗᒋᑦ.

²⁶ ᓲᕐᓗ ᑎᒥ ᐊᓂᕐᓂᖃᖏᒃᑯᓂ ᑐᖁᖓᖕᒪᑦ, ᑍᒫᒃᑕᐅᖅ ᐅᒃᐱᕐᓂᖅ ᐱᓂᐊᕐᓂᕐᒥᒃ ᐃᓚᖃᖏᒃᑯᓂ ᑐᖁᖓᒋᕗᖅ.