ᔧᒥᓯᐅᑉ ᐊᒡᓚᖏᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦ

ᓇᓗᓁᕐᓯᑦᔪᑏᑦ

¹ ᔧᒥᓯ, ᒎᑎᐅᑉ ᐊᑕᓂᑦᑕᓗ ᔩᓱᓯᐅᑉ ᙭ᔅᑑᓯᐅᑉ ᐱᔨᖓ, ᑭᖑᕚᕇᓄᑦ 12ᓄᑦ ᓯᓚᕐᔪᐊᕐᒥ ᓇᓂᑐᐃᓐᓈᕐᑐᓄᑦ; ᑐᓐᖓᓱᒋᑦᓯ.

ᐅᒃᐱᕐᓂᖅ ᓯᓚᑐᓂᕐᓗ

² ᐅᒃᐱᕐᑑᖃᑎᒃᑲ ᖁᕕᐊᓱᒪᕆᒋᑦᓯ, ᓱᓇᑐᐃᓐᓇᕐᓄᑦ ᐊᑦᔨᒌᖏᑦᑐᓄᑦ ᐆᖁᒤᑐᒦᑎᑕᐅᓕᕈᑦᓯ,

³ ᖃᐅᔨᒪᒐᑦᓯ ᐅᒃᐱᕐᓂᑦᓯ ᐆᒃᑐᕐᑕᐅᓂᖓ ᕿᓄᐃᓵᕈᓐᓇᕐᓯᓂᕐᒥᒃ ᐱᑎᑦᓯᖕᒪᑦ.

⁴ ᕿᓄᐃᓵᕐᓂᖅ ᑲᔪᓯᑦᓯᐊᕐᑐᒃᓴᐅᕗᖅ, ᓈᒻᒪᒃᓯᑦᓯᐊᖁᓪᓗᓯ ᐱᔭᕇᑦᓯᐊᕐᓗᓯᓗ, ᓱᓇᒥᒡᓗ ᑭᓐᖒᒪᔭᖃᕈᓐᓃᖁᓪᓗᓯ.

⁵ ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

⁶ ᐅᒃᐱᑦᓯᐊᕐᓗᓂ ᑐᒃᓯᐊᕐᓕ, ᖁᓚᖏᑦᓯᐊᕐᓗᓂ, ᓇᓪᓕᐊᑦ ᖁᓚᕐᑐᖅ ᐃᒪᕕᐅᑉ ᒪᓕᖏᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᒻᒪᑦ.

⁷ ᐃᓄᒃ ᑍᒤᑦᑐᖅ ᐊᑕᓂᕐᒧᑦ ᑐᓂᓯᕕᐅᓂᐊᕋᓱᒋᓗᓂ ᐃᓱᒪᔪᒃᓴᐅᓐᖏᓚᖅ;

⁸ ᖁᓚᕐᑐᖅ ᒪᕐᕉᖕᓂᒃ ᐃᓱᒪᖃᕋᒥ, ᓴᖑᓴᕅᑉᐳᖅ ᐱᓂᐊᕐᓂᕐᒥᓂ ᑕᒤᓐᓂ.

ᐊᔪᕐᓴᕐᓂᖅ ᐊᔪᕐᓴᓐᖏᓐᓂᕐᓗ

⁹ ᐅᒃᐱᕐᑑᖃᑎᓕ ᐊᔪᕐᓴᕐᑐᖅ ᒪᑭᑎᑕᐅᒍᓂ ᐅᐱᒍᓱᒃᑐᒃᓴᐅᕗᖅ,

¹⁰ ᐅᒃᐱᕐᑑᖃᑎᑦᑕᐅᖅ ᐊᔪᕐᓴᓐᖏᑦᑐᖅ ᐊᔪᕐᓴᓕᕈᓂ ᖁᕕᐊᓱᒃᑐᒃᓴᐅᒋᕗᖅ, ᐊᔪᕐᓴᕐᓂᖅ ᓄᖑᑦᓱᒫᕐᒪᑦ ᓄᓇᒥ ᐱᕈᕐᑐᑦ ᑐᖁᓕᕙᖕᓂᖏᑎᑐᑦ.

¹¹ ᓯᕿᓂᖅ ᓴᖅᑭᒻᒪᑦ ᑭᐊᒃᐸᓗᒻᒪᕆᒡᓗᓂ ᐱᕈᕐᑐᑦ ᐆᑕᐅᕗᑦ; ᓄᓇᕋᖏᓪᓗ ᓄᕗᖏᓐᓃᑦᑐᑦ ᑲᑕᒐᕐᐳᑦ, ᑕᑯᒥᓇᕐᓂᖏᓪᓗ ᓄᖑᑕᐅᕗᑦ. ᑍᒫᒃᑕᐅᖅ ᐃᓄᒃ ᐊᔪᕐᓴᓐᖏᑦᑐᖅ ᐱᓇᓱᐊᒐᕐᒥᓂᒃ ᐱᓇᓱᐊᕐᑎᓪᓗᒍ ᑐᖁᓕᔪᒫᕆᕗᖅ.

ᐆᒃᑐᕐᑕᐅᓂᖅ ᐱᔪᒥᓵᕐᑕᐅᓂᕐᓗ

¹² ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

¹³ ᐃᓄᒃ ᐱᐅᖏᑦᑐᒥᒃ ᐱᔪᒥᓵᕐᑕᐅᓕᕈᓂ ᐅᖃᕐᑐᒃᓴᐅᓐᖏᓚᖅ, “ᒎᑎᒧᑦ ᐱᐅᖏᑦᑐᒥᒃ ᐱᔪᒥᓵᕐᑕᐅᓕᕐᐳᖓ”; ᒎᑎ ᐱᐅᖏᑦᑐᒥᒃ ᐱᔪᒥᓵᕆᔨᐅᓐᖏᓇᒥ ᐱᐅᖏᑦᑐᒧᑦ ᐱᔪᒥᓵᕆᓂᐊᓐᖏᓚᖅ ᑭᓇᒥᒡᓘᓐᓃᑦ.

¹⁴ ᐃᓄᒡᓕ ᐱᔪᒥᓵᕐᑕᐅᓕᕐᐳᖅ ᐃᒃᖠᒎᕐᓂᕐᒥᓄᑦ ᑲᔪᖏᕐᓴᕐᑕᐅᓪᓗᓂ ᓇᖕᒥᓂᖅ ᐱᔪᒪᓂᐊᓗᖕᒥᓄᑦ.

¹⁵ ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.

¹⁶ ᐅᐃᕕᕆᔭᐅᓂᐊᕋᓯ, ᓇᒡᓕᒋᔭᒃᑲ ᐅᒃᐱᕐᑑᖃᑎᒃᑲ.

¹⁷ ᑐᓂᕐᕈᑏᑦ ᐱᐅᔪᑦ ᑐᓂᕐᕈᑎᓪᓗ ᓈᒻᒪᑦᓯᐊᕐᑐᑦ ᑕᒪᕐᒥᒃ ᕿᓚᖕᒥᑦ ᐱᕗᑦ, ᖃᐅᒪᔪᒥᑦ ᐊᑖᑕᒥᑦ ᐱᕗᑦ ᑖᑦᓱᒪᓂ ᑕᕐᕋᕐᒥᒃ ᐊᓯᑦᔨᕐᐸᓪᓕᐊᔪᖃᓐᖏᓚᖅ ᐊᓯᓐᖑᕐᐸᓪᓕᐊᔪᖃᕋᓂᓗ.

¹⁸ ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᑐᓴᕐᑕᒥᒃ ᐱᓇᓱᐊᕈᑎᖃᕐᓂᖅ

¹⁹ ᙭ᔅᑑᓯᒥᐅᖑᖃᑎᒃᑲ ᓇᒡᓕᖕᓇᕐᑐᓯ, ᐅᓇ ᖃᐅᔨᒪᓯᐅᒃ. ᐃᓄᐃᑦ ᑕᒪᕐᒥᒃ ᑐᓴᕐᓴᕅᓪᓕᑦ, ᐅᖃᕐᓴᕅᓐᖏᓪᓗᑎᒃ, ᓂᓐᖓᒃᓴᕅᖏᓪᓗᑎᒡᓗ.

²⁰ ᐃᓅᑉ ᓂᓐᖓᐅᒪᓂᖓ ᒎᑎᐅᑉ ᐃᓗᐊᕐᑐᓕᓂᖓᓂᑦ ᐱᖏᒻᒪᑦ.

²¹ ᑍᒤᒻᒪᑦ ᐱᓂᐊᕐᓂᕐᓗᖕᓂᓕᒫᑦ ᓈᒻᒪᖏᑦᑐᓂᒃᓗ ᐱᓇᓱᐊᕐᓃᑦ ᐊᑐᕈᓐᓁᕐᓯᒋᒃ ᐱᐅᔪᕆᖏᓪᓗᓯᓗ ᐃᓚᓕᐅᕐᓯᐅᒃ ᐅᖃᐅᓯᖓ ᐃᓗᑦᓯᓐᓄᑦ ᑲᓐᖓᕐᓲᑎᒋᔭᖓ, ᑕᒪᓐᓇ ᐃᓕᑦᓯᓐᓂᒃ ᐱᐅᓕᓯᔪᓐᓇᕐᒪᑦ.

²² ᐅᖃᐅᓯᕐᓕ ᐱᓇᓱᐊᕈᑎᒋᓯᐅᒃ, ᑐᓵᑐᐃᓐᓇᖏᓪᓗᒍ, ᑐᓵᑐᐃᓐᓇᕈᑦᓯ ᓇᖕᒥᓂᖅ ᐅᐃᕕᕆᒐᑦᓯ.

²³ ᑭᓇᑐᐃᓐᓇᖅ ᐅᖃᐅᓯᕐᒥᒃ ᑐᓴᑐᐃᓐᓇᕐᑎ ᐱᓇᓱᐊᕈᑎᖃᕐᐸᖏᑦᑐᖅ, ᑖᑦᓱᒪ ᐊᑦᔨᒋᕚ ᐃᓄᒃ ᑕᕐᕋᕐᑑᑎᒃᑯᑦ ᑮᓇᕐᒥᓂᒃ ᕿᒥᕐᕈᔪᖅ;

²⁴ ᐃᒻᒥᓂᒃ ᕿᒥᕐᕈᐊᓚᐅᕐᓗᓂ ᑕᕝᕙᓐᖓᑦ ᓅᓐᓇᒥ ᑮᓇᕐᒥ ᖃᓄᐃᓕᖓᓂᖓ ᑕᕝᕔᓐᓇᖅ ᐳᐃᒍᕐᐹ.

²⁵ ᑭᓇᑐᐃᓐᓇᖅ ᑕᑯᑦᓯᐊᕐᑐᖅ ᐱᖁᔭᓂᒃ ᕿᓚᕈᑦᔮᕐᓯᔪᓂᒃ, ᐃᓄᖕᓂᒃ, ᐊᑕᕕᒌᓐᓇᓕᕐᓗᒋᓪᓗ, ᑖᓐᓇ ᓈᓚᑐᐃᓐᓇᓐᖏᓚᖅ ᐳᐃᒍᑐᐃᓐᓇᕋᓂᓗ ᐱᓂᐊᕈᑎᒋᓪᓗᒋᓪᓕ ᐊᑐᓕᕐᐰᑦ, ᐃᓄᒃ ᑍᒤᓕᐅᕐᑐᖅ ᓮᒻᒪᕐᑎᑕᐅᓂᐊᕐᐳᖅ ᐱᓇᓱᐊᕐᓂᕆᔭᒥᓂ.

²⁶ ᐅᒃᐱᕋᓱᒋᔪᒥᒃ ᐃᓕᑦᓯᓐᓃᑦᑐᖃᕐᐸᑦ, ᐅᖃᓂᓗ ᐊᑐᕐᓂᕐᓗᒃᑍᓕᓂᕐᒧᑦ ᐱᓯᒪᔪᓐᓇᖏᒃᑯᓂᐅᒃ ᐆᒻᒪᑎᓂ ᐅᐃᕕᕆᕚ, ᑕᑉᕙ ᐅᒃᐱᕐᓂᖓ ᐊᑑᑎᖃᓐᖏᓚᖅ.

²⁷ ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.