ᐂᓮᐊᓯᐅᑉ ᐊᒡᓚᖏᑦ 46 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᐊᓪ ᐹᒻᒪᒃᑎᕐᐳᖅ, ᓂᐴᓗ ᐅᑯᓪᓗᓂ; ᒎᑎᓐᖑᐊᖏᑦ ᓇᖕᒪᒃᑕᐅᕗᑦ ᐆᒪᔪᖁᑎᖏᓐᓄᑦ ᐃᒻᒧᒃᓯᐅᒐᖁᑎᖏᓐᓄᓪᓗ. ᓇᖕᒪᒃᑕᐅᓪᓗᑎᒃ ᑕᒪᒃᑯᐊ ᓇᒃᓴᕐᑕᓯ ᐅᖁᒤᑦᑑᕗᑦ ᐆᒪᔪᖁᑎᓄᑦ.

² ᑖᒃᑯᐊ ᐅᑯᖓᕗᑦ, ᑲᑎᓐᖓᓪᓗᑎᒡᓗ ᐹᒻᒪᖓᕗᑦ, ᓇᖕᒪᒃᑕᐅᖃᑦᑕᕐᑐᑦ ᐅᖁᒤᒃᓴᐅᑎᓂᒃ ᓴᐳᑦᔨᔪᓐᓇᓐᖏᓚᑦ, ᓇᖕᒥᓂᕐᓕ ᑎᒍᔭᐅᕗᑦ ᐊᐅᓪᓚᕈᑦᔭᐅᓪᓗᑎᒡᓗ.

³ “ᓈᓚᒃᓯᓐᖓ ᔧᑯᒧᑦ ᑭᖑᕚᖑᔪᓯ, ᐃᓘᓐᓇᓯᓗ ᐃᓴᕆᐊᓕᒥᐅᓂ ᐊᒥᐊᒃᑰᔪᓯ, ᐃᓕᑦᓯᓐᓂᒃ ᑲᒪᒋᔭᖃᓚᐅᕐᐳᖓ ᐃᓅᓕᕋᑖᕐᓂᑦᓯᓐᓂᑦ ᐃᒡᓕᐊᕐᒦᑎᓪᓗᓯᓗ;

⁴ ᐃᓄᑐᖃᐅᓕᕋᓗᐊᕈᑦᓯ, ᐅᕙᖓᐅᕗᖅ ᑖᓐᓇ, ᖀᖃᓕᕋᓗᐊᕈᑦᓯᓗ ᓱᓕ ᐊᒡᔭᕈᒫᕐᐸᑦᓯ! ᓴᓇᓚᐅᕋᒪ, ᐊᒡᔭᕐᓯᓂᐊᕐᓗᖓᓗ; ᐊᒡᔭᕐᓂᐊᕐᐸᑦᓯ ᐱᐅᓕᓗᓯᓗ.

⁵ ᑭᓇᒧᑦ ᐊᑦᔨᐅᑎᑦᓱᓐᓇᕐᐱᓯᓐᖔ? ᓇᓪᓕᐅᒪᔭᐅᔪᓐᓇᕐᓂᕋᕐᓗᖓᓗ, ᑭᓇᒧᑦ ᑍᒤᓪᓗᐊᕆᔭᐅᑎᓐᓂᐊᕐᐱᓯᓐᖔ ᐊᑦᔨᒌᑯᓪᓗᓄᒃ?

⁶ ᑖᒃᑯᐊ ᑮᓇᐅᔭᖃᐅᑎᒥᖕᓂ ᒎᓗᓂᒃ ᐊᒥᒐᖏᑦᑐᓂᒃ ᐱᖃᕐᑐᑦ, ᓯᐅᓪᕕᕆᓂᒡᓗ ᐅᖁᒤᓐᓂᕐᓯᐅᕐᐸᒃᑐᑦ, ᐊᑭᓕᕐᓱᕐᓂᐊᕐᑕᒥᖕᓂᒃ ᑎᓕᓯᕗᑦ ᒎᓗᓕᐅᕐᑎᒥᒃ ᒎᑎᓐᖑᐊᓕᐅᖁᓪᓗᒍ; ᑕᕝᕙ ᑭᖑᓂᖓᒍᑦ ᐹᒻᒪᒃᑎᕐᕕᒋᓪᓗᒍ ᑐᒃᓯᐊᕐᕕᒋᓕᕐᐹᑦ.

⁷ ᑕᕝᕙ ᐃᕐᓲᑎᓪᓗᒍ ᐊᒡᔭᓕᕐᐹᑦ; ᐃᓂᒃᓴᖓᓄᓪᓗ ᐃᓕᓪᓗᒍ, ᑕᕝᕙᓂᓗ ᓇᐸᓕᕐᐳᖅ; ᐃᓂᒥᓂ ᐊᐅᓚᑦᔭᒍᓐᓇᓐᖏᓚᖅ, ᓂᓪᓕᐊᕕᐅᒐᓗᐊᕈᓂᓗ ᑭᐅᓂᐊᓐᖏᓚᖅ, ᖃᓄᐃᓐᓇᕐᑐᒦᓕᕐᐸᑕᓗ ᓴᐳᑦᔨᑦᔮᓇᓂ.

⁸ ᐅᓇ ᐃᖅᑲᐅᒪᓯᐅᒃ ᐃᓱᒪᒃᓴᕐᓯᐅᕈᑎᒋᓗᒍᓗ, ᐃᖅᑲᖃᑦᑕᕐᓗᒍᓗ, ᐃᓕᑦᓯ ᓈᓚᒍᒪᔪᓐᓇᖏᑦᑐᓯ.

⁹ ᐃᖅᑬᓕᕆᑦᓯ ᑍᑦᓱᒪᓂᐊᓗᒃ ᐊᑐᓚᐅᕐᑐᓂᒃ; ᐅᕙᖓᐅᕗᖅ ᒎᑎ, ᐊᓯᓐᓂᒡᓗ ᐱᑕᖃᕋᓂ, ᐅᕙᖓᐅᕗᖅ ᒎᑎ, ᐅᕙᑦᑐᑦ ᑍᒤᑦᑐᕐᑕᖃᓐᖏᓚᖅ.

¹⁰ ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’

¹¹ ᐊᖑᓇᓱᒃᑎᒥᒃ ᑎᖕᒥᐊᕐᔪᐊᒥᒃ ᕾᖁᔨᓯᒪᕗᖓ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᐊᖑᑦ ᐱᓇᓱᐊᕐᑕᐅᖁᔭᓐᓂᒃ ᐱᓇᓱᐊᕐᓂᐊᕐᑐᖅ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᖅ; ᐅᖃᕇᕐᓯᒪᒐᒪ ᓇᓪᓕᐅᑎᑎᑦᓱᒫᕐᓗᒍᓗ. ᐱᓇᓱᐊᕈᒪᔭᓐᓂᒃ ᐅᖃᕐᓯᒪᒐᒪ; ᑍᒤᓕᐅᕐᓂᐊᕐᓗᖓᓗ.

¹² ᓈᓚᒃᓯᓐᖓ ᓯᑎᔪᓂᒃ ᐆᒻᒪᑎᖃᕐᑐᓯ, ᐱᐅᓕᔭᐅᓂᕐᒥᑦ ᐅᖓᓯᒃᑐᓯ.

¹³ ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”