ᐂᓮᐊᓯᐅᑉ ᐊᒡᓚᖏᑦ 32 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᖓᔪᖅᑳᕐᔪᐊᕐᑕᖃᕐᓂᖓ ᐊᑦᔨᒌᒃᑎᑦᓯᔪᒥᒃ ᐃᓕᖅᑯᓯᓕᖕᒥᒃ

¹ ᑕᑯᒋᑦ, ᐊᖓᔪᖅᑳᕐᔪᐊᕐᑕᖃᓕᕈᒫᕐᐳᖅ ᐊᑦᔨᒌᒃᑎᑦᓯᔪᒥᒃ ᐊᐅᓚᑦᓯᓂᖃᕐᑐᒥᒃ, ᐊᖓᔪᖅᑳᖁᑎᖏᓪᓗ ᓇᓛᒎᕐᑐᒥᒃ ᐊᖓᔪᖅᑳᖑᓂᖃᕐᓗᑎᒃ.

² ᑖᒃᑯᐊ ᐊᓄᕆᒥᑦ ᐅᖅᑯᐃᕝᕕᒃᓴᑎᑐᑦ ᐃᓄᖕᓄᑦ ᑍᒤᑦᓱᒫᕐᐳᑦ, ᐅᖅᑯᐃᓐᓇᕐᑐᑐᑦ ᐊᖅᑯᓇᕐᑐᒥ, ᑰᖕᒥᒡᓗ ᓇᓂᓯᔪᑎᑐᑦ ᐃᒪᖃᖏᑦᑐᒥ, ᐅᔭᕋᓱᒡᔪᒡᑎᑐᑦ ᑕᕐᕋᓕᓂᖓᓂ ᓂᒡᓚᕐᓯᕐᕕᒃᓴᑎᑐᑦ ᓄᓇᒥ ᐅᖅᑰᔪᐊᓘᑎᓪᓗᒍ.

³ ᐃᔩᑦ ᑕᑯᔪᓐᓇᕐᑐᑦ ᑕᕝᕙᓂ ᑕᑯᓐᓇᑦᓯᐊᕈᒫᕐᐳᑦ, ᑐᓵᔪᓪᓗ ᓯᐅᑎᖏᑦ ᓈᓚᒡᓗᑎᒃ.

⁴ ᐅᐃᒻᒪᒃᓴᕅᑦᑐᓂᒡᓗ ᐃᓱᒪᓖᑦ ᑐᑭᓯᔪᓐᓇᑦᓯᐊᓕᕈᒫᕐᐳᑦ, ᐃᒃᑐᕆᒃᑐᓪᓗ ᐅᖃᓪᓚᒍᓐᓇᕐᓯᔪᒫᕐᐳᑦ ᑐᑭᓯᓇᑦᓯᐊᕐᑐᓂᒃ.

⁵ ᓯᓔᑦᑐᑦ ᐊᔪᖏᑦᑐᒥᒃ ᑍᔭᐅᔪᓐᓃᕈᒫᕐᐳᑦ, ᐅᐃᕖᑦᑐᓪᓗ ᐅᐱᒋᔭᐅᔪᒥᒃ ᑍᔭᐅᔪᓐᓃᕐᓗᑎᒃ.

⁶ ᓯᓔᑦᑐᑦ ᓱᓕᖏᑦᑐᓂᒃ ᐅᖃᓲᖑᖕᒪᑕ, ᐃᓱᒪᒃᓴᕐᓯᐅᕈᑎᖃᕐᓗᑎᒡᓗ ᐊᔪᕐᑐᓕᓂᕐᒥᒃ; ᐃᓕᖅᑯᓯᖃᕐᓗᑎᒡᓗ ᒎᑎᐅᑉ ᐃᓕᖅᑯᓯᕆᖁᓐᖏᑕᖏᓐᓂᒃ, ᐅᖃᓲᖑᓪᓗᑎᒡᓗ ᐊᑕᓂᖅ ᐅᖃᐅᓯᕆᓪᓗᒍ ᑕᒻᒪᕐᓯᒪᔪᓂᒃ, ᑳᒃᑑᒐᓗᐊᓂᒡᓗ ᓂᕆᔭᒃᓴᕐᑖᕐᑎᑦᓯᕙᒐᑎᒃ, ᐃᒥᕈᒃᑐᓂᒡᓗ ᐃᒥᒃᓮᕈᑦᔨᕙᒃᓗᑎᒃ.

⁷ ᐅᐃᕖᑦᑐᑦ ᐱᐅᓯᖃᕐᐳᑦ ᓈᒻᒪᖏᑦᑐᕐᔪᐊᓂᒃ; ᐱᐅᖏᑦᑐᓂᒡᓗ ᐱᓇᓱᐊᒐᒃᓴᕐᓯᐅᑐᐃᓐᓇᕐᓗᑎᒃ, ᐊᔪᕐᓴᕐᑐᓂᒃ ᐅᖃᐅᓯᕐᒥᖕᓄᑦ ᓱᓕᖏᑦᑐᓄᑦ ᐱᐅᔪᓐᓃᕐᑎᑦᓯᒋᐊᓪᓚᓲᖑᕗᑦ, ᐊᔪᕐᓴᕐᑐᑦ ᓇᓛᒎᑦᓯᐊᕐᑐᒥᒃ ᐃᑲᔪᕐᑕᐅᑦᔪᑎᒃᓴᒥᖕᓂᒃ ᐅᖃᐅᓯᖃᕋᓗᐊᕐᑎᓪᓗᒋᑦ.

⁸ ᐱᔪᓐᓇᑦᓯᐊᕐᑐᕐᓕ ᐱᔪᒥᓇᕐᑐᓂᒃ ᐱᓇᓱᐊᕈᒪᕗᖅ, ᐱᔪᒥᓇᑦᓯᐊᕐᑐᓂᒃ ᐱᓂᐊᕐᓂᖃᕋᒥ ᐊᐅᓚᑦᔭᒃᑕᐅᔪᓐᓇᖏᑦᑐᒥᒃ ᐃᓕᖅᑯᓯᖃᕋᒥᒃ.

ᐃᖅᑲᕐᑐᐃᓂᖅ ᐋᖅᑭᒃᓱᐃᓂᕐᓗ

⁹ ᒪᑭᓕᕆᑦᓯ, ᐊᕐᓇᐅᔪᓯ ᐊᒃᓱᕈᕐᓇᖏᑦᑐᒥᒃ ᐃᓅᔪᓯ, ᓂᐱᒐ ᑐᓴᕐᓯᐅᒃ, ᐸᓂᐅᔪᓯ ᐃᓱᒫᓘᑎᒃᓴᖃᕋᓯ ᐃᓅᔪᓯ ᐅᖃᐅᓯᒃᑲ ᓈᓚᓕᕐᓯᒋᒃ.

¹⁰ ᐊᕐᕌᒍ ᐊᓂᒍᕐᓯᒪᓕᕐᐸᑦ ᐅᓪᓗᐃᑦ ᐃᓚᖏᓐᓂ, ᓴᔪᒍᒫᕐᐳᓯ ᐃᓕᑦᓯ ᐊᕐᓁᑦ ᓈᒻᒪᑦᓯᐊᕐᑐᒥ ᐃᓂᖃᕐᑐᓯ; ᖁᐊᕐᓵᖓᓇᕐᑐᒧᑦ ᑎᑭᑦᓱᒫᕐᐳᓯ, ᐸᐅᕐᖎᑦ ᕔᓂᒃᓮᑦ ᐱᕈᕈᒫᖏᒻᒪᑕ, ᕔᓂᒃᓴᓂᒡᓗ ᑲᑎᕐᓱᐃᕕᒃ ᐱᑕᖃᕈᒫᖏᒻᒪᑦ.

¹¹ ᓴᔪᓕᕆᑦᓯ, ᐊᕐᓇᐅᔪᓯ ᒫᓐᓇ ᓮᓕᔪᓯ, ᐃᓱᒫᓗᓕᕆᑦᓯ ᖃᓄᐃᓐᓇᖏᑦᓯᐊᕐᑐᒦᑦᑐᓯ, ᐊᓐᓄᕌᓯ ᐲᔭᓕᕐᓯᐅᒃ ᐊᓐᓄᕅᑦᑑᓕᕐᓗᓯ, ᕿᑎᕈᓯᔭᓕᕆᑦᓯ ᐆᒪᔫᑉ ᒥᖅᑯᕕᓂᖏᓐᓂᒃ ᓄᕕᕐᓴᕐᓯᒪᔪᓂᒃ ᐅᒡᒍᐊᕐᑐᕐᓯᐅᑎᓂᒃ.

¹² ᓴᒡᕕᑦᓯᓐᓂᒃ ᑎᒡᓗᐊᓕᕆᑦᓯ ᐱᕈᕐᓰᕕᓯ ᐱᕈᕐᕕᐅᑦᓯᐊᕐᐸᓚᐅᕐᑐᑦ ᐱᓪᓗᒋᑦ, ᐸᐅᕐᖓᖃᐅᑏᓪᓗ ᕔᓂᒃᓴᓂᒃ ᐸᐅᕐᖓᖃᑦᓯᐊᕐᐸᓚᐅᕐᑐᑦ ᐱᓪᓗᒋᑦ.

¹³ ᐃᓄᖁᑎᒪ ᓄᓇᖁᑎᖏᓐᓂ ᐱᕈᕐᑐᖃᐅᓕᕈᒫᕐᐳᖅ ᐅᕐᐱᖕᓂᒃ ᑲᑭᓐᓇᕐᑐᓕᖕᓂᒃ ᐊᕚᓚᕿᐊᓂᒡᓗ; ᐃᓛᒃ ᐃᒡᓗᖃᕐᕕᐅᓚᐅᕐᑐᓂᑦ ᖁᕕᐊᓱᒃᑐᓂᒃ ᐃᓄᖃᕐᑐᓂᒃ ᐃᒡᓗᒐᓴᒡᔪᐊᓪᓗ ᖁᕕᐊᓱᒃᕕᐅᕙᒃᑎᓪᓗᒋᑦ.

¹⁴ ᐊᖓᔪᖅᑳᕐᔪᐊᑉ ᐃᒡᓗᕐᔪᐊᖓ ᕿᒪᒃᑎᕐᑕᐅᔪᒫᕐᐳᖅ, ᐃᒡᓗᒐᓴᒡᔪᐊᓪᓗ ᐃᓄᒋᐊᒃᑑᐊᓘᓚᐅᕐᑐᑦ ᐃᓄᐃᕈᑎᔪᒫᕐᐳᑦ, ᓇᐸᔪᑦ ᐅᓇᑕᕐᑏᓪᓗ ᖃᐅᔨᓴᕐᕕᖏᑦ ᐳᕐᑐᔪᑦ ᓯᑎᖃᕐᕕᑐᐃᓐᓇᐅᓕᕈᒫᕐᒪᑕ ᐃᓱᖃᖏᑦᑐᒧᑦ, ᓯᐅᑎᖅᑯᕐᑐᔪᓄᑦ ᓄᔪᐊᕐᑐᓄᑦ ᖁᕕᐊᓱᒡᕕᐅᓕᕐᓗᑎᒃ, ᓰᐱᓄᓪᓗ ᓂᕆᓇᓱᒃᕕᑐᐃᓐᓇᐅᓕᕐᓗᑎᒃ.

¹⁵ ᒎᑎᐅᑉ ᐊᓂᕐᓂᖓᓄᑦ ᕿᓚᖕᒥᑦ ᑎᑭᑕᐅᓯᒪᓕᕈᑦᑕ ᑭᓯᐊᓂ, ᓱᓇᖃᕈᓐᓃᓚᐅᕐᑑᒐᓗᐊᑦ ᐱᕈᕐᕕᐅᓕᕈᒫᕆᕗᑦ ᐸᐅᕐᖓᓂᒃ, ᐱᕈᕐᕕᐅᓕᕐᑐᕐᓗ ᓇᐹᕐᑐᒐᓴᒃᔪᐊᓕᒃᑐᑦ ᑍᒤᓕᕈᒫᕆᕗᖅ.

¹⁶ ᐊᑦᔨᒌᒃᑎᑦᓯᓂᖅ ᐃᓂᖃᕈᒫᕐᐳᖅ ᐱᕈᕐᑐᖃᖏᑦᑐᒥ, ᓇᓛᒎᕐᓂᕐᓗ ᓅᑦᓱᒫᓐᖏᓚᖅ ᐱᕈᕐᑐᖃᕐᐸᒃᑐᒥ.

¹⁷ ᓇᓛᒎᕐᓂᐅᑉ ᐱᓇᓱᐊᕐᓂᖓ ᓮᓕᑦᓯᐊᕐᓂᐅᕗᖅ, ᓇᓛᒎᕐᓂᐅᓪᓗ ᐱᒋᐊᕐᑎᑉᐸ ᐃᓅᓯᖃᕐᓂᖅ ᖃᓄᐃᖏᑦᓯᐊᕐᓇᕐᑐᒥᒃ ᖁᓚᖏᓐᓂᕐᓗ ᐃᓱᖃᖏᑦᑐᒧᑦ.

¹⁸ ᐃᓄᖁᑎᒃᑲ ᐃᓂᖃᓕᕈᒫᕐᐳᑦ ᓮᒪᓇᕐᑐᒥ, ᐊᖏᕐᕋᖃᕐᓗᑎᒡᓗ ᓯᕘᕋᓇᖏᑦᑐᓂᒃ, ᓂᐱᖃᖏᑦᑐᒥᓗ ᓮᓕᔪᒥᒡᓗ ᐃᓂᖃᕐᓇᕐᑐᓂᒃ.

¹⁹ ᓇᑕᖅᑯᕐᓇᓄᑦ ᓇᐹᕐᑐᒐᓴᒡᔪᐊᑦ ᐅᕉᕋᕐᑎᑕᐅᒐᓗᐊᕐᐸᑕ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒐᓗᐊᕐᐸᑕ ᑲᓐᖑᓇᕐᑐᒦᑎᑕᐅᓗᑎᒃ.

²⁰ ᖁᕕᐊᓱᒍᑎᒃᓴᖃᕐᐳᓯᓕ ᐃᒪᐅᑉ ᓯᓈᓄᑦ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᓯᒪᔪᓯ, ᐆᒪᔪᖁᑎᓯᓗ ᐃᓱᒤᓐᓇᕐᕆᓗᑎᒃ ᓄᓇᖁᑎᑦᓯᓐᓂ ᓂᕆᓇᓱᐊᕈᒫᕐᐳᑦ.