ᐂᓮᐊᓯᐅᑉ ᐊᒡᓚᖏᑦ 21 - ᐊᒡᓔᑦ ᐃᑦᔪᕐᖕᓁᑦᑐᑦ

ᑕᑯᑎᑕᐅᓂᖅ ᐹᐱᓘᓂᒥᐅᑦ ᑲᑕᒍᒫᕐᓂᖓᓐᓂᒃ

¹ ᐅᖃᐅᓰᑦ ᐃᓄᖃᔪᐃᑦᑐᖅ ᐃᒪᕕᐅᑉ ᓴᓂᐊᓃᑦᑐᖅ ᐱᓪᓗᒍ, ᐊᓄᕆᕐᔪᐊᑎᑐᑦ ᑬᕙᑦᑐᑎᑐᑦ ᓂᒋᑉᒥᓐᖔᕐᑐᑎᑐᑦ ᓯᐅᕋᕐᔪᐊᑉ ᓄᓇᖓᒍᑦ ᐊᓯᕈᕐᑕᐅᓇᕐᑐᖅ ᑎᑭᐅᑎᔪᒫᕐᐳᖅ ᓄᓇᓂᑦ ᑲᑉᐱᐊᓇᕐᑐᓂᑦ,

² ᑕᑯᑎᑕᐅᓚᐅᕐᐳᖓ ᐃᓕᕋᓇᕐᑐᓂᒃ ᐃᒫᒃ ᐅᖃᐅᑎᔭᐅᓪᓗᖓ; ᐱᒋᔭᕕᓂᕐᓂᒃ ᑎᒎᖅᑬᔪᖅ ᑎᒎᖅᑬᓕᕐᐳᖅ, ᑐᖁᕅᔪᕐᓗ ᑐᖁᕅᓕᕐᐳᖅ, ᐃᓛᒻᒥᐅᑦ ᐅᓇᑕᕐᑐᒃᓴᖏᑦ ᐅᓇᑕᕆᐊᓕᕆᑦᓯ, ᒥᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᐊᕙᑕᖏᕐᓯᓕᕆᑦᓯ ᐃᒡᓗᒐᓴᒡᔪᐊᓂᒃ; ᐹᐱᓘᓂᒥᐅᑦ ᐃᓄᖕᓂᒃ ᐊᓂᕐᓴᐅᒥᑎᑦᓯᓂᖓᑦ ᐃᓱᓕᑎᑦᓱᒪᓕᕐᐸᕋ.

³ ᑍᒤᒻᒪᑦ ᓈᒃᑲᒃ ᑕᑕᑉᐳᒃ ᐃᓱᒪᔮᕐᓂᕐᒥᒃ; ᐋᓐᓂᐊᓂᕐᒧᓪᓗ ᐊᔪᓕᕐᑎᑕᐅᕗᖓ, ᐃᕐᓂᓱᒃᑑᑉ ᐋᓐᓂᐊᓂᖓᑐᑦ; ᐅᑯᖓᓕᓂᕐᒧᑦ ᑐᓵᔪᓐᓃᕐᐳᖓ, ᐃᓱᒪᔮᕐᓂᕐᒧᓪᓗ ᑕᐅᑐᒍᓐᓃᕋᒪ.

⁴ ᓂᐊᖁᕋᓗ ᐅᐃᑦᔭᓐᖑᓕᕐᓗᓂ ᑲᑉᐱᐊᓱᖕᓂᕐᒧᓪᓗ ᓴᔪᓗᓕᕐᓗᖓ, ᐅᓐᓄᖕᓂᐊᕐᑐᖅ ᐊᑯᓂᒋᓕᓚᐅᕐᐸᕋ ᑎᑭᐅᑎᒐᓗᐊᕐᒪᓪᓗ ᐱᐅᓂᕐᓴᒦᓚᐅᓐᖏᓚᖓ ᑲᑉᐱᐊᓇᕐᑐᓄᑦ ᑎᑭᑕᐅᒃᑲᓐᓂᑐᐃᓐᓇᓚᐅᕐᐳᖓ.

⁵ ᓵᒥᒃ ᐋᖅᑭᒃᓱᐃᕗᑦ ᓂᕆᕝᕕᖕᒥᒃ, ᓂᕈᒻᒫᒃᑯᑏᓪᓗ ᐃᒃᓯᕙᐅᑕᕆᔭᐅᓂᐊᕐᑐᑦ ᓂᕆᔭᕐᑐᕐᓯᒪᔪᓄᑦ ᐊᑐᐃᓐᓇᕈᕐᓯᒪᓕᕐᐳᑦ; ᐃᒥᕐᐳᑦ ᓂᕆᓪᓗᑎᒡᓗ, ᓂᓪᓕᕐᑐᖃᓕᕐᐳᕐᓗ, “ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᓯ ᓴᐴᓗᑕᓯ ᑎᒍᓕᕐᓯᐅᒃ.”

⁶ ᐊᑕᓂᐅᑉ ᐃᒫᒃ ᐅᖃᐅᑎᓕᕐᐹᖓ: “ᐅᓇᑕᕐᑐᒃᓴᒥᒃ ᖃᐅᔨᓴᕐᑎᐅᓂᐊᕐᑐᒥᒃ ᓂᑯᕕᖁᔨᓕᕆᑦ, ᑕᑯᔭᒥᓂᒡᓗ ᐅᖃᕆᐊᕐᑐᖃᑦᑕᖁᓗᒍ.

⁷ ᑕᑯᓂᕋᕐᐸᑦ ᕿᒥᕐᔪᐊᒃᑰᕐᑐᓂᒃ ᒪᕐᕉᓈᕐᑎᕐᓗᑎᒃ ᓴᓂᓕᕇᒃᑐᓂᒃ ᓯᐅᑎᖅᑯᕐᑐᔪᓂᒡᓗ, ᑳᒥᓕᖕᓂᓗ ᐃᑭᒪᔪᓂᒃ ᑐᓵᓇᓱᐊᑦᓯᐊᕐᓕᒋᑦ ᐅᑦᔨᕐᓱᑦᓯᐊᕐᓗᓂ.”

⁸ ᖃᐅᔨᓴᕐᑎ ᓂᓪᓕᐊᓕᕐᐸᑦ, “ᐊᑕᓃᖅ, ᖃᐅᔨᓴᕐᕕᖕᒥ ᓇᖏᓚᐅᕐᐳᖓ ᐅᓪᓗᓕᒫᖅ, ᐃᓂᒋᔭᓐᓂᓗ ᖃᐅᔨᓴᓚᐅᕐᐳᖓ ᐅᓐᓄᐊᓕᒫᖅ.

⁹ ᐊᓱᐃᓛᒃ, ᑕᑯᓕᓚᐅᕐᐸᒃᑲ ᓴᖅᑭᑦᑐᑦ ᕿᒻᒥᕐᔪᐊᒃᑰᕐᑐᑦ ᒪᕐᕉᓈᕐᑎᕐᑐᑦ ᓴᓂᓕᕇᒃᓗᑎᒃ!” ᐊᑕᓂᖅ ᑭᐅᓕᕐᐳᖅ, “ᐹᐱᓘᓂ ᓵᓚᐅᕗᖅ; ᒎᑎᓐᖑᐊᓕᒫᖏᓪᓗ ᐅᕐᕉᕋᕐᑎᑕᐅᓪᓗᑎᒃ ᒪᓂᖅᑲᒧᑦ ᓯᖁᑦᑎᕐᐳᑦ.

¹⁰ ᐃᕝᕕᑦ ᓂᐊᖂᔭᒃᓴᑎᑐᑦ ᐊᓇᐅᓕᕐᑕᐅᓪᓗᑎᑦ ᐃᕖᔭᕐᑕᐅᓯᒪᔪᑎᑦ, ᖃᓄᕐᓕ ᐅᖃᐅᓯᕐᒥᒃ ᑐᓴᕐᓯᒪᕗᖓ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᑐᓴᓚᐅᕐᑕᓐᓂᒃ ᐃᓴᕆᐊᓕᒥᐅᑦ ᒎᑎᖓᓐᓂᑦ ᐅᖃᐅᓯᒃᓴᒥᒃ ᐃᓕᖕᓄᑦ.”

ᐅᖃᐅᓰᑦ ᐄᑐᒥᒥᐅᓂᒃ ᐱᑦᔪᑎᖃᕐᑐᑦ

¹¹ ᐅᖃᐅᓰᑦ ᐅᑯᐊ ᑑᒪ ᐱᑦᔪᑎᒋᓪᓗᒍ. ᐃᓂᕐᑎᕆᔪᑦ ᓰᐊᕆᒥᑦ ᓂᐱᒥᒃ ᓂᓪᓕᐊᔪᖃᕐᐳᖅ ᐅᕙᓐᓄᑦ, “ᖃᐅᔨᓴᕐᑏᑦ ᐅᓐᓄᐊᖅ ᖃᓄᖅ ᕿᓚᒻᒥᐅᑎᒋᓂᐊᕐᐸᑦ? ᐅᖃᐅᑎᓐᖓ ᐅᓐᓄᐊᖅ ᖃᓄᖅ ᐃᓱᓕᓴᕅᑎᒋᓂᐊᕐᐹ?”

¹² ᑭᐅᓚᐅᕐᐸᕋ, “ᐅᓪᓛᖅ ᑎᑭᓕᕐᐳᖅ, ᑭᓯᐊᓂ ᐅᓐᓄᖕᓂᐊᕆᕗᖅ, ᐊᐱᕐᓱᕈᒪᒍᕕᖓ ᐅᑎᕐᓂᐊᕐᐳᑎᑦ ᐊᐱᕆᔭᕐᑐᕐᓗᖓ.”

ᐅᖃᐅᓰᑦ ᐊᕅᐱᐊᒥᐅᓂᒃ ᐱᑦᔪᑎᖃᕐᑐᑦ

¹³ ᐅᖃᐅᓯᖅ ᐃᓂᕐᑎᕆᔪᖅ ᐊᕋᐱᐊᒥᐅᓂᒃ, ᑎᑖᓂᒥᐅᑕᐅᔪᓯ, ᑕᖕᒫᕐᓯᒪᕙᒃᑐᓯ ᐃᓄᖃᖏᑦᑐᒥ ᑳᒥᓕᖕᓂᒃ ᐃᖏᕐᕋᑦᔪᑎᖃᕐᓗᓯ ᐊᕅᐱᐊᑉ ᓄᓇᖓᒍᑦ.

¹⁴ ᐃᒥᕈᒃᓗᑎᒃ ᐃᓕᑦᓯᓐᓄᑦ ᑎᑭᑦᑐᑦ ᐃᒥᕐᑎᖃᑦᑕᕐᓯᒋᑦ, ᐃᓕᑦᓯ ᑏᒪᒥ ᓄᓇᖃᕐᑐᓯ, ᓄᓇᒥᖕᓂ ᕿᒫᓯᒪᔪᑦ ᓂᕆᑎᖃᑦᑕᕐᓯᐅᒃ.

¹⁵ ᑍᒃᑯᐊ ᕿᒫᓯᒪᖕᒪᑕ ᓴᕕᒡᔪᐊᓂᒃ ᑖᒃᑯᓂᖓ ᑐᖁᑦᓯᓇᓱᐊᕐᑐᓂᒃ, ᐱᑎᒃᓯᓂᓪᓗ ᑖᒃᑯᓄᖓ ᑐᕌᕐᑎᑕᐅᔪᓂᒃ, ᐅᓇᑕᕐᓂᕐᒧᓪᓗ ᑲᑉᐱᐊᓇᕐᑐᓂᒃ.

¹⁶ ᐊᑕᓂᖅ ᐃᒫᒃ ᐅᕙᓐᓄᑦ ᐅᖃᕐᒪᑦ, “ᐊᕐᕌᒍ ᐃᓱᓕᓚᐅᕐᑎᓐᓇᒍ, ᐱᓇᓱᐊᕐᑎᐅᑉ ᐊᕐᕌᒍ ᒪᓕᒃᑕᖓ ᐊᑐᕐᓗᒍ, ᑭᑕᕆᒥᐅᑦ ᐊᔪᖏᓐᓂᕐᔪᐊᖓᑦ ᐃᓱᓕᑦᓱᒫᓕᕐᐳᖅ.

¹⁷ ᑭᑕᕆᒥᐅᑦ ᐱᑎᒃᓴᕐᑎᖏᑦ ᐃᕐᓯᑐᐃᓐᓂᕐᐹᑦ, ᐅᓄᖏᑦᑐᑯᓗᐃᑦ ᑭᓯᐊᓂ ᐊᒥᐊᒃᑰᔪᒫᕐᐳᑦ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓᑦ ᑍᒫᒃ ᐅᖃᕐᐳᖅ.”