ᐂᓮᐊᓯᐅᑉ ᐊᒡᓚᖏᑦ 12 - ᐊᒡᓔᑦ ᐃᑦᔪᕐᖕᓁᑦᑐᑦ

ᖁᔭᓕᓂᕐᒧᑦ ᐃᓐᖏᐅᑦ

¹ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᓯ: “ᐊᑕᓃᖅ, ᓂᕐᑐᕐᓂᐊᕐᐸᒋᑦ; ᐅᕙᑦᑎᓐᓄᑦ ᓂᓐᖓᐅᒪᓚᐅᕋᓗᐊᕋᕕᑦ, ᑕᕝᕙ ᓂᓐᖓᐅᒪᓃᑦ ᓴᖑᓚᐅᕐᒪᑦ, ᓮᒻᒪᕐᑎᓚᐅᕐᐸᑦᑎᒍᓪᓗ.

² ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”

³ ᑍᒤᒻᒪᑦ ᖁᕕᐊᓱᒡᓗᑎᑦ ᐃᒥᕐᒥᒃ ᖃᓗᔭᕐᑐᕈᒫᕐᐳᑎᑦ ᐱᐅᓕᔭᐅᕕᐅᑉ ᐃᒥᕐᑕᕐᕕᖓᓂᑦ.

⁴ ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ ᐅᖃᕈᒫᕐᐳᑎᑦ: “ᐊᑕᓂᖅ ᓂᕐᑐᕐᑕᐅᓕ, ᐊᑎᖓ ᑍᓗᒍ ᑐᒃᓯᐊᕐᕕᒋᓯᐅᒃ; ᐱᓂᐊᕐᓂᖏᑦ ᐅᖃᐅᓯᕆᓗᒋᑦ ᐃᓅᖃᑎᒌᒡᔪᐊᓄᑦ, ᐊᑎᖓ ᐊᖏᔪᕈᕐᑎᓪᓗᒍ ᐅᖃᐅᓯᕆᓯᐅᒃ.

⁵ ᐊᑕᓂᖅ ᐃᓐᖏᕐᕕᒋᓯᐅᒃ, ᐱᓇᓱᐊᕐᓯᒪᖕᒪᑦ ᐱᓐᓇᕐᓇᕐᑐᕐᔪᐊᓂᒃ; ᑕᒪᓐᓇ ᓄᓇᕐᔪᐊᕐᒥᐅᓕᒫᓄᑦ ᖃᐅᔨᔭᐅᑎᓯᐅᒃ.

⁶ ᕾᒐᓛᕐᓗᓯ, ᐃᓐᖏᕆᑦᓯ ᖁᕕᐊᓱᒡᓗᓯ, ᐃᓕᑦᓯ ᓮᐅᓂᒥ ᓄᓇᖃᕐᑐᓯ, ᐊᖏᔪᕐᔪᐊᖅ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᐊᑯᓐᓇᑦᓯᓐᓃᒻᒪᑦ.”