ᕼᐆᓯᐊᑉ ᐊᒡᓚᖏᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᑕᓂᐅᑉ ᓈᒻᒪᒃᓴᖏᓐᓂᖓ ᐃᓴᕆᐊᓕᒥᐅᓂᒃ

¹ ᐊᑕᓂᐅᑉ ᐅᖃᐅᓯᖓᓂᒃ ᑐᓴᕆᑦᓯ, ᐃᓴᕆᐊᓕᒥᐅᖑᔪᓯ: “ᐊᑕᓂᖅ ᓈᒻᒪᒃᓴᖏᒻᒪᑦ ᐃᓄᖕᓂᒃ ᑕᒫᓂ ᓄᓇᖃᕐᑐᓂᒃ. ᐅᒃᐱᕐᓇᕐᑐᖃᕈᓐᓃᕐᒪᑦ ᓂᑲᒍᓱᖕᓂᖃᕈᓐᓃᕐᓗᓂᓗ, ᖃᐅᔨᒪᔪᖃᕈᓐᓃᕐᓗᓂᓗ ᒎᑎᒥᒃ ᑕᒫᓂ ᓄᓇᒥ;

² ᐅᖃᕕᒃᓗᑎᒃ ᐊᖏᒻᒪᕆᒃᐸᒃᑲᓗᐊᕐᐳᑦ, ᓴᒡᓗᖃᑦᑕᕐᐳᑦ, ᑐᖁᕅᕗᑦ, ᑎᒡᓕᒐᕐᐳᑦ, ᐊᓯᓐᓂᐊᕐᓗᑎᒡᓗ; ᐱᕋᔭᖕᓃᓪᓗ ᑭᒡᓕᖃᕈᓐᓃᕐᐳᑦ, ᑐᖁᕅᑐᐃᓐᓇᓕᕐᐳᑦ ᑐᖓᓕᕇᒥᒃ.

³ ᑍᒤᒻᒪᑦ ᓄᓇ ᕿᒃᓵᓕᕐᐳᖅ, ᑕᒫᓂᓗ ᐃᓂᖃᕐᑐᓕᒫᑦ ᓂᐹᓕᕐᐳᑦ, ᐆᒪᔪᐃᓪᓗ ᓇᑎᕐᓇᒦᑦᑐᑦ, ᑎᖕᒥᐊᓪᓗ ᖃᖓᑕᕙᒃᑐᑦ; ᐃᖃᓗᐃᓪᓗ ᐊᒡᓛᑦ ᓄᖑᑕᐅᓕᕐᐳᑦ.”

ᐊᑕᓂᐅᑉ ᓈᒻᒪᒃᓴᖏᓐᓂᖓ ᑐᓂᕐᕈᓯᕐᑎᑦᓯᔨᓂᒃ

⁴ ᐊᑕᓂᖅ ᐅᖃᕐᐳᖅ, “ᑭᓇᓘᓐᓃᑦ ᐃᓄᖕᓂᒃ ᐸᓯᒃᓯᕐᑍᓕᓕ, ᐅᕝᕙᓗ ᐅᖃᐅᑦᔭᐅᒋᐊᕐᑍᓕᓕ, ᐃᓱᐊᕐᓴᓐᖏᓚᖓᓕ ᐃᓕᑦᓯᓐᓂᒃ ᑐᓂᕐᕈᓯᕐᑎᑦᓯᔨᓂᒃ.

⁵ ᐅᓪᓗᒃᑯᑦ ᐹᓪᓚᒍᒫᕐᐳᓯ, ᐱᔪᖃᓛᕐᑐᒥᒡᓗ ᐅᖃᕐᑏᑦ ᐅᓐᓄᒃᑯᑦ ᐹᓪᓚᒍᒫᕆᕗᑦ; ᐊᓈᓇᓯᓗ ᐃᓴᕆᐊᓕ ᐊᓯᕈᕐᓂᐊᕐᐸᕋ.

⁶ ᐃᓄᖁᑎᒃᑲ ᐊᓯᕈᓕᕐᐳᑦ ᐅᕙᓐᓂᒃ ᖃᐅᔨᒪᖏᓐᓂᕐᒧᑦ; ᐃᓕᑦᓯ ᑐᓂᕐᕈᓯᕐᑎᓯᔨᐅᔪᓯ ᖃᐅᔨᔪᒪᓚᐅᖏᓐᓇᑦᓯ, ᑍᒤᒻᒪᑦᑕᐅᖅ ᓇᕐᕈᒋᓕᕐᐸᑦᓯ ᑐᓂᕐᕈᓯᕐᑎᑦᓯᔨᐅᓂᐊᕈᓐᓃᕐᐳᓯ ᐅᕙᓐᓄᑦ. ᒎᑎᑦᓯ ᐱᖁᔭᖏᓐᓂᒃ ᐃᓱᒪᔪᓐᓃᓚᐅᕋᑦᓯ, ᕿᑐᕐᖓᓯᑦᑕᐅᖅ ᐃᓱᒪᒋᓂᐊᕈᓐᓃᕆᕙᒃᑲ.

⁷ “ᑐᓂᕐᕈᓯᕐᑎᓯᔩᑦ ᐅᓄᕐᓂᕐᓴᐅᓕᑐᐊᕐᒪᑕ, ᐊᔪᕐᑐᓕᓂᖏᑦ ᐅᕙᓐᓄᑦ ᐊᖏᓂᕐᓴᐅᕗᑦ; ᑍᒤᒻᒪᑦ ᐅᐱᓐᓇᕐᓂᓯ ᑲᓐᖑᓇᕐᓯᑎᓐᓂᐊᕐᐸᕋ.

⁸ ᐊᒃᓱᐃᓕᕗᓯ ᐃᓄᖁᑎᒪ ᐊᔪᕐᓂᖏᓐᓄᑦ; ᑖᒃᑯᐊᓗ ᑲᔪᖏᓛᕐᐳᑦ ᐊᔪᕐᑐᓕᓂᕐᒧᑦ.

⁹ ᐃᓕᑦᓯᑦᑕᐅᖅ ᐊᒃᓱᕈᕐᓇᕐᑐᒃᑰᕐᓂᐊᕐᐳᓯ ᐃᓄᐃᑦ ᓱᒋᐊᕐᑕᐅᓂᖏᑎᑐᑦ ᓱᒋᐊᕐᑕᐅᓗᓯ, ᐊᑭᓕᕐᑕᐅᓂᐊᕐᐳᓯᓗ ᐊᔪᕐᑐᓕᓂᓯ ᐱᓪᓗᒋᑦ.

¹⁰ ᓂᕆᓂᐊᕐᐳᑦ, ᐊᕿᐊᑦᑐᕐᓂᐊᓐᖏᓚᓪᓕ; ᐊᓯᓐᓂᐊᕐᓂᐊᕐᐳᑦ, ᕿᑐᕐᖓᕐᑖᕐᓂᐊᓐᖏᓚᓪᓕ; ᐊᑕᓂᕐᒥᒃ ᕿᒤᓯᒪᖕᒪᑕ ᐊᓯᓐᓂᐊᕐᓂᖅ ᒎᑎᓐᖑᐊᓄᑦ ᐱᑦᔪᑎᒋᓪᓗᒍ.”

ᐊᑕᓂᐅᑉ ᐃᓂᕐᑎᕆᓂᖓ ᒎᑎᓐᖑᐊᓄᑦ ᑐᒃᓯᐊᖃᑦᑕᖁᔨᓇᓂ

¹¹ “ᐃᓄᖁᑎᒃᑲ ᕔᓂᒧᑦ ᓄᑕᐅᖏᑦᑐᓄᑦ ᓄᑖᓄᓪᓗ, ᑐᑭᓯᔪᓐᓇᕐᓂᖏᑦ ᐊᓯᕈᕐᑕᐅᓕᕐᐳᑦ.

¹² ᐃᓄᖁᑎᒃᑲ ᖃᐅᔨᑎᑕᐅᔪᒪᕙᒃᐳᑦ ᕿᔪᖕᒧᑦ, ᐊᔭᐅᑉᐱᐊᓄᓪᓗ ᖃᐅᔨᔪᒪᔭᖏᓐᓂᒃ ᖃᐅᔨᑎᑕᐅᕙᒃᓱᑎᒃ. ᐊᓯᓐᓂᐊᕐᓂᕐᒧᑦ ᐊᑐᒐᐅᓕᕐᑑᑉ ᐊᓂᕐᓂᖓᓄᑦ ᑕᒻᒪᕐᑎᑕᐅᕗᑦ, ᒎᑎᒥᖕᓂᒃ ᕿᒤᕗᑦ ᐊᓯᓐᓂᐊᕐᓂᕐᒧᑦ.

¹³ ᑐᓂᕐᕈᓯᖃᑦᑕᕐᐳᑦ ᐃᑯᐊᓚᑦᓯᓪᓗᑎᒃ ᖃᖅᑲᐅᑉ ᖄᖏᓐᓂ, ᐱᖑᐃᓪᓗ ᖄᖏᓐᓂ ᐃᑭᑦᓯᕙᒡᓗᑎᒃ ᑎᐱᑦᓯᐊᕆᒃᑐᓂᒃ, ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᓯᑕᒃᑕᐅᑉ ᐊᑖᓂ, ᑖᓪᓕᓂᖏᓐᓂ, ᓴᓂᕋᖏᑦᑕ ᐱᐅᓂᖏᑦ ᐱᑦᔪᑎᒋᓪᓗᒋᑦ. “ᑍᒤᒻᒪᑦ ᐸᓂᓯ ᐊᑐᒐᐅᓕᕐᐳᑦ ᐊᑭᓕᕐᑐᕐᑕᐅᓪᓗᑎᒃ, ᐅᑯᐊᓯᓗ ᐊᓯᓐᓂᐊᕐᐸᓕᕐᓱᑎᒃ.

¹⁴ “ᑍᒤᒃᑲᓗᐊᕐᑎᓪᓗᒋᑦ ᐸᓂᓯ ᓱᒋᐊᕐᓂᐊᓐᖏᓚᒃᑲ, ᐅᑯᐊᓯᓗ ᐊᓯᓐᓂᐊᖃᑦᑕᕐᓂᖏᑦ ᓱᒋᐊᕐᓂᐊᖏᓐᓂᕙᒃᑲ; ᐊᖑᑎᑦ ᐃᒻᒥᖕᓂᒃ ᐂᑦᑑᑎᒋᖃᑦᑕᕐᒪᑕ ᐊᑐᒐᕐᓄᑦ, ᑐᓂᕐᕈᓯᖃᑦᑕᕐᓗᑎᒡᓗ ᒎᑎᓐᖑᐊᓖᑦ ᐊᑐᒐᖁᑎᖏᓐᓄᑦ, ᐃᓄᐃᓪᓗ ᑐᑭᓯᓯᒪᖏᑦᑐᑦ ᐊᓯᕈᕐᑕᐅᔪᒫᕐᐳᑦ.

¹⁵ “ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

¹⁶ ᐃᓴᕆᐊᓕᒥᐅᑦ ᓯᐅᑎᖁᕐᑐᔪᑎᑐᑦ ᐱᔭᕐᓃᑦᑑᑎᒋᕗᑦ; ᖃᓄᕐᓕ ᐊᑕᓂᕐᒧᑦ ᓂᕆᑎᑕᐅᔪᓐᓇᕐᐸᑦ ᓰᐲᑦ ᓄᕐᕋᖏᑎᑐᑦ ᓂᕿᒃᓴᓕᖕᒦᑦᑐᑎᑐᑦ?

¹⁷ ᐃᕗᕅᒥᐅᑦ ᒎᑎᓐᖑᐊᓂᒃ ᒎᑎᖃᓕᕐᐳᑦ, ᐃᓱᒪᕐᓱᓕᕐᓕᑦ.

¹⁸ ᐃᒥᓗᐊᓚᐅᕐᓗᑎᒃ ᕔᓂᒥᒃ, ᐃᒻᒥᖕᓂᒃ ᐂᑦᑑᑎᒋᕗᑦ ᐊᑐᒐᕐᓄᑦ; ᐱᓇᓱᐊᕈᒪᓂᕐᓴᐅᕗᑦ ᑲᓐᖑᓇᕐᑐᓂᒃ ᐅᐱᓐᓇᕐᓂᖅ ᐱᔪᒪᓇᒍ.

¹⁹ ᐊᐅᓪᓚᐅᑦᔭᐅᕗᑦ ᐊᓄᕆᒧᑦ ᐅᓕᒃᑕᐅᓪᓗᑎᒃ, ᑲᓐᖑᓲᑎᖃᓕᕈᒫᕐᐳᑦ ᑐᓂᕐᕈᓯᖃᑦᑕᓚᐅᕐᓂᕐᒥᖕᓂᒃ ᒎᑎᓐᖑᐊᓄᑦ.”