ᕼᐆᓯᐊᑉ ᐊᒡᓚᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦᕼᐆᓯᐊᓗ ᐊᕐᓇᕐᓗ ᐊᓯᓐᓂᐊᕐᑎ 1 ᐊᑕᓂᐅᓪᓗ ᐅᖃᐅᑎᕚᖓ, “ᐂᓚᐅᕐᒥᒋᑦ, ᓇᒡᓕᒋᓕᕐᒥᓗᒍᓗ ᐊᕐᓇᖅ ᐅᖓᒋᔭᐅᔪᖅ ᐊᓯᓐᓂᐊᕐᑎᐅᓪᓗᓂᓗ; ᑍᒫᒃᑕᐅᖅ ᐃᓴᕆᐊᓕᒥᐅᑦ ᐊᑕᓂᐅᑉ ᓇᒡᓕᒋᖕᒪᒋᑦ ᓱᓕ, ᒎᑎᓐᖑᐊᓄᑦ ᓵᖃᑦᑕᓚᐅᕋᓗᐊᕐᑎᓪᓗᒋᑦ ᐱᐅᒃᓴᓚᐅᕋᓗᐊᕐᑎᓪᓗᒋᓪᓗ ᑐᓂᕐᕈᓯᕈᑎᓂᒃ ᐆᓯᒪᔪᓂᒃ ᓂᐊᖂᔭᓂᒃ ᐸᐅᕐᖓᐅᔭᓕᖕᓂᒃ.” 2 ᑍᒤᒻᒪᑦ ᓂᐅᕕᐊᕆᒐᓱᐊᕐᓗᒍ ᐊᕐᓇᖅ ᐊᑭᓖᓚᐅᕐᐳᖓ 15ᓂᒃ ᓯᐅᓪᕕᕆᓂᒃ ᐃᕕᐅᔭᕐᓂᓪᓗ 7ᓂᒃ ᓂᐊᖂᔭᒃᓴᓂᒃ ᐃᓗᓕᓕᖕᓄᑦ. 3 ᐅᖃᐅᑎᓚᐅᕐᐸᕋᓗ, “ᐊᑯᓂ ᐅᕙᓐᓂᒃ ᓇᔫᑎᔪᒃᓴᐅᕗᑎᑦ; ᑮᓇᐅᔭᒧᑦ ᐊᑐᒐᐅᔪᓐᓁᕐᓗᑎᑦ, ᐊᓯᓐᓂᐊᕈᓐᓁᕐᓗᑎᓪᓗ; ᐅᕙᖓᑦᑕᐅᖅ ᐃᓕᖕᓅᓕᕐᓂᐊᕋᒪ.” 4 ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ. 5 ᑕᒪᑐᒪ ᑭᖑᓂᖓᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐅᑎᕈᒫᕆᕗᑦ ᕿᓂᓕᕐᓗᑎᒡᓗ ᐊᑕᓂᕐᒥᒃ ᒎᑎᒥᖕᓂᒃ, ᑍᕕᑎᒥᒡᓗ ᐊᖓᔪᖅᑳᕐᔪᐊᒥᖕᓂᒃ; ᓯᕘᕋᓕᕈᒫᕐᐳᓪᓗ ᐊᑕᓂᕐᒥᒃ ᐱᐅᔪᓂᒡᓗ ᑐᓂᕐᕈᑎᖏᓐᓂᒃ ᐱᓕᕈᒫᕐᐳᑦ ᐅᓪᓗᐃᑦ ᑭᖑᓪᓕᖏᓐᓂ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society