ᐄᑉᕈᐃᓄᑦ 7 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᓂᕐᕈᓯᕐᑎᑦᓯᔨ ᒥᓪᑭᓯᑎ

¹ ᒥᓪᑭᓯᑎᒃ ᑖᓐᓇ ᐊᖓᔪᖅᑳᕐᔪᐊᖑᓚᐅᕐᐳᖅ ᓮᓕᒻᒥ ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐸᐅᔪᒧᑦ. ᐂᑉᕋᕼᐋᒻ ᐅᓇᑕᕆᐊᕐᓯᒪᓚᐅᕐᓗᓂ ᐅᑎᕋᒥ ᓵᓚᖃᕐᓗᓂ ᐊᖓᔪᖅᑳᕐᔪᐊᓂᒃ ᒥᓪᑭᓯᑎᐅᑉ ᐸᕐᕆᐊᕐᓗᓂᐅᒃ ᓮᒻᒪᕐᑎᓚᐅᕐᐹ,

² ᐂᑉᕋᕼᐋᒻᓗ ᑐᓂᕐᕈᓯᕐᕕᒋᓚᐅᕐᐹ ᓵᓚᖃᕐᓗᓂ ᐱᑖᕕᓂᖏᑕ ᑕᓪᓕᒪᐅᔪᕐᑐᖏᓐᓂᒃ. ᒥᓪᑭᓯᑎᐅᓪᓗ ᐊᑎᖓ ᑐᑭᖃᕐᐳᖅ “ᐊᖓᔪᖅᑳᕐᔪᐊᖅ ᓇᓛᒎᕐᓂᕐᒧᑦ”; ᓮᓕᒻᒥᓕ ᐊᖓᔪᖅᑳᕐᔪᐊᖑᓂᕐᒥᓄᑦ ᐊᑎᖓ ᑐᑭᖃᓚᐅᕆᕗᖅ “ᐊᖓᔪᖅᑳᕐᔪᐊᖅ ᓮᒻᒪᕐᑎᑦᓯᓂᕐᒧᑦ.”

³ ᒥᓪᑭᓯᑎᓕ ᐊᑖᑕᖃᓐᖏᓚᖅ ᐊᓈᓇᖃᕋᓂᓗ, ᓯᕗᓕᕕᓂᖃᖏᓐᓂᕗᖅ, ᐃᓅᓕᕐᓂᕕᓂᖓᓗ ᐅᓂᒃᑲᐅᓯᐅᓯᒪᓐᖏᓚᖅ ᑐᖁᓂᖓᓗ ᐅᓂᒃᑲᐅᓯᐅᓯᒪᓇᓂ, ᒎᑎᐅᑉ ᐃᕐᓂᖓᑐᑦ ᑍᒤᑉᐳᖅ ᑐᓂᕐᕈᓯᕐᑎᑦᓯᔨᐅᕗᖅ ᐃᓱᖃᖏᑦᑐᒧᑦ.

⁴ ᐃᓱᒪᒃᓴᕐᓯᐅᕈᑎᒋᓯᐅᒃ ᐱᓪᓚᕆᐊᓘᓂᖓ: ᐂᑉᕋᕼᐋᒻᓗ ᓯᕗᓕᑦᑕ ᐃᓕᑕᕆᔭᐅᑦᓯᐊᕐᑑᑉ ᑐᓂᓯᕕᒋᓚᐅᕐᐹ ᐅᓇᑕᕐᓂᒃᑯᑦ ᐱᑖᕆᔭᕕᓂᕐᒥ ᑕᓪᓕᒪᐅᔪᕐᑐᖏᓐᓂᒃ.

⁵ ᓕᕔᑎᒃᑯᓪᓗ ᑭᖑᕚᖏᑦ ᑐᓂᕐᕈᓯᕐᑎᑦᓯᔩᑦ, ᐱᖁᔨᑦᔪᑕᐅᓯᒪᕗᑦ ᐃᓴᕆᐊᓕᒥᐅᑦ ᐃᓄᖏᓐᓂᑦ ᑕᓪᓕᒪᐅᔪᐃᕈᑕᐅᔪᓂᒃ ᑎᒍᓯᖁᓪᓗᒋᑦ ᔫᑎᐅᖃᑎᒥᖕᓂᑦ, ᑖᒃᑯᐊᑦᑕᐅᖅ ᐂᑉᕋᕼᐋᒻ ᑭᖑᕚᕆᒐᓗᐊᕐᑎᓪᓗᓂᒋᑦ.

⁶ ᑖᓐᓇᓕ ᒥᓪᑭᓯᑎ, ᓕᕔᑎᒃᑯᑦ ᑭᖑᕚᖏᓐᓂᑦ ᐱᓯᒪᓐᖏᓚᖅ, ᑎᒍᓯᓚᐅᕐᐳᕐᓕ ᐂᑉᕋᕼᐋᒻ ᑕᓪᓕᒪᐅᔪᕐᑐᐃᕈᑎᖏᓐᓂᒃ ᓮᒻᒪᕐᑎᓪᓗᓂᐅᒡᓗ ᑖᓐᓇ ᐊᖏᕐᕕᐅᓯᒪᔪᖅ ᒎᑎᒧᑦ.

⁷ ᖁᓚᕐᓇᖏᑦᓯᐊᕐᐳᖅ ᑖᓐᓇ ᓮᒻᒪᕐᑎᑦᓯᔪᖅ ᐱᓪᓚᕆᐅᓂᕐᓴᐅᖕᒪᑦ ᓮᒻᒪᕐᑎᑕᐅᔪᒥᑦ.

⁸ ᑐᓂᕐᕈᓯᕐᑎᑦᓯᔩᓪᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᕙᓚᐅᕐᐳᑦ ᐃᓄᑐᐃᓐᓇᐅᓪᓗᑎᒃ ᑐᖁᕙᒃᓗᑎᒡᓗ; ᒥᓪᑭᓯᑎᓕ ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᓚᐅᕐᐳᖅ ᐃᓅᖏᓐᓇᕐᓂᕋᕐᑕᐅᔪᖅ, ᐅᖃᐅᓯᐅᓯᒪᖕᒪᑦ.

⁹ ᐃᒫᒃ ᐅᖃᕐᑐᖃᕈᓐᓇᕆᕗᖅ, ᑖᓐᓇ ᓕᕔ ᓇᖕᒥᓂᖅ, ᑕᓪᓕᒪᐅᔪᕐᑐᐃᕈᑎᓂᒃ ᑎᒍᓯᕙᒃᑐᖅ, ᑐᓂᕐᕈᓯᓚᐅᕆᕗᖅ ᑕᓪᓕᒪᐅᔪᕐᑐᐃᕐᓗᓂ ᐂᑉᕋᕼᐋᒻ ᐊᖅᑯᑎᒋᓪᓗᒍ,

¹⁰ ᓕᕔᓕ ᓱᓕ ᐃᓅᓯᒪᓚᐅᖏᒻᒪᑦ ᓯᕗᓕᕕᓂᖓᑕ ᐂᑉᕋᕼᐋᒻ ᑎᒥᖓᓃᑐᐃᓐᓇᓚᐅᕋᒥ ᓱᓕ, ᐂᑉᕋᕼᐋᒻ ᐸᕐᕆᐊᕐᑕᐅᑎᓪᓗᒍ ᒥᓪᑭᓯᑎᒃᒧᑦ.

¹¹ ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔩᑦ ᐱᑦᔪᑎᒋᓪᓗᒋᑦ ᐱᖁᔧᑦ ᑐᓂᔭᐅᓚᐅᕐᐳᑦ ᐃᓴᕆᐊᓕᒥᐅᓄᑦ, ᓕᕔᑎᒃᑯᓪᓕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᓇᓱᐊᕐᓂᕆᔭᖓ ᓈᒻᒪᑦᓯᐊᓚᐅᕐᐸᑦ, ᑐᓂᕐᕈᓯᕐᑎᑦᓯᔨᒥᒃ ᑖᒃᑯᐊ ᐊᓯᖏᓐᓂᒃ ᓴᖅᑭᑦᑐᖃᕆᐊᖃᕋᔭᓚᐅᓐᖏᓚᖅ, ᒥᓪᑭᓯᑎᑐᑦ ᑍᒤᑦᑐᒥᒃ, ᐂᕉᓂᒧᑦ ᐃᓚᒋᔭᐅᖏᑦᑐᒥᒃ.

¹² ᑐᓂᕐᕈᓯᕐᑎᑦᓯᔩᓪᓕ ᐊᓯᑦᔨᕐᒪᑕ, ᐱᖁᔧᑦᑕᐅᖅ ᐊᓯᑦᔨᕆᐊᖃᓚᐅᕐᐳᑦ.

¹³ ᐊᑕᓂᕗᓪᓗ ᑍᒫᒃ ᐅᖃᕈᑕᐅᔪᖅ ᓕᕔᑎᒃᑯᑦ ᑭᖑᕚᖏᑕ ᐊᓯᐊᓂᑦ ᐱᓯᒪᕗᖅ, ᓯᕗᓕᕕᓂᖏᓪᓗ ᑐᓂᕐᕈᓯᕐᑎᑦᓯᔨᓄᑦ ᐱᔨᑦᓯᕐᑐᖃᓚᐅᕐᓯᒪᓇᑎᒃ.

¹⁴ ᖃᐅᔨᒪᔭᐅᑦᓯᐊᕐᐳᕐᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓂᖓᓂᒃ, ᒨᓯᓯᓗ ᔫᑕᒃᑯᑦ ᑭᖑᕚᖏᓐᓂᒃ ᐅᖃᐅᓯᖃᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᐅᓂᐊᕐᑐᓂᒃ ᐅᖃᐅᓯᖃᕐᑎᓪᓗᒍ.

ᑐᓂᕐᕈᓯᕐᑎᑦᓯᔨ ᒥᓪᑭᓯᑎᒃᑐᑦ ᑍᒤᑦᑐᖅ

¹⁵ ᓇᓗᓇᕈᓐᓃᒃᑲᓐᓂᕆᕗᖅ ᑐᓂᕐᕈᓯᕐᑎᑦᓯᔨᒥᒃ ᓴᖅᑭᑦᑐᖃᕐᓯᒪᖕᒪᑦ ᒥᓪᑭᓯᑎᑐᑦ ᑍᒤᑦᑐᒥᒃ,

¹⁶ ᑖᓐᓇᓕ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᓯᒪᕗᖅ ᐃᓄᑐᐃᓐᓁᑦ ᑭᖑᕚᕇᒃᐸᓪᓕᐊᔪᑦ ᒪᓕᒋᐊᖃᕐᑕᖏᑕ ᐱᖁᔭᖏᑎᒎᖏᑦᑐᖅ ᐃᓅᓯᐅᓪᓕ ᓄᖑᓐᓂᐊᖏᑦᑑᑉ ᐱᔪᓐᓇᕐᓂᖓᒍᑦ.

¹⁷ ᐅᖃᐅᓯᐅᓯᒪᖕᒪᑦ: “ᑐᓂᕐᕈᓯᕐᑎᑦᓯᔨᐅᕗᑎᑦ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

¹⁸ ᑕᕝᕙ ᐱᖁᔭᑐᖃᖅ ᐊᑐᕈᓐᓃᕐᑎᑕᐅᕗᖅ ᓴᓐᖏᑦᑑᓪᓗᓂ ᐊᑑᑎᒃᓴᖃᖏᒻᒪᑦ.

¹⁹ (ᐱᖁᔭᑦ ᓈᒻᒪᒃᓯᑎᑦᓯᔪᓐᓇᖏᒻᒪᑕ), ᓂᕆᐅᒃᕕᒃᓴᖃᑦᓯᐊᕐᓇᕐᓂᕐᓴᒥᒡᓕ ᐱᕕᒃᓴᕐᑖᕐᑎᑕᐅᓯᒪᕗᒍᑦ, ᑕᒪᑐᒨᓇᓗ ᒎᑎᒧᑦ ᖃᓂᒡᓕᑎᑕᐅᓪᓗᑕ.

²⁰ ᒎᑎᓗ ᐅᖃᕕᒡᓗᓂ ᐊᖏᒻᒪᕆᒍᑎᖃᕐᓯᕗᖅ ᑍᒤᑦᑐᒥᒡᓕ ᐊᖏᒻᒪᕆᒃᑐᖃᕐᐸᓚᐅᓐᖏᓚᖅ ᑐᓂᕐᕈᓯᕐᑎᑦᓯᔩᑦ ᑎᓕᔭᐅᓕᕐᑎᓪᓗᒋᑦ,

²¹ ᔩᓱᓯᓕ ᑐᓂᕐᕈᓯᕐᑎᑦᓯᔨᓐᖑᓚᐅᕐᐳᖅ ᐊᖏᒻᒪᕆᖕᓂᕐᒥᒃ ᐃᓚᖃᕐᑎᓪᓗᒍ ᒎᑎᐅᑉ ᐅᖃᐅᑎᓚᐅᕐᒪᒍ: “ᐊᑕᓂᖅ ᐊᖏᒻᒪᕆᒍᑎᖃᕐᐳᖅ ᐃᓱᒪᓂᓗ ᓴᖑᑎᓐᓂᐊᕋᓂᐅᒃ: ‘ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ.’”

²² ᑕᒪᑐᒨᓇ ᐊᖏᒻᒪᕆᖕᓂᕐᒧᑦ, ᔩᓱᓯ ᖁᓚᕐᓇᖏᑦᓯᐊᕐᑐᒥᒃ ᐱᐅᓂᕐᓴᒥᒡᓗ ᐊᖏᖃᑎᒌᒍᑕᐅᓯᒪᓂᖃᓕᕐᐳᖅ.

²³ ᑐᓂᕐᕈᓯᕐᑎᑦᓯᔨᐅᓚᐅᕐᑐᓪᓕ ᐅᓄᕐᑑᕗᑦ, ᑐᖂᑉ ᐱᓇᓱᐊᖏᓐᓇᕈᓐᓇᕐᑎᓚᐅᖏᒻᒪᒋᑦ.

²⁴ ᔩᓱᓯᓕ ᑐᓂᕐᕈᓯᕐᑎᑦᓯᔨᐅᕗᖅ ᑕᐅᕗᖓᓕᒫᖅ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ.

²⁵ ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

²⁶ ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

²⁷ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᓯᒪᔪᑎᑐᑦ ᑍᒤᖏᑦᑐᒥᒃ, ᖃᐅᑕᒫᑦ ᑐᓂᕐᕈᓯᖃᑦᑕᕆᐊᖃᖏᑦᑐᒥᒃ, ᓯᕗᓪᓕᕐᒥᒃ ᓇᖕᒥᓂᖅ ᐊᔪᕐᓂᓂ ᐱᑦᔪᑎᒋᓗᒋᑦ ᑐᓂᕐᕈᓯᕐᐸᓚᐅᕐᑐᑎᑐᑦ, ᑭᖑᕐᖓᒍᑦ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᓕᕐᓗᒋᑦ. ᐊᑕᐅᓯᐊᕐᓗᓂᓕ ᑐᓂᕐᕈᓯᓚᐅᕐᐳᖅ ᐊᔪᕐᓃᑦ ᐱᓪᓗᒋᑦ ᐃᒻᒥᓂᒃ ᑐᓂᕐᕈᑎᒋᓪᓗᓂ.

²⁸ ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.