ᐄᑉᕈᐃᓄᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᕐᑐᑦ ᐃᓅᖃᑎᒌᓂᑦ ᓂᕈᐊᕐᑕᐅᓲᖑᕗᑦ ᑎᓕᔭᐅᓪᓗᑎᒡᓗ ᒎᑎᒥᒃ ᐱᔨᑦᓯᖁᓪᓗᒋᑦ ᐃᓄᐃᑦ ᐱᑦᔪᑎᒋᓪᓗᒋᑦ, ᑐᖁᑦᓯᓗᑎᒃ ᑐᓂᕐᕈᓯᖁᓪᓗᒋᑦ ᐊᔪᕐᓃᑦ ᐱᑦᔪᑎᒋᓗᒋᑦ ᑐᓂᕐᕈᓯᖁᓪᓗᒋᑦ.

² ᓇᖕᒥᓂᕐᓕᑦᑕᐅᖅ ᓴᓐᖏᑦᑑᒐᒥᒃ ᐅᓄᕐᑐᑎᒍᑦ, ᓂᑲᒍᓱᒍᓐᓇᕐᐳᑦ ᓇᓗᓂᕐᒧᑦ ᑕᒻᒪᕐᑐᓂᒃ.

³ ᑍᒤᒻᒪᑦ ᑐᓂᕐᕈᓯᕆᐊᖃᕐᐳᑦ ᑐᖁᑕᒃᓴᒥᒃ ᐃᓄᐃᑦ ᐊᔪᕐᓂᖏᑦ ᐱᑦᔪᑎᒋᔭᑐᐊᕆᓇᒋᑦ, ᓇᖕᒥᓂᕐᓕᑦᑕᐅᖅ ᐊᔪᕐᓂᑎᒃ ᐱᑦᔪᑎᒋᓗᒋᑦ.

⁴ ᓇᖕᒥᓂᕐᓗ ᓂᕈᐊᕐᐸᓐᖏᓚᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑲᐅᔪᒪᓗᑎᒃ, ᒎᑎᒧᓪᓕ ᕾᖁᔭᐅᕙᒃᐳᑦ, ᓲᕐᓗ ᐂᕉᓂᑐᑦ.

⁵ ᑍᒫᒃᑕᐅᖅ ᙭ᔅᑑᓯ ᐃᒻᒥᓂᒃ ᓂᕐᑐᕐᓇᕐᑎᓚᐅᓐᖏᓚᖅ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᓂᐊᓕᕐᓗᓂ, ᑎᓕᔭᐅᓚᐅᕐᐳᕐᓕ ᑖᑦᓱᒧᖓ ᐅᖃᐅᑦᔭᐅᓪᓗᓂ, “ᐃᕐᓂᕆᕙᒋᑦ, ᐅᓪᓗᒥ ᐃᕐᓂᕐᑖᕆᕙᒋᑦ,”

⁶ ᐊᓯᐊᓂᑦᑕᐅᖅ ᐅᖃᕐᓯᒪᒋᕗᖅ, “ᑐᓂᕐᕈᓯᕐᑎᑦᓯᔨᐅᓂᐊᕐᐳᑎᑦ ᐃᓱᖃᖏᑦᑐᒧᑦ, ᒥᓪᑭᓯᑎᐅᑉ ᑐᓂᕐᕈᓯᕐᑎᑦᓯᔨᐅᓂᖓᑐᑦ.”

⁷ ᔩᓱᓯ ᑎᒥᒥ ᐃᓅᑎᓪᓗᒍ, ᑐᒃᓯᐊᖃᑦᑕᓚᐅᕐᐳᖅ ᕿᓄᕐᓗᓂᓗ ᒎᑎᒧᑦ, ᓂᐱᖅᑯᕐᑐᓪᓗᓂ ᖁᕝᕕᐅᕐᓗᓂᓗ, ᑐᖁᓂᕐᒥᑦ ᓴᐳᑎᔭᐅᔪᒪᓪᓗᓂ. ᓈᓚᑦᓯᐊᕐᓂᖓᓄᓪᓗ ᒎᑎᐅᑉ ᑐᓴᓚᐅᕐᐹ.

⁸ ᒎᑎᒧᓪᓕ ᐃᕐᓂᐅᒐᓗᐊᕐᓗᓂ, ᓈᓚᒋᐊᖃᕐᓂᕐᒥᒃ ᐃᓕᓐᓂᐊᓚᐅᕐᐳᖅ ᐋᓐᓂᐊᑎᑕᐅᓂᕐᒥᒍᑦ.

⁹ ᓈᒻᒪᒃᓯᑎᑕᐅᑦᓯᐊᕋᒥᓕ ᐱᐅᓕᔭᐅᕕᒃᓴᐅᓕᕐᐳᖅ ᐃᓱᖃᖏᑦᑐᒧᑦ ᓈᓚᒃᑎᒋᔭᓕᒫᒥᓄᑦ,

¹⁰ ᒎᑎᐅᑉ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᓚᐅᕐᐹ ᒥᓪᑭᓯᑎᐅᑉ ᑐᓂᕐᕈᓯᑦᑎᑦᓯᔨᐅᓂᖓᑐᑦ.

ᐅᒃᐱᕐᓂᕐᒥ ᐱᕈᕇᕐᓯᒪᖏᓐᓂᖅ

¹¹ ᑕᒪᑐᒥᖓ ᓱᓕ ᐅᖃᐅᓯᒃᓴᖃᕋᓗᐊᕐᐳᒍᑦ ᐊᒥᓱᓂᒃ ᑭᓯᐊᓂᓕ ᑐᑭᓯᓇᕐᑎᓐᓇᓱᒋᐊᖓ ᐃᓕᑦᓯᓐᓄᑦ ᐅᖁᒤᑉᐳᖅ, ᑐᑭᓯᓇᔭᖏᓐᓇᑦᓯ.

¹² ᒫᓐᓇᐅᓕᕐᑐᖅ ᐊᔪᕆᕐᑐᐃᔪᓐᓇᕐᓯᓯᒪᓕᕋᓗᐊᕐᐳᓯ, ᓱᓕᓕ ᐊᔪᕆᕐᑐᕐᑕᐅᔭᕆᐊᖃᕐᐳᓯ ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᕐᑕᐅᓕᓵᕐᑐᓄᑦ ᐊᑐᕐᑕᐅᕙᒃᑐᓂᒃ. ᓱᓕ ᐃᒻᒧᒃᑐᖃᑕᕆᐊᖃᕐᐳᓯ, ᓂᕿᓪᓚᕆᖕᒥᒃ ᓱᓕ ᐊᔪᕋᑦᓯ;

¹³ ᐃᒻᒧᒃᑐᑐᐃᓐᓇᕐᑐᓪᓕ ᓱᓕ ᑐᑭᓯᔪᓐᓇᓐᖏᓚᑦ ᐅᖃᐅᓯᕐᒥᒃ ᓇᓛᒎᕐᓂᕐᒥᒃ, ᓄᑕᕋᐅᓗᐊᕋᒥᒃ.

¹⁴ ᐱᕈᕇᕐᓯᒪᓕᕐᑑᓪᓕ ᓂᕿᓪᓚᕇᑦ ᓂᕿᒋᔭᒃᓴᕆᕔᑦ, ᐱᓇᓱᐊᕐᓂᕆᓯᒪᔭᓂ ᖃᐅᔨᔪᓐᓇᕐᓯᑦᔪᑎᒋᓗᓂᒋᑦ ᐱᐅᔪᒥᒃ ᐱᐅᖏᑦᑐᒥᒡᓗ.