ᐄᑉᕈᐃᓄᑦ 2 - ᐊᒡᓔᑦ ᐃᑦᔪᕐᖕᓁᑦᑐᑦ

ᐱᐅᓕᔭᐅᓂᐅᑉ ᐱᓪᓚᕆᐅᓂᖓ

¹ ᑍᒤᒻᒪᑦ ᐅᖃᐅᓰᑦ ᑐᓴᕐᑕᕗᑦ ᓈᓚᑦᓯᐊᕆᐊᖃᕐᐸᕗᑦ, ᑕᒻᒪᓕᖁᓇᑕ.

² ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

³ ᖃᓄᕐᓕ ᑕᕝᕙ ᐊᓐᓇᒍᓐᓇᕋᔭᕐᐱᑖ? ᐱᐅᓕᔭᐅᕕᒃᓴᖅ ᑍᒫᒃ ᐱᓪᓚᕆᐅᑎᒋᔪᖅ ᑲᒪᒋᖏᒃᑯᑦᑎᒍ? ᑕᒪᓐᓇ ᐊᑕᓂᐅᑉ ᐱᐅᓕᔭᐅᕕᒃᓴᖅ ᐅᖃᐅᓯᕆᖅᑳᓚᐅᕐᒪᒍ, ᑕᒪᑐᒥᖓ ᑐᓴᓚᐅᕐᑐᑦ ᑖᑦᓱᒪᓐᖓᑦ ᐅᕙᑦᑎᓐᓄᑦ ᓇᓗᓁᕐᓯᓚᐅᕐᐳᑦ ᑕᒪᑐᒪ ᓱᓕᓂᖓᓂᒃ.

⁴ ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᐱᐅᓕᔭᐅᕕᒃᓴᒧᑦ ᐅᕙᑦᑎᓐᓂᒃ ᑕᓯᐅᕐᓯᔪᖅ

⁵ ᐂᖏᓖᑦ ᐊᐅᓚᑦᓯᔨᒃᓴᓐᖑᕐᑎᓚᐅᖏᒻᒪᒋᑦ ᓯᓚᕐᔪᐊᕐᒧᑦ ᐱᔪᒫᕐᑐᒧᑦ, ᑕᒪᑐᒧᖓ ᐅᖃᐅᓯᕆᔭᑦᑎᓐᓄᑦ.

⁶ ᐊᒡᓚᖕᓂᓕ ᐅᖃᕐᓯᒪᔪᖃᕐᐳᖅ: “ᐃᓄᒃ ᓱᓇᐅᖕᒪᑦ, ᑍᒫᒃ ᐃᓱᒪᒋᒐᕕᐅᒃ? ᐃᓅᓪᓗ ᐃᕐᓂᖓ, ᑍᒫᒃ ᑲᒪᒋᒐᕕᐅᒃ?

⁷ ᑖᓐᓇ ᐂᖏᓕᓂᑦ ᐃᓱᒪᓇᖏᓂᕐᓴᐅᑎᓚᐅᕐᐸᑦ, ᐱᓐᓇᕐᓇᕐᓂᕐᔪᐊᒥᒡᓗ ᐅᐱᒋᔭᐅᓂᕐᒥᒡᓗ ᓂᐊᖂᓯᕐᓗᒍ.

⁸ ᑕᒤᓐᓄᓪᓗ ᐊᐅᓚᑦᓯᔨᓐᖑᕐᑎᓚᐅᕐᐹ.” ᐅᖃᕐᓯᒪᕗᖅ ᑖᓐᓇ ᐊᐅᓚᑦᓯᔨᓐᖑᕐᑎᓚᐅᕐᐹ ᑕᒤᓐᓄᑦ, ᑖᓐᓇ ᐅᖃᐅᓯᖃᕐᐳᖅ ᓱᓇᓕᒫᓂᒃ ᐊᐅᓚᑦᓯᓕᕐᓂᖓᓂᒃ. ᓱᓕᓕ, ᑕᑯᓚᐅᓐᖏᓚᒍᑦ ᑕᒤᓐᓄᑦ ᓈᓚᒃᑕᐅᓕᕐᓂᖓᓂᒃ.

⁹ ᔩᓱᓯᓕ ᑕᑯᕙᕗᑦ, ᓯᕕᑭᑦᑐᒥᒃ ᐂᖏᓖᓂᑦ ᒥᑭᓐᓂᕐᓴᐅᑎᑕᐅᓚᐅᕐᐳᖅ, ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᑐᖁᑦᔪᑎᖃᖁᓪᓗᒍ ᑕᒤᓐᓂᒃ. ᒫᓐᓇᓕ ᑕᑯᓕᕐᐸᕗᑦ ᓂᐊᖂᓯᕐᑕᐅᓯᒪᖕᒪᑦ ᓂᕐᑐᕐᓇᕐᓂᕐᔪᐊᒥᒃ ᐅᐱᒋᔭᐅᓂᕐᒥᒡᓗ; ᐋᓐᓂᐊᑎᑕᐅᓪᓗᓂ ᑐᖁᑕᐅᓚᐅᕐᓂᖓᓄᑦ.

¹⁰ ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

¹¹ ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ.

¹² ᐅᖃᓚᐅᕐᐳᖅ, “ᐱᓂᐊᕐᓂᑎᑦ ᐅᖃᐅᓯᕆᔪᒪᕙᒃᑲ ᐅᒃᐱᖃᑎᓐᓄᑦ, ᐃᓚᒌᒃᑐᓪᓗ ᑲᑎᓐᖓᑎᓪᓗᒋᑦ ᓂᕐᑐᕐᓂᐊᕐᐸᒋᑦ.”

¹³ ᐊᒻᒪ ᐅᖃᓚᐅᕆᕗᖅ, “ᑖᓐᓇ ᑕᑎᒋᔪᒪᕙᕋ.” ᐊᒻᒪ ᐅᖃᓚᐅᕆᕗᖅ, “ᑕᑯᒋᑦ ᐅᕙᓃᑉᐳᖓ, ᕿᑐᕐᖓᐅᔪᓂ ᒎᑎᐅᑉ ᑐᓂᓚᐅᕐᑕᖏᓐᓂ ᐅᕙᓐᓄᑦ.”

¹⁴ ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

¹⁵ ᑕᒪᑐᒨᓇᓗ ᑕᒪᕐᒥᒃ ᐊᓂᑎᓚᐅᕐᐰᑦ ᐃᓅᓯᓕᒫᒥᓂ ᑎᒍᔭᐅᓯᒪᓚᐅᕐᑐᑦ ᑐᖁᒥᒃ ᐃᕐᓯᒋᔭᖃᕐᓂᕐᒧᑦ.

¹⁶ ᓇᓗᓇᖏᑦᓯᐊᕐᐳᕐᓕ ᐂᖏᓕᓂᒃ ᐃᑲᔪᓚᐅᖏᒻᒪᑦ ᐂᑉᕋᕼᐋᒻᓕ ᑭᖑᕚᖏᑦ ᐃᑲᔪᓚᐅᕐᐰᑦ.

¹⁷ ᑍᒤᒻᒪᑦ ᐃᓅᖃᑎᓂ ᐊᑦᔨᒋᓕᕆᐊᖃᓚᐅᕐᐰᑦ ᓇᐅᒃᑯᑐᐃᓐᓇᓕᒫᖅ, ᓂᑲᒍᓱᒃᑑᓗᓂ ᓱᕐᕋᔪᐃᑦᑑᓗᓂᓗ ᑐᓂᕐᕈᓯᕐᑎᑦᓯᔨᐅᓗᓂ ᐊᖓᔪᖅᑲᐅᖁᓪᓗᒍ ᑖᒃᑯᓄᖓ ᐱᔨᑦᓯᕐᓗᓂ ᒎᑎᒥᒃ, ᐃᓄᐃᑦ ᐊᔪᕐᓂᖏᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ.

¹⁸ ᓇᖕᒥᓂᖅ ᐋᓐᓂᐊᑎᑕᐅᓪᓗᓂ ᐱᐅᓐᖏᑐᒧᑦ ᐱᔪᒥᓵᕐᑕᐅᓯᒪᒐᒥ, ᐃᑲᔪᕈᓐᓇᕐᐰᑦ ᐆᒃᑐᕐᓗᒃᑕᐅᓇᕐᑐᒦᑐᑦ.