ᐄᑉᕈᐃᓄᑦ 13 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᑉ ᖁᕕᐊᒋᔭᖓᓃᓂᖅ

¹ ᐅᒃᐱᖃᑎᒌᒃᑐᑎᑐᑦ ᓇᒡᓕᒃᑎᒋᑦᓮᓐᓇᕆᑦᓯ.

² ᓯᓂᒃᑕᕐᕕᐅᔪᒪᓗᓯ ᑐᓐᖓᓮᖃᑦᑕᕆᑦᓯ ᓂᐅᕐᕈᐊᓂᒃ, ᐃᓚᖏᑦ ᑍᒤᓕᐅᕋᒥᒃ ᖃᐅᔨᒪᓇᑎᒃ ᐂᖏᓕᓂᒃ ᑐᓐᖓᓱᒃᑎᑦᓯᓯᒪᖕᒪᑕ.

³ ᑎᒍᔭᐅᒪᔪᑦ ᐃᖅᑲᐅᒪᓯᒋᒃ, ᑎᒍᔭᐅᓯᒪᖃᑎᒋᔭᑦᓯᑐᑦ ᐱᓗᒋᑦ; ᐱᑦᓯᐊᕐᑕᐅᖃᑦᑕᖏᑦᑐᓪᓗ, ᐃᖅᑲᐅᒪᓯᒋᒃ ᑎᒥᒥᑦᑕᐅᖅ ᐃᓅᖕᒥᒐᑦᓯ.

⁴ ᓄᓕᐊᕇᖕᓂᖅ ᑕᒤᓐᓄᑦ ᐅᐱᒋᔭᐅᑦᓯᐊᕆᐊᖃᕐᐳᖅ, ᓄᓕᐊᕇᓪᓗ ᐃᓐᓇᖓᕕᐊ ᓇᕐᕈᓇᕐᓯᑎᑕᐅᑦᑍᓕᓕ; ᓄᓕᐊᕇᖕᓂᕐᒥᒃ ᐊᑐᕐᓂᕐᓗᒃᑐᑦ ᐊᓯᓐᓂᐊᕐᑐᓪᓗ ᒎᑎᐅᑉ ᓱᒋᐊᕈᒫᕐᒪᒋᑦ.

⁵ ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

⁶ ᑍᒤᒻᒪᑦ ᖁᓚᖏᓪᓗᑕ ᐅᖃᕈᓐᓇᕐᐳᒍᑦ, “ᐊᑕᓂᖅ ᐃᑲᔪᕐᑎᒋᒐᒃᑯ, ᐃᕐᓯᓂᐊᓐᖏᓚᖓ; ᐃᓄᖕᓄᑦ ᖃᓄᐃᓕᐅᕐᑕᐅᔪᓐᓇᕐᓂᐊᖏᓚᖓ.”

⁷ ᐃᖅᑲᐅᒪᓯᐅᒃ ᓯᕗᓕᕐᑎᓯ, ᒎᑎᐅᑉ ᐅᖃᐅᓯᖏᓐᓂᒃ ᐃᓕᑦᓯᓐᓄᑦ ᐅᖃᕐᐸᒃᑐᑦ; ᐃᓱᒪᒋᓯᐅᒃ ᖃᓄᖅ ᐃᓅᓯᖃᕐᒪᖔᑕ, ᐅᒃᐱᕐᓂᖏᓪᓗ ᒪᓕᒡᓗᒋᑦ.

⁸ ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

⁹ ᑕᒻᒪᕐᑎᑕᐅᑦᑍᓕᒋᑦᓯ ᐊᔪᕆᕐᑑᓯᕐᓄᑦ ᖃᓄᐃᑦᑐᑐᐃᓐᓇᕐᓄᑦ ᐊᑦᔨᐅᖏᑦᑐᓄᓪᓗ; ᐱᐅᔪᒻᒪᕆᐅᕗᖅ ᐃᓗᒃᑯᑦ ᓲᖑᑎᑕᐅᓂᕐᒥᒃ ᐱᓯᒪᓗᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ, ᓂᕿᓄᑦ ᐱᓇᓂ, ᓂᕿᓄᑦ ᒪᓕᒐᒃᓴᓂᒃ ᒪᓕᒃᑑᒐᓗᐊᑦ ᐃᑲᔪᕐᑕᐅᓯᒪᖏᒻᒪᑕ.

¹⁰ ᑐᓂᕐᕈᓯᕐᑎᑦᓯᔩᑦ ᑐᐱᕐᓂ ᐱᓇᓱᐊᕐᐸᒃᑐᑦ ᓂᕆᔭᕆᐊᖃᓐᖏᓚᑦ ᑐᓂᕐᕈᓯᕐᕕᖁᑎᑦᑎᓐᓂᑦ.

¹¹ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᓂᕐᔪᑏᑦ ᐊᐅᖏᓐᓂᒃ ᓇᒃᓴᕐᓗᑎᒃ ᐃᑦᔪᕐᓁᓐᓂᕐᐹᒧᑦ ᑐᓂᕐᕈᓯᕆᐊᕐᑐᕐᐸᒃᐳᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ; ᓂᕐᔪᑏᓪᓕ ᓂᕿᖏᑦ ᓄᓇᓖᑦ ᓯᓚᑖᓅᕈᑦᔭᐅᕙᒃᐳᑦ ᐃᑯᐊᓪᓚᒃᑕᐅᓂᐊᕐᑎᓪᓗᒋᑦ.

¹² ᑕᕝᕙ ᔩᓱᓯᑦᑕᐅᖅ ᑐᖁᓚᐅᕐᐳᖅ ᐃᒡᓗᒐᓮᑦ ᓯᓚᑖᓂ ᐃᓄᐃᑦ ᐸᓯᔭᒃᓴᐅᔪᓃᕐᑎᑕᐅᖁᓪᓗᒋᑦ ᓇᖕᒥᓂᖅ ᐊᐅᖕᒥᒍᑦ.

¹³ ᑍᒤᒻᒪᑦ ᐅᐸᓚᐅᕐᓚᕗᑦ ᓄᓇᓖᑦ ᓯᓚᑖᓄᑦ, ᒥᑕᐅᑕᐅᓂᖓᓂᒃ ᐱᖃᑎᒋᓗᒍ.

¹⁴ ᒫᓂ ᐃᒡᓗᒐᓴᖃᖏᓐᓇᑦᑕ ᐱᒌᓐᓇᕐᓂᐊᕐᑕᑦᑎᓐᓂᒃ, ᐃᒡᓗᒐᓴᒡᔪᐊᓂᒡᓕ ᓯᕗᓂᑦᑎᓐᓂ ᓂᕆᐅᒋᔭᖃᕐᐳᒍᑦ.

¹⁵ ᑖᑦᓱᒨᓇ ᑲᔪᓯᓗᑕ ᑐᓂᕐᕈᓯᓚᐅᕐᑕ ᒎᑎᒧᑦ ᓂᕐᑐᐃᓂᕐᒥᒃ, ᑕᕝᕙ ᑐᓂᕐᕈᓯᕐᓂᕐᒥᒃ ᖃᓂᑦᑎᒍᑦ ᓇᓗᓁᕐᓯᓪᓗᑕ ᑖᑦᓱᒪ ᐊᑕᓂᐅᓂᖓᓂᒃ.

¹⁶ ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

¹⁷ ᓯᕗᓕᕐᑎᓯ ᓈᓚᒃᓯᒋᒃ ᐱᖁᔨᓂᖏᓪᓗ ᐊᑐᑦᓯᐊᕐᓗᒋᑦ; ᑕᕐᓂᑦᓯᓐᓂᒃ ᑲᒪᒋᔭᖃᕐᒪᑕ, ᐱᓂᐊᕐᓂᕆᔭᒥᓂᒃᑕᐅᖅ ᓇᓗᓁᕐᓯᔭᕆᐊᖃᕈᒫᕐᒪᑕ ᒎᑎᒧᑦ. ᖁᕕᐊᓱᒡᓗᑎᒃ ᐱᓇᓱᐊᖁᓪᓗᒋᑦ, ᖁᕕᐊᓱᖏᑦᑑᖏᓪᓗᑎᒃ, ᖁᕕᐊᒋᖏᓪᓗᒍ ᐱᓇᓱᐊᕐᐸᑕ ᐃᓕᑦᓯᓐᓄᑦ ᐃᑲᔪᕐᓂᖃᑦᔮᖏᒻᒪᑕ.

¹⁸ ᑐᒃᓯᐅᑎᑎᒍᑦ, ᖁᓚᖏᓐᓇᑦᑕ ᐸᓯᔭᒃᓴᐅᖏᑦᑐᒥᒃ ᐃᓱᒪᖃᕐᓂᑦᑎᓐᓂᒃ, ᑕᒤᑎᒍᓪᓗ ᐅᐱᓐᓇᕐᑐᒥᒃ ᐱᓇᓱᐊᕈᒪᓪᓗᑕ.

¹⁹ ᕿᓄᕕᒋᕙᑦᓯ ᐊᒃᓱᕈᕐᓗᖓ ᒎᑎᒧᑦ ᑐᒃᓯᐊᖁᓪᓗᓯ ᐱᑦᔪᑎᒋᓗᖓ ᐃᓕᑦᓯᓐᓄᑦ ᐅᑎᕐᑎᑕᐅᔪᓐᓇᖁᓪᓗᖓ ᐊᑯᓂᐅᓗᐊᕐᑎᓐᓇᒍ.

ᓄᖅᑲᐅᑎᒃᑲᓐᓂᖅ ᑐᒃᓯᐊᕐᓂᕐᒥ

²⁰ ᒎᑎᐅᑉ ᓮᒻᒪᕐᑎᑦᓯᔨᐅᑉ ᑐᖁᖓᔪᓂᑦ ᒪᑭᑎᑦᓯᔫᑉ ᐊᑕᓂᑦᑎᓐᓂᒃ ᔩᓱᓯᒥᒃ, ᓰᐲᑦ ᐰᕐᓯᔨᕐᔪᐊᖓᓂᒃ, ᐊᖏᖃᑎᒌᖕᓂᐅᑉ ᐃᓱᖃᖏᑦᑑᑉ ᐊᐅᖓᓄᑦ,

²¹ ᑖᑦᓱᒪ ᐱᔪᓐᓇᕐᑎᓪᓕᓯ ᐱᓂᐊᑦᓯᐊᕐᓂᕐᓂᒃ ᑕᒤᓐᓂᒃ ᐱᔪᓐᓇᑦᓯᖁᓪᓗᓯ ᑖᑦᓱᒪ ᐱᔪᒪᔭᖓᒍᑦ, ᐃᓗᑦᓯᓐᓂ ᐱᓇᓱᐊᕐᓗᓂ ᖁᕕᐊᒋᔭᒥᓂᒃ, ᔩᓱᓯ ᙭ᔅᑑᓯᒃᑯᑦ; ᑖᓐᓇ ᓂᕐᑐᕐᑕᐅᓕ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒥᓐ.

ᐅᖃᐅᓰᑦ ᓄᖅᑲᐅᓯᕈᑏᑦ

²² ᕿᓄᕕᒋᕙᑦᓯ ᐅᒃᐱᖃᑎᒃᑲ, ᕿᓄᐃᓵᕐᓗᓯ ᐅᖃᐅᓰᑦ ᐱᕙᓪᓕᕈᑎᒃᓮᑦ ᓈᓚᒃᓯᐅᒃ, ᐃᓕᑦᓯᓐᓄᑦ ᑎᑎᕋᕐᑕᒃᑲ ᓁᑦᑑᒐᓗᐊᑦ.

²³ ᖃᐅᔨᒪᖁᕙᑦᓯ ᐅᒃᐱᖃᑎᕗᑦ ᑎᒧᑎ ᑎᒍᔭᐅᓯᒪᕕᖕᒥᑦ ᐊᓂᑎᑕᐅᓯᒪᓕᕐᒪᑦ, ᐊᑯᓂᐅᖏᑦᑐᖅ ᑎᑭᑐᐊᕐᐸᑦ ᐱᖃᑎᒋᓗᒍ ᐃᓕᑦᓯᓐᓄᑦ ᑎᑭᓐᓇᓱᐊᓛᕐᐳᖓ.

²⁴ ᓯᕗᓕᕐᑎᓕᒫᓯ ᑕᕝᕙᐅᕗᑏᕐᐸᕗᑦ ᐃᑦᔪᕐᓁᑎᑕᐅᓯᒪᔪᓕᒫᓪᓗ. ᐃᑕᓕᒥᐅᓪᓗ ᐅᒃᐱᖃᑎᑦᑕ ᑕᕝᕙᐅᕗᑏᕐᐹᓯ.

²⁵ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᐃᓚᒋᔭᐅᒋᑦᓯ ᑕᒪᑦᓯ. ᐋᒥᓐ.