ᕼᐊᐸᑲᐅᑉ ᐊᒡᓚᖏᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦ1 ᐅᑯᐊ ᐅᖃᐅᓰᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᕼᐊᐸᑲᐅᑉ ᑕᑯᓚᐅᕐᑕᖏᑦ. ᕼᐊᐸᑲᐅᑉ ᓈᒻᒪᒃᓴᖏᓐᓂᖓ ᐃᓄᖕᓄᑦ ᐋᖅᑭᒃᓯᒪᑎᑦᓯᓂᐅᑉ ᓈᒻᒪᓈᕐᓯᒪᖏᓐᓂᖓᓂᒃ 2 “ᐊᑕᓃᖅ, ᖃᓄᖅ ᐊᑯᓂᐅᑎᒋᔪᖅ ᐃᑲᔪᕐᑕᐅᔪᒪᓗᖓ ᓂᓪᓕᐊᔪᒃᓴᐅᕗᖔ? ᓈᓚᒍᓐᓇᕐᑎᓐᓇᒃ ᐅᕙᓐᓂᒃ? ᑲᑉᐱᐊᓇᕐᑐᒦᓕᕌᖓᑦᑕ ᓴᐳᑦᔨᓇᓱᐊᕈᓐᓇᕐᑎᓐᓇᒃ. 3 ᓱᖕᒪᑦ ᐊᔪᕐᑐᓕᔪᓂᒃ ᑕᑯᓐᓇᕐᑎᑉᐱᖔ ᐃᓱᐊᖏᑦᑐᕐᓯᐅᕐᑐᐊᓗᖕᓂᒃᓗ ᑕᑯᑎᓪᓗᖔ? ᑎᒡᓕᒐᕐᓂᖅ ᑲᑉᐱᐊᓈᕿᔪᓪᓗ ᐊᕙᑎᓃᑉᐳᑦ, ᐅᓇᑕᖃᑦᑕᐅᑎᔪᓪᓗ ᐂᕙᔪᓪᓗ ᓴᖅᑭᔮᕐᐳᑦ. 4 ᐱᖁᔭᖅ ᐱᔪᓐᓇᕐᓂᖃᓐᖏᓚᖅ ᐋᖅᑭᒃᓱᐃᑦᓯᐊᕐᓂᕐᓗ ᐊᑐᕐᑕᐅᔪᓐᓇᕋᓂ. ᐃᓱᐊᕐᓂᕐᒥ ᐃᓅᓯᖃᕐᑐᑦ ᐊᕙᓗᔭᐅᓯᒪᖕᒪᑕ ᐱᐅᖏᑦᑐᓕᔪᓂᑦ, ᑍᒤᒻᒪᑦ ᐋᖅᑭᒃᓱᐃᑦᓯᐊᕐᓂᐅᑉ ᐱᐅᓂᖓ ᐱᐅᔪᓐᓃᕐᑎᑕᐅᕗᖅ.” ᐊᑕᓂᐅᑉ ᑭᐅᓂᖓ 5 “ᐃᓅᖃᑎᒌᒡᔪᐊᑦ ᐊᕙᑎᑦᓯᓐᓃᑦᑐᑦ ᑕᑯᓯᒋᒃ, ᑲᒪᓂᐊᕐᐳᓯ ᖁᐊᕐᓵᕐᓗᓯᓗ ᑕᑯᔭᑦᓯᓐᓂᒃ. ᐱᓇᓱᐊᕐᓂᐊᕋᒪ ᐃᓅᑎᓪᓗᓯ ᐊᒡᓛᑦ ᑐᓴᕈᑦᓯᐅᒃ ᐅᒃᐱᕆᒐᔭᓐᖏᑕᑦᓯᓐᓂᒃ. 6 ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ. 7 ᑲᑉᐱᐊᓇᕐᐳᑦ ᖁᐊᕐᓵᖓᓇᕐᓗᑎᒡᓗ, ᐋᖅᑭᒃᓱᐃᓂᖏᑦ ᐅᐱᒋᔭᐅᔪᒪᓂᖏᓪᓗ ᓇᖕᒥᓂᕐᒥᓂᑦ ᑭᓯᐊᓂ ᐱᓯᒪᕗᑦ. 8 “ᕿᒻᒥᕐᔪᐊᖏᑦ ᓱᒃᑲᓂᕐᓴᐅᕗᑦ ᐆᒪᔪᓂᑦ ᓱᒃᑲᓂᕐᐹᓂᑦ ᓕᐸᕐᑎᓂᑦ, ᐃᕐᓯᓇᕐᓂᕐᓴᐅᓪᓗᑎᒡᓗ ᐊᒪᕈᕐᓂᑦ ᑲᑦᔭᓂᑦ. ᐃᖏᕐᕋᕗᑦ ᕿᒻᒥᕐᔪᐊᒦᑦᑐᖁᑎᖏᑦ ᐱᐅᔪᕆᓪᓗᑎᒃ. ᐃᓛᒃ ᕿᒻᒥᕐᔪᐊᒦᑦᑐᖁᑎᖏᑦ ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᑦ. ᐊᐅᕐᓵᕐᐳᑦ ᓇᒃᑐᕋᓕᒃᑐᑦ ᓂᕿᒃᓴᒥᖕᓂᒃ ᐅᐸᒃᑐᕐᑐᑎᑐᑦ. 9 “ᑎᑭᖃᑦᑕᕐᐳᑦ ᑲᑉᐱᐊᓱᒃᑎᑦᓯᔭᕐᑐᕐᓗᑎᒃ; ᐅᐸᒃᑕᓕᒫᖏᓪᓗ ᐅᐃᒻᒪᒃᓯᒪᖃᑦᑕᕐᓗᑎᒃ ᑲᑉᐱᐊᓱᖕᓂᕐᒧᑦ. ᓵᓚᖃᕐᓂᕐᒥᒃᑎᒍᑦ ᑎᒍᓯᒪᔭᖏᑦ ᐃᓄᐃᑦ ᓯᐅᖅᑲᑎᑐᑦ ᐅᓄᕐᑎᒋᕗᑦ. 10 ᐊᖓᔪᖅᑳᕐᔪᐊᓂᒡᓗ ᒥᑕᐅᑎᖃᖃᑦᑕᕐᓗᑎᒃ, ᐊᖓᔪᖅᑳᓂᒡᓗ ᓱᓇᐅᒃᓴᖏᓪᓗᑎᒃ. ᕿᒫᕖᓪᓗ ᐊᕙᓗᕐᔪᐊᓕᐊᕆᓯᒪᔪᑦ ᐃᔪᕿᑕᐅᑎᒋᕔᑦ, ᓄᓇ ᐳᕐᑐᓯᑎᓪᓗᒍ ᐊᕙᓗᕐᔪᐊᑦ ᓵᓚᒋᖃᑦᑕᕐᐰᑦ. 11 ᑕᕝᕙ ᑲᔪᓰᓐᓇᕐᓗᑎᒃ ᐊᖅᑯᓵᕐᐳᑦ ᐊᓄᕆᑎᑐᑦ ᐊᓂᒍᕐᑐᑎᑐᑦ, ᐸᓯᔭᒃᓴᐅᓪᓗᑎᒡᓗ, ᐱᔪᓐᓇᕐᓂᕐᒥᖕᓂᒡᓗ ᒎᑎᖃᕐᓗᑎᒃ.” ᓱᓕ ᕼᐊᐸᑲᐅᑉ ᓈᒻᒪᒃᓴᖏᓪᓗᓂ ᐅᖃᕐᓂᖓ ᐊᑕᓂᕐᒧᑦ 12 ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ. 13 ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ? 14 ᖃᓄᐃᒻᒪᑦ ᐃᓄᖕᓂᒃ ᐃᖃᓗᒃᑎᑐᑦ ᐃᒪᕐᒦᑦᑐᑎᑐᑦ ᑍᒤᑎᑦᓯᕖᑦ? ᖁᐱᕐᕈᑎᑐᓪᓗ ᐹᕐᖑᕐᑐᑎᑐᑦ ᐊᐅᓚᑦᓯᔨᒃᓴᖃᖏᑦᑐᑎᑑᑦ? 15 ᑕᒤᓐᓂᒃ ᐊᒧᓯᖃᑦᑕᕐᐳᑦ ᓂᒃᓯᖕᒧᑦ, ᓄᓗᐊᒥᖕᓄᓪᓗ ᓄᓗᐊᕐᑎᓯᒪᔭᑎᒃ ᐅᓂᐊᕐᓗᒋᑦ, ᑲᑎᕐᓱᐃᕙᒃᐳᑦ ᓄᓗᐊᒥᖕᓂᑦ ᕾᒐᓛᕐᓗᑎᒡᓗ ᓄᓗᐊᕐᑎᓯᒪᔭᒥᖕᓂᒃ ᖁᕕᐊᓲᑎᖃᕐᓗᑎᒃ! 16 ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ. 17 ᓄᓗᐊᕐᑎᑕᒥᓂᑦ ᐲᔧᖏᓐᓇᖃᑦᑕᕐᓂᐊᕐᐹᑦ? ᐃᓅᖃᑎᒌᒡᔪᐊᓂᒡᓗ ᑍᒪᓐᖓᑦ ᑐᖁᕅᓂᐊᕐᐹᑦ ᓂᑲᒍᓱᖏᓪᓗᑏᒃ? |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society