ᒨᓯᓯ ᓯᕗᓪᓖᑦ 6 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓄᐃᑦ ᐊᔪᕐᑐᓕᓂᖏᑦ

¹ ᐃᓄᐃᑦ ᐅᓄᕐᓯᕙᓪᓕᐊᓪᓗᑎᒃ ᓄᓇᒥ, ᐸᓂᒃᑖᕐᑐᓚᐅᕐᐳᑦ,

² ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

³ ᐊᑕᓂᕐᓗ ᐅᖃᕐᐳᖅ, “ᐊᓂᕐᓂᕋ ᐃᓚᕾᓐᓇᕐᓂᐊᓐᖏᓚᖅ ᐃᓄᖕᒥᒃ ᐃᓱᖃᖏᑦᑐᒧᑦ, ᑎᒥᐅᖕᒪᑦ; ᐅᓪᓗᖃᕐᓂᐊᓕᕐᐳᓪᓕ ᐊᕐᕌᒍᓂᒃ 120ᓂᒃ.”

⁴ ᑍᑦᓱᒪᓂᐅᑎᓪᓗᒍ ᐃᓄᖃᓚᐅᕐᐳᖅ ᓄᓇᒥ ᐊᖏᔪᐊᓗᖕᓂᒃ ᑍᔭᐅᔪᓂᒃ ᓂᕕᓕᒻᓂᒃ, ᒎᑎᐅᑉ ᐃᕐᓂᖏᑦ ᐱᖃᑎᖃᖃᑦᑕᓕᕐᑎᓪᓗᒋᑦ ᐃᓄᐃᑦ ᐸᓂᖏᓐᓂᒃ, ᑖᒃᑯᓂᖓ ᕿᑐᕐᖓᕐᑖᓚᐅᕐᐳᑦ, ᑖᒃᑯᐊᓗ ᐱᔪᓐᓇᕐᓂᕐᐹᖑᓚᐅᕐᐳᑦ ᑍᑦᓱᒪᓂᐅᑎᓪᓗᒍ, ᖃᐅᔨᒪᔭᐅᑦᓯᐊᕐᓗᑎᒃ ᐊᔪᖏᑦᑐᑦ.

⁵ ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

⁶ ᐊᑕᓂᕐᓗ ᐅᒡᒍᐊᓕᓚᐅᕐᐳᖅ ᐱᓐᖑᕐᑎᑦᓯᓂᕆᓚᐅᕐᑕᒥᓂᒃ ᐃᓄᖕᓂᒃ ᓄᓇᒥ, ᐆᒻᒪᑎᒥᒍᓪᓗ ᕿᒃᓵᒻᒪᕆᓕᕐᓗᓂ,

⁷ ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

⁸ ᓄᐊᓕ ᐊᑕᓂᐅᑉ ᑕᑯᓪᓗᓂᐅᒃ ᖁᕕᐊᒋᓚᐅᕐᐹ.

ᓄᐊ

⁹ ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ.

¹⁰ ᓄᐊ ᐃᕐᓂᖃᓚᐅᕐᐳᖅ ᐱᖓᓱᓂᒃ, ᓰᒻ, ᕼᐋᒻ, ᔮᐱᑎᓗ.

¹¹ ᓄᓇᕐᔪᐊᖅ ᑕᑕᓕᓚᐅᕐᒪᑦ ᓈᒻᒪᖏᑦᑐᒥᒃ ᒎᑎᐅᑉ ᓵᖓᓂ, ᓄᓇᕐᔪᐊᕐᒥᐅᓪᓗ ᑲᑉᐱᐊᓇᕋᓱᐊᕐᓃᓐᓇᕐᒥᒃ ᐃᓕᖅᑯᓯᖃᓕᓚᐅᕐᐳᑦ.

¹² ᒎᑎᐅᓪᓗ ᓄᓇᕐᔪᐊᖅ ᑕᑯᒐᒥᐅᒃ, ᑕᑯᒋᑦ ᐋᖅᑭᑦᓯᐊᕐᓯᒪᖏᑦᑐᐊᓘᓕᓚᐅᕐᐳᖅ; ᐃᓄᓕᒫᑦ ᐃᓅᓯᖃᓕᓚᐅᕐᒪᑕ ᓈᒻᒪᖏᑦᑐᐃᓐᓇᕐᒥᒃ ᐱᓇᓱᐊᓕᕐᓗᑎᒃ.

¹³ ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

¹⁴ ᐅᒥᐊᕐᔪᐊᓕᐅᕆᑦ ᕿᔪᒥᒃ ᒎᕙᒥᒃ ᑍᔭᐅᔪᓂᒃ; ᐅᒥᐊᕐᔪᐊᖅ ᐃᒡᓗᕈᓯᓕᐅᕐᓗᒍ, ᖄᖓᒍᓪᓗ ᐃᓗᐊᒍᓪᓗ ᐅᑦᓯᒃᓴᐅᓯᕐᓗᒍ ᑖᓚᒥᒃ.

¹⁵ ᐃᒫᒃ ᓴᓇᔭᕆᐊᖃᕐᐸᑦ; ᓴᓂᒧᑦ 300ᓂᒃ ᑭᐅᐱᑦᓯᓂᒃ ᐆᒃᑐᕋᐅᑎᓂᒃ ᑕᑭᓂᖃᕐᓗᒍ, 50ᓂᒃ ᑭᐅᐱᑦᓯᓂᒃ ᓯᓕᖕᓂᖃᕐᓗᒍ, 30ᓂᒡᓗ ᑭᐅᐱᑦᓯᓂᒃ ᐳᕐᑐᓂᖃᕐᓗᒍ.

¹⁶ ᖁᓕᓗᒍ ᐅᒥᐊᕐᔪᐊᖅ, ᐆᒃᑑᑎᒥᒃ ᐊᑕᐅᓯᕐᒥᒃ ᑭᐅᐱᑦᓯᒥᒃ ᐳᕐᑐᓂᖃᕐᓗᒍ; ᐅᒥᐊᕐᔪᐊᕐᓗ ᓴᓂᕋᖓᒍᑦ ᐅᒃᑯᐊᓕᕐᓗᒍ; ᓇᑎᓕᐅᕐᓗᒍᓗ ᐱᖓᓱᓂᒃ ᖁᓕᕇᓂᒃ.

¹⁷ ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ.

¹⁸ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖓ ᐃᓚᒋᓗᑎᑦ; ᐅᒥᐊᕐᔪᐊᕐᒧᓪᓗ ᐃᑭᔪᒫᕐᐳᑎᑦ ᐃᕐᓂᑎᓪᓗ, ᓄᓕᐊᓪᓗ, ᐃᕐᓂᕕᓪᓗ ᓄᓕᐊᖏᑦ ᐃᓚᒋᓗᒋᑦ.

¹⁹ ᐆᒪᔪᓂᒡᓗ ᖃᓄᐃᑦᑐᑐᐃᓐᓇᓕᒫᓂᒃ ᒪᕐᕉᓈᕐᑎᕐᑐᓂᒃ ᑕᒤᓐᓂᒃ ᐅᒥᐊᕐᔪᐊᕐᒧᐊᕐᓯᓗᑎᑦ, ᐃᓕᑦᓯᓐᓄᑦ ᐆᒪᖃᑕᐅᖁᓪᓗᒋᑦ; ᑖᒃᑯᐊ ᐂᑉᐹ ᐊᖑᑕᐅᓗᓂ ᐂᑉᐹ ᐊᕐᓇᐅᓗᓂ.

²⁰ ᑎᖕᒥᐊᑦ ᐊᑦᔨᒌᖑᓈᕐᑎᕐᓗᒋᑦ, ᐆᒪᔪᓗ ᐊᑦᔨᒌᖑᓈᕐᑎᕐᒥᓗᒋᑦ, ᓄᓇᒥᓗ ᐹᕐᖑᕐᑐᑦ ᐊᑦᔨᒌᖑᓈᕐᑎᕐᒥᓗᒋᑦ, ᐊᑐᓂᑦ ᒪᕐᕉᓈᕐᑎᕐᑐᓂᒃ ᑎᑭᑕᐅᔪᒫᕐᐳᑎᑦ, ᑖᒃᑯᐊ ᐆᒪᑎᒋᐊᖃᕈᒫᕐᐸᑎᑦ.

²¹ ᖃᓄᐃᑦᑐᑐᐃᓐᓇᕐᓂᒡᓗ ᓂᕿᒃᓴᓂᒃ ᓂᕆᔭᐅᓲᓂᒃ, ᑐᖅᑯᐃᓗᑎᑦ; ᓂᕿᒃᓴᑦᓯᓐᓂᒃ ᐆᒪᔪᐃᓪᓗ ᓂᕿᒃᓴᖏᓐᓂᒃ.”

²² ᓄᐊᓗ ᑕᒪᒃᑯᓂᖓ ᐱᓇᓱᐊᓚᐅᕐᐳᖅ; ᒎᑎᐅᑉ ᐱᓇᓱᐊᕐᑕᐅᖁᔭᓕᒫᖏᓐᓂᒃ ᑖᑦᓱᒧᖓ.