ᒨᓯᓯ ᓯᕗᓪᓖᑦ 5 - ᐊᒡᓔᑦ ᐃᑦᔪᕐᖕᓁᑦᑐᑦ

ᐋᑕᒥᐅᑉ ᑭᖑᕚᖏᑦ

¹ ᐅᑯᐊ ᑕᕝᕙ ᐋᑕᒥᐅᑉ ᑭᖑᕚᖏᑕ ᑎᑎᕋᕐᑕᐅᓯᒪᓂᖏᑦ ᐃᒤᓕᖓᕗᑦ. ᒎᑎ ᐃᓄᖕᒥᒃ ᓴᓇᒐᒥ, ᐃᒻᒥᓄᑦ ᐊᑦᔨᐅᑎᓪᓗᒍ ᓴᓇᓚᐅᕐᒪᑦ.

² ᑕᕝᕙ ᐱᓐᖑᕐᑎᓚᐅᕐᐹᒃ ᐊᖑᓪᓗ ᐊᕐᓇᕐᓗ, ᓮᒻᒪᕐᑎᓪᓗᒋᒡᓗ, ᑍᓪᓗᒋᒡᓗ “ᐃᓄᖕᓂᒃ.” ᐱᓐᖑᕐᑎᑕᐅᓯᒪᓕᕐᑎᓪᓗᒋᒃ.

³ ᐋᑕᒥᓕ ᐊᕐᕌᒍᖃᓕᕐᓗᓂ 130ᓂᒃ, ᐃᕐᓂᖃᓚᐅᕐᐳᖅ ᐃᒻᒥᑐᑦ ᑕᐅᑦᑐᓕᖕᒥᒃ, ᑖᓐᓇᓗ ᐊᑎᖃᕐᑎᖕᐹ ᓰᑎᒥᒃ.

⁴ ᐋᑕᒥᓗ ᐃᓅᑎᓪᓗᒍ ᐃᕐᓂᕐᑖᓚᐅᕐᓗᓂ ᓰᑎᒥᒃ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 800ᓂᒃ: ᓱᓕᓗ ᐊᓯᖏᓐᓂᒃ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

⁵ ᑕᕝᕙ ᐋᑕᒥᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 930ᐅᓚᐅᕐᐳᑦ; ᑐᖁᓪᓗᓂᓗ.

⁶ ᓰᑎᓕ ᐊᕐᕌᒍᖃᓕᕐᓗᓂ 105ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᐃᓅᓯᒥᒃ,

⁷ ᑕᒪᑐᒪᓗ ᑭᖑᓂᖓᒍᑦ ᓰᑎ ᐃᓅᒃᑲᓐᓂᓚᐅᕐᐳᖅ ᐊᕐᕌᒍᓂᒃ 807ᓂᒃ. ᐊᓯᖏᓐᓂᒡᓗ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

⁸ ᑕᕝᕙ ᓰᑎᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 912ᓚᐅᕐᐳᑦ; ᑐᖁᓪᓗᓂᓗ.

⁹ ᐃᓅᓯᓕ ᐊᕐᕌᒍᖃᓕᕐᓗᓂ 90ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᑮᓇᓂᒥᒃ,

¹⁰ ᑮᓇᓂᓕ ᐃᕐᓂᕐᑖᕆᓚᐅᕐᓗᓂᐅᒃ ᓱᓕ ᐊᕐᕌᒍᓂᒃ 815ᓂᒃ ᐃᓅᒃᑲᓐᓂᓚᐅᕐᐳᖅ, ᐊᓯᖏᓐᓂᒡᓗ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

¹¹ ᑕᕝᕙ ᐃᓅᓯᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 905ᖑᓚᐅᕐᐳᑦ; ᑐᖁᓪᓗᓂᓗ.

¹² ᑮᓇᓂᓕ ᐊᕐᕌᒍᖃᓕᕐᓗᓂ 70ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᒪᕼᐊᓚᓕᐅᓪᒥᒃ,

¹³ ᑕᒪᑐᒪᓗ ᑭᖑᓂᖓᒍᑦ ᓱᓕ ᒪᕼᐊᓚᓕᐅᓪ ᐃᓅᓚᐅᕐᑎᓪᓗᒍ ᑮᓇᓂ ᐊᕐᕌᒍᓂᒃ 840ᓂᒃ ᐃᓅᒃᑲᓐᓂᓚᐅᕐᐳᖅ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

¹⁴ ᑕᕝᕙ ᑮᓇᓂᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 910ᐅᓚᐅᕐᐳᑦ; ᑐᖁᓪᓗᓂᓗ.

¹⁵ ᒪᕼᐊᓚᓕᐅᓗ ᐊᕐᕌᒍᖃᓕᕐᓗᓂ 65ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᔮᕆᑦᒥᒃ,

¹⁶ ᒪᕼᐊᓚᓕᐅᓪ ᓱᓕ ᐃᓅᒃᑲᓐᓂᓚᐅᕐᐳᖅ ᔮᕆᑦ ᐃᓅᓯᒪᓕᕐᑎᓪᓗᒍ ᐊᕐᕌᒍᓂᒃ 830ᓂᒃ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

¹⁷ ᑕᕝᕙ ᒪᕼᐊᓚᓕᐅᓪ ᐃᓅᓚᐅᕐᑕᖏᑦ ᐊᕐᕌᒍᑦ 895ᖑᓚᐅᕐᐳᑦ; ᑐᖁᓪᓗᓂᓗ.

¹⁸ ᔮᕆᑦᓗ ᐊᕐᕌᒍᖃᓕᕐᓗᓂ 162ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᐃᓅᑭᒥᒃ,

¹⁹ ᔮᕆᑦ ᓱᓕ ᐊᕐᕌᒍᓂᒃ 800ᓂᒃ ᐃᓅᒃᑲᓐᓂᓚᐅᕐᐳᖅ, ᐃᓅᑭ ᐃᓅᓯᒪᓕᕐᑎᓪᓗᒍ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

²⁰ ᑕᕝᕙ ᔮᕆᑦ ᐃᓅᓚᐅᕐᑕᖏᑦ ᐊᕐᕌᒍᑦ 962ᖑᓚᐅᕐᐳᑦ; ᑐᖁᓪᓗᓂᓗ.

²¹ ᐃᓅᑭᓗ ᐊᕐᕌᒍᖃᓕᕐᓗᓂ 65ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᒥᑑᓴᓚᒥᒃ.

²² ᐃᓅᑭ ᒎᑎᒥᒃ ᐃᓅᖃᑎᖃᓚᐅᕐᐳᖅ ᒥᑑᓴᓚᐅᑉ ᐃᓅᓂᖓᑕ ᑭᖑᓂᖓᓂ ᐊᕐᕌᒍᓂᒃ 300ᓂᒃ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

²³ ᐃᓅᑭᓗ ᐃᓅᓚᐅᕐᐳᖅ ᐊᕐᕌᒍᓂᒃ ᓱᓕ 365ᓂᒃ.

²⁴ ᐃᓅᑭ ᒎᑎᒥᒃ ᐃᓅᖃᑎᖃᑦᓯᐊᕐᓗᓂ ᐃᓅᓚᐅᕋᒥ; ᑐᖁᓚᐅᕋᓂ ᐊᓯᐅᓚᐅᕐᐳᖅ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ.

²⁵ ᒥᑑᓴᓚᓗ ᐊᕐᕌᒍᖃᓕᕐᓗᓂ 187ᓂᒃ, ᐃᕐᓂᕐᑖᓚᐅᕐᐳᖅ ᐊᑎᖃᕐᑐᒥᒃ ᓔᒥᑭᒥᒃ,

²⁶ ᒥᑑᓴᓚᓗ ᓱᓕ ᐊᕐᕌᒍᓂᒃ 782ᓂᒃ ᐃᓅᒃᑲᓐᓂᓚᐅᕐᐳᖅ, ᓔᒥᑭᐅᑉ ᐃᓅᓂᖓᑕ ᑭᖑᓂᖓᓂ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

²⁷ ᑕᕝᕙ ᒥᑑᓴᓚᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 969ᖑᓚᐅᕐᐳᑦ; ᑐᖁᓪᓗᓂᓗ.

²⁸ ᓔᒥᑭᓕ ᐊᕐᕌᒍᖃᓕᕐᓗᓂ 182ᓂᒃ, ᐃᕐᓂᕐᑖᓚᐅᕐᐳᖅ.

²⁹ ᐊᑎᖃᕐᑎᓪᓗᒍᓗ ᓄᐊᒥᒃ, ᐅᖃᕐᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᕐᓯᑎᓚᐅᕐᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᓂᑦᑎᓐᓂᑦ ᓴᐳᑦᔨᔪᒫᕐᐳᖅ ᑕᒤᓐᓂᑦ ᐊᒃᓱᕈᕐᓗᑕ ᐱᓇᓱᐊᕐᓂᕆᕙᒃᑕᑦᑎᓐᓂᑦ.”

³⁰ ᓔᒥᑭᓗ ᓱᓕ ᐊᕐᕌᒍᓂᒃ 595ᓂᒃ ᐃᓅᒃᑲᓐᓂᓚᐅᕐᐳᖅ ᓄᐊ ᐃᓅᓯᒪᓕᕐᑎᓪᓗᒍ. ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.

³¹ ᑕᕝᕙ ᓔᒥᑭᐅᑉ ᐃᓅᓚᐅᕐᑕᖏᑦ ᐊᕐᕌᒍᑦ 777ᖑᓚᐅᕐᐳᑦ; ᑐᖁᓪᓗᓂᓗ.

³² ᓄᐊᓕ ᐊᕐᕌᒍᖃᓕᕐᓗᓂ 500ᓂᒃ, ᐃᕐᓂᕐᑖᓚᐅᕐᐳᖅ ᓰᒥᒥᒃ, ᕼᐋᒥᒥᒡᓗ, ᔮᐱᑎᒥᒡᓗ.