ᒨᓯᓯ ᓯᕗᓪᓖᑦ 36 - ᐊᒡᓔᑦ ᐃᑦᔪᕐᖕᓁᑦᑐᑦ

ᐄᓴᐅᑉ ᑭᖑᕚᒋᑦ

¹ ᐅᑯᐊ ᑕᕝᕙ ᐄᓴᐅᑉ ᑭᖑᕚᖏᑦ, ᐄᑐᒥᒥᒃᑕᐅᖅ ᐊᑎᖃᕐᑑᑉ.

² ᐄᓴ ᓄᓕᐊᖃᓚᐅᕐᒪᑦ ᑬᓇᓂᒥᐅᑖᖕᓂᒃ: ᐂᑉᐸᖓ ᐋᑕ, ᐃᓘᓂᐅᑉ ᐸᓂᖓ ᕼᐃᑍᑎᒥᐅᑕᐅᑉ; ᐅᕼᐅᓕᐹᒪᓗ, ᐋᓇᐅᑉ ᐸᓂᖓ ᔨᐱᐅᓂᐅᑉ ᐃᕐᓂᖓᑕ ᕼᐃᕔᑎᒥᐅᑕᐅᑉ;

³ ᐸᓯᒫᑎᓗ, ᐃᓯᒥᐅᑉ ᐸᓂᖓ ᓂᐰᐅᑎᐅᑉ ᓇᔭᖓ.

⁴ ᐋᑕᓗ ᕿᑐᕐᖓᕐᑖᓚᐅᕐᐳᖅ ᐄᓴᒥᑦ ᐃᓕᐹᓯᒥᒃ; ᐸᓯᒫᑎᓗ ᕿᑐᕐᖓᕐᑖᓚᐅᕐᐳᖅ ᕆᐅᓕᒥᒃ;

⁵ ᐅᕼᐅᓕᐹᒪᓗ ᕿᑐᕐᖓᕐᑖᓚᐅᕐᐳᖅ ᐄᓴᒥᑦ ᔨᐅᓯᒥᒃ, ᔮᓚᒥᒡᓗ, ᑰᕋᒥᒡᓗ. ᑖᒃᑯᐊᓗ ᐄᓴᐅᑉ ᐃᕐᓂᕐᑖᕆᓚᐅᕐᐰᑦ ᑬᓇᓂᐅᑉ ᓄᓇᖓᓃᓪᓗᓂ.

⁶ ᑕᕝᕙ ᐄᓴᐅᑉ ᑖᒃᑯᐊ ᓄᓕᐊᓂ, ᐃᕐᓂᓂᓗ, ᐸᓂᓂᓗ, ᐃᒡᓗᒥᓂᓗ ᐃᓚᓕᒫᓂ ᐃᒻᒧᒃᓯᐅᒐᖁᑎᓂ, ᐆᒪᔪᖁᑎᓕᒫᓂᓗ ᑕᒪᕐᒥᒃ, ᐱᖁᑎᓕᒫᓂᓗ ᑕᒪᕐᒥᒃ ᐱᑖᕆᓚᐅᕐᑕᓂ ᑬᓇᓂᒥ ᓄᓇᖃᕐᓗᓂ; ᐃᓚᒋᓪᓗᒋᑦ ᐊᐅᓪᓚᕐᐳᖅ ᓄᓇᐅᑉ ᐊᓯᐊᓄᑦ ᔧᑯᒥᑦ ᕿᒪᕉᑎᓪᓗᓂ.

⁷ ᐊᐅᓪᓚᓚᐅᕐᐳᖅ ᐆᒪᔪᖁᑎᖏᑕ ᐅᓄᓗᐊᕐᓂᖏᓐᓄᑦ ᑲᑎᒪᔪᓐᓇᖏᓐᓇᒥᒃ; ᑲᑎᓐᖓᒐᓗᐊᕈᑎᒃ ᐆᒪᔪᖁᑎᖏᑦ ᐊᒥᒐᕐᓯᓗᐊᔭᓚᐅᕐᒪᑕ ᓂᕿᒃᓴᖃᕐᑐᒥᒃ.

⁸ ᑕᕝᕙ ᐄᓴ ᓄᓇᖃᓕᓚᐅᕐᐳᖅ ᖃᖅᑲᓕᖕᒥ ᓄᓇᒥ ᓰᐊᕆᒥ; ᐄᓴ ᐊᑎᖃᕐᒪᑦ ᐄᑐᒥᒥᒃ.

⁹ ᐅᑯᐊ ᑕᕝᕙ ᐄᓴᐅᑉ ᑭᖑᕚᖏᑦ, ᐄᑐᒥᒥᐅᑦ ᓯᕗᓕᕆᔭᖓᑦᑕ ᖃᖅᑲᓕᖕᒥ ᓰᐊᕆᒥ.

¹⁰ ᐄᓴᐅᑉ ᐃᕐᓂᖏᑕ ᐊᑎᖏᑦ ᐅᑯᐊᖑᕗᑦ; ᐃᓕᐹᓯ ᓄᓕᐊᖓᑕ ᐋᑕᐅᑉ ᐃᕐᓂᖓ, ᕆᐅᓕ ᐸᓯᒫᑎᐅᑉ ᓄᓕᐊᖓᑕ ᐃᕐᓂᖓ.

¹¹ ᐃᓕᐹᓯᐅᓪᓗ ᐃᕐᓂᖏᑦ ᐅᑯᐊᖑᕗᑦ; ᑏᒪᓐ, ᐅᒪᕐ, ᔨᐳ, ᒐᑕᒻ, ᑮᓇᑦᔨᓗ.

¹² ᐃᓕᐹᓯᓗ ᐱᔨᒋᓪᓗᓂᐅᒃ ᓄᓕᐊᖃᒃᑲᓐᓂᓚᐅᕆᕗᖅ ᑎᒻᓇᒥᒃ, ᑖᑦᓱᒪᓐᖓᑦ ᐃᕐᓂᕐᑖᓚᐅᕐᐳᖅ ᐊᒪᓕᒃᒥᒃ, ᑖᒃᑯᐊ ᐋᑕᐅᑉ ᐃᕐᖑᑕᖏᑦ ᐄᓴᐅᑉ ᓄᓕᐊᖓᑕ.

¹³ ᕆᐅᓕᐅᓪᓗ ᐃᕐᓂᖏᑦ ᐅᑯᐊᖑᕗᑦ; ᓇᕼᐊᑎ, ᔨᕋ, ᓴᒪ, ᒥᑦᔭᓗ. ᐄᓴᓗ ᓄᓕᐊᒥᓂᑦ ᐸᓯᒫᑎᒥᑦ ᐊᑕᐅᓯᕐᒥᒃ ᐃᕐᓂᖃᓚᐅᕐᐳᖅ.

¹⁴ ᐅᕼᐅᓕᐹᒪ, ᐋᓇᐅᑉ ᐸᓂᖓ ᔨᐱᐅᓂᐅᑉ ᐃᕐᓂᖓᑕ, ᐄᓴᐅᑉ ᓄᓕᐊᖓ ᐅᑯᓂᖓ ᐃᕐᓂᖃᓚᐅᕐᐳᖅ; ᔨᐅᔅ, ᔮᓚᒻ, ᑰᕋᓗ.

¹⁵ ᐅᑯᐊ ᑕᕝᕙ ᐊᖓᔪᖅᑳᖑᓚᐅᕐᑐᑦ ᐄᓴᐅᑉ ᐃᕐᓂᖏᓐᓂ. ᐃᓕᐹᓯᐅᑉ ᐃᕐᓂᖏᑦ ᐄᓴᐅᑉ ᐊᖓᔪᒃᓯᕐᐹᖁᑎᖓᑕ; ᑏᒪᓐ, ᐅᒪᕐ, ᔨᐳ, ᑮᓇᑦᔨ,

¹⁶ ᑰᕋ, ᒐᑕᒻ, ᐊᒪᓕᒃᓗ; ᑖᒃᑯᐊ ᐃᓕᐹᓯᐅᑉ ᐊᖓᔪᖅᑳᖁᑎᒋᓚᐅᕐᑕᖏᑦ ᓄᓇᒥ ᐄᑐᒥᒥ; ᑖᒃᑯᐊ ᐋᑕᐅᑉ ᐃᕐᓂᖏᑦ.

¹⁷ ᐄᓴᐅᑉ ᐃᕐᓂᖓᑕ, ᕆᐅᓕᐅᑉ ᐅᑯᐊ ᐃᕐᓂᕆᕔᑦ; ᐊᖓᔪᖅᑳᖑᓚᐅᕐᑐᑦ ᓇᕼᐊᑎ, ᔨᕋ, ᓴᒪ, ᒥᑦᔭᓗ. ᑖᒃᑯᐊ ᑕᕝᕙ ᕈᐃᓪ ᐊᖓᔪᖅᑳᖁᑎᖏᑦ ᓄᓇᒥ ᐄᑐᒥᒥ; ᑕᒪᕐᒥᒃ ᐄᓴᐅᑉ ᓄᓕᐊᖓᑕ ᐸᓯᒫᑎᐅᑉ ᐃᕐᖑᑕᖏᑦ.

¹⁸ ᐅᑯᐊᓗ ᐄᓴᐅᑉ ᓄᓕᐊᒥᒍᑦ ᐅᕼᐅᓕᐹᒪᒃᑯᑦ ᐃᕐᓂᕆᓚᐅᕐᐰᑦ; ᐊᖓᔪᖅᑳᖑᓚᐅᕐᑐᑦ: ᔨᐅᔅ, ᔮᓚᒻ, ᑰᕋᓗ; ᑖᒃᑯᐊ ᐊᖓᔪᖅᑳᑦ ᐄᓴᐅᑉ ᓄᓕᐊᖓᑕ ᐅᕼᐅᓕᐹᒪᐅᑉ ᐃᕐᓂᖏᑦ ᐋᓇᐅᑉ ᐸᓂᖓᑕ.

¹⁹ ᑖᒃᑯᐊ ᑕᕝᕙ ᐄᓴᐅᑉ ᐄᑐᒥᒥᐅᑉ ᐃᕐᓂᖏᑦ ᐊᖓᔪᖅᑳᖑᓚᐅᕐᑐᑦ.

ᓯᐊᕆᐅᑉ ᑭᖑᕚᖏᑦ

²⁰ ᓄᓇᒥ ᐄᑐᒥᒥ ᓄᓇᖃᓚᐅᕐᑐᑦ ᐊᕕᒡᓗᒋᑦ ᑭᖑᕚᕇᖑᔪᓄᑦ ᐃᒫᒃ ᐊᒡᒍᕐᓯᒪᕗᑦ ᓰᐊᕆᐅᑉ ᑭᖑᕚᖏᑦ, ᕼᐅᕅᑎᒥᐅᑕᐅᑉ: ᓘᑖᓐ, ᓲᐸᐅᓪ, ᔨᐱᐅᓂ, ᐋᓇ,

²¹ ᑎᓲᓐ, ᐃᔨᕆ, ᑎᓵᓐ; ᑖᒃᑯᐊ ᑕᕝᕙ ᐊᖓᔪᖅᑳᑦ ᕼᐅᕅᑎᓄᑦ, ᓰᐊᕆᐅᑉ ᑭᖑᕚᖏᑦ ᓄᓇᒥ ᐄᑐᒥᒥ.

²² ᓘᑖᓐ ᐃᕐᓂᖃᓚᐅᕐᐳᖅ ᐅᑯᓂᖓ ᕼᐅᕆ, ᕼᐃᒪᓐ; ᓘᑖᓐᓗ ᓇᔭᖃᓚᐅᕐᐳᖅ ᑎᒻᓇᒥᒃ.

²³ ᓲᐸᐅᓪ ᐃᕐᓂᖃᓚᐅᕐᐳᖅ ᐅᑯᓂᖓ; ᐊᐅᓪᕚᓐ, ᒪᓇᕼᐊᑦ, ᐄᐸᐅᓪ, ᓯᐳ, ᐅᓇᒻᓗ.

²⁴ ᔨᐱᐅᓂ ᐃᕐᓂᖃᓚᐅᕐᐳᖅ ᐅᑯᓂᖓ; ᐂᐊ, ᐋᓇᓗ; ᐋᓇ ᑖᓐᓇᐅᕗᖅ ᐃᒥᕐᒥᒃ ᐆᓇᕐᑐᒥᒃ ᓄᓇᐅᑉ ᐃᓗᐊᓂᑦ ᑰᒃᑐᒥᒃ ᓇᓂᓯᓚᐅᕐᓯᒪᔪᖅ ᐃᓄᖃᖏᑦᑐᒥ, ᐊᑖᑕᖓᑕ ᔨᐱᐊᓐ ᓯᐅᑎᖅᑯᕐᑐᔪᖁᑎᖏᓐᓂᒃ ᒥᐊᓂᕐᓯᓪᓗᓂ.

²⁵ ᐅᑯᐊ ᐋᓇᐅᑉ ᕿᑐᕐᖓᕆᕔᑦ: ᑎᓲᓐ, ᐊᒻᒪ ᐅᕼᐅᓕᐹᒪ ᑖᓐᓇ ᐋᓇᐅᑉ ᐸᓂᖓ.

²⁶ ᑎᓲᓐ ᐃᕐᓂᖃᓚᐅᕐᐳᖅ ᐅᑯᓂᖓ; ᕼᐃᒻᑕᓐ, ᐃᓯᐸᓐ, ᐃᑕᕋᓐ, ᓯᕋᓐᓗ.

²⁷ ᐃᔨᕆ ᐃᕐᓂᖃᓚᐅᕐᐳᖅ ᐅᑯᓂᖓ; ᐱᐅᓪᕼᐊᓐ, ᔮᕚᓐ, ᐊᑳᓐᓗ.

²⁸ ᑎᓵᓐ ᐃᕐᓂᖃᓚᐅᕐᐳᖅ ᐅᑯᓂᖓ: ᐅᔾ ᐊᕌᓐᓗ.

²⁹ ᑖᒃᑯᐊ ᑕᕝᕙ ᕼᐅᕅᑎᑦ ᐊᖓᔪᖅᑳᕆᓚᐅᕐᑕᖏᑦ: ᓘᑖᓐ, ᓲᐸᐅᓪ, ᔨᐱᐅᓂ, ᐋᓇ,

³⁰ ᑎᓲᓐ, ᐃᔨᕆ, ᑎᓵᓐ; ᑖᒃᑯᐊ ᑕᕝᕙ ᐊᖓᔪᖅᑳᑦ ᕼᐅᕅᑎᓂ ᑭᖑᕚᕇᓂ ᓄᓇᒥ ᓰᐊᕆᒥ.

ᐊᖓᔪᖅᑳᕐᔪᐊᖑᔪᑦ ᐄᑐᒥᒥ

³¹ ᐅᑯᐊ ᑕᕝᕙ ᐊᖓᔪᖅᑳᕐᔪᐊᑦ ᓄᓇᒥ ᐄᑐᒥᒥ ᐊᖓᔪᖅᑳᕐᔪᐊᖑᓚᐅᕐᑐᑦ, ᐃᓴᕆᐊᓕᒥ ᓱᓕ ᐊᖓᔪᖅᑳᕐᔪᐊᕐᑕᖃᓚᐅᕐᑎᓐᓇᒍ:

³² ᐲᓚ ᐱᐅᕆᐅᑉ ᐃᕐᓂᖓ ᐊᖓᔪᖅᑳᕐᔪᐊᖑᓚᐅᕐᐳᖅ ᐄᑐᒥᒥ, ᐃᒡᓗᒐᓴᒡᔪᐊᖏᓪᓗ ᐊᑎᖃᕐᓱᑎᒃ ᑎᓐᕼᐊᐸᒥᒃ.

³³ ᐲᓚᓗ ᑐᖁᖕᒪᑦ, ᔫᐸᐱ ᔨᕋᐅᑉ ᐃᕐᓂᖓ ᐳᔾᕋᒥᐅᖅ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ.

³⁴ ᔫᐸᐱᓗ ᑐᖁᖕᒪᑦ, ᕼᐅᓴᒻ ᑎᒪᓁᑎᑦ ᓄᓇᖓᓂ, ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ.

³⁵ ᕼᐊᓴᒻᓗ ᑐᖁᖕᒪᑦ, ᕼᐊᑖᑦ ᐱᑖᑎᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ, ᑖᑦᓱᒧᖓ ᐃᓇᖏᐅᑎᓪᓗᓂ, ᐃᒡᓗᒐᓴᒡᔪᐊᖏᓪᓗ ᐊᑎᖃᓚᐅᕐᐳᑦ ᐊᕕᑎᒥᒃ, ᑖᑦᓱᒪ ᒥᑎᐊᓂᒥᐅᑦ ᓵᓚᒋᓚᐅᕐᐰᑦ ᒧᐊᐱᒥᐅᑦ ᓄᓇᖓᓂ.

³⁶ ᕼᐊᑖᑦ ᑐᖁᖕᒪᑦ, ᓴᒻᓚ ᒪᔅᕆᑲᒥᐅᖅ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ ᐃᓚᒌᑦ ᓰᐊᕆᒥᐅᑦ ᒪᓕᒡᓗᒋᑦ.

³⁷ ᓴᒻᓚᓗ ᑐᖁᖕᒪᑦ, ᓴᕼᐊᐅᓪ ᕆᕼᐅᐳᑎᒥᐅᖅ ᑰᖕᒥᑦ ᐃᕗᕅᑎᒥᑦ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ.

³⁸ ᓴᕼᐊᐅᓗ ᑐᖁᖕᒪᑦ, ᐰᓕ-ᕼᐋᓇᓂ ᐂᒃᐹᕆᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ.

³⁹ ᐰᓕ-ᕼᐋᓇᓂ ᐂᒃᐹᕆᐅᑉ ᐃᕐᓂᖓ ᑐᖁᖕᒪᑦ, ᕼᐊᑕᕆ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒧᖓ ᐃᓇᖏᐅᑎᓪᓗᓂ, ᐃᒡᓗᒐᓴᖓ ᐊᑎᖃᕐᐳᖅ ᐸᐅ; ᓄᓕᐊᖓ ᐊᑎᖃᕐᐳᖅ ᒥᕼᐃᑕᐱᐅᓪᒥᒃ, ᒪᑐᕆᐅᑉ ᐸᓂᖓ, ᒥᔭᕼᐊᐸᐅᑉ ᐃᕐᖑᑕᖓ.

⁴⁰ ᐄᓴᐅᑉ ᑕᕝᕙ ᐊᖓᔪᖅᑳᖁᑎᒋᓚᐅᕐᑕᖏᑦ, ᐃᓚᒌᑦ ᒪᓕᒡᓗᒋᑦ, ᓄᓇᒋᓚᐅᕐᑕᖏᓪᓗ ᐅᑯᐊ: ᑎᒻᓇ, ᐊᓪᕙ, ᔩᑎᑦ,

⁴¹ ᐅᕼᐅᓕᐹᒪ, ᐄᓚ, ᐱᓅᓐ,

⁴² ᑮᓇᑦᔨ, ᑏᒪᓐ, ᒥᑉᔭᕆ,

⁴³ ᒪᒡᑎᐅᓪ, ᐃᕌᒻ. ᑖᒃᑯᐊ ᐊᖓᔪᖅᑳᖑᓚᐅᕐᑐᑦ ᐄᑐᒥᒥ ᓄᓇᒋᓚᐅᕐᑕᖏᑦ ᒪᓕᒡᓗᒋᑦ ᓄᓇᒥ ᓇᖕᒥᓂᕐᑖᕆᓯᒪᔭᒥᖕᓂ, ᑖᓐᓇ ᐄᓴ ᑭᖑᕚᖃᓚᐅᕐᐳᖅ ᐄᑐᒥᒥᐅᓂᒃ.