ᒨᓯᓯ ᓯᕗᓪᓖᑦ 33 - ᐊᒡᓔᑦ ᐃᑦᔪᕐᖕᓁᑦᑐᑦ

ᔧᑰᑉ ᑲᑎᓯᓂᖓ ᐄᓴᒥᒃ

¹ ᔧᑰᓪᓗ ᕿᓂᕋᒥ ᑕᐅᕗᖓ, ᑕᑯᒋᑦ, ᐄᓴ ᑕᑯᕚ ᑎᑭᓕᕐᑐᖅ, ᐃᓚᖃᕐᓗᓂ 400ᓂᒃ ᐊᖑᑎᓂᒃ, ᑍᒤᒻᒪᑦ ᕿᑐᕐᖓᓂ ᐊᒡᒍᕐᐰᑦ ᓕᐊᑉ ᕿᑐᕐᖓᖏᑦ, ᕅᒋᓕᐅᓪᓗ, ᒪᕐᕉᒡᓗ ᐱᔩᒃ ᕿᑐᕐᖓᖏᑦ.

² ᐊᕐᓈᒡᓗ ᐱᔩᒃ ᒪᕐᕉᒃ ᕿᑐᕐᖓᖏᓪᓗ ᓯᕗᓪᓕᕐᐸᐅᑎᑉᐰᑦ, ᑭᖑᓪᓕᐅᑎᓪᓗᒍ ᓕᐊ ᕿᑐᕐᖓᖏᓪᓗ, ᑭᖑᓪᓕᕐᐸᐅᑎᓪᓗᒍ ᕅᒋᓕᓗ ᔫᓯᐱᓗ.

³ ᓇᖕᒥᓂᕐᓕ ᓯᕗᓂᖓᓐᓄᐊᕐᓗᓂ, ᓄᓇᒧᑦ ᐅᑯᖃᑦᑕᕐᐳᖅ ᐊᖓᔪᒥᓄᑦ ᖃᒡᓕᕙᓪᓕᐊᓪᓗᓂ 7ᐃᑐᕐᓗᓂ.

⁴ ᐄᓴᐅᓪᓕ ᐅᓪᓚᒃᓗᓂ ᐸᕐᕆᐊᕐᐹ, ᐃᕿᓪᓗᓂᐅᒡᓗ ᑯᓂᒃᐹ, ᑕᒪᕐᒥᒡᓗ ᕿᐊᓕᕐᓗᑎᒃ.

⁵ ᐄᓴᓗ ᑕᑯᓴᕋᒥ ᑕᑯᕗᖅ ᐊᕐᓇᓂᒃ ᕿᑐᕐᖓᖏᓐᓂᒡᓗ, ᐊᐱᕆᓪᓗᓂᓗ, “ᐅᑯᐊᓕ ᑭᓇᒃᑯᑦ ᐃᓚᒋᔭᑎᑦ?” ᔧᑰᑉ ᑭᐅᕚ, “ᐅᑯᐊ ᒎᑎᐅᑉ ᐱᑦᓯᐊᕐᓂᕐᒥᓄᑦ ᐱᔨᖕᓄᑦ ᑐᓂᓯᒪᔭᖏᑦ.”

⁶ ᑕᕝᕙ ᐊᕐᓈᒃ ᐱᔩᒃ ᕿᑐᕐᖓᓂ ᐃᓚᒋᓪᓗᒋᑦ ᕾᕗᑦ, ᐅᑯᓪᓗᑎᒡᓗ;

⁷ ᑍᒫᒃᑕᐅᖅ ᓕᐊ ᕿᑐᕐᖓᒥᓂᒃ ᐃᓚᖃᕐᓗᓂ ᕾᒋᕗᑦ ᐹᒻᒪᒃᓗᑎᒡᓗ; ᑭᖑᓪᓕᕐᐸᐅᓪᓗᑎᒃ ᔫᓯᐱᒃᑯᒃ ᕅᒋᓕᒃᑯᒃ ᕾᒋᕘᒃ ᐹᒻᒪᒃᓗᑎᒡᓗ.

⁸ ᑕᕝᕙ ᐄᓴ ᐅᖃᕐᐳᖅ, “ᐃᒃᑯᐊᓕ ᓯᕗᓪᓖᑦ ᑲᑎᖃᑦᑕᖅᑲᐅᔭᒃᑲ ᖃᓄᐃᓕᐅᕈᑎᑎᑦ?” ᔧᑰᑉ ᑭᐅᕚ, “ᐃᒃᑯᐊ ᐊᖓᔪᖅᑳᓐᓄᑦ ᖁᕕᒋᔭᐅᑦᔪᑎᒋᓇᓱᒃᑕᒃᑲ.”

⁹ ᐄᓴᓕ ᐅᖃᕐᐳᖅ, “ᐱᖁᑎᖃᕐᑐᖓ ᓈᒻᒪᒃᑐᓂᒃ, ᖃᑕᓐᖑᑏᒃ; ᐱᖁᑎᑎᑦ ᐱᓯᒪᑐᐃᓐᓇᓕᒃᑭᑦ.”

¹⁰ ᔧᑯ ᐅᖃᕐᐳᖅ, “ᐋᒃᑲ, ᖁᕕᐊᒋᒍᕕᖓ, ᑐᓂᕐᕈᑎᒃᑲ ᐃᓚᓕᐅᓕᒃᑭᑦ; ᑮᓇᕐᓂᒃ ᑕᑯᑎᓪᓗᖓ ᒎᑎᐅᑉ ᑮᓇᖓᓂᒃ ᑕᑯᔪᑎᑐᑦ ᑍᒤᓐᓇᒪ, ᖁᕕᐊᓱᑦᓯᐊᕐᓱᑎᑦ ᐃᓚᓕᐅᕋᕕᖓ.

¹¹ ᐊᑏ ᑐᓂᕐᕈᑎᒃᓴᒃᑲ ᓇᒃᓴᕐᓯᒪᒐᒃᑭᑦ ᐃᓕᖕᓄᑦ ᐃᓚᓕᐅᓕᒃᑭᑦ; ᒎᑎᒧᑦ ᐱᑦᓯᐊᕐᕕᐅᓯᒪᒐᒪ, ᐱᒋᔭᓐᓂᒡᓗ ᓈᒻᒪᒃᓯᓯᒪᓪᓗᖓ.” ᔧᑰᓪᓗ ᐱᔭᐅᖁᓪᓚᕆᖕᒪᒋᑦ, ᑕᕝᕙ ᐄᓴᐅᑉ ᐱᑖᕆᕔᑦ.

¹² ᑕᕝᕙ ᐄᓴ ᐅᖃᕐᐳᖅ, “ᐊᑏ ᐊᐅᓪᓚᓕᕐᑕ, ᐃᓕᖕᓂᑦ ᓯᕗᓪᓕᐅᓗᖓ ᐊᐅᓪᓚᕐᓂᐊᕐᐳᖓ.”

¹³ ᔧᑰᓪᓕ ᑭᐅᕚ, “ᖃᐅᔨᒪᒐᕕᑦ ᓱᕈᓰᑦ ᓴᓐᖐᑦᑑᖕᒪᑕ, ᓰᐲᓪᓗ ᐃᒻᒧᒃᓯᐅᒊᓪᓗ ᐊᒫᒪᒃᑎᑦᓯᔪᑦ ᑲᒪᒋᔭᕆᐊᖃᕐᓗᒋᑦ; ᐅᓪᓘᑉ ᐊᑕᐅᓯᐅᑉ ᐅᖓᑖᓄᑦ ᐱᓱᐃᓐᓇᕈᑎᒃ, ᐆᒪᔪᓕᒫᑦ ᑐᖁᒐᔭᕐᒪᑕ.

¹⁴ ᐊᖓᔪᖅᑳᕋ ᐱᔨᒥᓂᑦ ᓯᕗᓪᓕᐅᓗᓂ ᐃᖏᕐᕋᓕᕐᓕ, ᒪᓕᖕᓂᐊᕐᐳᖓ ᓱᒃᑬᑦᑑᓗᖓ, ᐃᖏᕐᕋᓂᐊᕋᒪ ᐆᒪᔪᑦ ᐱᓱᖕᓂᖏᑦ ᒪᓕᒡᓗᒋᑦ ᓯᕗᓂᓐᓃᑦᑐᑦ, ᓱᕈᓰᓪᓗ ᐱᓱᖕᓂᖏᑦ ᒪᓕᒡᓗᒋᑦ, ᐊᖓᔪᖅᑳᓐᓄᑦ ᐊᓐᖑᑎᓚᐅᖏᓐᓂᓐᓂ ᓰᐊᕆᒧᑦ.”

¹⁵ ᐄᓴᓗ ᐅᖃᕐᐳᖅ, “ᑍᒤᒻᒪᑦ ᐃᓄᖁᑎᒪ ᐃᓚᖏᓐᓂᒃ ᕿᒤᕕᒋᓕᕐᓚᒋᑦ.” ᔧᑰᓪᓕ ᑭᐅᕚ, “ᓱᓇᒧᓪᓕ ᐊᑐᕐᓂᐊᕐᒪᑕ? ᐊᖓᔪᖅᑳᓐᓄᓪᓕ ᖁᕕᐊᒋᔭᐅᓕᑦᓴᕈᒪ ᐊᑭᓱᒃᑐᖓ.”

¹⁶ ᑕᕝᕙ ᐄᓴ ᑕᕝᕙᓂ ᐅᓪᓗᒥ ᐅᑎᕆᐊᓯᕗᖅ ᓰᐊᕆᒧᑦ.

¹⁷ ᔧᑯᓕ ᐃᖏᕐᕋᒐᒥ ᑕᖕᒫᕐᐳᖅ, ᑕᕝᕙᓂᓗ ᓇᖕᒥᓂᕐᒥᓂᒃ ᐃᒡᓗᓕᐅᕐᐳᖅ, ᐆᒪᔪᖁᑎᓂᓗ ᐃᓂᓕᐅᕐᓗᒋᑦ; ᑍᒤᒻᒪᑦ ᓄᓇ ᐊᑦᓯᕐᑕᐅᓚᐅᕐᐳᖅ ᓱᑰᑎᒥᒃ.

¹⁸ ᔧᑯᓗ ᖃᓄᐃᖏᑦᓯᐊᕐᓗᓂ ᑎᑭᓚᐅᕐᐳᖅ ᐃᒡᓗᒐᓴᖕᓄᑦ ᓯᑭᒻᒥᒃ ᐊᑎᓕᖕᓄᑦ, ᑬᓇᓂᐅᑉ ᓄᓇᖓᓃᑦᑐᒧᑦ, ᐸᑖᓐ-ᐊᕌᒻᒥᑦ ᐱᓪᓗᓂ; ᐃᒡᓗᒐᓮᓪᓗ ᖃᓂᒋᔮᓂ ᑕᖕᒫᕐᑎᓚᐅᕐᐳᖅ.

¹⁹ ᓄᓇᓗ ᑕᖕᒫᕐᕕᒋᔭᓂ ᓂᐅᕕᐊᕆᕚ ᕼᐊᒧᕆᐅᑉ ᑭᖑᕚᖏᓐᓂᑦ, ᓯᑭᒻᒥᐅᑉ ᐊᑖᑕᖓᓂᑦ, ᓯᐅᓪᕕᕆᓄᑦ 100ᓄᑦ.

²⁰ ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑦᑎᕐᓱᓂᐅᒡᓗ ᐃᓪ ᐃᓗᕼᐃ-ᐃᓴᕆᐊᓪᒥᒃ.