ᒨᓯᓯ ᓯᕗᓪᓖᑦ 29 - ᐊᒡᓔᑦ ᐃᑦᔪᕐᖕᓁᑦᑐᑦ

ᔧᑰᑉ ᑎᑭᓐᓂᖓ ᓔᐸᓂᐅᑉ ᐊᖏᕐᕋᖓᓄᑦ

¹ ᔧᑯᓗ ᐅᐸᒃᑕᒥᓄᑦ ᐂᓕᕆᕗᖅ, ᑎᑭᓪᓗᓂᓗ ᐃᓄᖕᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ.

² ᕿᓂᕋᒥᓗ, ᓇᑎᕐᓇᒥ ᐃᒥᕐᑕᕐᕕᖕᒥᒃ, ᓰᐱᓂᒡᓗ ᐊᕚᑖᓂ ᐊᖁᐱᔪᖃᕐᐳᖅ ᐱᖓᓲᓕᖅᑲᖓᔪᓂᒃ; ᑕᕝᕙᓐᖓᓪᓗ ᓰᐲᑦ ᐃᒥᕐᑕᕐᕕᖕᒥᑦ ᐃᒥᕐᑎᑕᐅᕙᒃᐳᑦ, ᐅᔭᕋᖕᒥᒡᓗ ᐊᖏᔪᒥᒃ ᖄᖓᒍᑦ ᒪᑐᓯᒪᓪᓗᓂ.

³ ᓰᐲᓪᓗ ᑲᑎᑕᐅᔭᕌᖓᑕ ᑕᕝᕗᖓ, ᓰᐱᓕᕆᔨᓂᑦ ᒪᑐᐊ ᐊᒃᓴᑲᕐᑎᑕᐅᕙᒃᓱᓂ ᐃᒥᕐᑕᕐᕕᐅᑉ ᐹᖓᓂᑦ, ᓰᐱᖁᑎᑎᒃ ᐃᒥᕐᑎᑉᐸᒃᓗᒋᑦ, ᐱᔭᕇᕌᖓᒥᒃ ᐅᔭᕌᓗᒃ ᐅᑎᕐᑎᑉᐸᒃᑭᓪᓗᒍ ᐹᖓᓄᑦ.

⁴ ᔧᑰᓪᓗ ᐊᐱᕆᓕᕐᐰᑦ, “ᖃᑕᓐᖑᑎᒃᑲ ᓇᑭᓐᖔᕐᓯᒪᕕᓰ?” ᑖᒃᑯᐊ ᑭᐅᕗᑦ, “ᕼᐊᕋᓐᒥᓐᖔᕐᓯᒪᕗᒍᑦ.”

⁵ ᑕᕝᕙ ᐊᐱᕆᒃᑲᓐᓂᕐᐰᑦ, “ᖃᐅᔨᒪᕕᓯᐅᒃ ᓔᐸᓂ ᓇᕼᐅᕆᐅᑉ ᐃᕐᓂᖓ?” ᑖᒃᑯᐊ ᑭᐅᕙᑦ, “ᑍᓐᓇ ᖃᐅᔨᒪᔭᕗᑦ.”

⁶ ᐊᐱᕆᒋᕔᑦ, “ᖃᓄᐃᖏᒃᑲᓗᐊᕐᐹ?” ᑖᒃᑯᐊ ᑭᐅᕚᑦ, “ᖃᓄᐃᖏᑦᑐᖅ; ᑕᑯᓕᕈᒃ ᑕᕝᕙ ᐸᓂᖓ ᕅᒋᓕ ᕾᓕᕐᐳᖅ ᓰᐱᖁᑎᖏᓐᓂᒃ ᓇᒃᓴᕐᓗᓂ.”

⁷ ᔧᑯ ᐅᖃᕐᐳᖅ, “ᑕᒃᑰᒃ ᓱᓕ ᐅᓪᓗᑐᖃᐅᓂᐊᕐᒪᑦ, ᓰᐱᓂᒡᓗ ᑲᑎᑎᕕᒃᓴᖅ ᓈᒻᒪᒃᓯᖏᓪᓗᓂ; ᓱᖕᒪᑦ ᐃᒥᕐᑎᓚᐅᕐᓗᒋᑦ ᓂᕆᕕᒋᕙᒃᑕᖏᓐᓄᑦ ᐊᐅᓪᓚᕈᑎᒃᑲᓐᓂᓐᖏᓚᓯᐅᒃ?”

⁸ ᑖᒃᑯᐊ ᑭᐅᕚᑦ, “ᑍᒤᑦᑐᓐᓇᖏᑦᑐᒍᑦ ᓰᐱᓕᒫᑦ ᑕᒪᐅᓐᖓᓚᐅᖅᑳᖏᓐᓂᖏᓐᓂ, ᐅᔭᕋᒡᓗ ᐃᒥᕐᑕᕐᕕᐅᑉ ᒪᑐᐊ ᐹᖓᓂᑦ ᓴᓂᕐᕙᒃᑕᐅᒃᐸᑦ ᑭᓯᐊᓂ ᐃᒥᕐᑎᑦᓯᔪᓐᓇᕐᓂᐊᕐᐳᒍᑦ ᓰᐱᓂᒃ.”

⁹ ᔧᑯᓕ ᓱᓕ ᐅᖃᖃᑎᖃᕐᑎᓪᓗᒍ ᑖᒃᑯᓂᖓ, ᕅᒋᓕ ᑎᑭᐅᑎᕗᖅ ᐊᑖᑕᒥ ᓰᐱᖁᑎᖏᓐᓂᒃ ᓇᒃᓴᕐᓗᓂ; ᑲᒪᒋᒐᒥᒋᑦ.

¹⁰ ᔧᑰᓪᓗ ᕅᒋᓕ ᑕᑯᒐᒥᐅᑉ ᓔᐸᓂᐅᑉ ᓰᐱᖁᑎᖏᓐᓂᒃ ᑲᒪᒋᔭᓕᒃ, ᐃᒥᕐᑕᕐᕕᖕᒧᐊᕐᐳᖅ ᐅᔭᕌᓗᒡᓗ ᒪᑐᒋᔭᖓ ᐊᒃᓴᑲᕐᑎᓪᓗᒍ ᔧᑰᑉ ᐊᓈᓇᖓᑕ ᐊᓂᖓᑕ ᓔᐸᓂᐅᑉ ᓰᐱᖁᑎᖏᑦ ᐃᒥᕐᑎᑉᐰᑦ.

¹¹ ᔧᑰᓪᓗ ᕅᒋᓕ ᑯᓂᒃᓗᓂᐅᒃ ᓂᐱᖃᕐᓗᓂ ᕿᐊᓯᕗᖅ.

¹² ᔧᑰᓪᓗ ᐅᖃᐅᑎᕚ, “ᐊᑖᑕᕕᑦ ᐃᓚᒋᕚᖓ, ᕇᐱᑲᐅᑉ ᐃᕐᓂᖓ.” ᕅᒋᓕᓗ ᐅᓪᓚᒃᓯᕗᖅ ᐊᑖᑕᓂ ᐅᖃᐅᑎᔭᕐᑐᕐᓗᒍ.

¹³ ᓔᐸᓂᓗ ᐅᔪᕈᒥᓂᒃ ᔧᑯᒥᒃ ᑐᓴᕋᒥ ᐅᓪᓚᒃᓗᓂ ᐸᕐᕆᐊᕐᐹ ᐃᕿᓪᓗᒍᓗ ᑯᓂᒃᐹ, ᐊᖏᕐᕋᒥᓄᐊᖃᑎᒋᓪᓗᒍᓗ. ᔧᑰᓪᓗ ᓔᐸᓂ ᐅᓂᒃᑳᕐᕕᒋᕚ ᖃᓄᐃᓐᓂᕆᓚᐅᕐᑕᓕᒫᒥᓂ.

¹⁴ ᓔᐸᓂᓗ ᐅᖃᕐᐳᖅ, “ᓱᓕᔪᒥᒃ ᐅᕕᓂᖃᑎᒋᕙᒋᑦ ᐊᐅᖃᑎᒋᓪᓗᑎᓪᓗ,” ᔧᑯᓗ ᑕᖅᑭᓕᒫᒥᒃ ᑕᕝᕙᓃᓚᐅᕐᐳᖅ.

ᔧᑰᑉ ᐱᔨᑦᓯᕐᓂᖓ ᓔᐸᓂᒥᒃ ᕅᒋᓕ ᓕᐊᓗ ᐱᓪᓗᒋᒃ

¹⁵ ᓔᐸᓂ ᔧᑯᒧᑦ ᐅᖃᕐᐳᖅ, “ᐃᓚᒋᒐᒃᑭᑦ ᐅᕙᓐᓄᑦ ᐊᑭᖃᖏᓪᓗᒍ ᓴᓇᔭᕆᐊᖃᓐᖏᓚᑎᑦ ᐃᓚᒌᖕᓂᕗᒃ ᐱᓪᓗᒍ, ᖃᓄᖅ ᐊᖏᑎᒋᔪᒥᒃ ᐊᑭᓕᕐᑕᐅᖃᑦᑕᕈᒪᕖᑦ?”

¹⁶ ᓔᐸᓂᓕ ᐸᓂᖃᓚᐅᕐᐳᖅ ᒪᕐᕉᖕᓂᒃ; ᐊᖓᔪᒃᓯᖅ ᓕᐊᒥᒃ ᐊᑎᖃᕐᐳᖅ ᓄᑲᕐᓯᕐᓗ ᕅᒋᓕᒥᒃ ᐊᑎᖃᕐᓗᓂ.

¹⁷ ᓕᐊᓪᓕ ᐃᔨᖏᒃ ᐱᖁᓐᓂᕐᑑᓚᐅᕐᐴᒃ, ᕅᒋᓕᓕ ᐃᓂᖁᓇᕐᑑᓚᐅᕐᐳᖅ ᑎᒥᑦᓯᐊᕆᒃᓗᓂᓗ.

¹⁸ ᔧᑰᓪᓗ ᕅᒋᓕ ᓇᒡᓕᒋᓚᐅᕐᐹ; ᐅᖃᓗᓂᓗ, “ᐱᔨᑦᓯᕐᓂᐊᕐᐸᒋᑦ ᐊᕐᕌᒍᓂᒃ 7ᓂᒃ ᓄᓕᐊᕐᑖᕐᑎᓐᓂᐊᕈᕕᖓ ᕅᒋᓕᒥᒃ.”

¹⁹ ᓔᐸᓂᐅᑉ ᑭᐅᕚ, “ᓈᒻᒪᖕᓂᕐᓴᐅᕗᖅ ᐃᓕᖕᓄᑦ ᑐᓂᒍᒃᑯ ᐊᓯᖕᓄᑦ ᐊᖑᒻᒧᑦ ᑐᓂᒐᔭᕈᒃᑯ; ᓇᔪᕐᓂᐊᓕᕐᐸᕐᒪ.”

²⁰ ᑕᕝᕙ ᔧᑯ ᐊᕐᕌᒍᓂᒃ 7ᓂᒃ ᐱᔨᑦᓯᓚᐅᕐᐳᖅ ᕅᒋᓕᒥᒃ ᐱᔪᒪᓪᓗᓂ, ᐅᓪᓗᐃᓪᓗ ᐅᓄᖏᑦᑐᑯᓗᒃᑎᑐᑦ ᐃᓱᒪᒋᓚᐅᕐᐰᑦ ᕅᒋᓕ ᓇᒡᓕᒋᒐᒥᐅᒃ.

²¹ ᑕᕝᕙ ᔧᑯ ᓔᐸᓂᒧᑦ ᐅᖃᕐᐳᖅ, “ᓄᓕᐊᒃᓴᕋ ᐅᕙᓐᓄᑦ ᑐᓂᓕᕈᒃ ᐃᓐᓇᖓᖃᑎᒋᓂᐊᓕᕋᒃᑯ, ᐱᓇᓱᐊᕆᐊᖃᕐᑕᒃᑲ ᐅᖃᕐᓯᒪᔭᑎᑦ ᓈᖕᒪᑕ.”

²² ᐊᓱᐃᓛᒃ ᓔᐸᓂᐅᑉ ᐊᖑᑎᓕᒫᑦ ᓇᔪᒐᕐᒥᓃᑦᑐᑦ ᑲᑎᖁᕔᑦ, ᓂᕆᕕᒡᔪᐊᓕᐅᕐᓗᓂᓗ.

²³ ᐅᓐᓄᒃᑎᓪᓗᒍᓕ ᐸᓂᓂ ᓕᐊ ᔧᑯᒧᓐᖓᐅᑎᕚ, ᔧᑰᓪᓗ ᓕᐊ ᐃᓐᓇᖓᖃᑎᒋᕚ.

²⁴ ᓔᐸᓂᐅᑉ ᐱᔨᑲᑖᓂ ᐊᕐᓇᖅ ᔨᐅᓪᐸ ᐸᓂᖕᒥᓄᑦ ᓕᐊᒧᑦ ᑐᓂᕙ ᐱᔨᑲᑖᖑᖁᓪᓗᒍ.

²⁵ ᐅᓪᓛᓐᖑᕐᑎᓪᓗᒍ ᑕᑯᒋᑦ, ᔧᑯ ᖃᐅᔨᓕᕐᐳᖅ ᓕᐊᖑᖕᒪᑦ; ᔧᑯᓗ ᓔᐸᓂᒧᑦ ᐅᖃᕐᐳᖅ, “ᓱᖕᒪᑦ ᑍᒤᓕᐅᕐᐱᖔ? ᐱᔨᑦᓯᓚᐅᓐᖏᓚᒌᑦ ᕅᒋᓕᒥᒃ ᐱᔪᒪᓪᓗᖓ? ᓱᖕᒪᑦ ᐅᐃᕕᕆᕕᖔ?”

²⁶ ᓔᐸᓂᐅᑉ ᑭᐅᕚ, “ᓄᓇᑦᑎᓐᓂ ᐱᐅᓯᕆᖏᓐᓇᑦᑎᒍ, ᓄᑲᕐᓯᕐᒥᒃ ᐅᐃᓂᒃᑎᑦᓯᖅᑳᕈᓐᓇᖏᓐᓇᑦᑕ ᐊᖓᔪᒃᓯᖅ ᐅᐃᓂᓚᐅᖏᓐᓂᖓᓂ.

²⁷ ᑲᑎᑎᑕᐅᓵᕐᑑᒃ ᐱᐅᓯᖓᓂᒃ ᐱᓇᓱᐊᕈᓯᖅ ᐊᓂᒍᕐᓯᐊᕆᓕᕈᒃ, ᐊᓂᒍᕐᓯᒪᓕᕐᐸᑦ ᕅᒋᓕ ᑐᓂᔪᒫᕐᐸᕋ ᐃᓕᖕᓄᑦ ᐱᔨᑦᓯᒃᑲᓐᓂᕇᕈᕕᖓ ᓱᓕ ᐊᕐᕌᒍᓂᒃ 7ᓂᒃ.”

²⁸ ᔧᑯᓗ ᑍᒤᓕᐅᓚᐅᕐᐳᖅ, ᐱᓇᓱᐊᕈᓯᖅ ᐊᓂᒍᕐᒪᑦ; ᓔᐸᓂᐅᑉ ᐸᓂᓂ ᕅᒋᓕ ᓄᓕᐊᕐᑖᖑᑎᑉᐹ ᔧᑯᒧᑦ.

²⁹ ᓔᐸᓂᐅᓪᓗ ᐱᔨᑲᑖᓂ ᐊᕐᓇᖅ ᐱᓪᕼᐊ ᑐᓂᕚ ᕅᒋᓕᒧᑦ ᐱᔨᑲᑖᕆᔭᐅᖁᓪᓗᒍ.

³⁰ ᔧᑰᓪᓗ ᕅᒋᓕ ᐃᓐᓇᖓᖃᑎᒋᒋᕚ, ᓇᒡᓕᒋᓂᕐᓴᕆᕚᓗ ᓕᐊᒥᑦ, ᑭᖑᓂᖓᒍᓪᓗ ᐊᕐᕌᒍᓂᒃ 7ᓂᒃ ᓱᓕ ᐱᔨᑦᓯᓕᓚᐅᕆᕗᖅ ᓔᐸᓂᒥᒃ.

ᔧᑰᑉ ᕿᑐᕐᖓᕐᑖᕆᓯᒪᔭᖏᑦ

³¹ ᐊᑕᓂᕐᓕ ᖃᐅᔨᒪᒐᒥ ᓕᐊᑉ ᓇᒡᓕᒋᔭᐅᖏᓐᓂᕐᓴᐅᓂᖓᓂᒃ, ᕿᑐᕐᖓᕐᑖᕈᓐᓇᕐᑎᓚᐅᕐᐹ; ᕅᒋᓕᓕ ᕿᑐᕐᖏᓱᐃᑦᑑᓚᐅᕐᐳᖅ.

³² ᓕᐊᓗ ᓯᖎᓕᕐᐳᖅ ᐃᕐᓂᕐᑖᕐᓗᓂᓗ, ᐊᑦᓯᕐᐹᓗ ᕉᐱᓂᒥᒃ; ᐅᖃᕋᒥ, “ᐊᑕᓂᐅᑉ ᐃᓱᒫᓗᖕᓂᓐᓂᒃ ᑕᑯᓐᓇᕐᐹᖓ, ᑕᕝᕙ ᐅᐃᒪ ᓇᒡᓕᒋᓂᐊᓕᕐᐹᖓ.”

³³ ᑭᖑᓂᖓᒍᓪᓗ ᓱᓕ ᓯᖎᓕᒃᑲᓐᓂᕆᕗᖅ ᐃᕐᓂᕐᑖᕐᓗᓂᓗ, ᐅᖃᕐᐳᕐᓗ, “ᐊᑕᓂᐅᑉ ᓱᓕ ᑖᑦᓱᒥᖓ ᐃᕐᓂᕐᑖᕐᑎᑉᐹᖓ, ᑐᓴᐅᒪᓕᕋᒥ ᓇᒡᓕᒋᔭᐅᖏᓐᓂᓐᓂᒃ”; ᑍᒤᒻᒪᑦ ᐊᑦᓯᕐᐹ ᓯᒥᐅᓂᒥᒃ.

³⁴ ᓱᓕ ᓯᖎᓕᒃᑲᓐᓂᕆᕗᖅ ᐃᕐᓂᕐᑖᕐᓗᓂᓗ, ᐅᖃᕐᐳᕐᓗ, “ᒫᓐᓇ ᐅᐃᒪ ᖃᒡᓕᒃᑲᓐᓂᕐᓂᐊᓕᕐᐹᖓ, ᐃᕐᓂᕐᑖᕐᓯᒪᓂᕋ ᐱᖓᓱᓂᒃ ᐱᑦᔪᑎᒋᓗᒍ”; ᑍᒤᒻᒪᑦ ᐊᑦᓯᕐᐹ ᓕᕔᒥᒃ.

³⁵ ᐊᒻᒪ ᑭᖑᓂᖓᒍᑦ ᓯᖎᓕᒃᑲᓐᓂᕆᕗᖅ ᐃᕐᓂᕐᑖᒃᑲᓐᓂᕐᓗᓂᓗ, ᐅᖃᕐᐳᕐᓗ, “ᑕᒪᑐᒪᓂ ᐊᑕᓂᖅ ᓂᕐᑐᕐᓂᐊᓕᕐᐸᕋ”; ᑍᒤᒻᒪᑦ ᐊᑦᓯᕐᐹ ᔫᑕᒥᒃ; ᑭᖑᓂᖓᒍᓪᓗ ᕿᑐᕐᖓᕐᑖᒃᑲᓐᓂᕈᓐᓃᕐᐳᖅ.