ᒨᓯᓯ ᓯᕗᓪᓖᑦ 14 - ᐊᒡᓔᑦ ᐃᑦᔪᕐᖕᓁᑦᑐᑦ

ᐂᑉᕋᐅᑉ ᓴᐳᑦᔨᓂᖓ ᓘᑎᒥᒃ

¹ ᑍᑦᓱᒪᓂ ᐊᖓᔪᖅᑳᕐᔪᐊᖅ, ᐊᒻᕋᐱᐅᓕ ᐹᐱᓘᓂᐊᒥ ᐊᖓᔪᖅᑳᕐᔪᐊᖑᑎᓪᓗᒍ, ᐊᕆᐅᑭᓗ ᐃᓚᓵᕆᒥ ᐊᖓᔪᖅᑳᕐᔪᐊᖑᑎᓪᓗᒍ, ᑭᑐ-ᓚᐅᒥᕆᓗ ᐃᓛᒥᒥ ᐊᖓᔪᖅᑳᕐᔪᐊᖑᑎᓪᓗᒍ, ᑍᑕᐅᓪ ᒍᐃᒥᒥ ᐊᖓᔪᖅᑳᕐᔪᐊᖑᑎᓪᓗᒍ,

² ᑖᒃᑯᐊ ᐅᓇᑕᕆᐊᓚᐅᕐᐳᑦ ᐊᖓᔪᖅᑳᕐᔪᐊᓄᑦ ᐅᑯᓄᖓ: ᐱᕋᒧᑦ ᓱᑑᒪᐅᑉ ᐊᖓᔪᖅᑳᕐᔪᐊᖓᓄᑦ, ᐱᕐᓴᒧᑦ ᒍᒨᕋᐅᑉ ᐊᖓᔪᖅᑳᕐᔪᐊᖓᓄᑦ, ᓯᓈᐱᒧᑦ ᐊᑦᒪᐅᑉ ᐊᖓᔪᖅᑳᕐᔪᐊᖓᓄᑦ, ᓯᒥᐸᒧᑦ ᔨᐳᐃᒥᐅᑉ ᐊᖓᔪᖅᑳᕐᔪᐊᖓᓄᑦ, ᐲᓚᐅᓪᓗ (ᑕᕝᕙ ᔪᐊᕆᐅᑉ) ᐊᖓᔪᖅᑳᕐᔪᐊᖓᓄᑦ.

³ ᑖᒃᑯᐊᓕᒫᓪᓗ ᐃᒻᒥᖕᓄᑦ ᑕᐱᕇᓕᓪᓗᑎᒃ ᐅᓇᑕᕆᐊᓚᐅᕐᐳᑦ ᓇᕐᓴᒥ ᓯᑎᒥᒥᒃ ᐊᑎᓕᖕᒥ, ᒫᓐᓇᓕ ᑍᔭᐅᓕᕐᑐᒥᒃ ᐃᒪᕐᒥᒃ ᑕᕆᐅᕐᒥᒃ.

⁴ ᑖᒃᑯᐊ ᐊᐅᓚᑕᐅᓚᐅᕋᒥᒃ ᑭᑐ-ᓚᐅᒥᕆᒧᑦ ᐊᕐᕌᒍᓂᒃ 12ᓂᒃ, ᐊᕐᕌᒍᓪᓕ 13ᒋᓕᕐᑕᖓᓂ ᑖᒃᑯᐊ ᑖᑦᓱᒥᖓ ᐊᑭᕋᕐᑐᓕᓚᐅᕐᐳᑦ.

⁵ ᐊᕐᕌᒍᓪᓕ 14ᒋᓕᕐᑕᖓᓂ ᑭᑐ-ᓚᐅᒥᕆ ᑖᑦᓱᒪᓗ ᑕᐱᖏᑦ ᐅᓇᑕᕐᑐᒃᓴᖁᑎᓂ ᐃᓚᒋᓪᓗᒋᑦ ᐅᓇᑕᓚᐅᕐᐳᑦ ᓵᓚᒋᓪᓗᒍᓗ ᕆᐰᒻ ᐊᔅᑕᕈᑎ-ᑲᕐᓁᒥᒥ, ᔪᔨᒻᒥᓗ ᕼᐊᒥᒦᑦᑐᒥᒃ, ᐃᒥᒻᒥᓗ ᓴᕕ-ᑭᕆᐊᑍᒦᑦᑐᖅ,

⁶ ᕼᐅᕅᑎᓪᓗ ᓰᐊᕐ ᖃᖅᑲᖓᓂᒥᐅᑦ ᓄᓇ ᐃᐅᓪᐸᕋᓐ ᐃᓄᖃᔪᐃᑦᑑᑉ ᑭᒡᓕᖓᓃᑦᑐᖅ ᑎᑭᓪᓗᒍ;

⁷ ᑕᕝᕙᓐᖓᓪᓗ ᐅᑎᕆᐊᕐᓗᑎᒃ ᑲᑎᓯᒧᑦ ᑎᑭᓚᐅᕐᐳᑦ ᐃᓐᒥᓯᐹᑦᒧᑦ (ᑍᔭᐅᕙᓚᐅᕐᑐᖅ ᑲᑎᓯᒥᒃ), ᐊᒪᓕᑬᑎᓪᓗ ᓄᓇᓕᒫᖏᓐᓂᒃ ᐊᕐᓵᓚᐅᕐᐰᑦ, ᐊᒧᕅᑎᓪᓗ ᓄᓇᖃᕐᑐᑦ ᕼᐊᔭᔭᓐᒥ ᑕᒫᕆᒥ.

⁸ ᑕᕝᕙ ᐊᖓᔪᖅᑳᕐᔪᐊᖅ ᓱᑑᒪᒥ, ᐊᖓᔪᖅᑳᕐᔪᐊᕐᓗ ᒍᒨᕋᒥ, ᐊᖓᔪᖅᑳᕐᔪᐊᕐᓗ ᐊᑦᒪᒥ, ᐊᖓᔪᖅᑳᕐᔪᐊᕐᓗ ᔨᐳᐃᒥ, ᐊᖓᔪᖅᑳᕐᔪᐊᕐᓗ ᐲᓚᒥ (ᑕᕝᕙ ᔪᐊᕆᒥ) ᐅᓇᑕᕐᑐᒃᓴᖁᑎᒥᖕᓂᒃ ᐅᓇᑕᕆᐊᕐᑐᕐᑎᑦᓯᕗᑦ, ᓯᑎᒥᐅᑉ ᓇᕐᓴᖓᓂ ᑲᑐᑦᔨᓪᓗᑎᒡᓗ ᐅᓇᑕᓕᕐᐳᑦ.

⁹ ᑭᑐ-ᓚᐅᒥᕆᒥᒃ ᐃᓛᒥᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑍᑕᐅᓪᑎᒃᓗ ᒍᐃᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᒻᕋᐱᐅᓕᒥᒡᓗ ᐹᐱᓘᓂᐊᑉ ᐊᖓᔪᖅᑳᕐᔪᐊᖓᓐᓂᒃ, ᐊᕆᐅᑭᒥᒃᓗ ᐃᓚᓵᕆᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᖓᔪᖅᑳᕐᔪᐊᑦ ᓯᑕᒪᑦ ᐅᓇᑕᓚᐅᕐᐳᑦ ᑕᓪᓕᒪᓄᑦ ᐊᖓᔪᖅᑳᕐᔪᐊᓄᑦ.

¹⁰ ᑕᒪᓐᓇᓗ ᓇᕐᓴᖅ ᓯᑎᒻ ᒪᕐᕆᓐᓇᕐᑐᓂᒃ ᐅᓄᕐᑐᓂᒃ ᐃᑎᕐᓴᖃᐅᓚᐅᕐᐳᖅ; ᓱᑑᒪᒥᐅᓪᓗ ᒍᒨᕋᒥᐅᓪᓗ ᐊᖓᔪᖅᑳᕐᔪᐊᖏᑦ ᐅᓇᑕᕐᓂᕐᒥᑦ ᕿᒫᓇᓱᐊᕐᓗᑎᒃ, ᒪᕐᕆᓐᓇᕐᑐᓄᑦ ᑲᑕᖃᑦᑕᓚᐅᕐᐳᑦ; ᐊᓯᖏᓪᓕ ᐊᖓᔪᖅᑳᕐᔪᐊᑦ ᐊᓐᓇᓚᐅᕐᐳᑦ ᖃᖅᑲᓄᑦ ᕿᒫᓪᓗᑎᒃ.

¹¹ ᐊᑭᕋᖏᓪᓕ ᐱᖁᑎᓕᒫᖏᓐᓂᒃ ᑎᒍᓯᓚᐅᕐᐳᑦ ᓱᑑᒪᒥᑦ ᒍᒨᕋᒥᓪᓗ, ᓂᕿᒃᓴᓕᒫᖏᓐᓂᒡᓗ, ᑕᕝᕙᓐᖓᓪᓗ ᐊᐅᓪᓚᕐᓗᑎᒃ.

¹² ᓘᑎᓕ ᐂᑉᕋᐅᑉ ᖃᖏᐊᖓ, ᓱᑑᒪᒥ ᓄᓇᖃᓚᐅᕐᐳᖅ, ᑖᓐᓇᑦᑕᐅᖅ ᑎᒍᔭᐅᓚᐅᕐᐳᖅ ᐱᖁᑎᓕᒫᖏᓪᓗ ᑕᒪᕐᒥᒃ ᐱᖃᓯᐅᑦᔭᐅᓪᓗᑎᒃ, ᐊᐅᓪᓚᕈᑦᔭᐅᓪᓗᑎᒡᓗ.

¹³ ᐃᓚᖓᓪᓕ ᕿᒪᒃᓯᓪᓗᓂ ᐊᓐᓇᓚᐅᕐᑐᖅ ᑎᑭᑉᐳᖅ, ᑕᒪᓐᓇᓗ ᑕᒪᕐᒥᒃ ᐅᖃᐅᓯᕆᕚ ᐂᑉᕋᒻᒧᑦ ᐄᑉᕉᒧᑦ, ᓄᓇᖃᕐᑐᖅ ᐆᒃᓂᒃ ᓇᐹᕐᑐᖃᕐᑑᑉ ᖃᓂᒋᔮᓂ ᒪᒻᕆᒧᑦ ᐱᖁᑎᒋᔭᐅᔪᓄᑦ ᐊᒧᕅᑎᒧᑦ, ᖃᑕᓐᖑᑎᖏᓪᓗ ᐃᔅᑯᓪ ᐊᓂᕆᓗ; ᑖᒃᑯᐊ ᐂᑉᕋᐅᑉ ᑕᐱᕆᓚᐅᕐᐰᑦ.

¹⁴ ᐂᑉᕋᒻᓕ ᑐᓴᕋᒥ ᖃᖏᐊᖓᑕ ᑎᒍᔭᐅᓂᖓᓂᒃ, ᐅᓇᑕᕈᓐᓇᕐᑐᖁᑎᓕᒫᓂ ᓄᓇᒥᓃᑦᑐᑦ ᐊᖏᕐᕋᖓᓂ ᐃᓅᓯᒪᔪᑦ, ᑖᒃᑯᐊᓗ ᑲᑎᓪᓗᒋᑦ 318ᖑᓚᐅᕐᐳᑦ, ᐅᓇᑕᓚᐅᕐᐳᓪᓗ ᓄᓇᒧᑦ ᑖᓐᒧᑦ ᑎᑭᓪᓗᑎᒃ.

¹⁵ ᑕᕝᕗᖓᓗ ᑎᑭᓐᓇᒥᒃ ᐅᓇᑕᕐᑐᒃᓴᖁᑎᓂ ᐊᕕᒃᑐᓚᐅᕐᐰᑦ ᐅᓐᓄᐊᒃᑯᑦ, ᑖᓐᓇ ᐱᔨᓂ ᐃᓚᒋᓪᓗᒍ, ᓯᕗᕐᖏᕐᐰᑦ. ᒪᓕᒡᓗᒋᓪᓗ ᓄᓇᒧᑦ ᕼᐅᐸ ᑎᑭᓪᓗᒍ, ᑕᒫᓯᑰᓯᐅᑉ ᐅᓐᓄᐊᓪᓗᐊᖓᓃᑦᑐᒧᑦ.

¹⁶ ᑕᒪᕐᒥᒡᓗ ᐱᔭᐅᓚᐅᕐᑐᓕᒫᑦ ᐅᑎᕐᑎᓚᐅᕐᐰᑦ, ᖃᖏᐊᓂᑦᑕᐅᖅ ᓘᑎ ᐅᑎᕐᑎᓚᐅᕆᕚ ᐱᖁᑎᓕᒫᖏᓪᓗ ᑕᒪᕐᒥᒃ, ᐊᕐᓁᓪᓗ ᐊᓯᖏᓪᓗ ᑎᒍᔭᐅᓯᒪᔪᓕᒫᑦ.

ᒥᓪᑭᓯᑎᐅᑉ ᓮᒻᒪᕐᑎᑦᓯᓂᖓ ᐂᑉᕋᒻᒥᒃ

¹⁷ ᐂᑉᕋᒻᓕ ᐅᑎᕐᒪᑦ ᓵᓚᖃᕐᓯᒪᓕᕐᓗᓂ ᑭᑐ-ᓚᐅᒥᕆᒥᒃ ᐊᓯᖏᓐᓂᒡᓗ ᐊᖓᔪᖅᑳᕐᔪᐊᓂᒃ, ᓱᑑᒪᒥᐅᑦ ᐊᖓᔪᖅᑳᕐᔪᐊᖓᑕ ᐸᕐᕆᐊᕐᐹ ᓇᕐᓴᒥ ᓵᕕᒥᒃ ᐊᑎᓕᖕᒥ (ᑍᔭᐅᕙᖕᒥᔪᒥᒃ ᐊᖓᔪᖅᑳᕐᔪᐊᑉ ᓇᕐᓴᖓᓂᒃ).

¹⁸ ᒥᓪᑭᓯᑎᑦᑕᐅᖅ ᓴᓕᒥᒥ ᐊᖓᔪᖅᑳᕐᔪᐊᖑᔪᖅ ᑐᓂᓯᔭᕐᑐᓚᐅᕐᐳᖅ ᓂᐊᖂᔭᒥᒃ ᕔᓂᒥᒡᓗ; ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐹᖑᔪᒧᑦ.

¹⁹ ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

²⁰ ᒎᑎ ᖁᑦᓯᖕᓂᕐᐹᖑᔪᖅ ᖁᔭᒋᔭᐅᓕ, ᑖᓐᓇ ᐃᓕᖕᓂᒃ ᓵᓚᖃᕐᑎᑦᓯᖕᒪᑦ ᐊᑭᕋᕐᑐᕐᑎᖕᓂᒃ!” ᐂᑉᕋᐅᓪᓗ ᒥᓪᑭᓯᑎ ᑐᓂᓯᕕᒋᕚ ᓵᓚᖃᕐᓂᒃᑯᑦ ᐱᑖᕆᔭᒥ ᑕᓪᓕᒪᐅᔪᖏᓐᓂᒃ.

²¹ ᓱᑑᒪᐅᓪᓗ ᐊᖓᔪᖅᑳᕐᔪᐊᖓᑕ ᐂᑉᕋᒻ ᐅᖃᐅᑎᕚ, “ᐱᖁᑎᓕᒫᑦ ᐱᑖᕆᓕᒃᑭᑦ, ᐃᓄᖁᑎᒃᑲᓕ ᐅᕙᓐᓄᑦ ᐅᑎᕐᑎᓪᓗᒋᑦ.”

²² ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

²³ ᐱᒋᔭᕐᓂᒃ ᓱᓇᒥᒡᓘᓐᓃᑦ ᐱᓂᐊᓐᖏᓚᖓ, ᐃᕙᓗᒃᓴᐅᑎᐅᒐᓗᐊᕐᐸᑦ, ᐃᑎᒐᒍᑎᐅᓪᓘᓐᓃᑦ ᓯᖏᕆᒐᓗᐊᕐᐸᒍ, ᐅᖃᕐᑐᒃᓴᐅᖁᓇᒃ, ‘ᐅᕙᖕᒊᓐᓇ ᐂᑉᕋᒻ ᐊᔪᕐᓴᕈᓐᓃᕐᑎᓯᒪᔭᕋ.’

²⁴ ᓇᖕᒥᓂᕐᑖᕆᓂᐊᕐᑕᓐᓂᒡᓕ ᐱᓂᐊᓐᖏᓚᖓ, ᐃᓅᓱᒃᑐᐃᓪᓕ ᐃᓚᒋᔭᒪ ᓂᕆᖃᑦᑕᓚᐅᕐᑕᖏᑦ ᑭᓯᒥ, ᐅᓇᑕᕆᐊᖃᑎᒋᓚᐅᕐᑕᒪᓗ ᐱᑖᕆᔭᕆᐊᖃᕐᑕᖏᓐᓂᒃ; ᐅᑯᐊᓗ ᐱᔭᕆᐊᖃᕐᑕᖏᓐᓂᒃ ᐱᑎᑕᐅᑦᓴᓚᐅᕐᐸᑕ ᐊᓂᕆ, ᐃᔅᑯᓪᓗ, ᒪᒻᕆᓗ.”