ᒨᓯᓯ ᓯᕗᓪᓖᑦ 11 - ᐊᒡᓔᑦ ᐃᑦᔪᕐᖕᓁᑦᑐᑦᐳᕐᑐᔪᐊᓘᑉ ᓴᓇᔭᐅᓂᖓᑦ ᐹᐱᓘᓂᒥ 1 ᑍᑦᓱᒪᓂᐊᓗᒡᓕ ᓄᓇᕐᔪᐊᑉ ᐃᓄᓕᒫᖏᑦ ᐅᖃᐅᓯᖃᓚᐅᕐᐳᑦ ᐊᑕᐅᓯᕐᒥᒃ ᐅᖃᐅᓯᖃᑎᒌᒃᓗᑎᒃ. 2 ᐃᓄᐃᓪᓗ ᓯᕿᓂᐅᑉ ᓄᐃᕕᐊᑕ ᓇᓛᓃᖔᕐᓗᑎᒃ ᐃᖏᕐᕋᕙᓪᓕᐊᒐᒥᒃ, ᓇᑎᕐᓇᒧᑦ ᑎᑭᓐᓇᒥᒃ ᓯᓈᕆᒥ ᓄᓇᑖᕐᐳᑦ. 3 ᐃᒻᒥᖕᓄᓪᓗ ᐅᖃᕐᐳᑦ, “ᐅᔭᕋᓕᐅᓚᐅᕐᑕ ᐆᓪᓗᒋᑦ ᓯᑎᒃᑎᑎᑉᐸᒡᓗᒋᑦ.” ᐅᔭᕋᓕᐅᕐᓯᒪᓕᕋᒥᒃ ᓯᒃᑭᑕᓂᒃ ᓂᐱᐅᑎᒃᓴᖓᓂᒡᓗ ᑖᓚᒥᒃ ᓴᓇᕗᑦ. 4 ᐅᖃᕐᓗᑎᒡᓗ, “ᐃᒡᓗᒐᓴᒡᔪᐊᓕᐅᓚᐅᕐᑕ ᐳᕐᑐᔪᐊᓗᖕᒥᒃ ᕿᓚᖕᒧᑦ ᑎᑭᐅᒪᓗᒍ, ᑖᓐᓇ ᐃᓕᑕᕆᔭᐅᑦᔪᑎᒃᓴᕆᓂᐊᕋᑦᑎᒍ, ᓄᓇᕐᔪᐊᕐᒧᑦ ᓯᐊᒻᒪᕐᑎᑕᐅᖁᓇᑦᑕ ᓇᒧᑐᐃᓐᓇᖅ.” 5 ᐊᑕᓂᕐᓕ ᐊᖅᑲᕐᐳᖅ ᑕᑯᔭᕐᑐᕐᓗᓂ ᐃᒡᓗᒐᓴᒡᔪᐊᒥᒃ ᐳᕐᑐᔪᓕᐊᖓᓂᒡᓗ, ᐃᓄᖕᓄᑦ ᓴᓇᔭᐅᔪᒥᒃ; 6 ᐊᑕᓂᖅ ᐅᖃᕐᐳᖅ, “ᑕᑯᒋᑦ ᑖᒃᑯᐊ ᐃᓅᖃᑎᒌᖏᓐᓇᐅᕗᑦ ᐊᑕᐅᓯᕐᒥᒡᓗ ᐅᖃᐅᓯᓖᓐᓇᐅᓪᓗᑎᒃ; ᑕᒪᓐᓇᓗ ᐱᓇᓱᐊᕐᑕᖓᑦ ᐱᒋᐊᕐᓂᑐᐃᓐᓇᐅᕗᖅ; ᐱᓇᓱᐊᕈᒪᓂᐊᕐᑕᖏᑦ ᓄᖅᑲᑎᑕᒃᓴᐅᓂᐊᕈᓐᓃᕐᐳᑦ. 7 ᐊᖅᑲᕐᕕᒋᓚᐅᕐᓚᕗᑦ, ᐅᖃᐅᓯᖏᓪᓗ ᐊᑦᔨᒌᒍᓐᓃᕐᑎᓪᓗᒋᑦ, ᑐᑭᓯᐊᖃᑦᑕᐅᑎᔪᓐᓁᓪᓕᓂᐊᕐᒪᑕ ᐃᒻᒥᖕᓄᑦ ᐅᖃᖃᑎᒌᒐᓱᒡᓗᑎᒃ.” 8 ᑕᕝᕙ ᐊᑕᓂᐅᑉ ᓯᐊᒻᒪᕐᑎᑉᐰᑦ ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐂᑎᓪᓗᒋᑦ, ᐃᒡᓗᒐᓴᒡᔪᐊᓕᐊᑎᒡᓗ ᓄᖅᑲᐅᑎᓪᓗᒍ ᕿᒤᓐᓇᕐᐹᑦ. 9 ᑍᒤᒻᒪᑦ ᐃᒡᓗᒐᓴᒡᔪᐊᑦ ᐊᑎᖃᓕᓚᐅᕐᐳᑦ ᐹᐱᓕᒥᒃ, ᐊᑕᓂᐅᑉ ᑕᕝᕙᓂ ᐃᓄᐃᑦ ᐅᖃᐅᓯᖃᖃᑎᒌᒍᓐᓃᕐᑎᓚᐅᕐᒪᒋᑦ, ᑕᕝᕙᓐᖓᓪᓗ ᐊᑕᓂᐅᑉ ᓯᐊᒻᒪᕐᑎᓚᐅᕐᐰᑦ ᓇᒧᑐᐃᓐᓇᖅ ᐅᖓᓯᒃᑐᒧᑦ ᓄᓇᕐᔪᐊᓕᒫᒧᑦ. ᓰᒥᐅᑉ ᑭᖑᕚᖏᑦ ᑯᕉᓂᑲ ᓯᕗᓪᓖᑦ 1:24-27 10 ᐅᑯᐊᓕ ᑕᕝᕙ ᓰᒥᐅᑉ ᑭᖑᕚᕆᕔᑦ: ᓰᒥ ᐊᕐᕌᒍᖃᓕᕐᓗᓂ 100ᓂᒃ ᐃᕐᓂᕐᑖᓚᐅᕐᐳᖅ, ᐊᕐᐹᑦᓯᓵᑦᒥᒃ ᐊᑎᓕᖕᒥᒃ ᐅᓕᕕᒡᔪᐊᑉ ᑭᖑᓂᖓᒍᑦ ᐊᕐᕌᒎᒃ ᒪᕐᕉᒃ ᐊᓂᒍᕐᑎᓪᓗᒋᒃ. 11 ᓰᒥᓕ ᐃᕐᓂᕐᑖᓚᐅᕐᓗᓂ ᐊᕐᐹᑦᓯᓵᑦᒥᒃ ᑭᖑᓂᖓᒍᑦ, ᓱᓕ ᐊᕐᕌᒍᓂᒃ 500ᓂᒃ ᐃᓅᓚᐅᕐᐳᖅ, ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 12 ᐊᕐᐹᑦᓯᓵᑦ 35ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᓰᓚᒥᒃ ᐊᑎᓕᖕᒥᒃ; 13 ᓰᓚᐅᓪᓕ ᑭᖑᓂᖓᒍᑦ ᐊᕐᐹᑦᓯᓵᑦ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 403ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 14 ᓰᓚᓕ 30ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᐄᐸᕆᒥᒃ ᐊᑎᓕᖕᒥᒃ; 15 ᓰᓚᓕ ᐄᐸᕆᐅᑉ ᑭᖑᓂᖓᒍᑦ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 403ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 16 ᐄᐸᕆᓕ 34ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᐱᓕᒡᒥᒃ ᐊᑎᓕᖕᒥᒃ; 17 ᐄᐸᕆᓕ ᐱᓕᒡᒋᐅᑉ ᑭᖑᓂᖓᒍᑦ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 430ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 18 ᐱᓕᒡᓕ 30ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᕆᐅᒥᒃ ᐊᑎᓕᖕᒥᒃ; 19 ᐱᓕᒡᓕ ᕆᐅᒥᐅᑉ ᐃᓅᓂᖓᑕ ᑭᖑᓂᖓᒍᑦ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 209ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 20 ᕆᐅᓕ 32ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᓯᕋᒡᒥᒃ ᐊᑎᓕᖕᒥᒃ; 21 ᕆᐅᓕ ᓯᕋᒡᒥᒥᒃ ᕿᑐᕐᖓᕐᑖᕐᓂᖓᑕ ᑭᖑᓂᖓᒍᑦ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 207ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 22 ᓯᕋᒡᓕ 30ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᓇᕼᐅᕆᒥᒃ ᐊᑎᓕᖕᒥᒃ; 23 ᑕᒪᑐᒪᓕ ᑭᖑᓂᖓᒍᑦ ᓇᕼᐅᕆ ᐃᓅᓯᒪᓕᕐᑎᓪᓗᒍ ᓯᕋᒡ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 200ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 24 ᓇᕼᐅᕆᓕ 29ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᓚᐅᕐᐳᖅ ᑏᕋᒥᒃ ᐊᑎᓕᖕᒥᒃ; 25 ᑏᕋᐅᓪᓕ ᑭᖑᓂᖓᒍᑦ ᓱᓕ ᓇᕼᐅᕆ ᐃᓅᓚᐅᕐᐳᖅ ᐊᕐᕌᒍᓂᒃ 119ᓂᒃ ᐃᕐᓂᕐᑖᒃᑲᓐᓂᕐᓗᓂ ᐸᓂᒃᑖᒃᑲᓐᓂᕐᓗᓂᓗ ᐊᓯᖏᓐᓂᒃ. 26 ᑏᕋᓕ 70ᓂᒃ ᐊᕐᕌᒍᖃᓕᕐᓗᓂ, ᐃᕐᓂᕐᑖᕐᐳᖅ ᐂᑉᕋᒻᒥᒃ, ᓇᕼᐅᕆᒥᒡᓗ, ᕼᐊᕋᓐᒥᒡᓗ. ᑏᕋᐅᑉ ᑭᖑᕚᖏᑦ 27 ᐅᑯᐊᓕ ᑕᕝᕙ ᑏᕋᐅᑉ ᑭᖑᕚᖏᑦ, ᐂᑉᕋᐅᑉ ᐊᑖᑕᒋᓚᐅᕐᑕᖓᑕ, ᓇᕼᐅᕆ, ᕼᐊᕋᓐᓗ. ᕼᐊᕋᓐᓕ ᐊᑖᑕᒋᔭᐅᓚᐅᕐᐳᖅ ᓘᑎᒧᑦ, 28 ᕼᐊᕋᓐᓕ ᑐᖁᓚᐅᕐᐳᖅ ᐊᖏᕐᕋᒥᓂ ᓄᓇᒥ ᐅᕐᒥ ᑲᐅᓪᑎᐊᒦᑦᑐᒥ, ᓱᓕ ᑖᑦᓱᒪ ᐊᑖᑕᖓ ᑏᕋ ᐃᓅᑎᓪᓗᒍ. 29 ᐂᑉᕋᒻᓗ ᓇᕼᐅᕆᓗ ᓄᓕᐊᓂᓚᐅᕐᐴᒃ; ᐂᑉᕋᒻᓕ ᓄᓕᐊᓂᓚᐅᕐᐳᖅ ᓴᕅᒥᒃ, ᓁᕼᐊᕐᓗ ᓄᓕᐊᓂᓚᐅᕐᐳᖅ ᒥᐅᓪᑲᒥᒃ, ᕼᐊᕋᓂᐅᑉ ᐸᓂᖓᓂᒃ, ᐃᔅᑲᐅᑉ ᐊᑖᑕᒋᖕᒥᔭᖓᓂᒃ. 30 ᓴᕅᓕ ᕿᑐᕐᖏᓱᐃᑦᑑᒐᒥ; ᕿᑐᕐᖓᖃᓚᐅᓐᖏᓚᖅ. 31 ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ. 32 ᑏᕋᓗ ᐊᕐᕌᒍᖃᓕᕐᓗᓂ 205ᓂᒃ; ᑐᖁᓚᐅᕐᐳᖅ ᑕᕝᕙᓂ ᕼᐊᕋᓐᒥ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society