ᐄᓱᕋᐅᑉ ᐊᒡᓚᖏᑦ 4 - ᐊᒡᓔᑦ ᐃᑦᔪᕐᖕᓁᑦᑐᑦ

ᑐᒃᓯᐊᕐᕕᐅᑉ ᐋᖅᑭᒋᐊᕐᑕᐅᓂᖓᓂᒃ ᐊᑭᕋᕐᑐᕐᑐᑦ

¹ ᔫᑕᐅᓪᓗ ᐱᓐᔭᒥᓂᐅᓪᓗ ᐃᓄᖏᑦᑕ ᐊᑭᕋᖏᑦ ᑐᓴᕋᒥᒃ ᑍᒃᑯᐊ ᐊᐅᓪᓚᕈᑦᔭᐅᓯᒪᔪᕕᓃᑦ ᐅᑎᕋᒥᒃ ᓴᓇᒋᐊᓪᓚᓕᕐᓂᖏᓐᓂᒃ, ᐊᑕᓂᐅᑉ ᑐᒃᓯᐊᕐᕕᖓᓂᒃ ᐃᓴᕆᐊᓕᒥᐅᑦ ᒎᑎᖓᑕ.

² ᑕᑯᔭᕐᑐᓚᐅᕐᐳᑦ ᔨᕈᐸᐱᐅᓪᒥᒃ ᐃᓚᒌᓄᓪᓗ ᐊᖓᔪᖅᑲᐅᔪᓂᒃ, ᐅᖃᐅᑎᓪᓗᒋᓪᓗ, “ᐃᓚᓕᐅᑎᓚᐅᕐᑕ ᓴᓇᑎᓪᓗᓯ ᑐᒃᓯᐊᕐᕕᖕᒥᒃ, ᑐᒃᓯᐊᕐᕕᖃᖃᑦᑕᕐᐳᒍᑦ ᒎᑎᒧᑦ ᑖᑦᓱᒧᖓᑦᓮᓐᓇᖅ ᑐᒃᓯᐊᕐᕕᒋᕙᒃᑕᑦᓯᓐᓄᑦ, ᑐᓂᕐᕈᓯᖃᑦᑕᓚᐅᕆᕗᒍᓪᓗ ᑐᓂᕐᕈᓯᕈᑎᓂᒃ ᑖᑦᓱᒧᖓ ᑍᑦᓱᒪᓐᖓᒥᑦ ᐱᒋᐊᕐᓗᑕ ᐊᖓᔪᖅᑳᕐᔪᐊᑉ ᐃᓴᕼᐊᑕᓂᐅᑉ ᐊᓯᕆᐊᒥᐅᑕᐅᑉ ᑕᒪᐅᖓ ᐊᐅᓪᓚᕐᑎᓚᐅᕐᓯᒪᖕᒪᑎᒍᓂᑦ ᓄᓇᖃᓕᕐᓗᑕᓗ ᑕᒫᓂ.”

³ ᔨᕈᐸᐱᐅᓕ ᔩᓱᐊᓗ, ᐃᓚᒌᓄᓪᓗ ᐊᖓᔪᖅᑲᐅᔪᑦ ᐅᖃᐅᑦᔨᓚᐅᕐᐳᑦ ᑖᒃᑯᓂᖓ, “ᐃᑲᔪᕐᑕᐅᔪᒪᓐᖏᓚᒍᑦ ᐃᓕᑦᓯᓐᓄᑦ ᑐᒃᓯᐊᕐᕕᓕᐅᕐᑎᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ. ᓇᖕᒥᓂᖅ ᓴᓇᓂᐊᕐᐸᕗᑦ, ᐊᖓᔪᖅᑳᕐᔪᐊᑉ ᓮᕋᓯᐅᑉ ᐴᕐᓯᐊᒥᐅᑕᐅᑉ ᑍᒫᒃ ᑎᓕᓚᐅᕐᒪᑎᒍᑦ.”

⁴ ᑍᒃᑯᐊ ᐃᓄᐃᑦ ᓄᓇᖃᕐᑐᕕᓃᑦ ᓴᐱᕐᓵᕆᓇᓱᐊᓕᓚᐅᕐᐳᑦ ᓯᕘᕋᓵᕆᓪᓗᑎᒡᓗ ᔫᑎᓂᒃ ᓴᓇᑎᑦᓯᑦᑍᓕᒪᓪᓗᑎᒃ.

⁵ ᐊᑭᓖᒐᓱᐊᓚᐅᕐᐳᑦ ᐴᕐᓯᐊᑉ ᒐᕙᒪᒃᑯᖏᑕ ᑭᒡᒐᕐᑐᑎᖏᓐᓂᒃ ᐱᓇᓱᐊᖁᓪᓗᒋᑦ ᑖᒃᑯᓂᖓ ᐊᑭᕋᕐᑐᕐᓗᑎᒃ, ᑍᒤᓕᐅᖏᓐᓇᓚᐅᕐᐳᑦ ᓮᕋᓯᐅᑉ ᐊᖓᔪᖅᑳᕐᔪᐊᖑᓂᓕᒫᖓᓂ ᑍᕉᓯᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑎᑭᓪᓗᒍ.

ᐊᑭᕋᕐᑐᕐᑐᑦ ᔨᕉᓴᓕᒻ ᐋᖅᑭᒋᐊᕐᑕᐅᓇᓱᐊᕐᑎᓪᓗᒍ

⁶ ᐊᖓᔪᖅᑳᕐᔪᐊᖅ ᔨᕆᒃᓯ ᐊᐅᓚᑦᓯᒋᐊᓕᕐᓂᖓᓂᑦ, ᐊᑭᕋᕐᑐᕐᑐᐃᑦ ᐃᓄᖕᓂᒃ ᔫᑕᒥ ᔨᕉᓴᓕᒥᓗ ᓄᓇᖃᕐᑐᓂᒃ ᑎᑎᕋᕐᓯᒪᔪᓂᒃ ᐊᑭᕋᕐᑑᑎᓂᒃ ᓴᖅᑭᑎᑦᓯᓚᐅᕐᐳᑦ.

⁷ ᓱᓕᒋᐊᓪᓚᒃ ᐊᖓᔪᖅᑳᕐᔪᐊᖅ ᐋᕐᑕᔮᒃᓯ ᐊᐅᓚᑦᓯᑎᓪᓗᒍ ᐴᕐᓯᐊᒥᐅᑕᖅ, ᐱᓯᓛᒻ, ᒥᓱᕆᑕ, ᑕᐱᐅᓪᓗ, ᐊᓯᖏᓪᓗ ᐱᓇᓱᐊᖃᑎᖏᑦ ᑎᑎᕋᓚᐅᕐᐳᑦ ᐊᖓᔪᖅᑳᕐᔪᐊᒧᑦ ᐊᕐᑕᔮᒃᓯᒧᑦ; ᑎᑎᕅᓪᓗ ᑎᑎᕋᕐᓯᒪᓚᐅᕐᐳᑦ ᐊᕋᒤᒃᒥᐅᑎᑐᑦ ᐅᖃᐅᓯᐅᖏᓪᓗ ᔫᑎᒥᐅᑎᑑᓕᕐᑎᑕᐅᔭᕆᐊᖃᓚᐅᕐᐳᑦ ᐅᖃᓕᒫᕐᑕᐅᓕᕈᑎᒃ.

⁸ ᕆᕼᐆᒻ ᐅᓇᑕᕐᑐᒃᓴᓄᑦ ᐊᖓᔪᖅᑳᖅ, ᓯᒻᓮᓗ ᑎᑎᕋᕐᑎᐅᔪᖅ ᓄᓇᓕᖕᓄᑦ ᐊᕕᒃᑐᕐᓯᒪᔪᓄᑦ, ᑎᑎᕋᓚᐅᕐᐴᒃ ᐊᖓᔪᖅᑳᕐᔪᐊᒧᑦ ᐋᕐᑕᔮᒃᓯᒧᑦ ᔨᕉᓴᓕᐅᑉ ᓇᓛᓄᑦ ᐊᑭᕋᕐᑐᕐᓗᑎᒃ ᐃᒫᒃ:

⁹ “ᕆᕼᐆᒻᒥᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᒥᑦ, ᓯᒻᓮᒥᓪᓗ ᑎᑎᕋᕐᑎᒥᑦ ᓄᓇᓕᖕᓄᑦ ᐊᕕᒃᑐᕐᓯᒪᔪᓄᑦ ᐱᓇᓱᐊᖃᑎᖏᓐᓂᓪᓗ, ᐃᖅᑲᕐᑐᐃᔨᓂᓪᓗ, ᑲᒪᔨᐅᔪᓂᓪᓗ ᐊᓯᖏᓐᓂᑦ ᐃᓄᖕᓂᑦ ᓄᓇᓕᑐᖃᕐᓂᑦ ᐅᑯᓇᓐᖓᑦ ᐃᕆᑭᒥᑦ, ᐹᐱᓘᓂᐊᒥᑦ, ᓲᓴᒥᓪᓗ ᐃᓚᒤᑎᒃᑯᑦ ᓄᓇᖓᓂᑦ,

¹⁰ ᐃᓅᖃᑎᒌᑦ ᐊᓯᖏᑦ ᐃᓚᒋᓪᓗᒋᑦ ᑖᑦᓱᒪ ᐱᓯᑎᒻᒪᕆᐊᓘᑉ ᐋᓐᓴᓈᐸᐅᑉ ᐊᐅᓪᓚᐅᑎᔭᕕᓂᖏᑦ ᓄᓇᖏᓐᓂᑦ ᓄᓇᑖᕐᑎᓪᓗᒋᓪᓗ ᐃᒡᓗᖓᓴᖕᓂ ᓴᒥᐊᕆᐊᒥ ᐊᓯᖏᓐᓂᓗ ᐃᕗᕅᑎᐅᑉ ᓴᐅᒥᖔᖓᓂᒥᐅᑦ ᓄᓇᖓᓂ.”

¹¹ ᐅᑯᐊ ᑕᕝᕙ ᑎᑎᕅᑦ ᐊᑦᔨᖏᑦ ᑖᑦᓱᒧᖓ ᑎᑎᕋᕐᑕᐅᓚᐅᕐᑐᑦ: “ᐊᖓᔪᖅᑳᕐᔪᐊᒧᑦ ᐋᕐᑕᔮᒃᓯᒧᑦ ᑭᒡᒐᖏᓐᓂᑦ, ᐊᖑᑎᓂᑦ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᑦ:

¹² ᐊᖓᔪᖅᑳᕐᔪᐊᖅ ᖃᐅᔨᒪᖁᕙᑦᑎᒋᑦ ᑍᒃᑯᐊ ᔫᑎᑦ ᑕᒪᐅᓐᖓᓚᐅᕐᑐᑦ ᓄᓇᓕᖁᑎᖕᓂᑦ ᔨᕉᓴᓕᒦᓕᕋᒥᒃ ᓴᓇᒋᐊᓪᓚᓕᕐᒪᑕ ᐱᐅᖏᑦᑐᒻᒪᕆᖕᒥᒃ ᐊᑭᕋᕐᑐᕐᑐᓂᒡᓗ ᐃᒡᓗᒐᓴᖕᒥᒃ, ᐊᕙᓗᕐᔪᐊᒥᒃ ᓴᓇᓯᓚᐅᕋᒥᒃ ᐱᔭᕇᕐᓯᒪᓕᕐᐳᑦ ᑐᓐᖓᕕᓕᐅᓕᕆᓪᓗᑎᒡᓗ.

¹³ ᐊᖓᔪᖅᑳᕐᔪᐊᖅ ᒫᓐᓇ ᖃᐅᔨᒪᓕᕆᑦ, ᑖᒃᑯᐊ ᐃᒡᓗᒐᓴᖕᓂᒃ ᐊᕙᓗᔪᐊᖓᓂᒡᓗ ᐱᔭᕆᑐᐊᕈᑎᒃ ᐃᓄᐃᑦ ᑖᒃᓰᔭᕈᓐᓁᕐᓂᐊᕐᒪᑕ, ᑮᓇᐅᔭᓕᐅᕐᑕᑎᓪᓗ ᓄᖅᑲᕐᑎᑕᐅᓂᐊᕐᓗᑎᒃ.

¹⁴ ᒫᓐᓇᓕ, ᐊᖓᔪᖅᑳᕐᔪᐊᒧᑦ ᐃᑲᔪᕐᑐᕐᑕᐅᖃᑦᑕᕋᑦᑕ, ᐊᖓᔪᖅᑳᕐᔪᐊᕐᒥᒃ ᐅᐱᒍᓱᖕᓂᐅᖏᑦᑐᒥᒃ ᐱᔪᖃᕋᓱᐊᕐᑎᓪᓗᒍ ᑲᔪᓯᖁᔨᓐᖏᓚᒍᑦ, ᑍᒤᒻᒪᑦ ᑕᕝᕙ ᐊᖓᔪᖅᑳᕐᔪᐊᖅ ᑕᒪᑐᒥᖓ ᐃᓕᖕᓂᒃ ᖃᐅᔨᑎᑦᓯᕗᒍᑦ,

¹⁵ ᑎᓕᓯᖁᓪᓗᑎᑦ ᕿᓂᕐᓂᐊᕐᑐᓂᒃ ᓯᕗᓕᕕᓂᑦᓯ ᑎᑎᕋᕐᓯᒪᔭᖏᓐᓂᒃ ᐊᒡᓚᒃᓯᒪᔪᓂ. ᖃᐅᔨᓴᕈᕕᑦ ᐊᒡᓚᖕᓂ ᖃᐅᔨᓂᐊᕐᐳᑎᑦ ᑖᒃᑯᐊ ᐃᒡᓗᒐᓮᑦ ᑍᒪᓐᖓᑦ ᐊᑭᕋᕐᑐᖃᑦᑕᕐᓯᒪᖕᒪᑕ ᐊᒻᒪᓗ ᑍᒪᓐᖓᓂᐊᓗᒃ ᐅᖁᒤᒃᓴᕐᑎᑦᓯᖃᑦᑕᕐᓯᒪᖕᒪᑕ ᐊᖓᔪᖅᑳᕐᔪᐊᓂᒃ ᐊᐅᓚᑦᓯᔨᓂᒡᓗ ᓄᓇᓕᖕᓂ ᐊᕕᒃᑐᕐᓯᒪᔪᓂ. ᐃᓄᖏᓪᓗ ᑍᒪᓐᖓᑦ ᐊᐅᓚᑕᕐᓂᖏᑦᑑᖃᑦᑕᕐᓯᒪᖕᒪᑕ. ᑍᒤᓐᓂᖏᓐᓄᑦ ᑕᕝᕙ ᐃᒡᓗᒐᓴᖁᑎᖏᑦ ᐊᓯᕈᕐᑕᐅᓚᐅᕐᓯᒪᕗᖅ.

¹⁶ ᖃᐅᔨᒪᓕᕐᐳᒍᓪᓕ ᑍᒪ ᑖᒃᑯᐊ ᐃᒡᓗᒐᓮᑦ ᐋᖅᑭᒋᐊᕐᑕᐅᒃᐸᑕ ᐊᕙᓗᕐᔪᐊᖓᓗ ᐱᔭᕇᕐᑕᐅᒃᐸᑦ, ᐊᖓᔪᖅᑳᕐᔪᐊᖅ ᐊᐅᓚᑦᓯᔪᓐᓁᓪᓕᓂᐊᕐᐳᑎᑦ ᑖᒃᑯᓂᖓ ᓄᓇᓕᖕᓂᒃ ᑕᒪᑐᒪ ᑰᑉ ᐅᖓᑖᓂᒥᐅᓂᒃ.”

¹⁷ ᐊᖓᔪᖅᑳᕐᔪᐊᑉ ᑭᐅᑦᔪᑎᒋᓚᐅᕐᑕᖏᑦ: “ᕆᕼᐆᒻᒧᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᒧᑦ, ᓯᒻᓮᒧᓪᓗ ᑎᑎᕋᕐᑎᒧᑦ ᓄᓇᓕᖕᓄᑦ ᐊᕕᒃᑐᕐᓯᒪᔪᓄᑦ, ᑍᒃᑯᓄᖓᓗ ᐱᓇᓱᐊᖃᑎᒋᔭᖏᓐᓄᑦ ᓴᒥᐊᕆᐊᒥ ᓄᓇᖃᕐᑐᓄᑦ ᑰᑉ ᐃᕗᕅᑎᐅᑉ ᓴᐅᒥᖔᖓᓂᒥᐅᓕᒫᓄᑦ; ᖃᓄᐃᖏᑦᓯᐊᕆᑦᓯ,

¹⁸ ᑎᑎᖅᑲᓯ ᑐᔫᑎᒋᓚᐅᕐᑕᓯ ᑐᑭᓯᓇᕐᓯᑎᑕᐅᓚᐅᕐᑐᑦ ᐅᖃᓕᒫᕐᑕᐅᓪᓗᑎᒡᓗ ᐅᕙᓐᓄᑦ.

¹⁹ ᑎᓕᓯᓚᐅᕐᐳᖓᓗ ᖃᐅᔨᓴᕐᑐᒃᓴᓂᒃ, ᖃᐅᔨᔭᐅᓚᐅᕐᐳᕐᓗ ᑍᒪᓐᖓᓂᐊᓗᒃ ᔨᕉᓴᓕᒥᐅᑦ ᐊᑭᕋᕐᑐᖃᑦᑕᕐᓯᒪᖕᒪᑕ ᐊᖓᔪᖅᑳᕐᔪᐊᓂᒃ, ᐊᑭᕋᕐᑑᑎᓂᒡᓗ ᐃᓱᐃᓪᓕᐅᕈᑎᓂᕐᓂᒡᓗ ᐱᑕᖃᖃᑦᑕᕐᓯᒪᖕᒪᑕ.

²⁰ ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

²¹ ᑍᒤᒻᒪᑦ ᑎᓕᓯᔪᒃᓴᐅᕗᑎᑦ ᑍᒃᑯᐊ ᓴᓇᔪᑦ ᓄᖅᑲᕐᑎᑕᐅᖁᓪᓗᒋᑦ, ᐃᒡᓗᒐᓴᖕᓂᒃ ᓴᓇᔪᖃᖁᓇᒍ ᑎᓕᓯᒃᑲᓐᓂᓚᐅᖅᑳᕐᑎᓐᓇᖓ.

²² ᒫᓐᓇᑦᓴᐅᑎᒋ ᐱᒋᐊᕐᑐᒃᓴᐅᕗᑎᑦ ᓄᖅᑬᓐᓇᕐᑍᓕᓗᑎᑦ. ᐅᕙᓐᓅᓕᖓᔪᑦ ᓄᖅᑲᕐᑎᑕᐅᑐᐃᓐᓇᖁᓇᒋᑦ, ᓱᖕᒪᑦ ᐊᖓᔪᖅᑳᕐᔪᐊᖅ ᐋᓐᓂᕐᑕᐅᔪᒃᓴᐅᕚ ᑕᒪᑐᒧᖓ?”

²³ ᐊᖓᔪᖅᑳᕐᔪᐊᑉ ᐋᕐᑕᔮᒃᓯᐅᑉ ᑎᑎᕋᖏᑦ ᕆᕼᐆᒻᒧᑦ, ᓯᒻᓮᒧᓪᓗ, ᐱᓇᓱᐊᖃᑎᖏᑦᓄᓪᓗ, ᐱᔭᐅᑐᐊᕐᒪᑕ ᐅᖃᓕᒫᕐᑕᐅᔭᕇᕐᒪᑕᓗ, ᑐᐊᕕᕐᓗᑎᒃ ᔨᕉᓴᓕᒧᐊᓚᐅᕐᐳᑦ ᐊᒃᓱᕉᑎᓪᓗᒋᑦ ᐃᓱᒪᓯᐅᕐᓇᒋᓪᓗ ᓄᖅᑲᕐᑎᓚᐅᕐᐰᑦ ᔫᑎᑦ ᓴᓇᔪᑦ ᐃᒡᓗᒐᓴᖕᓂᒃ.

²⁴ ᑕᕝᕙ ᑐᒃᓯᐊᕐᕕᐅᑉ ᔨᕉᓴᓕᒦᑦᑑᑉ ᓴᓇᔭᐅᓂᖓ ᓄᖅᑲᕐᑎᑕᐅᓚᐅᕐᐳᖅ, ᐱᒋᐊᕐᑕᐅᒃᑲᓐᓂᓚᐅᓐᖏᓚᕐᓗ ᐊᖓᔪᖅᑳᕐᔪᐊᑉ ᑍᕉᓯᐅᑉ ᐊᖓᔪᖅᑳᖑᓂᖓᑕ ᐊᕐᕌᒍᑉ ᐂᑉᐸᕆᓕᕐᑕᖓᓄᑦ ᑎᑭᓪᓗᒍ.