ᐃᓯᑭᐊᓕᐅᑉ ᐊᒡᓚᖏᑦ 35 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᑉ ᓱᒋᐊᕐᓯᓂᖓ ᖃᖅᑲᒥᒃ ᓰᐊᕆᒥᐅᓂᒃ

¹ ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

² “ᐃᓅᑉ ᐃᕐᓂᖓ, ᖃᖅᑲᒥ ᓰᐊᕆᒥᐅᑦ ᓵᓐᖓᓗᒋᑦ ᐅᖃᕐᕕᒋᒃᑭᑦ, ᓱᒋᐊᒐᒃᓴᐅᓂᕋᕐᓗᒋᓪᓗ,

³ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᓰᐊᕆᒥᐅᖑᔪᓯ ᓵᓐᖓᓕᕐᐸᑦᓯ, ᐊᒡᒐᓐᓄᑦ ᐅᕐᓕᕐᑐᓕᕐᐸᑦᓯ, ᓄᓇᓯ ᓱᓁᕈᑎᑎᑦᓱᒫᕐᐸᕋ ᓄᓇᓕᕕᓂᑐᐃᓐᓇᐅᓕᕐᓗᓂᓗ.

⁴ ᐃᒡᓗᒐᓴᓯ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᒃᑲ, ᓄᓇᖁᑎᓯᓗ ᓱᓁᕈᑎᑎᓪᓗᒍ; ᖃᐅᔨᓕᖁᓪᓗᓯ ᐅᕙᖓᐅᒐᒪ ᐊᑕᓂᖅ.

⁵ “ᐃᓴᕆᐊᓕᒥᐅᓂᒃ ᐆᒥᓱᒃᑎᐅᓚᐅᕋᑦᓯ, ᑐᖁᕋᑕᐅᑎᓚᐅᕋᑦᓯᐅᒡᓗ ᑲᑉᐱᐊᓱᒃᑎᑕᐅᑎᓪᓗᒋᑦ, ᓱᒋᐊᕐᑕᐅᕕᖓᑦ ᑭᖑᓪᓕᕐᐹᖅ ᓇᓪᓕᐅᓯᒪᑎᓪᓗᒍ;

⁶ ᑍᒤᒻᒪᑦ ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᑐᖁᒧᑦ ᐊᑐᐃᓐᓇᕈᕐᑎᓕᕐᐸᑦᓯ, ᑐᖁᒧᓪᓗ ᒪᓕᒃᑕᐅᔪᒫᕐᐳᓯ; ᐃᓄᐊᕐᓯᒪᓂᕐᒧᑦ ᐸᓯᔭᒃᓴᐅᒐᑦᓯ, ᑍᒤᒻᒪᑦ ᑐᖁᒧᑦ ᒪᓕᒃᑕᐅᔪᒫᕐᐳᓯ.

⁷ ᓰᐊᕆᐅᑉ ᖃᖅᑲᖓ ᓱᓁᕈᑎᑎᓪᓗᒍ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ; ᓄᓇᖓᒎᕐᑐᓕᒫᓪᓗ ᑐᖁᖃᑦᑕᕈᒫᕐᐸᒃᑲ.

⁸ ᖃᖅᑲᑎᓪᓗ ᑐᖁᑕᐅᓂᑯᓂᒃ ᓈᔭᐅᑎᑦᓱᒫᕐᐸᒃᑲ; ᐱᖑᖁᑎᑎᑦ ᓇᕐᓴᖁᑎᑎᓪᓗ ᑰᕈᖁᑎᓕᒫᑎᓪᓗ ᑕᑕᑦᓱᒫᕐᐳᑦ ᓴᕕᒡᔪᐊᕐᒧᑦ ᑐᖁᑕᐅᓂᑯᓂᒃ.

⁹ ᓄᓇᓯ ᓱᓇᖃᓚᐅᕐᓯᒪᔪᓐᓁᕐᑎᑦᓱᒫᕐᐸᕋ, ᐃᒡᓗᒐᓴᒡᔪᐊᓯᓗ ᐃᓄᖃᕈᓐᓁᕈᒫᕐᐳᑦ. ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

¹⁰ “ᐅᖃᓚᐅᕋᑦᓯ, ‘ᐃᓅᖃᑎᒌᒡᔪᐊᑦ ᑖᒃᑯᐊ ᒪᕐᕈᐃᑦ ᓄᓇᒋᔭᖏᓪᓗ ᐱᑖᕆᓛᕐᐸᕗᑦ, ᓄᓇᑖᕆᓗᒋᓪᓗ,’ ᐊᑕᓂᖅ ᑍᑲᓃᒃᑲᓗᐊᕐᑎᓪᓗᒍ.

¹¹ ᑍᒤᒻᒪᑦ, ᐃᓅᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᓂᓐᖓᐅᒪᓂᓯ ᐱᔪᒪᕕᒡᔪᐊᕐᓂᓯᓗ ᐊᑭᓂᐊᕈᒫᕐᐸᒃᑲ ᑖᒃᑯᓂᖓᓗ ᐆᒥᓱᖃᑦᑕᓚᐅᕐᓂᑦᓯ; ᖃᐅᔨᒃᑲᐅᑎᓛᕐᐳᖓᓗ ᐃᓕᑦᓯᓐᓄᑦ, ᐃᖅᑲᕐᑐᓕᕈᑦᓯ.

¹² ᖃᐅᔨᓕᖁᓪᓗᓯ ᐅᕙᖓ, ᐊᑕᓂᖅ, ᑕᒤᓐᓂᒃ ᑐᓵᓯᒪᓂᓐᓂᒃ ᐅᖃᕐᓂᕐᓗᐊᑎᓪᓗᓯ ᐃᓴᕆᐊᓕᒥᐅᑦ ᖃᖅᑲᖏᓐᓂᒃ, ᐅᖃᕐᓗᓯ, ‘ᓱᓁᕈᑦᔭᐅᓯᒪᓕᕐᐳᑦ, ᐅᕙᑦᑎᓐᓄᑦ ᑐᓂᔭᐅᕗᑦ ᐱᑖᕆᔭᐅᖁᓪᓗᒋᑦ.’

¹³ ᑐᓴᕐᓯᒪᕙᑦᓯᓗ ᖃᓂᑦᓯᒍᑦ ᐊᖏᓂᕐᓴᐅᓂᕋᕐᑎᓪᓗᓯ ᐅᕙᓐᓂᑦ, ᐅᓄᕐᑐᐃᕐᓱᕐᓗᓯ ᐅᕙᓐᓂᒃ ᐊᑭᕋᕐᑐᕐᓗᓯ ᐅᖃᓪᓚᒃᑎᓪᓗᓯ; ᑐᓵᓯᒪᕙᑦᓯ.

¹⁴ “ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓇᕐᔪᐊᕐᒥᐅᓕᒫᑦ ᖁᕕᐊᓱᓕᕐᐸᑕ ᓱᓁᕈᑎᑎᑦᓱᒫᕐᐸᑦᓯ.

¹⁵ ᖁᕕᐊᓱᓚᐅᕋᑦᓯ ᐃᓴᕆᐊᓕᐅᑉ ᑭᖑᕚᖏᓐᓂᒃ ᑭᖑᕐᖑᑦᔨᓕᕋᑦᓯ, ᓱᓁᕈᑦᔭᐅᑎᓪᓗᒋᑦ, ᑍᒫᒃ ᐱᓂᐊᕐᕕᒋᓂᐊᓕᕐᐸᑦᓯ; ᓱᓁᕈᑦᔭᐅᔪᒫᕐᐳᓯ, ᓰᐊᕆᐅᑉ ᖃᖅᑲᖏᑦ, ᐄᑐᒥᐅᓪᓗ ᓄᓇᓕᒫᖓ ᐊᑕᖏᕐᓗᓂ. ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ.”