ᐃᓯᑭᐊᓕᐅᑉ ᐊᒡᓚᖏᑦ 33 - ᐊᒡᓔᑦ ᐃᑦᔪᕐᖕᓁᑦᑐᑦᒎᑎᐅᑉ ᖃᐅᔨᓴᕐᑎᓐᖑᕐᑎᑦᓯᓂᖓ ᐃᓯᑭᐊᓕᒥᒃ ᐃᓯᑭᐊᓕ 3:16-21 1 ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ: 2 “ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᕐᕕᒋᒃᑭᑦ ᐅᖃᕐᓗᑎᑦ, ᐅᓇᑕᕐᓂᕐᒥᒃ ᑎᑭᑎᑦᓯᒍᒪ ᑕᒪᐅᖓ ᓄᓇᒧᑦ, ᐃᓄᐃᑦ ᑕᒫᓂ ᓄᓇᓖᑦ ᐃᓚᒥᖕᓂᒃ ᑎᓕᓯᒐᔭᕐᐳᑦ, ᖃᐅᔨᓴᕐᑎᒋᓂᐊᕐᑕᒥᖕᓂᒃ. 3 ᑖᓐᓇ ᓄᓇᒥᓄᑦ ᐅᓇᑕᕆᐊᕐᑐᓂᒃ ᑎᑭᓕᕐᑐᓂᒃ ᑕᑯᒍᓂ ᖃᐅᔨᑎᑦᓯᒋᐊᕈᑎᒥᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᒐᔭᕐᐳᖅ ᐃᓄᐃᑦ ᖃᐅᔨᒃᑲᕋᓱᐊᕐᓗᒋᑦ. 4 ᑐᓴᕐᑑᒐᓗᐊᕐᓕ ᑲᒪᖏᑉᐸᑦ ᑎᑦᑐᓚᐅᑎᐅᑉ ᓂᐱᖓᓂᒃ ᖃᐅᔨᑎᑦᓯᒋᐊᕈᑎᒥᒃ, ᓴᕕᒡᔪᐊᓕᔭᕐᑐᓄᑦ ᑎᑭᑕᐅᓗᓂ ᑐᖁᑕᐅᒃᐸᑦ, ᑐᖁᑕᐅᓂᕐᒥᓄᑦ ᓵᑕᒃᓴᑑᒐᔭᕐᐳᖅ. 5 ᑎᑦᑐᓚᐅᒻᒥᒃ ᑐᓴᓚᐅᕐᑑᒐᓗᐊᖅ, ᖃᐅᔨᑎᑦᓯᒋᐊᕈᑎᒥᒃ ᑲᒪᓚᐅᖏᓐᓇᒥ; ᑐᖁᑕᐅᓂᕐᒥᓄᑦ ᐊᓯᒥᓂᒃ ᓵᑕᒃᓴᖃᓐᖏᓚᖅ. ᖃᐅᔨᑎᑦᓯᒋᐊᕈᑎᒥᒡᓕ ᓈᓚᓚᐅᕈᓂ, ᐊᓐᓇᒍᓐᓇᕋᔭᓚᐅᕋᓗᐊᕐᐳᖅ. 6 ᖃᐅᔨᓴᕐᑎᓕ ᑕᑯᒐᓗᐊᕐᓗᓂ ᐊᑭᕋᕐᒥᖕᓂᒃ ᕾᔪᓂᒃ ᑎᑦᑐᓚᐅᒻᒥᒃ ᓂᓪᓕᕐᑎᑦᓯᖏᑉᐸᑦ, ᐃᓅᖃᑎᖏᑦ ᖃᐅᔨᑎᑕᐅᖏᑉᐸᑕ, ᐊᑭᕋᒥᖕᓄᑦ ᑎᑭᑕᐅᓗᑎᒃ, ᑐᖁᑕᐅᔪᖃᕐᐸᑦ; ᑐᖁᑕᐅᔪᖅ ᐊᔪᕐᑐᓕᓂᕐᒥᓃᑎᓪᓗᒍ, ᑖᑦᓱᒪ ᑐᖁᑕᐅᓂᖓᓄᑦ ᖃᐅᔨᓴᕐᑎ ᓵᑕᒃᓴᐅᖔᕋᔭᕐᐳᖅ. 7 ᑍᒤᒻᒪᑦ, ᐃᓅᑉ ᐃᕐᓂᖓ, ᖃᐅᔨᓴᕐᑎᓐᖑᕐᑎᑉᐸᒋᑦ ᐃᓴᕆᐊᓕᐅᑦ ᑭᖑᕚᖏᓐᓄᑦ; ᐅᖃᐅᓯᕐᓂᒃ ᖃᓂᓐᓂᑦ ᐱᔪᓂᒃ ᑐᓴᑐᐊᕈᕕᑦ, ᐅᖃᐅᓯᕆᖃᑦᑕᕐᓂᐊᕐᐸᑎᑦ ᖃᐅᔨᑎᑦᓯᒋᐊᕈᑎᒋᔭᓐᓂᒃ ᑖᒃᑯᓄᖓ. 8 ᐅᖃᕈᒪ ᐱᐅᖏᑦᑐᓕᔪᒧᑦ, ᐱᐅᖏᑦᑐᓕᔨᐅᒐᕕᑦ ᑐᖁᓂᐊᓪᓚᕆᒃᐳᑎᑦ, ᑖᓐᓇ ᐅᖃᐅᑎᖏᒃᑯᕕᐅᒃ ᖃᐅᔨᑎᑦᓯᑦᔪᑎᒋᔭᓐᓂᒃ ᑖᑦᓱᒪ ᓵᒋᐊᕆᐊᖃᕐᓂᖓᓂᒃ ᐱᐅᖏᑦᑐᓕᓂᕐᒥᓂᑦ, ᑕᕝᕙ ᐱᐅᖏᑦᑐᓕᔪᖅ ᐊᔪᕐᑐᓕᓂᕐᒥᓃᓪᓗᓂ ᑐᖁᓂᐊᕐᐳᖅ, ᑖᑦᓱᒪᓕ ᑐᖁᓂᖓᓄᑦ ᓵᑕᒃᓴᐅᓂᐊᕐᐳᑎᑦ. 9 ᖃᐅᔨᑎᑦᓯᓚᐅᕋᓗᐊᕐᑎᓪᓗᑎᓪᓕ ᐱᐅᖏᑦᑐᓕᔫᑉ ᓵᒋᐊᕆᐊᖃᕐᓂᖓᓂᒃ, ᐱᐅᖏᑦᑐᓕᓂᕐᒥᓂᑦ ᓵᒋᐊᖏᑉᐸᑦ; ᐱᐅᖏᑦᑐᓕᓂᕐᒦᓪᓗᓂ ᑐᖁᔪᒫᕐᐳᖅ, ᓇᖕᒥᓂᕐᓕ ᐃᓅᓰᑦ ᓴᐳᑎᓂᐊᕐᐸᑦ.” ᐃᓄᐃᑦ ᐊᑐᓂᑦ ᐃᒻᒥᖕᓂᒃ ᓵᑕᒃᓴᐅᕕᖃᕐᓂᖏᑦ 10 “ᐃᕝᕕᓪᓕ, ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᐅᖃᑎᒃᑭᑦ, ᐃᒫᒃ ᐅᖃᕐᓯᒪᒐᑦᓯ: ‘ᐅᖁᒤᒃᓴᕐᐳᒍᑦ ᑕᒻᒪᕈᑎᒋᓯᒪᔭᑦᑎᓐᓂ ᐊᔪᕐᑐᓕᓂᑦᑎᓐᓂᒡᓗ, ᑕᒪᒃᑯᓄᖓᓗ ᐊᔪᓕᕐᑎᑕᐅᓕᕐᓗᑕ; ᖃᓄᕐᓕ ᐃᓅᓂᐊᓕᕐᐱᑖ?’ 11 ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ? 12 ᐃᕝᕕᓪᓕ ᐃᓅᑉ ᐃᕐᓂᖓ, ᐃᓅᖃᑎᑎᑦ ᐅᖃᐅᑎᒃᑭᑦ, ᐃᓄᒃ ᐃᓱᐊᕐᑐᖅ ᐊᔪᕐᑐᓕᒃᐸᑦ ᐃᓱᐊᕐᑐᓕᓂᖓᑕ ᓴᐳᑎᔪᒫᓐᖏᓛ; ᐊᔪᕐᑐᓕᔪᖅ ᐊᔪᕐᑐᓕᓂᕐᒥ ᐃᓅᓯᖃᕋᓱᒍᓐᓁᕐᐸᑦ, ᐊᔪᕐᑐᓕᓂᓂ ᐊᑭᓂᐊᕐᕕᐅᑦᔪᑎᒋᔪᒫᓐᖏᓛ; ᐃᓱᐊᕐᑐᓕᔪᖅ ᐃᓱᐊᕐᑐᓕᓂᕐᒥᓄᑦ ᐃᓅᔪᓐᓇᕈᒫᓐᖏᓚᖅ ᐊᔪᕐᑐᓕᒍᓂ. 13 ᐅᖃᕐᓯᒪᒐᓗᐊᕐᐳᖓ ᐃᓱᐊᕐᑑᑉ ᐃᓅᓂᐊᕐᓂᖓᓂᒃ, ᐃᓱᐊᕐᑐᕐᓕ ᐃᓱᐊᕐᑐᒦᖏᓐᓇᓂᐊᕋᓱᒋᓗᓂ ᐱᐅᖏᑦᑐᓕᒃᐸᑦ, ᐃᓱᐊᕐᑐᓕᓂᕆᓚᐅᕐᑕᖓ ᐃᖅᑲᐅᒪᔭᐅᔪᒫᓐᖏᓚᖅ; ᐱᐅᖏᑦᑐᓕᓂᕐᒥᓄᓪᓕ ᑐᖁᔪᒫᕐᐳᖅ. 14 ᐅᖃᕐᓯᒪᒐᓗᐊᕐᒥᔪᖓ ᐱᐅᖏᑦᑐᓕᔪᓄᑦ, ‘ᑐᖁᓂᐊᓪᓚᕆᓕᕐᐳᑎᑦ,’ ᐊᔪᕐᑐᓕᓂᕐᒥᓂᒡᓕ ᕿᒤᓗᓂ ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, 15 ᐊᔪᕐᑐᓕᔪᖅ ᐊᑐᕐᑐᐊᕐᓯᒪᔭᕕᓂᕐᒥᓂᒃ ᐅᑎᕐᑎᑦᓯᒃᐸᑦ, ᑎᒡᓕᒃᓯᒪᔭᕕᓂᓂᓗ ᐅᑎᕐᑎᑉᐸᒋᑦ, ᐃᓅᑦᓯᐊᓕᕐᐸᓪᓗ, ᐱᐅᖏᑦᑐᓕᔪᓐᓃᕐᓗᓂ; ᑖᓐᓇ ᐃᓅᓂᐊᓕᕐᐳᖅ, ᑐᖁᓂᐊᕈᓐᓃᕐᓗᓂ. 16 ᐊᔪᕐᑐᓕᓂᕆᓚᐅᕐᑕᖏᑦ ᓵᓐᖓᔭᐅᔪᑎᒋᓗᒋᑦ ᐃᖅᑲᐅᒪᔭᐅᓂᐊᕈᓐᓁᕐᐳᑦ; ᐃᓱᐊᕐᑐᒥᒃ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᑖᓐᓇ ᐃᓅᓂᐊᓕᕐᐳᖅ. 17 ᐃᓅᖃᑎᑎᑦ ᐅᖃᕐᐸᖕᒥᖕᒪᑕ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ;’ ᓇᖕᒥᓂᖅ ᐱᓂᐊᕐᓂᖏᑦ ᓈᒻᒪᓈᕐᓯᒪᑎᓐᓇᒋᑦ. 18 ᐃᓱᐊᕐᑐᖅ ᐃᓱᐊᕐᑐᓕᓂᕐᒥᓂᒃ ᕿᒤᓗᓂ, ᐱᐅᖏᑦᑐᓕᓂᕐᒥᒃ ᐱᓇᓱᐊᓕᕐᐸᑦ, ᑐᖁᑦᔪᑎᒋᔪᒫᕐᐹ. 19 ᐱᐅᖏᑦᑐᓕᔪᕐᓗ ᐱᐅᖏᑦᑐᓕᓂᕐᒥᓂᒃ ᕿᒤᒃᐸᑦ, ᐃᓱᐊᕐᑐᒥᒡᓗ ᓈᒻᒪᓈᕐᓗᓂᓗ ᐱᓇᓱᐊᓕᕐᐸᑦ, ᐃᓅᑦᔪᑎᒋᔪᒫᕐᐹ. 20 ᐅᖃᖃᑦᑕᕐᒥᒐᑦᓯ, ‘ᐊᑕᓂᐅᑉ ᐱᓂᐊᕐᑕᐅᖁᔭᖏᑦ ᓈᒻᒪᓈᓐᖏᓚᑦ.’ ᐃᓴᕆᐊᓕᒧᑦ ᑭᖑᕚᖑᔪᓯ, ᐱᓂᐊᕐᓂᓯ ᒪᓕᒡᓗᒋᑦ ᐊᑐᓂᑦ ᐃᖅᑲᕐᑐᕈᒫᕐᐸᑦᓯ.” ᔨᕉᓴᓕᐅᑦ ᓵᓚᐅᓂᖓᑕ ᑐᓴᕋᒃᓴᐅᓂᖓ 21 ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 12ᒋᓕᕐᑕᖓᓐᓂ, ᑕᖅᑮᑦ 10ᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᖑᒻᒧᑦ ᔨᕉᓴᓕᒥᑦ ᐊᓐᓇᒃᑐᕕᓂᕐᒧᑦ ᐅᐸᒃᑕᐅᓪᓗᖓ ᐅᖃᐅᑦᔭᐅᕗᖓ, “ᐃᒡᓗᒐᓮᑦ ᓵᓚᐅᕗᑦ.” 22 ᐊᖑᑎᐅᑉ ᕾᕕᒋᓂᐊᕐᑕᖓᑕ ᓯᕗᓂᖓᓂ, ᐅᓐᓄᒃᑯᑦ ᐊᑕᓂᐅᑉ ᐱᔪᓐᓇᕐᓂᖓᓄᑦ ᓇᔪᕐᑕᐅᓚᐅᕐᐳᖓ; ᐊᖑᑦ ᐅᓪᓛᓐᖑᕐᑎᓪᓗᒍ ᐅᕙᓐᓄᑦ ᕾᖕᒪᑦ ᐊᑕᓂᐅᑉ ᖃᓂᕋ ᒪᑐᐃᕐᐹ; ᑕᕝᕙ ᖃᓂᕋ ᒪᑐᐃᓚᐅᕐᐳᖅ ᐅᖃᕈᓐᓁᓪᓕᓯᒪᔪᓐᓃᕐᓗᖓᓗ. ᐃᓄᐃᑦ ᐊᔪᕐᑐᓕᓂᖏᑦ 23 ᐊᑕᓂᐅᑉ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ: 24 “ᐃᓅᑉ ᐃᕐᓂᖓ, ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᐃᓴᕆᐊᓕᒥ ᐅᕾᓐᓇᓕᕐᒪᑕ, ‘ᐂᑉᕋᕼᐋᒻ ᐊᑕᐅᓯᐅᓪᓗᓂ ᓄᓇᒥᒃ ᑐᓂᓯᕕᐅᓚᐅᕐᐳᖅ; ᐅᓄᕐᑑᒐᑦᑕᓕ; ᓄᓇᒥᒃ ᑐᓂᓯᕕᐅᔭᕆᐊᖃᕐᓂᕐᓴᐅᕗᒍᑦ.’ 25 ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ? 26 ᓴᕕᒡᔪᐊᓯᓐᓂᒃ ᐱᔪᓐᓇᐅᑎᖃᕋᓱᒋᕗᓯ, ᓇᕐᕈᓇᕐᑐᓂᒡᓗ ᐱᓇᓱᐊᖃᑦᑕᕐᓗᓯ, ᐊᓯᑦᓯᓗ ᓄᓕᐊᖏᓐᓂᒃ ᐊᓯᓐᓂᐊᕐᓂᒧᑦ ᓇᕐᕈᓇᕐᓯᑎᑦᓯᖃᑦᑕᕐᓗᓯ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ? 27 ᒪᑯᓂᖓ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐃᓅᒐᒪ, ᖁᓚᕐᓇᓐᖏᓚᖅ ᐅᑯᐊ ᐃᓄᐃᑦ ᐃᒡᓗᒐᓴᒡᔪᐊᕕᓂᕐᓂ ᓄᓇᖃᕐᑐᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ; ᓄᓇᑐᐃᓐᓇᒥᓗ ᓄᓇᖃᕐᑐᑦ ᐆᒪᔪᓄᑦ ᐃᕐᓯᓇᕐᑐᓄᑦ ᓂᕆᔭᐅᑎᑦᓱᒫᕐᐸᒃᑲ; ᓴᐴᓗᑕᓕᖕᓃᑦᑐᓪᓗ ᕾᕈᓱᖕᓂᓗ ᖃᓂᒪᓇᕐᑐᓄᑦ ᑐᖁᕋᕈᒫᕐᐳᑦ. 28 ᓄᓇᖓ ᓱᓁᕈᑎᑎᑦᓱᒫᕐᐸᕋ ᓄᓇᖃᕐᕕᕕᓂᑐᐃᓐᓇᐅᓕᕐᓗᓂᓗ; ᐱᔪᓐᓇᕋᓱᒋᓂᕐᒧᑦ ᐱᐅᔪᕆᓂᖓᑦ ᐃᓱᓕᑎᑦᓱᒫᕐᐸᕋ; ᐃᓴᕆᐊᓕᐅᓪᓗ ᖃᖅᑲᖏᑦ ᓱᓇᖃᓐᖏᓗᐊᓕᕐᓂᖏᓐᓄᑦ ᐊᖅᑯᓵᕐᑕᐅᔪᓐᓁᓪᓕᔪᒫᕐᐳᑦ. 29 ᑕᕝᕙ ᖃᐅᔨᓕᕈᒫᕐᐳᑦ ᐅᕙᖓᐅᒐᒪ ᐊᑕᓂᖅ, ᓄᓇᖓᑦ ᓱᓁᕈᑎᑎᓪᓗᒍ ᓄᓇᖃᕐᕕᕕᓂᑐᐃᓐᓇᐅᓕᕐᐸᑦ ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᕆᓚᐅᕐᑕᓕᒫᖏᑦ ᐱᓪᓗᒋᑦ.” ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᖏᓐᓄᑦ ᐃᓱᒪᑖᕐᑎᑕᐅᓂᖏᑦ 30 “ᐃᕝᕕᓪᓕ ᐃᓅᑉ ᐃᕐᓂᖓ, ᐃᓄᖕᓄᑦ ᐅᖃᐅᓯᐅᖃᑦᑕᕐᐳᑎᑦ ᑲᑎᔭᕌᖓᒥᒃ ᐊᕙᓗᕐᔪᐊᑦ ᓴᓂᐊᓂ ᐃᒡᓗᒥᓘᓐᓃᑦ ᓯᓚᑖᓂ, ᐃᒻᒥᖕᓄᑦ ᖃᑕᓐᖑᑎᒥᖕᓄᑦ ᐅᖃᖃᑦᑕᕐᐳᑦ, ‘ᑐᓴᕆᐊᓚᐅᕐᑕ ᖃᓄᖅ ᐊᑕᓂᖅ ᐅᖃᕐᓯᒪᓕᕐᒪᖔᑦ.’ 31 ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ. 32 ᑕᑯᒋᓪᓗ, ᑐᓴᕐᓂᔮᕈᑎᑐᐃᓐᓇᕐᑎᑐᑦ ᑍᒤᑉᐳᑎᑦ ᑖᒃᑯᓄᖓ, ᐃᖏᓗᒃᑖᕈᑎᖃᕐᑐᑎᑐᑦ ᓇᒡᓕᒍᓱᖕᓂᕐᒥᒃ ᓂᐱᑦᓯᐊᕆᒃᑐᓄᑦ ᑯᑭᑦᑕᐹᕐᓯᑎᐅᔪᑎᑐᓪᓗ, ᐃᓕᖕᓂᒃ ᑐᓵᖃᑦᑕᕋᓗᐊᕐᐳᑦ, ᒪᓕᒍᒪᓐᖏᓚᓪᓕ ᐅᖃᐅᓯᕆᔭᕐᓂᒃ. 33 ᐅᖃᐅᓯᕆᖃᑦᑕᓚᐅᕐᑕᑎᑦ ᓱᓕᓂᖏᑦ ᓴᖅᑭᓕᕐᐸᑕ; ᓱᓕᓂᖏᓪᓗ ᓴᖅᑭᑦᓱᒫᕐᓗᑎᒃ; ᑕᕝᕙ ᖃᐅᔨᓕᕈᒫᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᓇᔪᕐᑕᕕᓂᐅᓂᕐᒥᓂᒃ.” |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society