ᐃᓯᑭᐊᓕᐅᑉ ᐊᒡᓚᖏᑦ 15 - ᐊᒡᓔᑦ ᐃᑦᔪᕐᖕᓁᑦᑐᑦ

ᕔᓂᓕᐅᕐᕖᑦ ᐊᑦᔨᐅᑎᑕᐅᓂᖏᑦ

¹ ᐊᑕᓂᐅᓪᓗ ᐅᖃᐅᓯᖓᑕ ᑎᑭᑉᐹᖓ ᐅᖃᕐᓗᓂ:

² “ᐃᓅᑉ ᐃᕐᓂᖓ, ᕔᓂᓕᐅᕐᕖᑦ ᖃᓄᖅ ᐊᑦᔨᖃᕐᐸᑦ ᓇᐹᕐᑐᓂᒃ? ᕔᓂᓕᐅᕐᕖᑦ ᐊᕙᓚᖓᔪᖏᑦ ᖃᓄᖅ ᕿᔪᑦᑎᐊᕙᐅᓂᕐᓴᐅᕚᑦ ᓇᐹᕐᑐᐃᑦ ᐊᑯᕐᖓᓐᓂ?

³ ᕿᔫᓂᖏᑦ ᓱᓇᓕᐊᕆᔭᒃᓴᐅᕚᑦ? ᐸᐅᒍᐊᖑᔪᓐᓇᕐᐹᑦ ᓂᕕᓐᖎᕕᐅᔪᓐᓇᕐᓯᖁᓪᓗᒋᑦ?

⁴ ᑕᑯᒋᑦ, ᐃᑯᐊᓪᓚᖅᑯᑎᒃᓴᐅᑉ ᐊᓯᐊᓄᑦ ᐊᑐᕐᕕᖃᓐᖏᓚᑦ; ᐃᓱᖏᑦ ᐃᑯᐊᓚᓂᕐᒧᑦ ᓄᖑᑉᐸᑕ, ᕿᑎᖏᓪᓗ ᐃᑭᓐᓂᑰᓕᕐᓗᑎᒃ, ᐊᒥᐊᒃᑯᖏᑦ ᓱᓇᓕᐊᕆᔭᐅᔪᓐᓇᕐᐹᑦ?

⁵ ᑕᑯᒋᑦ, ᐃᑯᐊᓪᓚᒃᑕᐅᓚᐅᕋᑎᒃ ᓱᓕ ᓱᓇᓕᐊᕆᔭᒃᓴᐅᓐᖏᑉᐸᑕ; ᐃᑯᒪᒧᓪᓕ ᓄᖑᑕᐅᓯᒪᓕᕐᓗᑎᒃ ᐃᑭᓐᓂᑰᓕᕈᑎᒃ, ᓱᓇᓕᒫᒧᑦ ᐊᑑᑎᖃᓐᖏᒋᐊᓪᓚᓕᕐᐳᑦ!

⁶ “ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᕔᓂᓕᐅᕐᕖᑦ ᓇᐹᕐᑐᒐᓵᓗᐃᑦ ᐊᑯᕐᖓᓂᑦ ᐃᑯᐊᓪᓚᖅᑯᑎᒃᓴᐅᖁᓪᓗᒋᑦ ᑐᓂᓯᒪᒐᒃᑭᑦ, ᑍᒫᒃᑕᐅᖅ ᔨᕉᓴᓕᒥᐅᑦ ᐃᓄᖏᑦ ᑐᓂᖅᑯᑎᒋᔪᒫᕐᐸᒃᑲ.

⁷ ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

⁸ ᓄᓇᖓ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᑎᑦᓱᒫᕐᐸᕋ, ᐱᓂᐊᕐᓂᖃᓕᓚᐅᕐᒪᑕ ᐅᒃᐱᕐᓂᖃᖏᑦᑐᑎᑐᑦ, ᐊᑕᓂᖅ ᒎᑎ ᐅᖃᕐᐳᖅ.”