ᐃᓯᑭᐊᓕᐅᑉ ᐊᒡᓚᖏᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓯᑭᐊᓕᐅᑉ ᑕᑯᑎᑕᐅᓂᖓ ᓯᕗᓪᓕᕐᐹᖅ ᒎᑎᒥᒃ ( 1:1—7:27 ) ᒎᑎᐅᑉ ᐃᒃᓯᕙᐅᑕᕐᔪᐊᖓ

¹ ᐊᕐᕌᒍᑦ 13ᒋᓕᕐᑕᖏᓐᓂ, ᑕᖅᑮᑦ ᓯᑕᒪᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᐅᓪᓚᕈᑦᔭᐅᓯᒪᔪᓂ ᓄᓇᖃᖃᑕᐅᑎᓪᓗᖓ ᑰᑉ ᓰᐸᕆᒥᒃ ᐊᑎᓕᐅᑉ ᖃᓂᒋᔮᓂ ᐹᐱᓘᓂᐅᑉ ᓄᓇᖓᓂ, ᕿᓚᒃ ᐊᖕᒪᕐᑐᖅ ᑕᑯᕙᕋ ᑕᑯᑎᑕᐅᓪᓗᖓᓗ ᒎᑎᒥᑦ.

² ᑕᖅᑭᐅᑉ ᐅᓪᓗᖏᑕ ᑕᓪᓕᒪᖓᓐᓂ. (ᐊᕐᕌᒍᐃᑦ ᑕᓪᓕᒪᒋᓕᕐᑕᖓᓐᓂ ᐊᖓᔪᖅᑳᕐᔪᐊᑉ ᔨᕼᐅᐃᐊᑭᓂᐅᑉ ᐊᐅᓪᓚᕈᑦᔭᐅᓂᖓᑕ ᑭᖑᓂᖓᓂ.)

³ ᐊᑕᓂᖅ ᐅᖃᕐᐳᖅ ᐃᓯᑭᐊᓕᒧᑦ ᑐᓂᕐᕈᓯᕐᑎᑦᓯᔨᒧᑦ, ᐳᔾᔧᑎᐅᑉ ᐃᕐᓂᖓᓄᑦ, ᑲᐅᓪᑎᐊᒥᐅᑦ ᓄᓇᖓᓂ ᑰᑉ ᓰᐸᕆᐅᑉ ᖃᓂᒋᔮᓂ; ᐱᔪᓐᓇᕐᓂᖓᓄᓪᓗ ᓇᔪᕐᑕᐅᓕᕐᐳᖅ ᑕᕝᕙᓂ.

⁴ ᑕᑯᓴᕋᒪᓗ ᑕᑯᕗᖓ, ᐊᓄᕆᕐᔪᐊᒥᒃ ᐅᓐᓄᐊᓪᓗᐊᑉ ᓇᓛᓂᓐᖔᕐᑐᒥᒃ, ᓄᕗᔭᒥᒡᓗ ᐊᖏᔪᒥᒃ, ᐊᕙᑖᓗ ᓯᓚ ᖃᐅᒪᔪᐊᓘᓪᓗᓂ, ᐃᑯᒪᓗ ᖃᐅᒻᒪᓪᓛᖏᓐᓇᕐᐳᖅ, ᐃᑯᒪᐅᓪᓗ ᕿᑎᖓᓂ, ᖃᐅᒻᒪᕆᒃᑐᒥᒃ ᓴᖅᑭᔮᕐᑐᖃᕐᐳᖅ ᓴᕕᕋᔭᒃᑐᑦ ᕿᓪᓕᕐᑐᒥᒃ.

⁵ ᑖᑦᓱᒪᓗ ᐊᓄᕆᕐᔪᐊᑉ ᕿᑎᖓᓃᑦᑐᖃᕐᐳᖅ ᐆᒪᔪᐊᓗᖕᓂᒃ ᓯᑕᒪᓂᒃ. ᑖᒃᑯᐊᓗ ᐃᓄᒃᑎᑐᑦ ᑕᐅᑦᑐᖃᕐᐳᑦ.

⁶ ᐊᑐᓂᓪᓗ ᑖᒃᑯᐊ ᓯᑕᒪᓂᒃ ᑮᓇᖃᕐᐳᑦ, ᓯᑕᒪᓂᒡᓗ ᐊᑐᓂᑦ ᐃᓴᕈᖃᕐᓗᑎᒃ.

⁷ ᓂᐅᖏᑦ ᐃᓯᕕᖓᓪᓗᐊᕐᐳᑦ, ᐊᓗᖏᓪᓗ ᑐᒃᑐᕙᐅᑉ ᓄᕐᕋᖏᑕ ᐊᓗᖏᑎᑐᑦ ᐊᓗᖃᕐᐳᑦ; ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᕿᓪᓕᕐᑎᒋᔪᓂᒃ.

⁸ ᓯᑕᒪᓂᒃ ᑮᓇᖃᕐᐳᑦ ᓯᑕᒪᓂᒡᓗ ᐃᓴᕈᖃᕐᓗᑎᒃ; ᓯᑕᒪᓂᒡᓗ ᐊᑐᓂᑦ ᐊᒡᒐᖃᕐᐳᑦ ᐃᓴᕈᕐᒥ ᐊᑖᒍᑦ.

⁹ ᐃᓴᕈᖏᑦ ᐃᒻᒥᖕᓄᑦ ᐊᒃᑐᐊᖃᑦᑕᐅᑎᕗᑦ; ᐊᐅᓚᑦᔭᒑᖓᒥᒃ ᐊᑕᐅᑦᓯᒃᑯᑦ ᐃᖏᕐᕋᓯᖃᑦᑕᕐᐳᑦ, ᑎᒥᖏᑦ ᓴᖑᔭᕆᐊᖃᕋᑎᒃ.

¹⁰ ᐊᑐᓂᓪᓗ ᑮᓇᖏᑕ ᓯᑕᒪᑦ ᑕᐅᑦᑐᖏᑦ ᐃᒤᓕᖓᕗᑦ, ᓵᖓᓃᑦᑐᑦ ᐊᑐᓂᑦ ᐃᓄᒃᑎᑐᑦ ᑮᓇᖃᕐᐳᑦ, ᑕᓕᕐᐱᐊᓃᑦᑐᑦ ᓛᔭᑎᑐᑦ, ᓴᐅᒥᐊᓃᑦᑐᑦ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᑎᑐᑦ, ᑐᓄᐊᓃᑦᑐᓪᓗ ᓇᒃᑐᕋᓕᒃᑎᑐᑦ.

¹¹ ᑍᒫᒃ ᑕᕝᕙ ᑮᓇᖃᕐᐳᑦ. ᐊᑐᓂᓪᓗ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ ᐊᒃᑐᐊᖃᑦᑕᐅᑎᓪᓗᑎᒃ, ᐃᓴᕈᖏᑕᓗ ᐂᑉᐸᖏᓐᓄᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ.

¹² ᑖᒃᑯᐊᓗ ᐊᑐᓂᑦ ᓇᒧᑐᐃᓐᓇᖅ ᓵᓐᖓᔭᒥᖕᓄᑦ ᐃᖏᕐᕋᔪᓐᓇᕐᐳᑦ; ᐊᓂᕐᓂᖅ ᓇᒧᑐᐃᓐᓇᖅ ᐃᖏᕐᕋᓯᑐᐊᕌᖓᑦ, ᐃᖏᕐᕋᓯᖃᑦᑕᕐᐳᑦ, ᓴᖑᓇᓱᒋᐊᖃᕋᑎᒃ.

¹³ ᐆᒪᔪᐊᓗᐃᓪᓗ ᐊᑯᕐᖓᓐᓃᑦᑐᖃᕐᐳᖅ ᐊᐅᒪᐅᔮᕐᑐᓂᒃ ᐃᑯᐊᓚᔪᓂᒃ, ᓇᓂᕈᐊᑎᑐᑦ ᑍᒤᑦᑐᒥᒃ ᐃᖏᕐᕋᔪᖃᕐᐳᖅ ᐆᒪᔪᐊᓗᐃᑦ ᐊᑯᕐᖓᓐᓂ; ᐃᑯᒪᖓᓗ ᖃᐅᒻᒪᕆᒃᐳᖅ, ᐃᑯᒪᔪᒥᓪᓗ ᑕᕝᕙᓐᖓᑦ ᖃᐅᒻᒪᓪᓚᒃᑐᖃᖃᑦᑕᕐᐳᖅ.

¹⁴ ᐆᒪᔪᓪᓗ ᑖᒃᑯᐊ ᓱᒃᑲᔪᐊᓘᓪᓘᑎᒃ ᐊᕙᒻᒧᑲᐅᕐᑐᕈᓐᓇᕐᐳᑦ, ᖃᐅᒻᒪᓚᒃᑎᑐᑦ ᓱᒃᑲᑎᒋᔪᒥᒃ.

¹⁵ ᑖᒃᑯᓂᖓ ᐆᒪᔪᓂᒃ ᑕᑯᓐᓇᕐᑎᓪᓗᖓ, ᑕᑯᓕᕆᕗᖓ ᐊᒃᓴᓗᐊᓂᒃ ᓯᑕᒪᓂᒃ ᓄᓇᒧᑦ ᐊᒃᑐᐊᔪᓂᒃ ᐆᒪᔪᑦ ᓴᓂᐊᓃᑦᑐᓂᒃ, ᐊᑐᓂᑦ ᑖᒃᑯᐊ ᐆᒪᔪᑦ ᓯᑕᒪᑦ ᐱᒋᔭᖏᓐᓂᒃ.

¹⁶ ᐊᒃᓴᓗᐊᓪᓗ ᑖᒃᑯᐊ ᑕᐅᑦᑐᖏᑦ ᓴᓇᒪᓂᖏᓪᓗ: ᕿᓪᓕᕐᑐᐊᓘᕗᑦ ᐅᔭᕋᒃᑎᑐᑦ ᐱᐅᔪᒃᓴᔭᓪᓚᕆᒃᑎᑐᑦ; ᐊᑐᓂᓪᓗ ᓯᑕᒪᑦ ᐊᑦᔨᒌᒥᒃ ᑕᐅᑦᑐᖃᕐᐳᑦ, ᐊᒃᓴᓗᐊᓪᓗ ᓴᓇᓯᒪᓂᖏᑦ ᐃᓗᐊᒍᑦ ᐊᒃᓴᓗᐊᖃᒃᑲᓐᓂᕐᑑᔮᕐᐳᑦ.

¹⁷ ᑖᒃᑯᐊ ᐊᒃᓴᓗᐊᑦ ᑍᒤᓕᖓᓂᕐᒥᖕᓄᑦ ᓇᓪᓕᐊᓐᓄᑐᐃᓐᓇᖅ ᓯᑕᒤᓄᑦ ᓵᓐᖓᑐᐃᓐᓇᕐᑕᒥᖕᓄᑦ ᐃᖏᕐᕋᓯᔫᒥᔪᓐᓇᕐᐳᑦ ᓴᖑᔭᕆᐊᖃᕋᑎᒃ.

¹⁸ ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᖏᑦ ᐳᕐᑐᔫᕗᑦ ᑲᒪᓇᕐᑑᓪᓗᑎᒡᓗ; ᐊᒃᓴᓗᐊᓪᓗ ᓯᑕᒪᑦ ᓯᓇᕐᔪᓕᒫᖏᑦ ᐃᔨᓂᒃ ᓈᓯᒪᕗᑦ.

¹⁹ ᐆᒪᔪᓪᓗ ᐃᖏᕐᕋᓯᔭᕌᖓᑕ, ᐊᒃᓴᓗᐊᑦᑕᐅᖅ ᐃᖏᕐᕋᓯᖃᑕᐅᕙᒃᑭᕗᑦ ᓴᓂᐊᓃᓪᓗᑎᒃ; ᐆᒪᔪᓪᓗ ᓄᓇᒥᑦ ᖃᖓᑦᑕᕌᖓᑕ, ᐊᒃᓴᓗᐊᑦᑕᐅᖅ ᖃᖓᑦᑕᖃᑕᐅᕙᒃᑭᕗᑦ.

²⁰ ᐊᓂᕐᓂᖅ ᓇᒧᑐᐃᓐᓇᖅ ᐂᓕᕌᖓᑦ, ᐆᒪᔪᑦ ᒪᓕᖃᑦᑕᕐᐳᑦ, ᐊᒃᓴᓗᐊᓪᓗ ᒪᓕᖃᑦᑕᕆᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.

²¹ ᐆᒪᔪᑦ ᐃᖏᕐᕋᓯᔭᕌᖓᑕ, ᐃᖏᕐᕋᓯᖃᑕᐅᕙᒃᑭᕗᑦ; ᓂᑯᕕᑉᐸᑕ, ᓂᑯᕕᖃᑕᐅᕙᒃᓗᑎᒃ; ᓄᓇᒥᑦ ᖃᖓᑦᑕᕐᐸᑕ, ᖃᖓᑦᑕᖃᑕᐅᕙᒃᑭᓪᓗᑎᒃ; ᐆᒪᔪᑦ ᐊᓂᕐᓂᖏᓐᓄᑦ ᐊᒃᓴᓗᐊᑦ ᐊᐅᓚᑕᐅᒐᒥᒃ.

²² ᐆᒪᔪᑦ ᓂᐊᖁᖏᑕ ᖁᓛᓂ ᐃᒡᓗᕕᒐᐅᔨᖓᔪᒥᒃ ᓴᖅᑭᔮᕐᑐᖃᕐᐳᖅ, ᕿᓪᓚᕆᒃᑐᒥᒃ ᓂᓚᒃᑎᑐᑦ, ᓂᐊᖁᖏᑕᓗ ᖁᓛᓃᑦᑐᑦ ᑲᒪᓇᕐᑐᐊᓘᕗᑦ.

²³ ᐃᒡᓗᕕᒐᐅᔨᖓᔫᓪᓗ ᐊᑖᓂ ᐆᒪᔪᑦ ᐃᓴᕈᖏᑕ ᐂᑉᐸᖏᑦ ᐃᓵᖓᕗᑦ, ᐃᒻᒥᖕᓄᑦ ᐊᒃᑐᐊᖃᑦᑕᐅᑎᓪᓗᑎᒃ; ᐃᓴᕈᖏᑕ ᐂᑉᐸᖏᑦ ᑎᒥᖏᓐᓂᒃ ᑕᓕᐅᒪᑎᑦᓯᓪᓗᑎᒃ.

²⁴ ᐃᓴᕈᕐᓱᓕᕌᖓᑕᓗ ᐃᓴᕈᕐᓱᕐᕙᓗᖏᑦ ᐃᒪᕐᕕᐅᑉ ᒥᕿᑦᑕᕐᓂᖓᑕ ᐃᒃᑑᓕᔮᕐᓂᖏᑎᑐᑦ ᑐᓴᕐᓴᐅᖃᑦᑕᕐᐳᑦ, ᐊᔪᒐᖃᖏᑦᑑᑉ ᓂᐱᕐᔪᐊᖓᑐᑦ, ᐅᓇᑕᕐᑎᒐᓴᒡᔪᐊᓪᓗ ᓂᐱᕐᔪᐊᖏᑎᑐᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.

²⁵ ᓂᐱᒥᒡᓕ ᓂᓪᓕᕐᑐᖃᕐᒪᑦ ᐃᒡᓗᕕᒐᐅᔮᕐᑐᒥᑦ ᓂᐊᖁᖏᑕ ᖁᓛᓃᑦᑐᒥᑦ; ᓄᖅᑲᖓᓕᕌᖓᒥᒃ ᐃᓴᕈᑎᒃ ᓂᓚᒥᑉᐸᒃᓗᒋᑦ.

²⁶ ᐃᒡᓗᕕᒐᐅᔮᕐᑑᓪᓗ ᓂᐊᖁᖏᑕ ᖁᓛᓃᑦᑑᑉ ᖁᓛᓂ ᐃᒃᓯᕙᐅᑕᕐᔪᐊᖑᔮᕐᑐᖃᕐᐳᖅ, ᐅᔭᕋᒃᑎᑐᑦ ᓴᐰᕋᐅᔮᕐᑐᒥᒃ; ᐃᒃᓯᕚᕐᑐᕐᓗ ᐃᒃᓯᕙᐊᑕᕐᔪᐊᖑᔮᕐᑐᒥ ᐃᓄᒃᑎᑐᑦ ᑕᐅᑦᑐᖃᕐᑑᔮᕐᐳᖅ.

²⁷ ᕿᑎᕆᔫᔮᕐᑕᖓᑕᓗ ᖁᓛ ᑕᑯᕙᕋ ᑲᓐᓄᔭᑐᑦ ᕿᓪᓕᕐᑎᒋᔪᖅ, ᐃᑯᐊᓚᔫᔮᕐᑐᒧᑦ ᐃᓗᔭᐅᓯᒪᓪᓗᓂ; ᕿᑎᕆᔫᔮᕐᑕᖓᑕᓗ ᐊᑖᓂ ᐃᑯᒪᔪᑎᑐᑦ ᑕᑯᒃᓴᐅᔪᖃᕐᐳᖅ, ᖃᐅᒪᔪᕐᔪᐊᒧᓪᓗ ᐊᕙᓗᔭᐅᓯᒪᓪᓗᓂ.

^28a ᐊᔭᒍᑕᕐᑎᑐᑦ ᑕᐅᑦᑐᖃᕐᐳᖅ ᓄᕗᔭᒥ ᓯᓚᓗᒃᑎᓪᓗᒍ, ᖃᐅᒪᔪᕐᔪᐊᑉ ᐊᕙᑖᓃᑦᑐᖅ. ᑖᓐᓇ ᖃᐅᒪᔪᕐᔪᐊᖅ ᓴᖅᑭᔮᕐᑎᑦᓯᕗᖅ ᐊᑕᓂᐅᑉ ᐱᓐᓇᕐᓇᕐᓂᖓᓂᒃ.

ᒎᑎᐅᑉ ᑎᓕᓯᓂᖓ ᐃᓯᑭᐊᓕᒥᒃ ᐱᔪᖃᓛᕐᑐᒥᒃ ᐅᖃᕐᑎᐅᖁᓪᓗᒍ

^28b ᑕᒪᓐᓇ ᑕᑯᒐᒃᑯ, ᐹᒻᒪᒃᐳᖓ ᑮᓇᕋ ᒪᓂᖅᑲᒧᑦ ᐊᒃᑐᕐᓗᓂ, ᓂᐱᒥᒡᓗ ᑐᓴᓕᕐᐳᖓ ᐅᖃᕐᑐᒥᒃ.