ᒨᓯᓯ ᐂᑉᐸᖏᑦ 8 - ᐊᒡᓔᑦ ᐃᑦᔪᕐᖕᓁᑦᑐᑦ

ᓈᕌᔩᑦ (ᐱᒡᓕᕆᐊᑦ)

¹ ᐊᑕᓂᖅ ᑕᕝᕙ ᐅᖃᕐᐳᖅ ᒨᓯᓯᒧᑦ, “ᐰᕉ ᐅᐸᒡᓗᒍ ᐅᖃᐅᑎᔭᕐᑐᓚᐅᕈᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

² ᐊᐅᓪᓚᖁᔨᓂᐊᖏᒃᑯᕕᑦ ᑖᒃᑯᓂᖓ, ᑕᒪᓐᓇ ᓄᓇᒋᔧᑦ ᓱᒋᐊᕐᓂᐊᕐᐸᕋ ᓈᕌᔨᓄᑦ ᐅᓕᒃᑕᐅᑎᓪᓗᒍ.

³ ᑕᒪᓐᓇᓗ ᑰᓕᒫᖅ ᓈᕌᔨᓄᑦ ᑕᑕᐅᓂᐊᕐᐳᖅ, ᐊᒡᓛᑦ ᐃᒡᓗᖕᓄᑦ ᓇᔪᕐᑕᕐᓄᑦ ᑎᑭᓪᓗᑎᒃ, ᐊᒡᓛᑦ ᐃᒡᓗᐊᕈᓰᑦ, ᓯᓂᒡᕖᓪᓗ, ᐊᖓᔪᖅᑳᖁᑎᕕᓪᓗ ᐃᒡᓗᖏᑦ ᐃᓄᖁᑎᕕᓪᓗ ᐊᖏᕐᕋᖏᑦ, ᐊᒡᓛᓪᓗ ᓂᕿᓕᐅᕐᕕᓯ ᓵᑦᑑᔭᐅᑎᓯᓗ ᑕᒪᕐᒥᒃ ᑕᑕᓐᓂᐊᕐᐳᑦ ᑕᒪᒃᑯᓂᖓ.

⁴ ᑕᒪᒃᑯᐊᓗ ᒥᓯᖃᑦᑕᕐᓂᐊᕐᐳᑦ ᐃᓕᖕᓄᑦ ᐃᓄᖁᑎᖕᓄᓪᓗ ᐊᖓᔪᖅᑳᖁᑎᓕᒫᕐᓄᓪᓗ.’”

⁵ ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ ᐊᔭᐅᑉᐱᐊᒥᓂᒃ ᐃᓴᐅᑦᔨᖁᓗᒍ ᑰᑉ ᖁᓛᓄᑦ, ᑰᓕᐊᕆᔭᐅᓯᒪᔪᓪᓗ ᖁᓛᓄᑦ, ᑕᓯᕐᓄᓪᓗ, ᓈᕌᔩᑦ ᐄᑦᔨᑉᑎᐅᑉ ᓄᓇᖓᓄᑦ ᑎᑭᖁᓪᓗᒋᑦ!”

⁶ ᑕᕝᕙ ᐂᕉᓂᐅᑉ ᑕᓕᓂ ᐃᓵᒃᐹ ᐄᑦᔨᑉᑎᐅᑉ ᐃᒪᖏᑕ ᖁᓛᓄᑦ; ᓈᕌᔩᓪᓗ ᓴᖅᑭᐊᓕᕐᐳᑦ ᐄᑦᔨᑉᑎᐅᑉ ᓄᓇᖓ ᐅᓕᒃᑕᐅᓪᓗᓂ ᑕᒪᒃᑯᓄᖓ.

⁷ ᑭᓯᐊᓂᓕ ᐊᖓᒃᑯᐃᑦᑕᐅᖅ ᐊᖓᒃᑰᓂᕐᒥᖕᓄᑦ ᑍᒤᓕᐅᓚᐅᕆᕗᑦ, ᓴᖅᑭᑎᑦᓯᓪᓗᑎᒃ ᓈᕌᔨᓂᒃ ᐄᑦᔨᑉᑎᐅᑉ ᓄᓇᖓᓄᑦ.

⁸ ᑕᕝᕙ ᐰᕉᑉ ᒨᓯᓯᒃᑯᒃ ᐂᕉᓂᒃᑯᒃ ᕾᖁᕚᒃ, ᐅᖃᐅᑎᓪᓗᒋᒡᓗ, “ᐊᑕᓂᖅ ᑐᒃᓯᐊᕐᕕᒋᓚᐅᕐᓯᐅᒃ ᑕᒪᒃᑯᓂᖓ ᓈᕌᔨᓂᒃ ᐲᕐᓯᖁᓗᒍ ᐅᕙᓐᓂᑦ ᐃᓄᖁᑎᓐᓂᓪᓗ; ᑕᕝᕙ ᐃᓅᖃᑎᒌᒡᔪᐊᑦ ᐊᐅᓪᓚᖁᓂᐊᕐᐸᒃᑲ ᑐᓂᕐᕈᓯᕆᐊᕐᑐᖁᓪᓗᒋᑦ ᐊᑕᓂᕐᒧᑦ.”

⁹ ᒨᓯᓯ ᐅᖃᕐᐳᖅ ᐰᕉᒧᑦ, “ᖁᕕᐊᓱᒡᓗᖓ ᑐᒃᓯᐅᑎᔪᒪᑦᓯᐊᕐᐸᒋᑦ, ᓇᓗᓁᕐᓯᕕᒋᑐᐊᕈᕕᖓ ᖃᖓᒃᑯᑦ ᑐᒃᓯᐅᑦᔨᖁᔨᖕᒪᖔᕐᐱᑦ, ᐃᓕᖕᓄᑦ ᐱᔨᒋᔭᕐᓄᓪᓗ ᐃᓄᖁᑎᖕᓄᓪᓗ, ᓈᕌᔩᑦ ᐃᓕᑦᓯᓐᓂᑦ ᐲᔭᕐᑕᐅᖁᓪᓗᒋᑦ, ᑕᒫᓃᑦᑐᖃᕈᓐᓃᖁᓪᓗᒍᓗ ᑰᖕᒥ ᑭᓯᐊᓂ ᐱᑕᓕᑑᓕᖁᓪᓗᒍ.”

¹⁰ ᐰᕉᑉ ᑭᐅᕚ, “ᖃᐅᒃᐸᑦ ᑐᒃᓯᐅᑎᓛᓕᕐᐸᕐᒪ.” ᒨᓯᓯ ᐅᖃᕐᐳᖅ, “ᑍᒤᓐᓂᐊᓕᕐᐳᖅ ᐅᖃᐅᓯᕆᔭᕐᑐᑦ, ᖃᐅᔨᖁᓪᓗᑎᑦ ᒎᑎᑕᖃᖏᓐᓂᖓᓂᒃ ᐊᑕᓂᕆᔭᑦᑕ ᒎᑎᐅᑉ ᐊᓯᐊᓂᒃ.

¹¹ ᓈᕌᔩᑦ ᐃᓕᖕᓂᑦ ᐃᒡᓗᑦᓯᓐᓂᓪᓗ ᐱᔨᒋᔭᕐᓂᓪᓗ ᐃᓄᖁᑎᖕᓂᓪᓗ ᐲᔭᕐᑕᐅᓂᐊᕐᐳᑦ; ᑰᖕᒥ ᑭᓯᐊᓂ ᐱᑕᓕᑑᓕᕐᓗᓂ.”

¹² ᑕᕝᕙ ᒨᓯᓯᒃᑯᒃ ᐂᕉᓂᒃᑯᒃ ᐰᕉᒥᑦ ᐊᓂᕘᒃ; ᒨᓯᓯᐅᓪᓗ ᐊᑕᓂᖅ ᑐᒃᓯᐊᕐᕕᒋᕚ ᓈᕌᔩᑦ ᐱᑦᔪᑎᒋᓪᓗᒋᑦ ᐲᕐᑕᐅᖁᓪᓗᒋᑦ, ᑍᒫᒃ ᐰᕉᒥᒃ ᐊᖏᖃᑎᖃᓚᐅᕋᒥ.

¹³ ᐊᑕᓂᕐᓗ ᑍᒫᒃ ᐱᓇᓱᐊᕐᐳᖅ, ᒨᓯᓯᐅᑉ ᑐᒃᓯᐊᕈᑎᒋᔭᖓᑐᑦ; ᓈᕌᔩᓪᓗ ᐃᒡᓗᓃᑦᑐᑦ ᓄᓇᒦᑦᑐᓪᓗ ᐱᕈᕐᓰᕕᖕᓃᑦᑐᓕᒫᓪᓗ ᑐᖁᕗᑦ.

¹⁴ ᐄᑦᔨᑉᑎᒥᐅᓪᓗ ᑕᒪᒃᑯᐊ ᑲᑎᑉᐰᑦ ᐳᕐᑐᓯᑎᓪᓗᒋᓪᓗ, ᓄᓇᓗ ᑎᐱᓗᓕᓚᐅᕐᐳᖅ ᑕᒪᒃᑯᓄᖓ.

¹⁵ ᐰᕉᓕ ᖃᐅᔨᓕᕋᒥ ᓈᕌᔩᑦ ᑐᖁᓂᖏᓐᓂᒃ, ᐆᒻᒪᑎᓂ ᓯᑎᔫᑎᓕᓚᐅᕆᕚ, ᑖᒃᑯᓂᖓᓗ ᓈᓚᒍᓐᓃᕆᓪᓗᓂ; ᓲᕐᓗ ᐊᑕᓂᐅᑉ ᐅᖃᐅᓯᕆᓚᐅᕐᒪᒍ ᑍᒤᓐᓂᐊᕐᓂᕋᕐᓗᓂᐅᒃ.

ᒥᓗᒋᐊᑦ

¹⁶ ᑕᕝᕙ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐂᕉᓂ ᐅᖃᐅᑎᓚᐅᕈᒃ, ‘ᐊᔭᐅᑉᐱᐊᑦ ᐃᓴᐅᑎᓚᐅᕈᒃ ᓄᓇᓗ ᐊᓇᐅᓗᒍ ᑕᒪᑐᒧᖓ, ᐄᑦᔨᑉᑎᓕᒫᑉ ᓄᓇᖓᑕ ᐳᔪᕋᖏᑦ ᒥᓗᒋᐊᓐᖑᖁᓪᓗᒋᑦ.’” {ᑯᒪᓐᖑᖁᓪᓗᒋᑦ.}

¹⁷ ᑕᕝᕙ ᐂᕉᓂᐅᑉ ᐊᔭᐅᑉᐱᐊᓂ ᐃᓴᐅᑎᕚ, ᓄᓇᐅᓪᓗ ᐳᔪᕋᖓᑦ ᐊᓇᐅᕚ ᑕᒪᑐᒧᖓ, ᓄᓇᐅᓪᓗ ᐳᔪᐊᓪᓕᓂᑯᓕᒫᖏᑦ ᒥᓗᒋᐊᓐᖑᕐᐳᑦ {ᑯᒪᓐᖑᕐᐳᑦ} ᐃᓄᐃᓪᓗ ᐆᒪᔪᓪᓗ ᑕᒪᒃᑯᓄᖓ ᑎᑭᑕᐅᓕᕐᐳᑦ; ᓄᓇᐅᓪᓗ ᐳᔪᐊᓪᓕᓂᖁᓕᒫᑦᓯᐊᖏᑦ ᐄᑦᔨᑉᑎᒥ ᒥᓗᒋᐊᓐᖑᕐᐳᑦ. {ᑯᒪᓐᖑᕐᐳᑦ.}

¹⁸ ᐊᖓᒃᑯᐃᓪᓗ ᐊᖓᒃᑰᓂᕐᒥᒍᑦ ᑍᒤᓕᐅᕋᓱᐊᓚᐅᕋᓗᐊᕐᐳᑦ ᑭᓯᐊᓂᓕ ᐱᔪᓐᓇᓐᖏᓚᑦ, ᑍᒤᒻᒪᑦ ᒥᓗᒋᐊᖃᓕᓚᐅᕐᐳᖅ ᑕᒤᓐᓂ ᐃᓄᖕᓂ ᐆᒪᔪᓂᓗ.

¹⁹ ᐊᖓᒃᑯᐃᓪᓗ ᐰᕉᒧᑦ ᐅᖃᕐᐳᑦ, “ᑕᒪᓐᓇ ᒎᑎᐅᑉ ᐱᔪᓐᓇᕐᓂᖓᑕ ᐱᓇᓱᐊᕐᓂᕆᕚ!” ᑭᓯᐊᓂᓕ ᐰᕉᑉ ᐆᒻᒪᑎᖓ ᓱᓕ ᓯᑎᔫᓚᐅᕐᐳᖅ, ᑖᒃᑯᓂᖓᓗ ᓈᓚᒍᓐᓇᕋᓂ, ᓲᕐᓗ ᐊᑕᓂᐅᑉ ᑍᒤᓐᓂᐊᕐᓂᕋᓚᐅᕐᒪᒍ.

ᐊᓇᓐᖐᑦ

²⁰ ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᕐᐳᖅ, “ᖃᐅᒃᐸᑦ ᐅᓪᓛᒻᒪᕆᒃᑯᑦ ᒪᑭᓪᓗᑎᑦ ᐰᕉᒥᒃ ᐅᑕᖅᑭᔭᕐᑐᕐᓂᐊᕐᐳᑎᑦ, ᑰᖕᒧᑦ ᐃᒫᓄᕆᐊᕐᑐᓕᕐᐸᑦ, ᐅᖃᐅᑎᓗᒍᓗ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓄᖁᑎᒃᑲ ᐊᐅᓪᓚᕈᓐᓇᕐᑎᓚᐅᒃᑭᑦ, ᐅᕙᓐᓄᑦ ᑐᒃᓯᐊᕈᓐᓇᖁᓪᓗᒋᑦ.

²¹ ᐃᓄᖁᑎᒃᑲ ᐊᐅᓪᓚᖁᓂᐊᖏᒃᑯᕕᒋᑦ, ᑕᕝᕙ ᐅᓄᕐᑐᕐᔪᐊᓂᒃ ᐊᓇᓐᖏᕐᓂᒃ ᑎᑭᑎᑦᓯᓂᐊᕐᐳᖓ ᐃᓕᖕᓄᑦ ᐱᔨᒋᔭᕐᓄᓪᓗ ᐃᓄᖁᑎᖕᓄᓪᓗ, ᐃᒡᓗᓯᓗ ᐄᑦᔨᑉᑎᒥᐅᓕᒫᓪᓗ ᐃᒡᓗᖏᑦ ᑕᑕᐅᓂᐊᕐᐳᑦ ᐊᓇᓐᖏᕐᓄᑦ, ᓄᓇᓗ ᓇᔪᕐᑕᖓ ᐅᓕᒃᑕᐅᓂᐊᕆᕗᖅ ᑕᒪᒃᑯᓄᖓ.

²² ᑭᓯᐊᓂᓕ ᓄᓇ ᒎᓯᓂ ᑕᒪᒃᑯᓄᖓ ᑎᑭᑕᐅᑎᓐᓂᐊᓐᖏᓚᕋ, ᑕᕝᕙᓂ ᐃᓄᖁᑎᖃᕋᒪ, ᑖᒃᑯᐊ ᐊᓇᓐᖏᕐᓄᑦ ᑎᑭᑕᐅᑎᓐᓂᐊᓐᖏᓚᒃᑲ, ᑍᒤᓕᐅᕐᓂᐊᕐᐳᖓ ᖃᐅᔨᖁᓪᓗᑎᑦ ᐅᕙᖓ ᐊᑕᓂᐅᒐᒪ ᑕᒫᓂ ᓄᓇᒥ ᐱᓇᓱᐊᕐᑐᖅ.

²³ ᐊᕕᒃᓯᒪᑎᑦᓯᓂᐊᕐᐳᖓᓗ ᐃᓄᖁᑎᓐᓂᒃ ᐃᓄᖁᑎᑦᓯᓐᓂᑦ, ᑕᒪᓐᓇᓗ ᖃᐅᒃᐸᑦ ᓇᓗᓁᒃᑯᑕᖅ ᐱᒋᐊᕐᑎᓐᓂᐊᕐᐸᕋ.’”

²⁴ ᑍᒫᒡᓗ ᑕᕝᕙ ᐊᑕᓂᖅ ᐱᓇᓱᐊᓚᐅᕐᐳᖅ, ᐊᓇᓐᖐᓪᓗ ᐅᓄᕐᑐᐊᓗᐃᑦ ᐸᕕᒃᓴᕐᑐᕐᔪᐊᑦ ᑎᑭᓕᕐᐳᑦ ᐰᕉᑉ ᐃᒡᓗᖓᓄᑦ ᐱᔨᖏᑕᓗ ᐃᒡᓗᖏᓐᓄᑦ, ᐄᑦᔨᑉᑎᐅᓪᓗ ᓄᓇᓕᒫᖓ ᓈᓯᒪᓕᓚᐅᕐᐳᖅ ᑕᒪᒃᑯᓄᖓ ᓄᓇᓗ ᓱᕋᒃᑕᐅᓪᓗᓂ ᑕᒪᒃᑯᓄᖓ ᐊᓇᓐᖏᕐᓄᑦ ᐸᕕᓴᒃᑐᕐᔪᐊᓄᑦ.

²⁵ ᑕᕝᕙ ᐰᕉ ᕾᖁᔨᓕᕐᐳᖅ ᒨᓯᓯᒥᒃ ᐂᕉᓂᒥᒡᓗ, ᐅᖃᐅᑎᓗᒋᒡᓗ, “ᐊᐅᓪᓚᕐᓗᓯ ᒎᑎᑦᓯᓐᓄᑦ ᑐᓂᕐᕈᓯᕆᐊᕐᑐᓕᕆᑦᓯ ᑕᒫᓂ ᓄᓇᒥ.”

²⁶ ᒨᓯᓯᓕ ᐅᖃᕐᐳᖅ, “ᑕᒪᓐᓇ ᐊᑲᐅᑦᔮᓐᖏᓚᖅ ᑍᒤᓕᐅᕐᓂᐊᕈᑦᑕ; ᐄᑦᔨᑉᑎᒥᐅᑦ ᑕᒪᑐᒧᖓ ᐱᓇᓱᐊᕐᑕᑦᑎᓐᓄᑦ ᐊᑲᐅᓐᖏᓕᐅᕐᑎᑕᐅᒐᔭᕐᒪᑕ ᑐᓂᕐᕈᓯᓕᕈᑦᑕ ᐊᑕᓂᕐᒧᑦ ᒎᑎᑦᑎᓐᓄᑦ ᐆᒪᔪᓂᒃ ᑐᓂᕐᕈᓯᕋᔭᕋᑦᑕ. ᑕᒪᒃᑯᓂᖓᓗ ᐆᒪᔪᓂᒃ ᐄᑦᔨᑉᑎᒥᐅᑦ ᐊᓐᓂᕆᔭᖏᓐᓂᒃ ᑕᑯᓐᓇᕐᑎᓪᓗᒋᑦ ᑐᓂᕐᕈᓯᕈᑎᖃᓕᕈᑦᑕ, ᑖᒃᑯᓄᖓ ᒥᓪᓗᕐᑕᐅᒐᔭᓐᖏᓚᒎᑦ?

²⁷ ᐅᓪᓗᓂᒃ ᐱᖓᓱᓂᒃ ᐃᖏᕐᕋᔪᒃᓴᐅᕗᒍᑦ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᑍᒫᒃ ᐱᖁᓪᓗᑕ ᐅᖃᐅᑎᓯᒪᖕᒪᑎᒍᑦ.”

²⁸ ᑕᕝᕙ ᐰᕉ ᐅᖃᕐᐳᖅ, “ᐊᐅᓪᓚᖁᓂᐊᓕᕐᐸᑦᓯ, ᑐᓂᕐᕈᓯᕆᐊᕐᑐᕈᓐᓇᖁᓪᓗᓯ ᐊᑕᓂᕐᒧᑦ ᒎᑎᑦᓯᓐᓄᑦ ᐃᓄᖃᖏᑦᑐᒥ, ᑭᓯᐊᓂᓕ ᐅᖓᓯᓗᐊᕐᑐᒧᐊᕐᑐᒃᓴᐅᓐᖏᓚᓯ, ᑐᒃᓯᐅᑎᔭᒃᓴᕆᕙᑦᓯᓐᖓᓗ.”

²⁹ ᒨᓯᓯᐅᓪᓕ ᑭᐅᕚ, “ᑕᑯᒋᑦ ᑕᕝᕙᓐᖓᑦ ᐊᓂᓕᕈᒪ ᑐᒃᓯᐅᑎᓂᐊᕐᐸᒋᑦ ᐊᑕᓂᕐᒧᑦ ᖃᐅᒃᐸᑦ ᑕᒪᒃᑯᓄᖓ ᐊᓇᓐᖏᕐᓄᑦ ᕿᒪᒃᑕᐅᖁᓪᓗᓯ ᐱᔨᑎᓪᓗ ᐃᓄᖁᑎᑎᓪᓗ, ᑭᓯᐊᓂᓕ ᓴᒡᓗᔪᒃᓴᐅᓐᖏᓚᑎᑦ ᑕᒪᑐᒪᓂ, ᐃᓄᖕᓂᒃ ᑐᓂᕐᕈᓯᕆᐊᕐᑐᖁᔨᔪᓐᓃᕐᓗᑎᑦ ᐊᑕᓂᕐᒧᑦ ᑍᒤᑦᑐᒃᓴᐅᓐᖏᓚᑎᑦ.”

³⁰ ᒨᓯᓯᓗ ᐰᕉᒥᑦ ᐊᓂᒐᒥ ᐊᑕᓂᕐᒧᑦ ᑐᒃᓯᐊᓕᕐᐳᖅ,

³¹ ᐊᑕᓂᕐᓗ ᐱᓇᓱᐊᓕᕐᐳᖅ ᒨᓯᓯᐅᑉ ᑐᒃᓯᐊᕈᑎᒋᔭᖓ ᒪᓕᒡᓗᒍ, ᐊᓇᓐᖐᓪᓗ ᑕᒪᕐᒥᒃ ᐰᕉᒥᑦ, ᐱᔨᖏᓐᓂᓪᓗ, ᐃᓄᖁᑎᖏᓐᓂᓪᓗ, ᕿᒪᕉᑎᓚᐅᕐᐳᑦ ᐊᒥᐊᒃᑯᖃᖏᑦᓯᐊᕐᓗᑎᒃ.

³² ᑭᓯᐊᓂᓕ ᐰᕉᑉ ᐆᒻᒪᑎᓂ ᓯᑎᔫᑎᓕᓚᐅᕆᕚ, ᐃᓄᖕᓂᒡᓗ ᐊᐅᓪᓚᖁᔨᔪᓐᓃᓚᐅᕆᕗᖅ.