ᒨᓯᓯ ᐂᑉᐸᖏᑦ 33 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᑕᓂᐅᑉ ᐃᓴᕆᐊᓕᒥᐅᓂᒃ ᐊᐅᓪᓚᖁᔨᓕᕐᓂᖓ ᖃᖅᑲᒥᑦ ᓮᓁᒥᑦ

¹ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ.

² ᐂᖏᓕᖁᑎᒐᓗ ᑎᓕᓂᐊᕐᐸᕋ ᐃᓕᑦᓯᓐᓂᒃ ᓯᕗᓕᖁᓪᓗᒍ, ᕿᒫᑎᓐᓂᐊᕐᐸᒃᑲᓗ ᑬᓇᓂᒥᐅᑦ, ᐊᒧᕅᑎᒃᑯᓪᓗ, ᕼᐃᑍᑎᒃᑯᓪᓗ, ᐱᕆᔧᑎᒃᑯᓪᓗ, ᕼᐃᕔᑎᓪᓗ, ᔨᐳᓮᑎᓪᓗ.

³ ᑕᕝᕗᖓ ᓄᓇᒧᑦ ᐂᔪᒃᓴᐅᕗᓯ ᓂᕿᒃᓴᖃᑦᓯᐊᕐᑐᒧᑦ ᐊᔪᕐᓴᕐᓇᖏᑦᑐᒧᓪᓗ. ᐅᕙᖓᓕ ᓇᖕᒥᓂᖅ ᐃᓚᒋᓂᐊᓐᖏᓚᑦᓯ, ᓯᑎᔪᐊᓘᓂᓯ ᐱᓪᓗᒍ, ᐃᓚᒋᑐᐊᕈᑦᓯ ᓄᖑᑕᐅᑎᑐᐃᓐᓇᕆᐊᖃᕋᑦᓯ ᑕᒫᓂ ᐊᖅᑯᑖᓂ.”

⁴ ᐃᓄᐃᓪᓕ ᑕᒪᑐᒥᖓ ᑐᓴᕋᒥᒃ, ᐊᖏᔪᕐᔪᐊᒥᒃ ᕿᒃᓵᓕᕐᐳᑦ; ᐱᐅᓴᐅᑎᒐᓚᖕᓂᒡᓗ ᐊᑐᕐᑐᖃᕈᓐᓃᕐᓗᑎᒃ.

⁵ ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.”

⁶ ᑍᒤᒻᒪᑦ ᖃᖅᑲᒥᑦ ᕼᐆᕆᑉᒥᑦ ᐊᐅᓪᓚᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦ ᐱᐅᓴᐅᑎᒐᓚᖕᓂᒃ ᐊᑐᕐᑐᖃᓚᐅᕈᓐᓁᕐᐳᑦ.

ᑐᐱᖅ ᐊᑕᓂᐅᑉ ᓇᔪᒐᖓ

⁷ ᐃᓴᕆᐊᓕᒥᐅᓪᓕ ᑕᖕᒫᕐᑎᕌᖓᑕ, ᒨᓯᓯᐅᑉ ᑐᐱᖅ ᐃᑦᔪᕐᓁᑦᑐᖅ ᑕᖕᒫᕐᓯᒪᕕᐅᔪᑦ ᓯᓚᑖᓄᑦ ᓇᑉᐸᖃᑦᑕᓚᐅᕐᐹ, ᑕᖕᒫᕐᓯᒪᕕᐅᔪᑦ ᐅᖓᓯᒋᔭᖓᓄᑦ; ᑍᔭᐅᕙᓚᐅᕐᐳᕐᓗ ᐊᑕᓂᐅᑉ ᓇᔪᒐᖓᓂᒃ, ᓇᓪᓕᐊᓪᓗ ᐊᑕᓂᕐᒧᑦ ᖃᐅᔨᓇᓱᐊᕈᒪᔪᖅ ᑕᕝᕗᓐᖓᖃᑦᑕᓚᐅᕐᐳᑦ ᑐᐱᕐᒧᑦ.

⁸ ᒨᓯᓯᓕ ᑍᒪᓐᖓᑦ ᑐᐱᕐᒧᐊᓕᕌᖓᑦ, ᐃᓄᐃᑦ ᓇᖏᖃᑦᑕᓚᐅᕐᐳᑦ ᑐᐱᖏᑕ ᐹᖓᓂ, ᒨᓯᓯᒥᒃ ᑕᑯᓐᓈᕐᓱᑎᒃ ᐃᑎᓚᐅᖏᓐᓂᓕᒫᖓᓂ ᑐᐱᕐᒧᑦ.

⁹ ᒨᓯᓯᓕ ᐃᑎᕇᕌᖓᑦ ᑐᐱᕐᒧᑦ, ᓄᕗᔭ ᖁᒻᒧᑦ ᐊᒥᑦᑐᑳᒥᒃ ᐊᒻᒧᐊᖃᑦᑕᓚᐅᕐᐳᖅ ᑐᐱᐅᑉ ᐹᖓᓄᑦ, ᑕᕝᕙᓐᖓᓪᓗ ᓄᕗᔭᒥᑦ ᐊᑕᓂᐅᑉ ᒨᓯᓯ ᐅᖃᓪᓚᒡᕕᒋᖃᑦᑕᓚᐅᕐᐹ.

¹⁰ ᐃᓄᓕᒫᓪᓕ ᓄᕗᔭᒥᒃ ᐊᒥᑦᑐᑳᒥᒃ ᑐᐱᐅᑉ ᐹᖓᓄᑦ ᐊᒻᒧᐊᒃᑐᒥᒃ ᑕᑯᔭᕅᒐᒥᒃ, ᐅᑯᓪᓗᑎᒃ ᑐᒃᓯᐊᓕᖃᑦᑕᓚᐅᕐᐳᑦ, ᐃᓄᓕᒫᑦ ᑐᐱᕐᒥᒃᑕ ᐹᖏᓐᓂ.

¹¹ ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᐊᑕᓂᐅᑉ ᐃᓄᖁᑎᒥᓂᒃ ᐃᓚᖃᕐᓂᐊᕐᓂᕋᕐᓂᖓ

¹² ᒨᓯᓯ ᐊᑕᓂᕐᒧᑦ ᐅᖃᕐᐳᖅ, “ᓱᓕᓚᐅᕐᐲᑦ ᐅᕙᓐᓄᑦ ᐅᖃᓚᐅᕋᕕᑦ ᐅᑯᐊ ᐃᓄᐃᑦ ᐅᕙᓐᓄᑦ ᑕᓯᐅᕐᑕᐅᖁᓂᕋᕐᓗᒋᑦ ᐊᕗᖓ ᓄᓇᒧᑦ, ᑭᓯᐊᓂᓕ ᐅᕙᓐᓄᑦ ᐅᖃᓚᐅᕐᓯᒪᖏᑦᑐᑎᑦ ᑭᓇᒥᒃ ᐱᖃᑎᖃᕐᑐᒃᓴᐅᖕᒪᖔᕐᒪ. ᐅᕙᓐᓄᓪᓗ ᐅᖃᕐᓯᒪᔪᑎᑦ ᖃᐅᔨᒪᑦᓯᐊᕐᓂᕋᕐᓗᑎᑦ ᐅᕙᓐᓂᒃ ᖁᕕᐊᒋᔭᖃᕐᓂᕋᕐᓗᑎᓪᓗ.

¹³ ᒫᓐᓇᓕ ᑕᒪᓐᓇ ᓱᓕᒃᐸᑦ, ᐅᕙᓐᓂᒡᓗ ᖁᕕᐊᒋᔭᖃᓪᓚᕆᒃᑯᕕᑦ, ᐃᓱᒪᒋᓯᒪᔭᕐᓂᒃ ᐅᖃᐅᑎᓚᐅᓐᖓ ᐃᓕᖕᓂᒃ ᐱᔨᑦᓯᑦᓯᐊᕈᓐᓇᖁᓪᓗᖓ ᐃᓕᖕᓄᓪᓗ ᖁᕕᐊᒋᔭᐅᖏᓐᓇᖁᓪᓗᖓ. ᐃᖅᑲᐅᒪᓗᑎᑦᑕᐅᖅ ᐅᑯᐊ ᐃᓅᖃᑎᒌᒡᔪᐊᑦ ᓂᕈᐊᕐᓯᒪᒐᕕᒋᑦ ᓇᖕᒥᓂᖅ ᐃᓄᖁᑎᒋᔪᒪᓪᓗᒋᑦ.”

¹⁴ ᐊᑕᓂᖅ ᐅᖃᕐᐳᖅ, “ᐅᕙᖓ ᐱᖃᑎᒋᓂᐊᕐᐸᒋᑦ, ᓵᓚᖃᕐᑎᓐᓂᐊᕐᐸᒋᓪᓗ.”

¹⁵ ᒨᓯᓯᐅᓪᓕ ᑭᐅᕚ, “ᐱᖃᑎᒋᓂᐊᖏᒃᑯᑦᑎᒍᑦ, ᐅᕙᓐᖓᑦ ᓇᔪᕐᑕᑦᑎᓐᓂᑦ ᐊᐅᓪᓚᕐᑎᑦᑍᓕᑎᒍᑦ.

¹⁶ ᖃᓄᕐᓕ ᖃᐅᔨᒪᔭᐅᑦᓯᐊᕈᓐᓇᕋᔭᕐᐲᑦ ᐃᓄᖁᑎᖕᓂᒃ ᖁᕕᐊᓲᑎᖃᕐᓂᕐᓂᒃ ᐅᕙᓐᓂᒡᓗ ᐅᕙᑦᑎᓐᓄᑦ ᐱᖃᑕᐅᓂᐊᖏᓪᓗᑎᑦ? ᐃᓕᖕᓄᑦ ᐃᓚᒋᔭᐅᑐᐊᕈᑦᑕ ᐅᐱᓐᓇᕐᑎᑕᐅᓂᕐᓴᐅᒐᔭᕋᑦᑕ ᓯᓚᕐᔪᐊᕐᒥ ᐃᓄᒋᔭᐅᔪᓕᒫᓂᑦ.”

¹⁷ ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᐅᖃᐅᓯᕆᔭᕐᑐᑦᓯᐊᖅ ᐱᓇᓱᐊᕐᓂᐊᕐᐳᖓ; ᖃᐅᔨᒪᑦᓯᐊᕋᒃᑭᑦ ᖁᕕᐊᒋᑦᓯᐊᕐᓗᑎᓪᓗ ᐊᑏᓪᓗ ᖃᐅᔨᒪᑦᓯᐊᕐᐸᕋ.”

¹⁸ ᒨᓯᓯᓕ ᐅᖃᕐᐳᖅ, “ᑐᒃᓯᐊᕐᐳᖓ, ᓇᔫᑎᓂᕕᑦ ᖃᐅᒪᓂᕐᔪᐊᖓᓂᒃ ᑕᑯᑎᓚᐅᓐᖓ.”

¹⁹ ᐊᑕᓂᐅᑉ ᑭᐅᕚ, “ᑕᑯᒥᓇᕐᓂᕐᔪᐊᕋ ᐊᑕᖏᕐᓗᒍ ᐃᓕᖕᓄᑦ ᐊᖅᑯᓵᕐᑎᓐᓂᐊᕐᐸᕋ, ᐊᑎᕐᒪᓗ ᐃᑦᔪᕐᓁᓐᓂᖓ ᐅᖃᐅᓯᕆᓂᐊᕐᐸᕋ ᐃᓕᖕᓄᑦ. ᐊᑕᓂᐅᒐᒪ, ᐱᑦᓯᐊᕐᕕᒋᔪᒪᔭᓐᓄᑦ ᐱᑦᓯᐊᕐᐸᒃᐳᖓ, ᓂᑲᒋᔪᒪᔭᓐᓄᓪᓗ ᓂᖃᒍᓱᒃᐸᒃᓗᖓ.

²⁰ ᑮᓇᕋᓕ ᐃᓕᖕᓄᑦ ᑕᑯᔭᐅᑎᓐᓂᐊᓐᖏᓚᕋ; ᐃᓄᑐᐃᓐᓇᖅ ᐅᕙᓐᓂᒃ ᑕᑯᔪᖅ ᐃᓅᔪᓐᓇᖏᒻᒪᑦ.”

²¹ ᐊᑕᓂᕐᓗ ᐅᖃᕐᐳᖅ, “ᐅᕙᓂᓕ ᓴᓂᑦᑎᐊᓐᓂ ᓇᖏᕈᓐᓇᕐᐳᑎᑦ ᐅᔭᕋᓱᒡᔪᖕᒥ.

²² ᑕᑯᒥᓇᕐᓂᕐᔪᐊᕋ ᐃᓕᖕᓄᑦ ᐊᖅᑯᓵᕐᑎᓕᕈᒃᑯ, ᐅᔭᕋᓱᒡᔪᐃᑦ ᐊᑯᓂᖓᓅᕐᑎᓐᓂᐊᕐᐸᒋᑦ, ᐊᒡᒐᓐᓄᓪᓗ ᑕᓗᓯᒪᓂᐊᕐᐸᒋᑦ ᐃᓕᖕᓂᑦ ᖄᖏᐅᑎᖅᑳᖏᓐᓂᓐᓂ.

²³ ᑕᕝᕙ ᐊᒡᒐᒃᑲ ᐃᓕᖕᓂᑦ ᐲᕐᑎᓐᓂᐊᕐᐸᒃᑲ, ᑕᕝᕙ ᑐᓄᓐᓂᒃ ᑕᑯᓂᐊᕐᐳᑎᑦ; ᑮᓇᕋᓕ ᑕᑯᓂᐊᓐᖏᓚᑦ.”