ᒨᓯᓯ ᐂᑉᐸᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᒎᑎᐅᑉ ᑎᓕᓯᓂᖓ ᒨᓯᓯᒥᒃ

¹ ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᕐᐳᖅ ᐃᑦᔪᕐᓁᓐᓂᕋᕐᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ.

² ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᕐᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᕐᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᕐᐰᑦ ᐃᑭᑉᐸᓕᐊᖏᑦᑐᑦ.

³ ᒨᓯᓯᓗ ᐃᓱᒪᓕᕐᐳᖅ, ᖃᓄᐃᒻᒪᑦ ᐅᕐᐱᒊᑦ ᐃᑭᑉᐸᓪᓕᐊᓐᖏᓚᑦ ᖃᒡᓕᑲᓐᓂᕐᓗᒋᑦ ᑕᑯᓚᐅᕐᓚᒃᑲ.

⁴ ᐊᑕᓂᐅᓪᓗ ᒨᓯᓯ ᑕᑯᒐᒥᐅᑉ ᖃᒡᓕᕙᓪᓕᐊᔪᖅ, ᒎᑎᐅᑉ ᐅᖃᐅᑎᕚ ᐅᕐᐱᒊᑦ ᕿᑎᖓᓐᓂᖔᕐᓗᓂ, “ᒨᓯᓯ, ᒨᓯᓯ!” ᒨᓯᓯᐅᓪᓗ ᑭᐅᕚ, “ᐅᕝᕙᐅᕗᖓ.”

⁵ ᒎᑎᐅᓪᓗ ᐅᖃᐅᑎᕚ, “ᖃᒡᓕᒃᑲᓐᓂᕐᑍᓕᒋᑦ ᐃᑎᒐᒍᑏᒃᑭᒃ ᐲᒃᑭᒃ ᓄᓇ ᑐᓪᓕᕋᕐᑍᑦ ᐃᑦᔪᕐᓁᑦᑑᖕᒪᑦ.

⁶ ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

⁷ ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

⁸ ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

⁹ ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᕐᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᕐᑎᑦᓯᓂᖏᓐᓂᒃ ᑖᒃᑯᓂᖓ.

¹⁰ ᑎᓕᔪᒪᓕᕐᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᕐᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”

¹¹ ᒨᓯᓯᓕ ᒎᑎᒧᑦ ᐅᖃᕐᐳᖅ, “ᐃᓄᑐᐃᓐᓇᕈᓘᔪᖓᓕ ᖃᓄᕐᓕ ᐊᖓᔪᖅᑳᕐᔪᐊᒨᕈᓐᓇᕐᓂᐊᕋᒪ ᐃᓴᕆᐊᓕᒥᐅᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᓪᓗᒌᑦ?”

¹² ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᕐᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᕐᐸᕐᒪ; ᑖᓐᓇ ᓇᓗᓁᒃᑯᑕᐅᓛᕐᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”

¹³ ᑕᕝᕙ ᒨᓯᓯ ᑭᐅᕗᖅ, “ᐃᓴᕆᐊᓕᒥᐅᓄᐊᕈᒪᓕ ᐅᖃᕐᓗᖓᓗ, ᓯᕗᓪᓕᓯ ᒎᑎᖓᑦᑕ ᑎᓕᖕᒪᖓ ᐃᓕᑦᓯᓐᓄᑦ, ᐊᐱᕆᓂᐊᕐᒪᑕ ᐅᕙᓐᓂᒃ ᖃᓄᖅ ᐊᑎᖃᕐᐹ? ᑍᒤᓕᔭᐅᒍᒪ ᖃᓄᕐᓕ ᑭᐅᒐᔭᕐᐸᒃᑲ?”

¹⁴ ᒎᑎ ᒨᓯᓯᒧᑦ ᐅᖃᕐᐳᖅ, “ᐅᕙᖓᐅᕗᖓ ᐊᓯᖃᖏᑦᑐᖅ; ᑍᒫᒃ ᐃᓴᕆᐊᓕᒥᐅᑦ ᐅᖃᐅᑎᓂᐊᕐᐸᑎᑦ ᑖᑦᓱᒪ ᑍᔭᐅᔫᑉ ᐅᕙᖓᐅᔪᒥᒃ ᑖᑦᓱᒪ ᑎᓕᕚᖓ ᐃᓕᑦᓯᓐᓄᑦ.”

¹⁵ ᒎᑎᓗ ᐅᖃᕆᕗᖅ ᒨᓯᓯᒧᑦ, “ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐅᕙᖓ ᐊᑕᓂᖅ ᓯᕗᓪᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓᑕ ᑎᓕᕚᑎᑦ ᑍᒃᑯᓄᖓ ᑍᒪᓐᓇ ᐊᑎᕾᓐᓇᕐᓂᐊᕐᐳᖓ ᐃᓱᖃᖏᑦᑐᒧᑦ, ᑍᒫᒃ ᑕᕝᕙ ᑭᖑᕚᑦᓯ ᑍᖃᑦᑕᕆᐊᖃᓛᕐᐹᖓ.

¹⁶ ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᕐᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᓂᕋᕐᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᕐᑕᐅᓂᖏᓐᓂᒃ.

¹⁷ ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

¹⁸ “ᐃᓄᖁᑎᒃᑲᓗ ᓈᓚᖕᓂᐊᕐᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᕐᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᕐᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᕐᑐᕐᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ.

¹⁹ ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕐᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᒥᓂ.

²⁰ ᐱᔪᓐᓇᕐᓂᓐᓄᓪᓕ ᐱᓇᓱᐊᕐᓂᐊᕐᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᕐᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᕐᑎᓐᓂᐊᕐᐹᓯ.

²¹ “ᐄᑦᔨᑉᑎᒥᐅᑦ ᖁᕕᐊᓲᑎᖃᕐᑎᓐᓂᐊᕐᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᕐᐸᑕ ᐱᒃᓴᖃᖁᓪᓗᒋᑦ.

²² ᐃᓴᕆᐊᓕᒥᐅᑦ ᐊᕐᓇᖁᑎᓕᒫᖏᑦ ᓯᓚᖅᑲᑎᒥᖕᓄᑦ ᐄᑦᔨᑉᑎᒥᐅᓄᑦ ᐅᕝᕙᓘᓐᓃᑦ ᐄᑦᔨᑉᑎᒥᐅᑕᕐᒥᒃ ᐊᕐᓇᐅᖃᑎᖃᕈᓂ ᐃᒡᓗᒥᓂ ᑐᒃᓯᕋᕐᕕᒋᔭᒃᓴᕆᕚ ᐊᓐᓄᕌᓂᒃ, ᒎᓗᒥᒃ, ᓯᐅᓪᕕᕆᒥᒡᓘᓐᓃᑦ. ᐃᓴᕆᐊᓕᒥᐅᓪᓗ ᐃᕐᓂᕐᒥᖕᓄᑦ ᐸᓂᖕᒥᖕᓄᓪᓗ ᑕᒪᒃᑯᐊ ᐊᒡᔭᕐᑕᐅᑎᑕᒃᓴᕆᕔᑦ ᐄᑦᔨᑉᑎᒥᐅᑦ ᐊᔪᕐᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᖁᓪᓗᒋᑦ.”