ᐃᔅᑕᐅᑉ ᐊᒡᓚᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᕼᐂᒪᓂᐅᑉ ᔫᑎᓂᒃ ᓄᖒᑦᓯᔪᒪᓂᖓ

¹ ᑕᒪᒃᑯᐊ ᑭᖑᓂᖓᑦᑎᒍᑦ, ᐊᖓᔪᖅᑳᕐᔪᐊᖅ ᐊᕼᐊᓱᐃᕋᔅ ᐊᖓᔪᖅᑳᕈᕐᑎᑦᓯᕗᖅ ᕼᐂᒪᓂᒥᒃ, ᕼᐊᒥᑕᑕᐅᑉ ᐃᕐᓂᖓᓂᒃ ᐊᒐᒊᑎᒥᐅᑕᒥᒃ, ᐊᐅᓚᑦᓯᔨᖁᑎᒥᓄᑦ ᓇᔪᕐᑎᒋᔭᓕᒫᒥᓄᑦ ᐊᖓᔪᖅᑳᕈᕐᑎᓪᓗᓂᐅᒃ.

² ᐊᖓᔪᖅᑳᕐᔪᐊᓪᓗ ᐱᔨᓕᒫᖏᑦ ᐃᒡᓗᖓᓃᑦᑐᑦ ᐊᖓᔪᖅᑳᕐᔪᐊᑉ ᕼᐂᒪᓂᒥᒃ ᐅᐱᒍᓱᖕᓂᕐᒧᑦ ᓰᖅᑯᕐᓗᑎᒃ ᐅᑯᖃᑦᑕᖁᓚᐅᕐᐰᑦ; ᑖᒃᑯᐊᓗ ᑍᒤᓕᐅᕐᐳᑦ, ᒧᐊᑎᑬᓕ ᓰᖅᑯᕐᓗᓂ ᐅᑯᔪᒪᓚᐅᓐᖏᓚᖅ ᐅᐱᒍᓱᒍᒪᓇᓂᓗ ᑖᑦᓱᒥᖓ.

³ ᑕᕝᕙ ᐊᖓᔪᖅᑳᕐᔪᐊᑉ ᐱᔨᓕᒫᖏᑦ ᐃᒡᓗᖓᓃᑦᑐᑦ ᒧᐊᑎᑬᒥᒃ ᐊᐱᕆᕗᑦ, “ᓱᖕᒪᑦ ᐊᖓᔪᖅᑳᕐᔪᐊᑉ ᐱᖁᔨᓂᖓᓂᒃ ᓈᓚᓐᖏᓚᑎᑦ?”

⁴ ᑖᒃᑯᐊᓕ ᖃᐅᑕᒫᑦ ᒧᐊᑎᑬᒥᒃ ᑎᓕᐅᕆᖃᑦᑕᓚᐅᕐᐳᑦ ᐊᖓᔪᖅᑳᕐᔪᐊᑉ ᐱᖁᔭᖓᓂᒃ ᓈᓚᖁᓪᓗᒍ; ᒧᐊᑎᑬᓕ ᑖᒃᑯᓂᖓ ᐊᓐᖔᔪᓐᓇᓚᐅᓐᖏᓚᖅ, ᑕᕝᕙ ᕼᐂᒪᓂᒧᑦ ᐅᖃᐅᓯᕆᕚᑦ, ᖃᐅᔨᔪᒪᓪᓗᑎᒃ ᒧᐊᑎᑬᑉ ᐅᖃᐅᓯᕆᔭᖓ ᓱᖁᑎᒋᔭᐅᓂᐊᖏᒻᒪᖔᑦ; ᒧᐊᑎᑬᑉ ᐅᖃᐅᑎᓚᐅᕐᒪᒋᑦ ᔫᑎᐅᓂᕐᒥᓂᒃ.

⁵ ᕼᐂᒪᓂᓕ ᑕᑯᒐᒥ ᒧᐊᑎᑬᑉ ᓰᖅᑯᕐᓗᓂ ᐅᑯᔪᒪᖏᓐᓂᖓᓂᒃ ᐅᐱᒍᓱᒍᒪᖏᓐᓂᖓᓂᒡᓗ, ᐃᓗᒥᒍᑦ ᓂᓐᖓᕕᒡᔪᐊᕐᐳᖅ.

⁶ ᖃᐅᔨᓕᕋᒥᓕ ᒧᐊᑎᑬᑉ ᔫᑎᐅᓂᖓᓂᒃ ᑖᓐᓇᑐᐊᖅ ᐱᒋᐊᕈᒪᔪᓐᓁᕐᐹ, ᑐᓴᕐᑎᑕᐅᓚᐅᕋᒥ ᓇᓂᒥᐅᑕᐅᓂᖓᓂᒃ, ᕼᐂᒪᓂᓕ ᐃᓱᒪᖃᓕᕐᐳᖅ ᔫᑎᓕᒫᑦ ᑐᖁᕋᕐᑕᐅᓗᑎᒃ ᓄᖑᑕᐅᑎᑦᓱᒪᓪᓗᒋᑦ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᕕᖓᓃᑦᑐᓕᒫᑦ.

⁷ ᑕᖅᑭᐅᑉ ᓯᕗᓪᓕᕐᐹᖓᓐᓂ, ᑕᖅᑭᒥ ᓃᓴᒥᒃ ᑍᔭᐅᔪᒥ, ᐊᖓᔪᖅᑳᕐᔪᐊᑉ ᐊᕼᐊᓱᐃᕋᔅᓯᐅᑉ ᐊᖓᔪᖅᑲᐅᓂᖓᑕ 12ᖓᓂ, ᕼᐂᒪᓂ ᓇᓚᐅᑦᑖᕈᑎᒧᑦ ᐴᕆᒧᑦ ᖃᐅᔨᓇᓱᐊᕐᑎᑦᓯᕗᖅ ᐅᓪᓗᖓ ᑕᖅᑭᐅᓪᓗ ᓇᓪᓕᐊᓐᓂ ᑕᒪᓐᓇ ᓇᓪᓕᐅᓐᓂᖃᓕᕋᔭᕐᒪᖔᑦ; ᑕᖅᑮᑦ 12ᖓᓐᓂ ᑍᔭᐅᔪᒥ ᐊᑖᕆᒥᒃ ᐅᓪᓗᖏᑕ 13ᖓᓂ ᑕᕝᕙ ᓇᓗᓁᕐᑕᐅᕗᖅ.

⁸ ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ.

⁹ ᐊᖓᔪᖅᑳᕐᔪᐊᖅ ᖃᓄᐃᒃᓴᖏᒃᑯᕕᑦ, ᐱᖁᔭᐅᓕᕐᓂᐊᕐᑐᓂᒃ ᑎᑎᕋᓚᐅᕆᑦ ᑖᒃᑯᐊ ᑐᖁᕋᕐᑕᐅᖁᓪᓗᒋᑦ, ᐊᖓᔪᖅᑳᕐᔪᐊᓪᓗ ᐱᓇᓱᐊᕐᑎᖏᑕ ᐊᖓᔪᖅᑳᖏᑦ ᐊᑭᓕᕐᓂᐊᕐᐸᒃᑲ ᓯᐅᓪᕕᕆᓂᒃ 10,000ᓂᒃ ᐅᖁᒤᓐᓂᕐᓯᐅᑎᕗᑦ ᒪᓕᒡᓗᒋᑦ, ᑖᒃᑯᓇᓐᖓᓪᓗ ᐊᖓᔪᖅᑳᕐᔪᐊᑉ ᑮᓇᐅᔭᖃᐅᑎᖓᓄᑦ ᐃᓕᔭᐅᖁᓪᓗᒋᑦ.”

¹⁰ ᑕᕝᕙ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᓂ ᓇᓗᓁᒃᑯᓯᕈᑎᒋᓲᓂ ᐲᕐᐹ, ᑐᓂᓪᓗᒍᓗ ᕼᐂᒪᓂᒧᑦ, ᕼᐊᒥᑕᑕᐅᑉ ᐃᕐᓂᖓᓄᑦ ᐊᒡᒐᒊᑎᒥᐅᑕᕐᒧᑦ, ᔫᑎᑦ ᐊᑭᕋᕐᑐᕐᑎᖓᓐᓄᑦ.

¹¹ ᐊᖓᔪᖅᑳᕐᔪᐊᓪᓗ ᕼᐂᒪᓂ ᐅᖃᐅᑎᕚ, “ᑖᒃᑯᐊ ᐃᓄᐃᑦ ᑮᓇᐅᔧᓪᓗ ᐃᓕᖕᓄᑦ ᑐᓂᕙᒃᑲ, ᐃᓱᒪᕐᓲᑎᒋᓕᒃᑭᑦ ᓈᒻᒪᒃᑐᕆᔭᕐᓄᑦ.”

¹² ᑕᕝᕙ ᐊᖓᔪᖅᑳᕐᔪᐊᑉ ᑎᑎᕋᕐᑎᖏᑦ ᕾᖁᔭᐅᓕᕐᐳᑦ ᐅᓪᓗᐃᑦ 13ᖓᓐᓂ ᑕᖅᑮᑦ ᓯᕗᓪᓕᕐᐹᖓᓐᓂ, ᐱᖁᔭᓕᐊᖑᔪᒥᒡᓗ ᑎᑎᕋᕐᐳᑦ ᕼᐂᒪᓂᐅᑉ ᐱᖁᔨᑦᔪᑎᒋᓚᐅᕐᑕᖏᓐᓂᒃ ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᓐᓄᑦ, ᓄᓇᓖᑦ ᐊᕕᒃᑐᕐᓯᒪᓂᖏᓐᓂ ᐊᐅᓚᑦᓯᔨᓄᑦ ᑐᕌᕐᑎᑕᐅᖁᓪᓗᒋᑦ, ᐃᓄᓕᒫᓄᑦ ᐅᖃᐅᓯᖃᑎᒌᖏᑦᑐᓄᑦ ᐅᖃᐅᓯᖏᑦ ᒪᓕᒡᓗᒋᑦ. ᐊᖓᔪᖅᑳᕐᔪᐊᑉ ᐊᕼᐊᓱᐃᕋᓯᐅᑉ ᐱᔪᓐᓇᕐᓂᖓ ᐊᑐᕐᓗᒍ ᑎᑎᕋᕐᑕᐅᕗᑦ, ᓇᓗᓁᒃᑯᓯᕐᑕᐅᓪᓗᑎᒡᓗ ᐊᖓᔪᖅᑳᕐᔪᐊᑉ ᓇᒡᒍᐊᕐᒥᖓᑕ ᓇᓗᓁᒃᑯᑕᖓᓄᑦ.

¹³ ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

¹⁴ ᐱᖁᔭᓕᐊᕆᔭᐅᔪᓪᓗ ᐅᖃᕐᓯᒪᓂᖏᑦ ᐊᑦᔨᓕᐅᕐᑕᐅᓗᑎᒃ ᐅᓄᕐᓯᑎᑕᐅᖁᔭᐅᕗᑦ ᓄᓇᓖᑦ ᐊᕕᒃᑐᕐᓯᒪᔪᑦ ᐊᑐᓂᑦ ᐃᓄᓕᒫᓄᑦ ᑐᓂᔭᐅᖁᓪᓗᒋᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᖎᕐᓯᒪᖁᓪᓗᒋᑦ.

¹⁵ ᐅᓪᓚᒃᑏᓪᓗ ᑕᕝᕙᓐᖓᑦ ᐊᐅᓪᓚᕐᐳᑦ, ᑐᐊᕕᕐᓗᑎᒃ ᐊᖓᔪᖅᑳᕐᔪᐊᑉ ᐱᖁᔨᓂᖓ ᒪᓕᒡᓗᒍ, ᐱᖁᔭᕐᓗ ᑖᓐᓇ ᓴᖅᑭᑕᐅᓚᐅᕆᕗᖅ ᓲᓴᒥ ᐊᖓᔪᖅᑳᕐᔪᐊᑉ ᐃᒡᓗᖓᓂ. ᐊᖓᔪᖅᑳᕐᔪᐊᕐᓕ ᕼᐂᒪᓂᓗ ᐃᒃᓯᕙᖃᑎᒌᓕᕐᐴᒃ ᐃᒥᕐᓗᑎᒡᓗ; ᐃᒡᓗᒐᓴᒡᔪᐊᕐᒥᐅᓪᓕ ᓲᓴᒥᐅᑦ ᖁᐊᕐᓵᖓᓕᕐᑎᓪᓗᒋᑦ ᑕᒪᑐᒧᖓ.