ᐃᐱᓯᒥᐅᓄᑦ 1 - ᐊᒡᓔᑦ ᐃᑦᔪᕐᖕᓁᑦᑐᑦ

ᐱᒋᐊᕈᑎᑦ

¹ ᐸᐅᓗᓯᒥᑦ ᔩᓱᓯ ᙭ᔅᑑᓯᐅᑉ ᐋᐴᓯᑕᓕᖓᓂᑦ ᒎᑎᐅᑉ ᐱᖁᔨᓂᖓᒍᑦ; ᐃᑦᔪᕐᓁᑎᑕᐅᓯᒪᔪᓄᑦ ᐃᐱᓲᓯᒥᐅᓄᑦ, ᐅᒃᐱᕐᓂᖃᑦᓯᐊᕐᑐᓄᑦ ᔩᓱᓯ ᙭ᔅᑑᓯᒥ:

² ᒎᑎᐅᑉ ᐊᑖᑕᑦᑕ ᐊᑕᓂᑦᑕᓗ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᕐᒥᓄᑦ ᐱᔪᓐᓇᕐᑎᑦᓯᓂᒥᓂᒃ ᓮᒻᒪᕐᑎᑦᓯᓂᕐᒥᓂᒡᓗ ᑐᓂᓯᕕᒋᓕᓯ.

ᐊᓂᕐᓂᒃᑯᑦ ᓮᒻᒪᕐᑎᑕᐅᓂᖅ ᙭ᔅᑑᓯᒥ

³ ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

⁴ ᐊᒡᓛᑦ ᓯᓚᕐᔪᐊᖅ ᓴᓇᔭᐅᓚᐅᖅᑳᕐᑎᓐᓇᒍ ᒎᑎᐅᑉ ᓂᕈᐊᓚᐅᕐᐹᑎᒍᑦ ᙭ᔅᑑᓯᒃᑯᑦ, ᐃᑦᔪᕐᓁᖁᓪᓗᑕ ᐸᓯᔭᒃᓴᐅᓂᖃᖁᓇᑕᓗ ᑖᑦᓱᒪ ᓵᖓᓂ ᓇᒡᓕᖕᓂᕐᒥᒍᑦ.

⁵ ᐃᓱᒪᑖᕇᕐᓯᒪᓚᐅᕐᐳᖅ ᐃᕐᓂᕐᑖᕆᔪᒪᓪᓗᑕ ᔩᓱᓯ ᙭ᔅᑑᓯᒃᑯᑦ, ᑕᒪᓐᓇ ᑕᕝᕙ ᖁᕕᐊᒋᓪᓗᒍ ᐱᔪᒪᔭᕆᓚᐅᕐᑕᖓ.

⁶ ᒎᑎ ᓂᕐᑐᓚᐅᕐᓚᕗᑦ ᓂᕐᑐᕐᓇᕐᓂᕐᔪᐊᒥᒍᑦ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓ ᐱᑦᔪᑎᒋᓗᒍ, ᐊᑭᖃᖏᑦᑐᒥᒃ ᑐᓂᓯᕕᒋᓚᐅᕐᒪᑎᒍᑦ ᓇᒡᓕᒋᒻᒪᕆᒃᑕᒥᒍᑦ.

⁷ ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

⁸ ᑕᒪᑐᒥᖓ ᐊᖏᔪᕐᔪᐊᒥᒃ ᑐᓂᓯᕕᒋᓚᐅᕐᒪᑎᒍᑦ ᓯᓚᑐᓂᕐᔪᐊᒥᒍᑦ ᖃᐅᔨᒪᓂᕐᔪᐊᒥᒍᓪᓗ.

⁹ ᖃᐅᔨᑎᓚᐅᕐᐹᑎᒍᑦ ᓇᓗᓇᕐᑐᒥᒃ ᐃᓱᒪᒋᔭᒥᓂᒃ ᑍᒫᒃ ᖁᕕᐊᒋᔭᒥᒍᑦ ᐱᒋᐊᕐᑎᓚᐅᕐᑕᖓ ᙭ᔅᑑᓯᒃᑯᑦ.

¹⁰ ᑕᒪᓐᓇ ᐃᓱᒪᒋᓯᒪᔭᒥᓄᑦ ᐱᕕᒃᓴᓕᐊᕆᓯᒪᔭᓂ ᓈᒻᒪᑦᓯᐊᓕᕐᐸᑦ, ᓴᖅᑭᑎᑕᐅᓯᒪᔪᓕᒫᑦ ᑲᑎᑎᑦᓱᒪᓪᓗᒋᑦ ᐊᑕᐅᑦᓯᕐᒧᑦ ᙭ᔅᑑᓯᒥ, ᕿᓚᖕᒦᑦᑐᑦ ᓄᓇᒦᑦᑐᓪᓗ.

¹¹ ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.

¹² ᑍᒤᒻᒪᑦ, ᐅᕙᒍᑦ ᓂᕆᐅᒋᔭᒃᓴᖃᖅᑳᕐᓯᒪᔪᒍᑦ ᙭ᔅᑑᓯᒥ ᑍᒤᑎᑕᐅᓯᒪᕗᒍᑦ ᑎᓕᔭᐅᓪᓗᑕ ᐃᓅᖁᓪᓗᑕ ᒎᑎᐅᑉ ᐱᓐᓇᕐᓇᕐᓂᕐᔪᐊᖓᑕ ᓂᕐᑐᕐᑕᐅᓂᒃᓴᖓᓄᑦ.

¹³ ᑖᑦᓱᒨᓇ ᐃᓕᑦᓯᑦᑕᐅᖅ ᑍᒤᒃᑭᕗᓯ, ᓱᓕᔫᑉ ᐅᖃᐅᓯᐅᓂᖓᓂᒃ ᑐᓴᕐᓯᒪᔪᓯ, ᐅᖃᐅᓯᕐᓄᑦ ᑐᓴᕈᒥᓇᕐᑐᓄᑦ ᐱᐅᓕᔭᐅᕕᒃᓴᕐᑖᑎᑕᐅᓯᒪᕗᓯ, ᑖᑦᓱᒧᖓᓗ ᐅᒃᐱᓕᕋᑦᓯ, ᑕᕝᕙ ᒎᑎᐅᑉ ᓇᓗᓁᒃᑯᓯᓚᐅᕐᐹᓯ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐊᖏᕈᑕᐅᓯᒪᔪᒥᒃ.

¹⁴ ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.

ᐸᐅᓗᓯᐅᑉ ᑐᒃᓯᐊᕐᓂᖓ

¹⁵ ᑕᒪᓐᓇ ᐱᑦᔪᑎᒋᓪᓗᒍ, ᑐᓴᕐᓯᒪᓂᓐᓂᑦ ᐅᒃᐱᕐᓂᑦᓯᓐᓂᒃ ᐊᑕᓂᑦᑎᓐᓄᑦ ᔩᓱᓯᒧᑦ ᒎᑎᐅᓪᓗ ᐃᓄᖁᑎᖏᓐᓂᒃ ᓇᒡᓕᒍᓱᖕᓂᑦᓯᓐᓂᒃ,

¹⁶ ᒎᑎᒧᑦ ᖁᔭᓕᑦᔪᑎᒌᓐᓇᓕᕐᐸᑦᓯ, ᑐᒃᓯᐊᓕᕌᖓᒪᓗ ᐃᖅᑲᐅᒪᖃᑦᑕᕐᐸᑦᓯ,

¹⁷ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᒎᑎᖓ, ᐱᓐᓇᕐᓇᕐᓂᐅᑉ ᐊᑖᑕᖓ, ᑐᒃᓯᐊᕐᕕᒋᖃᑦᑕᕐᐸᕋ, ᑐᓂᓯᕕᐅᖁᓪᓗᓯ ᐊᓂᕐᓂᕐᒥᒃ ᓯᓚᑐᑎᑦᓯᔪᒥᒃ ᑐᑭᓯᑎᑦᓯᔪᒥᒡᓗ ᑖᑦᓱᒥᖓ ᖃᐅᔨᑦᓯᐊᖁᓪᓗᓯ.

¹⁸ ᐆᒻᒪᑎᓯᒍᑦ ᑕᑯᔪᓐᓇᕐᓯᑎᑕᐅᖁᕙᑦᓯ ᑖᑦᓱᒥᖓ ᑐᑭᓯᔪᓐᓇᑦᓯᐊᓕᖁᓪᓗᓯ, ᓂᕆᐅᒋᔭᒃᓴᒥᒡᓗ ᖃᐅᔨᔪᓐᓇᖁᓪᓗᓯ ᕾᖁᔭᐅᑦᔪᑎᒋᔭᑦᓯᓐᓂᒃ, ᐊᖏᕈᑎᒋᓯᒪᔭᖓᑕᓗ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᓕᐊᕆᓯᒪᔭᖓᑕ ᐱᐅᔪᕐᔪᐊᖑᓂᖓᓂᒃ,

¹⁹ ᐱᔪᓐᓇᕐᓂᕐᔪᐊᖓᑕᓗ ᐱᓇᓱᐊᕐᓂᖓᓂᒃ ᐅᕙᑦᑎᓐᓂ ᐅᒃᐱᕐᑐᓂ, ᐱᔪᓐᓇᕐᓂᕐᔪᐊᒥᒍᑦ ᐱᓇᓱᐊᕐᓯᒪᓂᖓ ᑐᓐᖓᕕᒋᓪᓗᒍ.

²⁰ ᑕᒪᓐᓇᓗ ᐱᔪᓐᓇᕐᓂᕐᔪᐊᓂ ᐊᑐᕐᓗᓂᐅᒃ ᙭ᔅᑑᓯ ᒪᑭᑎᓚᐅᕐᐹ ᑐᖁᖓᔪᓂᑦ ᑕᓕᕐᐱᖕᒥᓂᓗ ᐃᖏᑎᓚᐅᕐᐹ ᕿᓚᖕᒥ.

²¹ ᑕᕝᕙᓂ ᙭ᔅᑑᓯ ᐊᐅᓚᑦᓯᑎᑉᐹ ᕿᓚᖕᒥᐅᑦ ᐊᐅᓚᑦᓯᔨᖏᓐᓂᑦ ᑕᒤᓐᓂᑦ ᐊᔪᖏᓐᓂᕐᓴᕐᔪᐊᖑᑎᓪᓗᒍ, ᐱᔪᓐᓇᕐᑎᑕᐅᔪᓂᑦ, ᐱᔪᓐᓇᕐᓂᕐᓂᑦ, ᐊᑕᓂᐅᓂᓪᓗ; ᐊᖓᔪᖅᑲᐅᓂᖓᑕᓗ ᑍᔭᐅᑦᔪᑎᖓ ᐊᖏᓂᕐᐸᐅᕗᖅ ᓯᓚᕐᔪᐊᕐᒥ ᐊᖓᔪᖅᑲᐅᕙᒃᑐᓕᒫᓂᑦ ᑕᒤᓐᓂᑦ, ᐱᔪᒫᕐᑐᒥᓗᑦᑕᐅᖅ.

²² ᑕᒤᑕᕐᔪᐊᓪᓗ ᑖᑦᓱᒪ ᐃᑎᒐᖏᑕ ᐊᑖᓄᑦ ᐱᑎᓚᐅᕐᐰᑦ, ᑕᒤᓐᓄᓪᓗ ᓂᐊᖁᕆᔭᐅᑎᑉᐹ ᐅᒃᐱᕐᑑᖃᑎᒌᓄᑦ.

²³ ᐅᒃᐱᕐᑑᖃᑎᒌᑦ ᑎᒥᒋᖕᒪᒋᑦ, ᑖᑦᓱᒪᓗ ᐊᑕᖏᐅᒪᑦᓯᐊᕐᓂᖓᑕ ᐃᓗᒻᒥᕐᑎᑉᐰᑦ ᑕᒪᕐᒥᒃ ᓱᓇᓕᒫᑦ ᑕᒤᓐᓂ.