ᐃᓕᓯᒪᓃᑦ ᐃᒃᓖᓯᐊᓯᑏᔅ 8 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᑭᓇ ᓯᓚᑐᔪᑎᑐᑦ ᑍᒤᑉᐸ? ᖃᐅᔨᒪᔪᖅ ᓱᓇᑐᐃᓐᓁᑦ ᑐᑭᖏᓐᓂᒃ? ᐊᖑᑎᐅᑉ ᓯᓚᑐᔫᑉ ᓯᓚᑐᓂᖓᑕ ᑮᓇᖓ ᖃᐅᒪᑎᑉᐹ. ᑮᓇᖓᑕᓗ ᐃᓕᕋᓇᕐᓂᖓ ᑕᐅᑦᑐᑦᓯᐊᕆᒃᑎᑉᐹ.

ᐊᖓᔪᖅᑳᕐᔪᐊᖅ ᓈᓚᒃᓯᐅᒃ

² ᐅᖃᕐᐳᖓ, ᐊᖓᔪᖅᑳᕐᔪᐊᑉ ᐱᖁᔭᖏᑦ ᒪᓕᑦᓯᐊᒃᑭᑦ ᒎᑎᒧᑦ ᐊᖏᕐᓯᒪᓂᕆᔧᑦ ᐱᑦᔪᑎᒋᓪᓗᒍ.

³ ᑐᐊᕕᕐᓂᐊᕐᓇᒃ ᓇᔪᒐᖓᓂᑦ ᐊᓂᔪᒪᓗᑎᑦ. ᐱᐅᖏᑦᑐᒥᒡᓗ ᐱᓇᓱᐊᕐᓂᖃᕐᑐᒥᒃ ᓴᐳᑦᔨᓇᓱᐊᕐᓂᐊᕐᓇᒃ, ᐃᓱᒪᒋᔭᒥᓂᒃ ᑖᓐᓇ ᐱᓇᓱᐊᓲᖑᖕᒪᑦ.

⁴ ᐊᖓᔪᖅᑳᕐᔪᐊᑉ ᐅᖃᐅᓯᖏᑦ ᐱᔪᓐᓇᕐᓂᖃᕐᒪᑕ; ᑭᐊ ᐅᖃᐅᑎᔪᓐᓇᕐᐸᐅᒃ, “ᖃᓄᐃᓕᐅᕐᐲᑦ?”

⁵ ᑖᑦᓱᒪ ᐱᖁᔭᖏᓐᓂᒃ ᒪᓕᑦᓯᐊᕐᑐᖅ, ᑲᑉᐱᐊᓇᕐᑐᒥᒃ ᖃᐅᔨᓂᐊᓐᖏᓚᖅ; ᓯᓚᑐᔫᓪᓗ ᐆᒻᒪᑎᖓ ᖃᐅᔨᒪᓂᐊᕐᐳᖅ ᐱᕕᒃᓴᒥᒃ ᖃᓄᕐᓗ ᐱᐅᓯᖃᕆᐊᖃᕐᓂᕐᒥᒃ.

⁶ ᓱᓇᑐᐃᓐᓁᑦ ᓈᒻᒪᑦᓯᐊᕐᑐᒥᒃ ᐱᕕᒃᓴᖃᕐᐳᑦ ᓇᖕᒥᓂᕐᓗ ᐱᐅᓯᖃᕐᓗᑎᒃ; ᐃᓅᑉ ᖁᕕᐊᓱᖏᓐᓂᖓ ᐊᖏᔫᒐᓗᐊᕐᑎᓪᓗᒍ.

⁷ ᐃᓄᐃᑦ ᓇᓪᓕᐊᓐᓂᒃ ᓯᕗᓂᒃᓴᒥᒃ ᖃᐅᔨᒪᔪᖃᖏᒻᒪᑦ, ᑭᐊ ᐅᖃᐅᑎᔪᓐᓇᕐᐸᐅᒃ ᓯᕗᓂᕐᒥ ᖃᓄᐃᓐᓂᐊᕐᑐᒥᒃ?

⁸ ᐃᓄᖕᒥᒡᓗ ᓇᓕᐊᓐᓂᒃ ᐊᓄᕆᒥᒃ ᐊᐅᓚᑦᓯᔪᖃᕈᓐᓇᖏᒻᒪᑦ, ᑍᒤᒻᒪᑦ ᐅᓪᓗᒥᒡᓗ ᑐᖁᕕᒃᓴᒥᒃ ᐊᐅᓚᑦᓯᔪᖃᕈᓐᓇᖏᓐᓂᕗᖅ. ᐅᓇᑕᕐᑐᒃᓴᖅ ᓄᖅᑲᕐᑎᑕᐅᖏᒻᒪᑦ ᐅᓇᑕᕐᑎᓪᓗᒋᑦ, ᐱᐅᖏᑦᑐᓕᓂᕐᓗ ᓄᖅᑲᕐᑎᑦᓯᓂᐊᖏᓐᓂᕗᖅ ᐱᓇᓱᐊᕐᑎᒋᔭᒥᓂᒃ.

ᐱᐅᖏᑦᑐᓕᔪᑦ ᐃᓱᐊᕐᑐᓪᓗ

⁹ ᑕᒪᒃᑯᐊ ᑕᒪᕐᒥᒃ ᑕᑯᓚᐅᕐᐸᒃᑲ, ᐃᓱᒪᓐᓄᓪᓗ ᓱᓇᑐᐃᓐᓁᑦ ᐊᑐᓚᐅᕐᐸᒃᑲ ᓯᕿᓂᐅᑉ ᐊᑖᓃᑦᑐᑦ, ᐱᕕᖃᕐᒥᖕᒪᑦ ᐃᓄᒃ ᐊᓯᒥᓂᒃ ᐊᐅᓚᑦᓯᓗᓂ ᐋᓐᓂᐊᕐᓂᕐᒥᓄᑦ.

¹⁰ ᑕᑯᓚᐅᕆᕗᖓ ᐱᐅᖏᑦᑐᓕᔪᓂᒃ ᐃᓗᕕᕐᑕᐅᕙᒃᑐᓂᒃ, ᐂᕙᓚᐅᕐᑐᑦ ᐅᑎᕐᐸᒃᓗᑎᒡᓗ ᐃᑦᔪᕐᓁᑦᑐᕕᖕᒧᑦ, ᓂᕐᑐᕐᑕᐅᓪᓗᑎᒡᓗ ᓄᓇᓕᒡᔪᐊᓂ ᑍᒤᓕᐅᕐᕕᒋᓚᐅᕐᑕᒥᖕᓂ. ᑕᒪᓐᓇ ᓱᓕᓐᖏᓚᖅ.

¹¹ ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

¹² ᐊᔪᕐᑐᓕᔪᖅ ᐅᓄᕐᑐᕐᔪᐊᓂᒃ ᐱᐅᖏᑦᑐᓕᒐᓗᐊᕐᐸᑦ ᓱᓕ ᐊᑯᓂ ᐃᓅᕗᖅ, ᖃᐅᔨᒪᕗᖓᓕ ᐃᓄᐃᑦ ᒎᑎᒥᒃ ᓯᕘᕋᔪᑦ ᐱᐅᓂᕐᓴᒥᒃ ᐱᔭᐅᔪᒫᕐᒪᑕ, ᒎᑎᐅᑉ ᓵᖓᓂ ᐅᐱᒍᓱᒃᑐᑦ ᑖᑦᓱᒥᖓ.

¹³ ᐊᔪᕐᑐᓕᔪᓪᓕ ᐱᐅᔪᒥᒃ ᑐᕌᒐᖃᓐᖏᓚᑦ, ᒎᑎᒥᒃ ᓯᕘᕋᖏᒻᒪᑕ, ᐅᓪᓗᖏᑦ ᑕᑭᔫᔪᒫᓐᖏᓚᑦ ᑕᕐᕋᑐᑦ ᑕᑭᔫᔪᑐᑦ.

¹⁴ ᓱᓕ ᑐᑭᖃᖏᑦᑐᒥᒃ ᐱᑕᑲᕆᕗᖅ ᓄᓇᒥ, ᐃᓄᐃᑦ ᐃᓱᐊᕐᑐᖅ ᐱᓂᐊᕐᕕᐅᕙᖕᒥᖕᒪᑕ ᐊᔪᕐᑐᓕᔪᑦ ᐱᓂᐊᕐᕕᐅᓂᒃᓴᖏᓐᓂᒃ, ᐊᔪᕐᑐᓕᔪᓪᓗ ᐃᓱᐊᕐᑐᑦ ᐱᓂᐊᕐᕕᐅᓂᒃᓴᖏᓐᓂᒃ ᐱᓂᐊᕐᕕᐅᕙᒃᑐᑦ. ᐅᖃᕐᐳᖓ, ᑕᒪᓐᓇ ᑐᑭᖃᓐᖏᓚᖅ.

¹⁵ ᑍᒤᒻᒪᑦ ᐃᓅᓯᕐᒥᒃ ᖁᕕᐊᓲᑎᖃᖁᔨᕗᖓ, ᐃᓄᒃ ᐱᐅᓂᕐᓴᒥᒃ ᐱᔭᒃᓴᖃᖏᒻᒪᑦ ᓂᕆᓗᓂ ᐃᒥᕐᓗᓂᓗ ᖁᕕᐊᓱᒡᓗᓂᓗ. ᖁᕕᐊᓱᖕᓂᐅᑉ ᑕᕝᕙ ᐃᓚᒋᓂᐊᕐᐹ ᐱᓇᓱᐊᕐᑕᒥᓂ ᑕᒤᓐᓂ, ᐅᓪᓗᑲᕐᓂᕐᒥᓂ ᑕᒤᓐᓂ ᒎᑎᐅᑉ ᑐᓂᔭᖓᓂᒃ ᑖᑦᓱᒧᖓ ᓯᕿᓂᐅᑉ ᐊᑖᓂ.

¹⁶ ᐃᓱᒪᒐ ᐊᑐᕋᒃᑯ ᓯᓚᑐᓂᕐᒥᒃ ᑐᑭᓯᔪᒪᓪᓗᖓ ᖃᐅᔨᔪᒪᓪᓗᖓᓗ ᐱᓂᐊᕐᓂᐅᕙᒃᑐᓂᒃ ᓄᓇᒥ, ᐊᒡᓛᑦ ᐃᔩᒃ ᓯᓂᖕᓂᕐᒥᒃ ᖃᐅᔨᕙᒍᓐᓃᕐᑎᓪᓗᒋᒃ ᐅᓪᓗᑯᑦ ᐅᓐᓄᐊᒥᓗ.

¹⁷ ᑕᑯᓚᐅᕆᕗᖓ ᒎᑎᐅᑉ ᐱᓂᐊᕐᓂᕆᓯᒪᔭᖏᓐᓂᒃ ᑕᒤᓐᓂᒃ. ᓇᓪᓕᐊᑦ ᑐᑭᓯᔪᓐᓇᓐᖏᓚᖅ ᖃᓄᐃᓕᐅᕐᑐᖃᕐᒪᖔᑦ ᓯᕿᓂᐅᑉ ᐊᑖᓂ. ᐊᒃᓱᕈᕐᓗᓂ ᑐᑭᓯᓇᓱᐊᕋᓗᐊᕈᓂ, ᐃᓄᒃ ᖃᐅᔨᔪᓐᓇᖏᒻᒪᑦ ᑐᑭᖓᓂᒃ. ᓯᓚᑐᔪᖅ ᐊᒡᓛᑦ ᖃᐅᔨᒪᓂᕋᕋᓗᐊᕐᐸᑦ, ᑕᒤᓐᓂᒃ ᑐᑭᓯᔭᕇᕈᓐᓇᓐᖏᓚᖅ.