ᐃᓕᓯᒪᓃᑦ ᐃᒃᓖᓯᐊᓯᑏᔅ 12 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐱᓐᖑᕐᑎᑎᔩᑦ ᐃᖅᑲᐅᒪᓕᕈᒃ ᐃᓅᓱᒃᑑᓂᕕᑦ ᐅᓪᓗᖏᓐᓂ, ᐅᓪᓗᐃᓪᓗ ᐅᖁᒤᑦᑐᑦ ᑎᑭᓚᐅᖏᓐᓂᖏᓐᓂ, ᐅᑭᐅᓪᓗ ᐃᓱᓕᓕᕐᐸᑕ ᐅᖃᕈᒫᕋᕕᑦ, “ᑍᒃᑯᓇᓂ ᖁᕕᐊᓇᕐᑐᒥᒃ ᖃᐅᔨᓚᐅᖏᓚᖓ.”

² ᓯᕿᓂᖅ ᖃᐅᒪᔪᕐᓗ, ᑕᖅᑭᕐᓗ ᐅᓪᓗᕆᐊᓪᓗ, ᑖᕐᓯᓚᐅᕐᑎᓐᓇᒋᑦ, ᓄᕗᔧᓪᓗ ᐅᑎᓚᐅᕐᑎᓐᓇᒋᑦ ᓯᓚᓗᓚᐅᕐᑎᓪᓗᒍ;

³ ᐅᓪᓗᒃᑯᑦ ᐃᒡᓗᖃᕐᑐᑦ ᓴᔪᓕᕐᐸᑕ, ᐊᖑᑏᓪᓗ ᓴᓐᖏᔪᑦ ᐅᑯᖓᓕᕐᐸᑕ, ᓂᐊᖂᔭᒃᓴᓂᒃ ᓯᖃᓪᓕᓯᔪᑦ ᓄᖅᑲᕐᐸᑕ ᐅᓄᓐᖏᓗᐊᒧᑦ, ᐃᒐᓛᒃᑯᓪᓗ ᐃᑦᓱᐊᖓᔪᑦ ᑖᕐᓯᐅᓕᕐᐸᑕ;

⁴ ᐅᒃᑯᐊᓪᓗ ᐅᒃᑯᐊᕐᓯᒪᓕᕐᐸᑕ ᐊᖅᑯᑎᓂ, ᓯᖃᓪᓕᓯᔪᓪᓗ ᑐᓴᕐᓴᐅᑦᓯᐊᕈᓐᓃᕐᐸᑕ, ᐃᓄᐃᓪᓗ ᒪᑭᑉᐸᑕ ᑎᖕᒥᐊᕐᐸᓗᖕᒧᑦ, ᓂᑦᔭᖕᓂᖏᓪᓗ ᑐᓴᕐᓴᐅᑦᓯᐊᕈᓐᓃᕐᐸᑕ;

⁵ ᐃᓄᐃᑦ ᑲᑉᐱᐊᓱᓕᕐᐸᑕ ᐳᕐᑐᔪᒦᓐᓂᕐᒥᒃ, ᐊᖅᑯᑎᒥᓗ ᐱᓱᒋᐊᒥ ᑲᑉᐱᐊᓱᓕᕐᐸᑕ; ᓇᐹᕐᑐᖅ ᖃᖁᐊᒐᓕᒃ ᐋᓪᒪᓂᒃ ᐊᑎᓕᖕᓂᒃ ᓄᓇᕋᕐᑖᓕᕐᐸᑦ, ᐱᒡᓕᕐᑕᐅᔮᕐᑐᕐᓗ ᓱᒃᑬᑦᑑᓕᕐᐸᑦ ᐂᕕᒋᔭᒥᓄᑦ ᐃᕿᐊᓱᓕᕐᓗᓂ. ᐃᓄᒡᓗ ᐃᓂᒃᓴᒥᓄᑦ ᐃᓱᖃᖏᑦᑐᒧᑦ ᐂᒃᐸᑦ, ᐃᓄᐃᓪᓗ ᐃᓚᓐᖓᕐᓂᕐᒧᑦ ᕿᒃᓵᒃᑐᑦ ᐱᓱᑲᑕᓕᕐᐸᑕ ᐊᖅᑯᑎᒥ.

⁶ ᐊᒃᓱᓈᖅ ᓯᐅᓪᕕᕆ ᑭᐱᔭᐅᖅᑳᕐᑎᓐᓇᒍ, ᐅᕝᕙᓘᓐᓃᑦ ᒪᒃᑲᐅᔭᕐᓗ ᒎᓘᔪᖅ ᓯᖁᒥᓚᐅᖅᑳᕐᑎᓐᓇᒍ; ᐃᒥᕐᑕᐅᑎᓗ ᒪᕐᕋᖅ ᐳᐂᓚᕕᖕᒥ ᓯᖁᒥᖅᑳᕐᑎᓐᓇᒍ, ᐃᒥᕐᑕᕐᕕᖕᒥᓗ ᐊᒃᓴᓗᐊᖅ ᓱᕋᓚᐅᕐᑎᓐᓇᒍ,

⁷ ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

⁸ “ᑐᑭᖃᖏᑦᓚᖅ, ᐃᓛᒃ ᑐᑭᖃᖏᑦᓚᖅ,” ᐊᔪᕆᕐᑐᐃᔪᖅ ᐅᖃᕐᐳᖅ. “ᓱᓇᑐᐃᓐᓁᑦ ᑐᑭᖃᓐᖕᒋᓚᑦ.”

ᑭᖑᓪᓕᕐᐹᕐᓯᐅᑎᑦ

⁹ ᐊᔪᕆᕐᑐᐃᔪᖅ ᓯᓚᑐᔪᑐᐃᓐᓇᐅᓚᐅᓐᖏᓚᖅ, ᖃᐅᔨᒪᓂᕐᒥᒡᓗ ᐱᑎᑦᓯᓚᐅᕐᐳᖅ ᐃᓄᖕᓄᑦ. ᐃᓱᒪᒃᓴᕐᓯᐅᓚᐅᕐᐳᖅ ᕿᓂᕐᓗᓂᓗ ᐅᖃᐅᓯᕐᓂᒃ ᒪᓕᒐᒃᓴᓂᒃ ᐅᓄᕐᑐᓂᒃ.

¹⁰ ᐊᔪᕆᕐᑐᐃᔪᕐᓗ ᕿᓂᓚᐅᕐᐳᖅ ᐅᖃᐅᓯᕐᓂᒃ ᓈᒻᒪᓈᑦᓯᐊᕐᑐᓂᒃ, ᑎᑎᕋᕐᑕᖏᓪᓗ ᐅᒃᐱᕐᓇᕐᓗᑎᒃ ᓱᓕᑦᓯᐊᕐᓗᑎᒡᓗ.

¹¹ ᐅᖃᐅᓯᖏᓪᓗ ᕿᔪᒃᑎᑐᑦ ᓄᕗᓕᒃᑐᑦ ᐆᒪᔪᒥᒃ ᓄᓇᓕᕆᑦᔪᑎᒥᒃ ᑲᐱᓯᑦᔪᑎᑎᑐᑦ ᑍᒤᑉᐳᑦ, ᐅᖃᐅᓰᓪᓗ ᐃᓕᓯᒪᔪᑦ ᐅᖃᐅᓯᖏᑎᑐᑦ ᑭᑭᐊᖕᒧᑦ ᑲᑉᐳᑎᓯᒪᔪᑎᑐᑦ ᑍᒤᑉᐳᑦ. ᓰᐱᓕᕆᔨᒧᑦ ᐊᑕᐅᓯᕐᒧᑦ ᑐᓂᔭᐅᓯᒪᔪᑦ.

¹² ᐃᕐᓃᒃ, ᖃᐅᔨᓴᓕᕆᑦ, ᑕᒪᒃᑯᐊ ᐅᖓᑖᓂᑦᑐᓂᒃ. ᐅᖃᓕᒫᒐᒃᓴᓂᒃ ᐅᓄᕐᑐᓂᒃ ᓴᓇᓂᖅ ᐃᓱᖃᖏᒻᒪᑦ; ᐅᓄᕐᑐᓂᒡᓗ ᐃᓕᓐᓂᐊᒐᒃᓴᓂᒃ ᑐᑭᓯᓇᓱᐊᕐᓂᖅ ᑎᒥᒧᑦ ᑕᖃᓇᕐᐳᖅ.

¹³ ᒫᓐᓇᓕ ᑕᒪᒃᑯᐊ ᐃᓕᓴᐅᑏᑦ ᐃᓱᓕᓐᓂᖏᑦ ᑐᓴᕐᓚᕗᑦ: ᒎᑎ ᓯᕘᕋᒋᓯᐅᒃ, ᒪᓕᒡᓗᒋᓪᓗ ᐱᖁᔭᖏᑦ, ᑕᒪᓐᓇ ᐃᓅᑉ ᑕᒪᕐᒥᒃ ᐱᓂᐊᒐᒃᓴᕆᖕᒪᒍ.

¹⁴ ᒎᑎᐅᑉ ᑕᒤᑕ ᐱᓂᐊᕐᓃᑦ ᐃᖅᑲᕐᑐᐃᕕᖕᒧᑦ ᐱᑎᑦᓱᒫᕐᒪᒋᑦ, ᐃᔨᕐᓯᒪᔪᓪᓗ ᐊᒡᓛᑦ, ᐱᐅᔫᒐᓗᐊᕐᐸᑕ ᐱᐅᖏᑦᑑᒐᓗᐊᕐᐸᑕᓘᓐᓃᑦ.