ᐃᓕᓯᒪᓃᑦ ᐃᒃᓖᓯᐊᓯᑏᔅ 10 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐊᓇᓐᖐᑦ ᑐᖁᖓᔪᑦ ᑎᐱᑦᓯᐊᕆᒃᓴᐅᑎ ᐅᕐᓱᕐᑎᕈᑎ ᒪᒤᓕᑎᑉᐹᑦ, ᑍᒫᒃ ᓯᓔᓐᓂᐅᑉ ᒥᑭᔫᑉ ᓯᓚᑐᓂᖅ ᐅᐱᒋᔭᐅᓂᕐᓗ ᓵᓚᒋᕚᒃ.

² ᓯᓚᑐᔫᑉ ᐆᒻᒪᑎᖓ ᑕᓕᕐᐱᒧᑦ ᑐᕌᕐᒪᑦ, ᓯᓔᑦᑑᓪᓕ ᐆᒻᒪᑎᖓ ᓴᐅᒥᒧᑦ ᑐᕌᕐᐳᖅ.

³ ᐊᒡᓛᑦ ᐊᖅᑯᑎᒃᑯᑦ ᐱᓱᒃᑎᓪᓗᒍ, ᑐᑭᖃᖏᑦᑐᒥᒃ ᐱᓱᒃᐸᒃᐳᖅ, ᓯᓔᑦᑑᓂᕐᒥᓂᒃ ᑕᒤᓐᓄᑦ ᓇᓗᓁᕐᓯᓪᓗᓂ.

⁴ ᐊᖓᔪᖅᑳᒥᑦ ᓂᓐᖓᒡᕕᐅᒍᕕᑦ, ᐃᓂᖕᓂᑦ ᓅᓐᓂᐊᕐᓇᒃ, ᓮᓕᓐᓂᐅᑉ ᑕᒻᒪᕈᑎᒃᓮᑦ ᐊᖏᔪᑦ ᓄᖅᑲᕐᑎᑦᓱᓐᓇᕐᒪᒋᑦ.

⁵ ᐱᐅᖏᑦᑐᓕᓂᕐᓂᒃ ᑕᑯᓯᒪᕗᖓ ᓯᕿᓂᐅᑉ ᐊᑖᓂ, ᐊᖓᔪᖅᑳᓂᑦ ᐱᒋᐊᕐᑎᑕᐅᓯᒪᔪᓂᒃ:

⁶ ᓯᓔᑦᑐᑦ ᐃᓕᔭᐅᓯᒪᖕᒪᑕ ᐊᖓᔪᖅᑲᐅᕕᖕᓄᑦ, ᐊᔪᕐᓴᖏᑦᑐᓪᓗ ᐃᓂᖃᕆᓪᓗᑎᒃ ᓯᐊᓛᖑᓂᕐᓴᓂᒃ.

⁷ ᑕᑯᓯᒪᕗᖓ ᐱᔨᓂᒃ ᐃᑭᒪᔪᓂᒃ ᕿᒧᒃᓯᐅᑎᓂ, ᐊᖓᔪᖅᑳᕐᔪᐊᓪᓗ ᕿᑐᕐᖓᖏᓐᓂᒃ ᐱᓱᒃᑐᓂᒃ ᐱᔨᑎᑐᑦ.

⁸ ᓄᓇᒥ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᓇᓪᓕᐊᓪᓗ ᐊᕙᓗᒃᑯᑦ ᐃᑎᕐᑐᖅ ᖁᒡᓗᒋᐊᒥᑦ ᑮᔭᐅᓂᐊᕐᐳᖅ.

⁹ ᓇᓪᓕᐊᓪᓗ ᐅᔭᕋᖕᓂᒃ ᐃᒡᓗᒃᓴᓕᐅᕐᑐᖅ, ᑕᒪᒃᑯᓄᖓ ᐋᓐᓂᑐᐃᓐᓇᕆᐊᖃᕐᐳᖅ; ᓇᓪᓕᐊᓪᓗ ᓇᐹᕐᑐᕕᓂᕐᓂᒃ ᖁᓪᓗᐃᔪᖅ ᑕᒪᒃᑯᓄᖓ ᐋᓐᓂᑐᐃᓐᓇᕆᐊᖃᕆᕗᖅ.

¹⁰ ᐅᓕᒪᐅᑎ ᐃᐱᖏᑦᑑᒃᐸᑦ, ᑮᓇᖓ ᐃᐱᒃᓴᕐᓯᒪᖏᑉᐸ, ᑕᕝᕙ ᐊᒃᓱᕈᒃᑲᓐᓂᕆᐊᖃᕐᐳᖅ; ᓯᓚᑐᓂᕐᒧᓪᓕ ᐱᓇᓱᐊᕐᑍᑦ ᐊᔪᕐᓇᓐᖏᓚᖅ.

¹¹ ᖁᒡᓗᒋᐊᖅ ᑮᓯᒃᐸᑦ ᐃᓚᓐᓂᕐᓴᕐᑕᐅᖄᕋᓂ, ᑕᕝᕙ ᖁᒡᓗᒋᐊᓕᕆᔨ ᐱᕚᓪᓕᕈᑎᒃᓴᖃᓐᖏᓚᖅ.

¹² ᐅᖃᐅᓰᑦ ᓯᓚᑐᔪᒥᑦ ᐱᔪᑦ ᖁᕕᐊᒋᔭᐅᓕᕐᓇᕐᐳᑦ, ᓯᓔᑦᑐᕐᓕ ᖃᓂᕐᒥᓄᑦ ᓄᖑᑕᐅᕗᖅ.

¹³ ᐅᖃᐅᓰᑦ ᖃᓂᖓᓂᑦ ᐊᓂᔪᑦ ᓯᕗᓪᓕᕐᐹᑦ ᓯᓔᑦᑑᕗᑦ; ᑭᖑᓪᓕᕐᐹᓪᓗ ᐅᖃᐅᓯᖏᑦ ᐱᐅᖏᑦᑐᐊᓘᓪᓗᑎᒃ ᓂᓐᖓᖕᓂᐅᕗᑦ.

¹⁴ ᓯᓔᑦᑐᖅ ᐅᖃᐅᓯᕐᓂᒃ ᐅᓄᕐᑐᕈᕐᑎᑦᓯᕗᖅ. ᐃᓄᖕᒥᒡᓗ ᖃᐅᔨᒪᔪᖃᓐᖏᓚᖅ ᓱᔪᖃᕐᓂᐊᕐᒪᖔᑦ; ᑭᐊᓗ ᐅᖃᐅᑎᔪᓐᓇᕐᐹ ᑭᖑᓂᖓᓂ ᓱᔪᖃᕐᓂᐊᕐᒪᖔᑦ?

¹⁵ ᓯᓔᑦᑐᖅ ᐱᓇᓱᐊᕐᓂᖓᑕ ᑕᖃᑎᑉᐹ, ᓄᓇᓕᒡᔪᐊᓄᓪᓗ ᐂᔭᕆᐊᒥᒃ ᐊᖅᑯᑎᖓᓂᒃ ᓇᓗᕗᖅ.

¹⁶ ᑲᑉᐱᐊᓐᓇᒦᒃ ᓄᓇ, ᐊᖓᔪᖅᑳᕐᔪᐊᓯ ᓄᑕᕋᐅᒃᐸᑦ, ᐊᖓᔪᖅᑳᔪᐊᓪᓗ ᕿᑐᕐᒐᖏᑦ ᓂᕆᕕᒃᔪᐊᖃᑦᑕᕐᐸᑕ ᐅᓪᓛᑯᑦ.

¹⁷ ᑐᓱᓐᓇᕐᐳᑎᓪᓕ ᓄᓇ ᐊᖓᔪᖅᑳᕐᔪᐊᓯ ᐊᖓᔪᖅᑳᓂᑦ ᕿᑐᕐᖓᕆᔭᐅᒃᐸᑦ, ᐊᖓᔪᖅᑳᕐᔪᐊᓪᓗ ᕿᑐᕐᒐᖏᑦ ᓂᕆᕕᒃᔪᐊᕐᐸᑕ ᓇᓪᓕᐅᓐᓂᕐᓂ, ᑎᒥᐅᑉ ᓄᑭᖃᕈᑎᒃᓴᖓᓄᑦ ᐊᖓᔮᕈᒪᓂᕐᒨᖏᑦᑐᖅ.

¹⁸ ᐃᕿᐊᓱᖕᓂᕐᒧᑦ ᐃᒡᓗ ᓯᖁᒥᓕᕐᐳᖅ, ᐊᒡᒊᓪᓗ ᓱᓕᕆᖏᓐᓂᖏᓐᓄᑦ ᐃᒡᓗ ᑯᑐᓕᕐᐳᖅ.

¹⁹ ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

²⁰ ᐊᖓᔪᖅᑳᕐᔪᐊᖅ ᓇᕐᕈᓇᕐᑎᑦᑍᓕᒍᑦ, ᐃᓱᒪᑐᐃᓐᓇᑯᓪᓘᓐᓃᑦ; ᐊᔪᕐᓴᖏᑦᑐᕐᓗ ᓇᕈᓇᕐᑎᑦᑍᓕᒍᒃ, ᐃᒡᓗᕈᓯᕐᓂᓘᓐᓃᑦ ᓯᓂᒡᕕᖕᓂ; ᑎᖕᒥᐊᑦ ᖃᖓᑕᔪᑦ ᐅᖃᐅᓯᕐᑎᑦ ᑐᓴᕐᑕᐅᑎᑦᓱᓐᓇᕐᒪᒋᑦ, ᑎᖕᒥᐊᓪᓗ ᖃᖓᑕᔪᑦ ᐅᖃᐅᓯᕐᑎᑦ ᐅᖃᐅᓯᕆᔪᓐᓇᕐᒪᒋᑦ.