ᒨᓯᓯ ᑕᓪᓕᒪᖏᑦ 6 - ᐊᒡᓔᑦ ᐃᑦᔪᕐᖕᓁᑦᑐᑦ

ᐱᖁᔭᖅ ᐱᓪᓚᕆᐅᓂᕐᐸᐅᔪᖅ

¹ “ᒪᑯᐊ ᑕᕝᕙ ᐱᖁᔧᑦ ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᒋᓚᐅᕐᑕᖏᑦ ᐅᕙᓐᓄᑦ ᐃᓕᓮᑦᔪᑎᒋᔭᐅᖁᓪᓗᒋᑦ ᐃᓕᑦᓯᓐᓄᑦ. ᓈᓚᒃᑕᒃᓴᕆᕙᓯ ᑕᕝᕙᓂ ᓄᓇᒋᓂᐊᓕᕐᑕᑦᓯᓐᓂ ᓄᓇᖃᓕᕐᑎᓪᓗᓯ.

² ᑍᒫᓐᖓᑦ ᐃᓅᓂᑦᓯᓐᓂ, ᐃᓕᑦᓯ ᑭᖑᕚᓕᒫᓯᓗ ᐊᑕᓂᕐᒥᒃ ᒎᑎᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᐱᖁᔭᓕᒫᖏᓪᓗ ᓈᓚᒃᓗᒋᑦ ᐃᓕᑦᓯᓐᓄᑦ ᑐᓂᓚᐅᕐᑕᒃᑲ, ᑕᕝᕙᓂ ᓄᓇᑖᕆᓂᐊᕐᑕᑦᓯᓐᓂ ᐊᑯᓂ ᐃᓅᔪᓐᓇᖁᓪᓗᓯ.

³ ᑍᒤᒻᒪᑦ ᓈᓚᓚᐅᕐᓯᐅᒃ, ᐃᓴᕆᐊᓕᒥᐅᖑᔪᓯ, ᒪᓕᒡᓗᓯᐅᒡᓗ! ᑕᕝᕙ ᑕᒤᑎᒍᑦ ᖃᓄᐃᖏᑦᓯᐊᕐᓂᐊᕐᐳᓯ, ᐊᔪᖏᑦᑐᕐᔪᐊᖑᓗᓯᓗ ᐃᓅᖃᑎᒌᒡᔪᐊᖑᓕᕐᓂᐊᕐᐳᓯ ᐊᔪᕐᓴᕐᓇᖏᑦᓯᐊᕐᑐᒥᓗ ᓂᕿᒃᓴᖃᑦᓯᐊᕐᑐᒥᓗ ᓄᓇᖃᕐᓗᓯ, ᐊᑕᓂᖅ, ᓯᕗᓕᕕᓂᑦᑕ ᒎᑎᖓᑦ, ᑕᒪᑐᒥᖓ ᐊᖏᕈᑎᖃᕐᓯᒪᖕᒪᑦ.

⁴ “ᐃᓴᕆᐊᓕᒥᐅᖑᔪᓯ ᑐᓴᕆᑦᓯ! ᐊᑕᓂᖅ ᒎᑎᕗᑦ ᐊᑕᓂᑑᕗᖅ.

⁵ ᑖᓐᓇ ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᐆᒻᒪᑎᖕᓄᑦ ᐊᑕᖏᕐᑐᒧᑦ, ᑕᕐᓂᕐᓄᓪᓗ ᐊᑕᖏᕐᑐᒧᑦ, ᐱᔪᓐᓇᕐᓂᕐᓄᓪᓗ ᐊᑕᖏᕐᑐᒧᑦ.

⁶ ᐱᖁᔧᓪᓗ ᐃᓕᑦᓯᓐᓄᑦ ᑐᓂᔭᒃᑲ ᐅᓪᓗᒥ ᐳᐃᒍᕐᑕᒃᓴᕆᓐᖏᓚᓯ.

⁷ ᐊᔪᐃᓐᓇᕐᓗᓯ ᕿᑐᕐᖓᑦᓯᓐᓄᑦ ᐃᓕᓐᓂᐊᕐᑎᑦᓯᑦᔪᑎᒋᔭᒃᓴᕆᕙᓯ. ᑍᒧᖎᓐᓇᕆᐅᒃᓴᒐᒃᓴᕆᕙᓯᓗ ᐃᓕᓐᓂᐊᕐᓗᒋᑦ ᐊᖏᕐᕋᑦᓯᓐᓂ ᐊᐅᓪᓚᕐᓯᒪᑎᓪᓗᓯᓗ, ᓄᖅᑲᖓᑎᓪᓗᓯ ᓴᓇᑎᓪᓗᓯᓗ.

⁸ ᐊᒡᒐᐅᑎᑦᓯᓐᓂ ᓇᓗᓁᒃᑯᑕᐅᓗᑎᒃ ᕿᓚᒃᓯᒪᔪᒃᓴᐅᕗᑦ ᖃᐅᕐᒥᐅᑕᕆᓗᒋᓪᓗ ᖃᐅᕈᑎᒧᑦ ᐃᓕᓯᒪᓗᒋᑦ ᐃᖅᑬᑦᔪᑎᒃᓴᐅᖁᓪᓗᒋᑦ.

⁹ ᑎᑎᕋᕐᓯᒪᔪᒃᓴᐅᕗᓪᓗ ᐃᑎᕐᑕᕐᕕᑦᓯ ᖁᓛᓂ ᐃᒡᓗᑦᓯᓐᓂ ᐃᒡᓗᒐᓮᓪᓗ ᐊᕙᓗᕐᔪᐊᖓᑕ ᐃᑎᕐᑕᕐᕕᖏᑕ ᖁᓛᓐᓂ.”

ᓈᓚᖏᑦᑐᓄᑦ ᓯᕘᕋᒋᔭᒃᓴᑦ

¹⁰ “ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

¹¹ ᐃᒡᓗᐃᓪᓗ ᑖᒃᑯᐊ ᐱᐅᔫᑎᐊᓗᖕᓂᒃ ᑕᑕᓐᓂᐊᕐᐳᑦ ᑕᕝᕗᖓ ᐃᓕᐅᕋᓚᐅᓐᖏᑕᑦᓯᓐᓂᒃ, ᐃᒥᕐᑕᕐᕕᖃᐅᕐᓂᐊᕐᐳᓪᓗ ᐃᑎᕐᓴᓕᐊᕆᓚᐅᓐᖏᑕᑦᓯᓐᓂᒃ, ᕔᓂᒃᓴᓂᒃ ᓇᐹᕐᑐᐃᓪᓗ ᐅᕐᓱᒃᓴᓖᑦ ᐱᕈᕐᕕᖏᓐᓂᒃ ᐱᑕᖃᕈᒫᕐᐳᖅ ᑲᓐᖓᕐᓱᓚᐅᓐᖏᑕᑦᓯᓐᓂᒃ. ᐊᑕᓂᐅᑉ ᑕᕝᕗᖓ ᓄᓇᒧᑦ ᑎᑭᐅᑎᑎᒍᓂᓯ ᓂᕆᔪᒪᔪᓐᓇᕐᑕᓕᒫᑦᓯᓐᓂᒃ ᑕᒪᓐᓇ ᓄᓇ ᐱᑕᖃᕈᒫᕐᐳᖅ,

¹² ᐃᒃᐱᒍᓱᑦᓯᐊᕐᑐᒃᓴᐅᕗᓯᓕ ᐊᑕᓂᕐᒥᒃ ᐳᐃᒍᖁᓇᓯ ᓴᐳᑦᔨᔨᒋᓚᐅᕐᑕᑦᓯᓐᓂᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᑎᒍᔭᐅᓯᒪᕕᒋᓚᐅᕐᑕᑦᓯᓐᓂᑦ ᓯᐊᓛᖑᕕᒋᓚᐅᕐᑕᑦᓯᓐᓂᓪᓗ.

¹³ ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

¹⁴ ᒎᑎᒋᔭᐅᔪᓂᒃ ᑖᑦᓱᒪ ᐊᓯᐊᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᓇᓪᓕᐊᓐᓂᒡᓘᓐᓃᑦ ᖃᓂᒋᔭᑦᓯᓐᓂ ᓄᓇᖃᕐᑐᓄᑦ ᒎᑎᒋᔭᐅᔪᓂᒃ.

¹⁵ ᑖᓐᓇ ᐊᑕᓂᖅ ᒎᑎᒋᔭᓯ ᐃᓕᑦᓯᓐᓃᑦᑐᖅ ᐃᓕᑦᓯᓐᓂᒃ ᓯᖕᓇᑐᔫᖕᒪᑦ, ᐊᑕᓂᐅᑉ ᒎᑎᑦᓯ ᓂᓐᖓᐅᓯᖓᓄᑦ ᑎᑭᕝᕕᐅᖁᓇᓯ, ᐃᑯᒪᔪᒧᑦ ᓄᖑᑕᐅᔪᑎᑐᑦ ᑍᒤᖁᓇᓯ ᑕᕝᕙᓂ ᓄᓇᑦᓯᓐᓂ.

¹⁶ “ᐊᑕᓂᕐᓂᒃ ᒎᑎᖕᓂᒃ ᐆᒃᑐᕐᓗᐃᔪᒃᓴᐅᓐᖏᓚᑎᑦ, ᑍᒫᒃ ᐆᒃᑐᕐᓗᐃᓚᐅᕐᓂᑦᓯᑐᑦ ᓄᓇᒥ ᒫᓴᒥ.

¹⁷ ᐊᑕᓂᐅᑉ ᒎᑎᑦᓯ ᐱᖁᔭᓕᒫᖏᑦ ᓈᓚᒃᑕᒃᓴᕆᕙᓯ ᐃᓕᑦᓯᓐᓄᑦ ᑐᓂᓯᒪᔭᖏᑦ.

¹⁸ ᐊᑕᓂᐅᑉ ᓵᖓᓂ ᐃᓅᑦᓯᐊᕐᑐᒃᓴᐅᕗᓯ ᐱᑦᓯᐊᕐᑐᒃᓴᐅᓪᓗᓯᓗ, ᑕᒤᑎᒍᑦ ᖃᓄᐃᖏᑦᓯᐊᖁᓪᓗᓯ. ᐊᑕᓂᐅᑉ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᔭᖓᓂᒃ ᓄᓇᑦᓯᐊᕙᖕᒥᒃ ᓄᓇᑖᕈᓐᓇᖁᓪᓗᓯ,

¹⁹ ᑕᕝᕙᓂ ᓄᓇᖃᕐᑐᑐᕾᑦ ᐊᑭᕋᓯ ᐊᒡᕔᕐᑎᖔᕐᓗᒋᑦ, ᐊᑕᓂᐅᑉ ᑕᒪᑐᒥᖓ ᑍᒫᒃ ᐊᖏᕐᕕᒋᓯᒪᖕᒪᓯ.

²⁰ “ᓯᕗᓂᕆᔪᒫᕐᑕᑦᓯᓐᓂ ᕿᑐᕐᖓᑦᓯᓐᓄᑦ ᐊᐱᕆᔭᐅᒐᔭᕈᑦᓯ, ‘ᓱᖕᒪᑦ ᐊᑕᓂᐅᑉ ᒎᑎᑦᑕ ᐱᖁᔭᓂᒃ ᑕᒪᒃᑯᓂᖓ ᒪᓕᖁᓯᒪᕚᑎᒎᑦ?’

²¹ ᑕᕝᕙ ᕿᑐᕐᖓᑦᓯᓐᓄᑦ ᑭᐅᔪᒃᓴᐅᕗᓯ, ‘ᐰᕉᒧᑦ ᐃᓖᔭᕆᔭᐅᓚᐅᕋᑦᑕ ᐄᑦᔨᑉᑎᒥ, ᐊᑕᓂᐅᓪᓕ ᐄᑦᔨᑉᑎᒥᑦ ᓴᐳᑎᓚᐅᕐᐹᑎᒍᑦ ᐱᔪᓐᓇᕐᓂᕐᔪᐊᒥᓄᑦ.

²² ᓇᖕᒥᓂᖅ ᑕᑯᓐᓇᕐᑎᓪᓗᑕ ᓇᓗᓁᒃᑯᑕᕐᓂᒃ ᑲᒪᓇᕐᑐᓂᒡᓗ ᐊᖏᔪᕐᔪᐊᓂᒃ ᑲᑉᐱᐊᓇᕐᑐᓂᒡᓗ ᐱᓇᓱᐊᖃᑦᑕᓚᐅᕐᐳᖅ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᖓᓄᓪᓗ ᐊᖓᔪᖅᑳᖁᑎᖏᓐᓄᓪᓗ.

²³ ᐄᑦᔨᑉᑎᒥᐅᓂᑦ ᐊᓂᑎᓪᓗᑕ ᑕᒪᐅᖓ ᓄᓇᒧᑦ ᐱᑎᓚᐅᕐᐹᑎᒍᑦ ᑕᒪᑐᒥᖓᓗ ᓄᓇᑖᕐᑎᓪᓗᓂᑎᒍᑦ, ᑕᒪᓐᓇ ᓯᕗᓕᕕᓂᑦᑎᓐᓄᑦ ᐊᖏᕈᑎᒋᓯᒪᓚᐅᕐᒪᒍ ᑐᓂᓛᕐᓂᐊᕐᓂᕋᕐᓗᒍ.

²⁴ ᐊᑕᓂᐅᓪᓗ ᐱᖁᓚᐅᕐᐹᑎᒍᑦ ᒪᓕᖁᓪᓗᑕ ᐱᖁᔨᑦᔪᑎᓕᒫᖏᓐᓂᒃ ᐅᐱᒋᑦᓯᐊᕐᓗᒍᓗ, ᐊᑕᓂᖅ ᒎᑎᕗᑦ ᓯᕘᕋᒋᓗᒍ ᑕᕝᕙ ᑍᒤᒍᑦᑕ, ᐃᓅᖃᑎᒌᒡᔪᐊᖑᓂᕗᑦ ᑍᒫᓐᖓᑦ ᑲᒪᒋᑦᓯᐊᕐᓂᐊᕐᐰᑦ ᐱᕙᓪᓕᐊᑎᑦᓯᐊᕐᓗᓂᒋᓪᓗ.

²⁵ ᑕᕝᕙ ᑕᒪᒃᑯᓂᖓᓕᒫᖅ ᒪᓕᑦᓯᐊᕈᑦᑕ ᒎᑎᐅᑉ ᒪᓕᒃᑕᐅᖁᓯᒪᔭᖏᓐᓂᒃ, ᖁᕕᐊᒋᓂᐊᕐᐹᑎᒍᑦ.’”