ᒨᓯᓯ ᑕᓪᓕᒪᖏᑦ 3 - ᐊᒡᓔᑦ ᐃᑦᔪᕐᖕᓁᑦᑐᑦ

ᐃᓴᕆᐊᓕᒥᐅᑦ ᓵᓚᖃᕐᓂᖓᑦ ᐊᖓᔪᖅᑳᕐᔪᐊᕐᒥᒃ ᐋᒡᒋᒥᒃ

¹ “ᑭᖑᓂᖓᒍᑦ ᐅᓐᓄᐊᓪᓗᐊᑉ ᓇᓛᓄᑦ ᐂᕙᓪᓕᐊᓚᐅᕐᐳᖑᑦ ᓄᓇᓖᑦ ᐹᓴᓂᒥᒃ ᐊᑎᓕᐅᑉ ᓇᓛᓄᑦ, ᐊᖓᔪᖅᑳᕐᔪᐊᕐᓗ ᐋᒡ ᐅᐸᒍᑎᓚᐅᕐᐳᖅ ᐅᕙᑦᑎᓐᓄᑦ ᐃᓄᖁᑎᓕᒫᓂ ᐃᓚᒋᓪᓗᒋᑦ ᐅᓇᑕᕆᐊᕐᑐᕐᓗᓂ ᐅᕙᑦᑎᓐᓂᒃ ᓄᓇᓖᑦ ᐃᑐᕆᐂᒥᐅᑦ ᖃᓂᒋᔮᓂ.

² ᐊᑕᓂᐅᓪᓕ ᐅᖃᐅᑎᓚᐅᕐᐹᖓ, ‘ᑖᓐᓇ ᓯᕘᕋᒋᓂᐊᕐᓇᒍ, ᐃᓕᖕᓄᑦ ᑐᓂᓂᐊᕋᒃᑯ, ᐊᖑᑎᖁᑎᖏᑦ, ᓄᓇᖁᑎᓕᒫᖓᓗ ᐊᑕᖏᕐᓗᒍ. ᑍᒫᑦᓮᓐᓇᖅ ᐱᓇᓱᐊᕐᕕᒋᓂᐊᕐᐸᓯ ᓮᕼᐆᓂ ᐊᒧᕅᑎᒃᑯᑦ ᐊᖓᔪᖅᑳᕐᔪᐊᖓᑦ ᓄᓇᒥ ᕼᐃᓴᐸᓂᒥ ᓄᓇᖃᕐᑐᖅ ᑍᒤᓕᐅᕐᕕᒋᓚᐅᕋᑦᓯᐅᒃ.’

³ “ᐊᑕᓂᐅᑦᑕᐅᖅ ᒎᑎᑦᑕ ᐊᖓᔪᖅᑳᕐᔪᐊᖅ ᐋᒡ ᐹᓴᓂᒥ ᐊᖓᔪᖅᑳᕐᔪᐊᖑᔪᖅ ᐃᓄᖁᑎᖏᓪᓗ ᐅᕙᑦᑎᓐᓄᑦ ᑐᓂᓚᐅᕐᐰᑦ, ᑖᒃᑯᐊᓕᒫᑦ ᑐᖁᓚᐅᕐᐸᕗᑦ ᐊᒥᐊᒃᑯᖏᑦᓯᐊᕐᓗᒋᑦ.

⁴ ᑍᑦᓱᒪᓂᑦᓮᓐᓇᖅ ᑖᒃᑯᐊ ᐃᒡᓗᒐᓴᖁᑎᓕᒫᖏᑦ ᓵᓚᒋᓚᐅᕐᐸᕗᑦ, ᐃᒡᓗᒐᓮᑦ ᐊᒥᐊᒃᑯᑕᖃᓚᐅᓐᖏᓚᑦ ᐱᓯᒪᓐᖏᑕᑦᑎᓐᓂᒃ. ᐃᒡᓗᒐᓴᓕᒫᑦ ᓵᓚᒋᔭᕗᑦ 60ᐅᓚᐅᕐᐳᑦ ᐊᑕᖏᕐᓗᒋᑦ, ᓄᓇᐅᑉ ᐋᕐᒎᑉ ᐃᓗᐊᓃᑦᑐᓕᒪᑦ, ᐊᖓᔪᖅᑳᕐᔪᐊᑉ ᐋᒡᒋᐅᑉ ᐊᖓᔪᖅᑲᐅᕕᒋᔭᖓᓃᑦᑐᑦ ᐹᓴᓂᒦᑦᑐᓕᒫᑦ.

⁵ ᑖᒃᑯᐊ ᐃᒡᓗᒐᓮᑦ ᐱᔭᐅᑦᔧᕐᓯᒪᓚᐅᕐᐳᑦ ᐳᕐᑐᔪᓂᒃ ᐊᕙᓗᕐᔪᐊᖃᕐᓗᑎᒃ, ᐃᑎᕐᑕᕐᕕᒃᔪᐊᖃᕐᓗᑎᒃ, ᐃᑎᕐᑕᕐᕕᖏᓪᓗ ᓴᕕᕋᔭᖕᓂᒃ ᐃᑳᖓᔪᓂᒃ ᓴᓐᓂᕈᐊᖃᕐᓗᑎᒃ, ᐃᓚᖏᓪᓕᑦᑕᐅᖅ ᐃᒡᓗᒐᓮᑦ ᐅᓄᕐᑐᑦ ᐊᕙᓗᕐᔪᐊᖃᓚᐅᓐᖏᓚᑦ.

⁶ ᐃᒡᓗᒐᓴᓕᒫᑦ ᓄᖑᑦᓯᐊᓚᐅᕐᐸᕗᑦ ᐃᓄᓕᒫᖏᓪᓗ ᑐᖁᕋᕐᓗᒋᑦ ᐊᖑᑎᑦ, ᐊᕐᓁᑦ, ᓄᑕᖅᑲᑦ, ᑍᒫᑦᓮᓐᓇᖅ ᑍᒤᓕᐅᓚᐅᕐᒥᒐᑦᑕ ᐊᖓᔪᖅᑳᕐᔪᐊᕐᒧᑦ ᓮᕼᐆᓂᒧᑦ ᕼᐃᓴᐸᓂᒥᐅᒧᑦ.

⁷ ᐃᒡᓗᒐᓴᒡᔪᐊᕐᒥᐅᑦ ᐆᒪᔪᖁᑎᓕᒫᖏᑦ ᑎᒍᓚᐅᕐᐸᕗᑦ ᐱᖁᑎᓕᒫᖏᓪᓗ ᐱᑖᕆᓪᓗᑎᒍ.

⁸ “ᑍᑦᓱᒪᓂᐅᑎᓪᓗᒍ ᐊᖓᔪᖅᑳᕐᔪᐊᖕᓂᑦ ᒪᕐᕉᖕᓂᑦ ᐊᒧᕅᑎᒥᐅᖕᓂᑦ ᓄᓇᑖᓚᐅᕐᐳᒍᑦ ᑰᑉ ᔪᐊᕐᑕᓂᐅᑉ ᑕᓕᕐᐱᐊᓃᑦᑐᓕᒫᖅ ᐊᑕᖏᕐᓗᒍ, ᐋᕐᓄᓂᐅᑉ ᑰᖓᓂᑦ ᐱᒋᐊᕐᓗᒍ ᖃᖅᑲᒧᑦ ᕼᐊᕐᒪᓐᒧᑦ ᑎᑭᓪᓗᒍ.

⁹ (ᖃᖅᑲᖅ ᕼᐊᕐᒪᓐ ᓮᑑᓂᐊᒥᐅᓂᑦ ᐊᑎᖃᕐᑎᑕᐅᓚᐅᕐᐳᖅ ᓯᕅᐊᓂᒥᒃ, ᐊᒧᕅᑎᒥᐅᓂᑦ ᐊᑎᖃᕐᑎᑕᐅᒋᓪᓗᓂ ᓯᓂᐊᕐᒥᒃ.)

¹⁰ ᓄᓇᑖᕆᓚᐅᕐᐸᕗᑦ ᐊᖓᔪᖅᑳᕐᔪᐊᑉ ᐋᒡᒋᐅᑉ ᐹᓴᓂᒥᐅᑕᐅᑉ ᐊᖓᔪᖅᑲᐅᕕᒋᓚᐅᕐᑕᓕᒫᖏᑦ: ᐃᒡᓗᒐᓮᑦ ᓇᑎᕐᓇᒦᑦᑐᑦ, ᓄᓇᓖᓪᓗ ᒋᓕᐊᑎᐅᑉ ᖃᓂᒋᔮᓃᑦᑐᑦ ᐹᓴᓂᒦᑦᑐᓪᓗ, ᑖᒃᑯᐊᓗ ᑕᓕᕐᐱᐊᓃᑦᑐᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᑦ ᐅᖓᓯᒃᑐᒦᑦᑐᒃ ᐊᒡᓛᑦ ᓄᓇᓖᑦ ᓴᓕᑲᒥᐅᑦ ᐃᑐᕆᐂᒥᐅᓪᓗ ᑎᑭᓪᓗᒋᑦ.”

¹¹ (ᐊᖓᔪᖅᑳᕐᔪᐊᖅ ᐋᒡ ᐹᓴᓂᐅᑉ ᐊᖓᔪᖅᑳᕐᔪᐊᖓ ᐊᒥᐊᒃᑯᑐᐊᖑᓚᐅᕐᐳᖅ ᕆᐰᒥᐅᓂᑦ; ᐃᓗᕕᖓ, ᓴᕕᕋᔭᐅᓚᐅᕐᐳᖅ, ᑕᑭᓂᖃᓚᐅᕐᐳᖅ 13ᓂᒃ ᐃᑎᒐᖕᓂᒃ ᓯᓕᖕᓂᖃᕐᓗᓂᓗ 6ᓂᒃ ᐃᑎᒐᖕᓂᒃ ᐆᒃᑐᕋᐅᑎᓪᓚᕆᐅᓲᑦ ᒪᓕᒡᓗᒋᑦ. ᓱᓕ ᑕᑯᔭᒃᓴᐅᕗᖅ ᐊᒧᓁᑎᒥᐅᑦ ᐃᒡᓗᒐᓴᖏᓐᓂ ᕌᐸᒥ.)

ᑭᖑᕚᕇᑦ ᓄᓇᑖᕐᓂᖓᑦ ᔪᐊᕐᑕᓂᐅᑉ ᑕᓕᕐᐱᐊᓂ

¹² “ᑍᑦᓱᒪᓂᐅᑎᓪᓗᒍᓕ ᓄᓇᑖᕋᑦᑕ ᑕᒪᑐᒥᖓ, ᑕᒪᓐᓇ ᓄᓇᑖᕆᔭᐅᑎᓚᐅᕐᐸᕋ ᐊᒡᒍᕐᑕᐅᑎᓪᓗᒍ ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᓚᐅᕐᐳᖅ ᓄᓇᓕᖕᓂᑦ ᐊᕈᐃᕆᒥᐅᓂᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᑕ ᖃᓂᒋᔮᓄᑦ ᑎᑭᓯᒪᓪᓗᓂ ᓄᓇᓖᓪᓗ ᒋᓕᐊᑎᐅᑉ ᖃᖅᑲᖏᑦ ᐱᖃᓯᐅᑎᒐᓚᒃᓱᒋᑦ, ᐃᒡᓗᒐᓴᖏᓪᓗ ᐱᖃᓯᐅᑎᓪᓗᒋᑦ.

¹³ ᒫᓇᓯᐅᑉ ᑭᖑᕚᖏᑕ ᐃᓚᖏᑦ ᓄᓇᑖᕐᑎᓚᐅᕆᕙᒃᑲ ᒋᓕᐊᑎᐅᑉ ᐃᓚᖓᓂᑦ ᐱᒋᐊᕐᓗᒋᑦ ᓄᓇᓖᑦ ᐹᓴᓂᓕᒫᖅ ᐱᖃᓯᐅᑎᓪᓗᒍ, ᐊᖓᔪᖅᑳᕐᔪᐊᑉ ᐋᒡᒋᐅᑉ ᐊᐅᓚᓚᐅᕐᑕᓕᒫᖏᑦ, ᑕᒪᓐᓇ ᓄᓇ ᐋᕐᒍᑉᓕᒫᖅ ᐊᑕᖏᕐᓗᒍ.” (ᐹᓴᓂ ᐊᑎᖃᕐᑎᑕᐅᕙᓚᐅᕐᒪᑦ ᕆᐰᒥᐅᑦ ᓄᓇᖓᓂᒃ.

¹⁴ ᔧᕆ ᒫᓇᓯᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᓄᓇᑖᓚᐅᕆᕗᖅ ᓄᓇ ᐊᕐᒎᓕᒫᖅ ᐊᑕᖏᕐᓗᒍ, ᒪᑯᐊ ᐹᓴᓂᒥᑦ ᐱᒋᐊᕐᓗᒍ ᓄᓇᓖᑦ ᒋᓱᕅᒥᐅᑦ ᒫᑲᑍᑎᒥᐅᓪᓗ ᑎᑭᓪᓗᒋᒃ. ᑕᒪᓐᓇᓕ ᓄᓇᑖᓂ ᐊᑦᓯᓚᐅᕐᐹ ᓇᖕᒥᓂᖅ ᐊᑎᕐᒥᓂᒃ, ᓱᓕ ᑍᔭᐅᕙᒃᐳᖅ ᔨᐊᕐᒧᑦ ᓄᓇᒋᔭᐅᓂᕋᕐᑕᐅᓪᓗᓂ.)

¹⁵ “ᓄᓇ ᒋᓕᐊᑎ ᓄᓇᑖᕆᔭᐅᑎᓚᐅᕆᕙᕋ ᒪᑬᕆᐅᑉ ᐃᓚᖏᓐᓄᑦ ᒫᓇᓯᐅᑉ ᑭᖑᕚᒋᔭᖏᑕ ᐃᓚᒋᔭᖏᓐᓄᑦ.

¹⁶ ᕉᐱᓂᐅᑉ ᒑᑎᐅᓪᓗ ᑭᖑᕚᖏᓐᓄᑦ ᓄᓇᑖᕆᔭᐅᑎᓚᐅᕆᕙᕋ ᓄᓇᒥᑦ ᒋᓕᐊᑎᒥᑦ ᐱᒋᐊᕐᓗᒍ ᐋᕐᓄᓂᐅᑉ ᑰᖓᓄᑦ ᑎᑭᓪᓗᒍ. ᑕᒪᑐᒪ ᑰᑉ ᕿᑎᖓᓂᑦ ᐱᒋᐊᕐᓗᒍ ᑕᒪᓐᓇ ᓯᕿᓂᐅᑉ ᓇᓛᓃᓐᓂᕐᐹᑉ ᑭᒡᓕᒋᔭᐅᓚᐅᕐᐳᖅ, ᑕᒫᓐᖓᓪᓗ ᐱᒋᐊᕐᓗᒍ ᐅᓐᓄᐊᓪᓗᐊᑉ ᓇᓛᓃᑦᑐᖅ ᐃᓱᒋᓚᐅᕆᕚ ᔭᐴᑭᐅᑉ ᑰᖓ ᑎᑭᓪᓗᒍ, ᑕᒪᓐᓇ ᐊᒧᓁᑎᒃᑯᑦ ᓄᓇᖁᑎᖓᑕ ᑭᒡᓕᒋᓚᐅᕐᑕᖓᑕ ᐃᓚᖓᓄᑦ ᑎᑭᐅᒪᓪᓗᓂ.

¹⁷ ᓴᐅᒥᐊᓃᑦᑐᕐᓕ ᓄᓇᑖᕆᔭᖓᑦᑕ ᓯᕿᓂᐅᑉ ᓂᐱᕕᐊᑕ ᓇᓛᓃᑦᑐᖅ ᐱᒋᐊᕐᕕᖃᕆᕗᖅ ᔪᐊᕐᑕᓂᐅᑉ ᑰᖓᓄᑦ ᑎᑭᐅᒪᓪᓗᒍ, ᓯᓂᕆᑎᒥᑦ ᑕᓯᕐᒥᑦ ᐱᒋᐊᕐᓗᓂ ᑕᓕᕐᐱᐊᒍᑦ ᑕᐅᓄᖓ ᐃᒪᕐᒧᑦ ᑕᕆᐅᕐᒧᑦ ᑎᑭᐅᒪᓪᓗᓂ ᓯᑭᓂᐅᑉ ᓇᓛᓃᑦᑐᒧᑦ ᑕᓕᕐᐱᐊᓄᓪᓗ ᐱᔅᒐᐅᑉ ᖃᖅᑲᖓᑕ ᑭᒡᓕᖓᓄᑦ ᑎᑭᐅᒪᓪᓗᓂ.

¹⁸ “ᐊᒻᒪᑦᑕᐅᖅ ᑍᑦᓱᒪᓂᑦᓮᓐᓇᖅ ᐅᖃᐅᑦᔨᓚᐅᕆᕗᖓ ᑖᒃᑯᓂᖓ ᐃᒤᓕᔪᓂᒃ: ‘ᐊᑕᓂᐅᑉ ᒎᑎᑦᑕ ᑕᒪᑐᒥᖓ ᓄᓇᒥᒃ ᑐᓂᓯᕕᒋᓯᒪᖕᒪᓯ ᔪᐊᕐᑕᓂᐅᑉ ᑰᖓᑕ ᑕᓕᕐᐱᐊᓃᑦᑐᒥᒃ ᐃᓕᑦᓯᓐᓄᑦ ᓄᓇᒋᔭᐅᖁᓪᓗᒍ. ᒫᓐᓇᓕ ᐊᖑᑎᑦ ᐅᓇᑕᕈᓐᓇᕐᑐᖁᑎᓯ ᐅᓇᑕᐅᑎᒃᓴᓂᒃ ᓇᒃᓴᕐᓗᑎᒃ ᑎᓕᓕᕐᓯᐅᒃ ᔪᐊᕐᑕᓂᐅᑉ ᑰᖓ ᐃᑳᕐᓗᒍ ᐃᓴᕆᐊᓕᒥᐅᖑᖃᑎᓯ ᐅᐸᒡᓗᒋᑦ ᐃᑲᔪᕆᐊᓕᕐᓯᒋᒃ, ᐃᑲᔪᕐᓂᐊᕋᑦᓯᐅᒃ ᓄᓇᑖᕋᓱᐊᓕᕐᑎᓪᓗᒋᑦ.

¹⁹ ᓄᓕᐊᓯ ᑭᓯᐊᓂ, ᓄᑕᖅᑲᓯᓗ, ᐃᓅᑦᔪᑎᒃᓴᕆᔭᓯᓗ ᖃᐅᔨᒪᒐᒪ ᐆᒪᔪᖁᑎᓕᐊᓘᒐᑦᓯ ᐃᓅᑦᔪᑎᒃᓴᐅᔪᓂᒃ ᑖᒃᑯᑐᐊᑦ ᓄᓇᓕᖕᓂ ᐊᒥᐊᒃᑰᓂᐊᕐᐳᑦ ᐃᓕᑦᓯᓐᓄᑦ ᓄᓇᑖᕆᔭᐅᑎᓯᒪᔭᓐᓂ.

²⁰ ᐃᓴᕆᐊᓕᒥᐅᖑᖃᑎᓯ ᐃᑲᔪᓚᐅᕐᓯᐅᒃ ᓄᓇᑖᕋᓱᐊᕐᓂᖏᓐᓂ ᐊᑕᓂᐅᑉ ᒎᑎᑦᓯ ᑐᓂᓚᐅᕐᑕᖓᓂᒃ ᔪᐊᕐᑕᓂᐅᑉ ᑰᖓᑕ ᓴᐅᒥᐊᓃᑦᑐᒥᒃ ᓄᓇᑖᑦᓯᐊᓚᐅᖏᓐᓂᓕᒫᖏᓐᓂ ᐊᒻᒪᓗ ᑕᒫᓂ ᐅᓇᑕᕆᐊᖃᕈᓐᓁᓚᐅᖏᓐᓂᖏᓐᓂ, ᐃᓕᑦᓯᓐᓄᑦ ᑍᒫᒃ ᐱᓇᓱᐊᕇᓚᐅᕐᒪᑦ ᑕᒪᑐᒥᖓ ᓄᓇᒥᒃ ᓇᔪᓕᕐᑕᑦᓯᓐᓂᒃ. ᑕᒪᑐᒪᓕ ᑭᖑᓂᖓᒍᑦ ᑕᒪᓐᓇ ᐊᓂᒍᕐᐸᑦ ᑕᒪᐅᖓ ᐃᓕᑦᓯᓐᓄᑦ ᓄᓇᑖᕆᔭᐅᑎᓚᐅᕐᑕᓐᓄᑦ ᐅᑎᕈᓐᓇᕐᓯᓛᕆᕗᓯ.’

²¹ “ᑕᕝᕙ ᔮᓱᐊ ᐃᒤᓕᐅᕆᐊᖃᕐᓂᖓᓂᒃ ᐅᖃᐅᑎᓕᓚᐅᕆᕙᕋ: ‘ᐃᓘᓐᓈᓂᒃ ᑕᑯᓯᒪᓕᕋᕕᑦ ᐊᑕᓂᐅᑉ ᒎᑎᕕᑦ ᐱᓇᓱᐊᕐᓂᕆᓚᐅᕐᑕᖓᓂᒃ ᐊᖓᔪᖅᑳᕐᔪᐊᖕᓄᑦ ᒪᕐᕉᖕᓄᑦ, ᓯᕼᐅᓐᒧᑦ ᐊᒡᒋᒧᓪᓗ; ᑍᒫᑦᓮᓐᓇᖅ ᓱᓕ ᐱᓇᓱᐊᕐᓂᐊᕐᐳᖅ ᐅᐸᒡᓗᒋᑦ ᓄᓇᒥᒃ ᐊᕐᓵᕐᓂᕕᒋᓇᓱᐊᕐᑕᓕᒫᑦᓯᓐᓄᑦ.

²² ᑖᒃᑯᐊ ᓯᕘᕋᒋᓂᐊᕐᓇᒋᑦ, ᐊᑕᓂᐅᑉ ᒎᑎᕕᑦ ᐅᓇᑕᕈᑎᓂᐊᕐᒪᑎᑦ.’”

ᒨᓯᓯᐅᑉ ᐃᑎᖁᔭᐅᖏᓐᓂᖓ ᓄᓇᒧᑦ ᑬᓇᓂᒧᑦ

²³ “ᑍᑦᓱᒪᓂᐅᑎᓪᓗᒍᑦᑕᐅᖅ ᐊᒃᓱᕈᕐᓗᖓ ᑐᒃᓯᐊᓚᐅᕆᕗᖓ ᐅᖃᕐᓗᖓ,

²⁴ ‘ᐊᑕᓃᖅ ᒎᑏ ᐊᔪᒐᖃᖏᑦᑐᑎᑦ, ᖃᐅᔨᒪᔪᖓ ᑕᑯᑎᓯᒪᒐᕕᖓ ᐃᓔᓐᓇᑯᓗᐊᓂᒃ ᐱᒋᐊᕐᓂᑐᐃᓐᓇᖓᓂᒡᓗ ᐊᖏᔪᐊᓘᓂᕐᐱᑦ ᐱᐅᔪᐊᓘᓂᕐᐱᓪᓗ ᐱᓇᓱᐊᕈᒫᕐᑕᖓᓂᒃ. ᐊᓯᖕᓂᒃ ᒎᑎᑕᖃᖏᒻᒪᑦ ᕿᓚᖕᒥ ᓄᓇᒥᓗ ᐃᓕᒃᑐᑦ ᑍᒫᒃ ᐊᔪᒐᖃᖏᑦᑑᑎᒋᔪᒥᒃ ᐱᓇᓱᐊᕈᓐᓇᕐᑎᒋᔪᒥᒡᓗ ᐱᓇᓱᐊᖃᑦᑕᕐᓯᒪᔭᕐᑐᑦ ᐱᓕᕆᔪᓐᓇᕐᑎᒋᔪᒥᒃ!

²⁵ ᐊᑕᓃᖅ, ᐃᑳᕈᓐᓇᕐᑎᓚᐅᓐᖓ ᑰᖕᒥᒃ ᔪᐊᕐᑕᓂᒥᒃ, ᓄᓇᓗ ᐱᕈᕐᑐᖃᑦᓯᐊᕐᑐᖅ ᑕᑯᓗᒍ ᑕᒪᑐᒪ ᑰᑉ ᐊᑭᐊᓃᑦᑐᖅ, ᖃᖅᑬᓪᓗ ᑕᑯᒥᓇᕐᓂᐊᓗᖏᓐᓂᒃ ᑕᑯᑎᓪᓗᖓ ᓕᐸᓇᓂᐅᓪᓗ ᖃᖅᑲᖏᓐᓂᒃ.’

²⁶ “ᐃᓕᑦᓯᓕ ᐃᓅᔪᓯ ᐱᑦᔪᑎᒋᓪᓗᓯ ᐊᑕᓂᐅᑉ ᓂᓐᖓᐅᑎᓯᒪᓚᐅᕐᐹᖓ ᑐᓴᓚᐅᓐᖏᓛᖓᓗ. ᐃᒫᖔᕐᓕ ᐅᖃᓚᐅᕐᐳᖅ, ‘ᑍᒤᓕᐅᕈᓐᓁᕆᑦ! ᑍᒫᒡᓗ ᑕᒪᑐᒥᖓ ᐅᖃᒃᑲᓐᓂᕈᓐᓁᕆᑦ!

²⁷ ᖃᖅᑲᐅᓪᓕ ᐱᔅᒐᐅᑉ ᖄᖓᓄᑦ ᒪᔪᕋᓕᕆᑦ ᐅᓐᓄᐊᓪᓗᐊᓪᓗ ᓇᓛᓄᑦ ᑕᑯᓗᑎᑦ ᓯᕿᓂᐅᓪᓗ ᓇᓛᓄᑦ ᑕᑯᖕᒥᓗᑎᑦ, ᓯᕿᓂᐅᓪᓗ ᓄᐃᕕᐊᓄᑦ ᓂᐱᕕᐊᓄᓪᓗ. ᑕᑯᔭᑎᑦ ᑕᑯᑦᓯᐊᕐᓗᒋᑦ ᐃᒃᐱᒋᑦᓯᐊᒃᑭᑦ, ᑕᒪᑐᒥᖓ ᑰᖕᒥᒃ ᔪᐊᕐᑕᓂᐅᑉ ᑰᖓᓂᒃ ᐃᑳᓚᐅᕐᓯᒪᓂᐊᖏᓐᓇᕕᑦ.

²⁸ ᔮᓱᐊᓕ ᒪᓕᒐᒃᓴᖏᓐᓂᒃ ᐅᖃᐅᑎᓂᐊᓕᕐᐸᑦ. ᐱᓇᓱᐊᕐᓂᕆᔪᒪᔭᖓᓂᒃ ᐃᑲᔪᕐᑐᑦᓯᐊᕐᓗᒍ, ᑖᑦᓱᒪ ᐃᓄᐃᑦ ᑕᓯᐅᕈᒫᕐᒪᒋᑦ ᑕᒪᐅᖓ ᓄᓇᒧᑦ ᐃᑳᖁᓪᓗᒋᑦ ᑕᒪᑐᒧᖓ ᑕᑯᓯᒪᔭᕐᓄᑦ.’

²⁹ “ᑍᒤᒻᒪᑦ ᓅᓚᐅᓐᖏᓚᒍᑦ ᓇᕐᓴᒥᑦ ᓄᓇᓕᐅᑉ ᐱᑦ-ᐱᐅᕋᐅᑉ ᐊᑭᐊᓃᑦᑐᒥᑦ.”