ᒨᓯᓯ ᑕᓪᓕᒪᖏᑦ 24 - ᐊᒡᓔᑦ ᐃᑦᔪᕐᖕᓁᑦᑐᑦ

ᐊᕕᑦᓯᓪᓚᕆᖕᓂᖅ ᑲᑎᑎᑕᐅᒃᑲᓐᓂᕐᓂᕐᓗ

¹ “ᐊᖑᓪᓕ ᓄᓕᐊᓂᒃᐸᑦ ᑲᑎᑎᑕᐅᖃᑎᒋᓗᒍᓗ, ᑭᖑᓂᖓᒍᓪᓕ ᐊᕐᓇᖅ ᐂᑉᐸᕆᔪᒪᔪᓐᓃᕈᓂᐅᒃ ᖁᕕᐊᒋᔪᓐᓃᕐᓗᒍᓗ ᐊᖑᑦ ᖃᐅᔨᒍᓂ ᓈᒻᒪᖏᑦᑐᒥᒃ ᐱᓯᒪᓂᖓᓂᒃ, ᐊᕕᑦᓯᓪᓚᕆᒍᑎᓂᒃ ᑎᑎᕋᕐᑐᒃᓴᐅᕗᖅ ᐊᕐᓇᒧᓪᓗ ᑐᓂᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ,

² ᐊᕐᓇᕐᓕ ᐊᓯᐊᓂᒃ ᐊᖑᒻᒥᒃ ᐅᐃᓂᒃᑲᓐᓂᕐᐸᑦ,

³ ᐊᒻᒪ ᑖᑦᓱᒪ ᐊᖑᑎᐅᑉ ᓄᓕᐊᕆᔪᒪᔪᓐᓁᕐᒥᒃᐸᒍ, ᐊᕕᑦᓯᓪᓚᕆᒍᑎᓂᒡᓗ ᑎᑎᕋᕐᒥᓗᓂ, ᐊᕐᓇᒧᓪᓗ ᑐᓂᖕᒥᓗᒋᑦ, ᐃᒡᓗᒥᓂᓪᓗ ᐊᓂᑎᓪᓗᓂᐅᒃ, ᐅᕝᕙᓗ ᑭᖑᓪᓕᕐᒥᒃ ᐅᐃᑖᕆᓚᐅᕐᑕᖓ ᑐᖁᒃᐸᑦ.

⁴ ᓯᕗᓪᓕᕐᒥᒃ ᐅᐃᒋᓚᐅᕐᑕᖓᑕ ᓄᓕᐊᕐᑖᕆᒃᑲᓐᓂᕆᐊᖃᓐᖏᓛ; ᑖᑦᓱᒪ ᐱᓇᓱᐊᕇᕐᓯᒪᖕᒪᒍ; ᑍᒫᒃ ᐊᑕᓂᕐᒧᑦ ᓇᕐᕈᓇᕐᒪᑦ, ᑕᒪᑐᒧᖓᓗ ᓄᓇ ᐸᓯᔭᒃᓴᕈᕐᑎᑕᒃᓴᕆᓐᖏᓚᓯ ᐊᑕᓂᐅᑉ ᒎᑎᑦᓯ ᑐᓂᔭᖓᓂᒃ ᐃᓕᑦᓯᓐᓄᑦ ᓄᓇᑖᕆᖁᓪᓗᒍ.”

ᐱᖁᔧᑦ ᐊᑦᔨᒌᖏᑦᑐᑦ

⁵ “ᐊᖑᓪᓕ ᓄᓕᐊᓂᕋᑖᕐᓯᒪᔪᖅ, ᐅᓇᑕᕐᑐᒃᓴᓄᑦ ᐃᓚᓕᐅᑎᔪᒃᓴᐅᓐᖏᓚᖅ ᐅᕝᕙᓗ ᐊᓯᖏᓐᓄᑦ ᐃᓄᖕᓄᑦ ᐱᔨᑦᓯᕐᓂᐅᔪᓄᑦ; ᐱᓇᓱᐊᕐᑎᑕᐅᔪᒃᓴᐅᓐᖏᓚᖅ ᐊᕐᕌᒍᒥᒃ ᐊᑕᐅᓯᕐᒥᒃ, ᐊᖏᕐᕋᕐᓯᒪᔪᓐᓇᖁᓪᓗᒍ ᓄᓕᐊᓂ ᖁᕕᐊᓱᖃᑎᒋᓗᒍ.

⁶ “ᐊᖑᒻᒥᒡᓕ ᑎᒍᓯᔪᖃᕐᑐᒃᓴᐅᓐᖏᓚᖅ ᓯᖃᓪᓕᓯᕕᐅᑉ ᐅᔭᕌᓗᖓᓂᒃ ᖄᖓᓃᑦᑐᒥᒡᓘᓐᓃᑦ ᓱᓕᑦᔪᑎᒋᓇᓱᐊᕐᓗᒍ; ᐃᓅᓯᐅᑉ ᐊᑦᔨᖓᓂᒃ ᓱᓕᑦᔪᑎᖃᕋᓱᐊᕋᔭᕐᒪᑦ.

⁷ “ᓇᓪᓕᐊᑦ ᐃᓴᕆᐊᓕᒥᐅᖑᖃᑎᒥᓂᒃ ᐃᔨᕋᕐᑐᕐᓗᓂ ᑎᒍᓯᒃᐸᑦ ᑖᓐᓇᓗ ᓯᐊᓛᕐᑖᕆᓗᓂᐅᒃ ᐅᕝᕙᓗ ᓯᐊᓛᕐᑕᕆᔭᐅᖁᓪᓗᒍ ᓂᐅᕐᕈᑎᒋᒃᐸᒍ ᑖᓐᓇ ᑍᒤᓕᐅᕐᑐᖅ ᑐᖁᑕᐅᔪᒃᓴᐅᕗᖅ; ᑕᕝᕙ ᑍᒤᓕᐅᕐᓗᓯ ᑕᒪᓐᓇ ᐊᔪᕐᑐᓕᓂᖅ ᓄᖅᑲᕐᑎᒃᑲᔭᕐᐸᓯ.

⁸ “ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ.

⁹ ᐃᖅᑲᐅᒪᓯᐅᒃ ᐊᑕᓂᐅᑉ ᒎᑎᑦᓯ ᖃᓄᐃᓕᑎᑦᓯᓂᕆᓚᐅᕐᑕᖓ ᒥᕆᐊᒻᒥᒃ ᐊᖅᑯᑎᑦᓯᓐᓂ ᐄᑦᔨᑉᑎᒥᑦ ᐊᐅᓪᓚᓯᒪᓕᕐᑎᓪᓗᓯ.

¹⁰ “ᐃᓅᖃᑎᑦᓯᓐᓂᒡᓕ ᐊᑐᕐᑎᑦᓯᒍᑦᓯ ᓱᓇᑐᐃᓐᓇᕐᒥᒃ, ᐃᒡᓗᖓᓄᑦ ᐃᑎᕐᑐᒃᓴᐅᓐᖏᓚᓯ ᐊᑭᓖᓕᕐᐸᑦ ᐅᑎᕐᑐᒃᓴᒥᒃ ᐱᔭᕐᑐᕐᓗᓯ ᓱᓕᑦᔪᑎᖓᓄᑦ;

¹¹ ᐃᒡᓗᖓᑕᓕ ᓯᓛᑖᓂ ᐅᑕᖅᑭᔪᒃᓴᐅᕗᓯ ᓱᓇᑐᐃᓐᓇᕐᒥᒃ ᐃᓱᒪᕐᓱᕐᓗᓂ ᑐᓂᓯᔪᒃᓴᐅᕗᖅ ᐃᓕᖕᓄᑦ.

¹² ᐊᖑᓪᓕ ᐊᔪᕐᓴᕐᐸᑦ, ᐅᓐᓄᐊᓕᒫᖅ ᐱᓯᒪᔭᒃᓴᕆᓐᖏᓚᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓᓂᒃ;

¹³ ᓯᕿᓂᕐᓕ ᓂᐱᒃᐸᑦ, ᑖᑦᓱᒧᖓ ᐅᑎᕐᑎᑕᒃᓴᕆᕙᑦ ᐅᑎᕐᑎᑦᓯᓛᕐᓂᕐᒧᑦ ᓇᓗᓁᒃᑯᑕᖓ ᐱᓯᒪᔪᓐᓇᖁᓪᓗᓂᐅᒃ ᓯᓂᖕᓂᕐᒥᓂ ᑖᑦᓱᒪ ᑕᕝᕙ ᖁᔭᒋᒐᔭᕐᐹᑎᑦ ᓈᒻᒪᑦᓯᐊᕐᑐᒥᒡᓗ ᐱᒐᔭᕐᐳᑎᑦ ᐃᓕᖕᓄᑦ ᐊᑕᓂᐅᑉ ᒎᑎᑦᓯ ᓵᖓᓂ.

¹⁴ “ᑎᓕᓯᒪᔭᕐᓂᒃ ᐱᔨᒥᒃ ᐊᔪᕐᓴᕐᑐᒥᒃ ᐃᑲᔪᕐᑕᐅᔭᕆᐊᖃᕐᑐᒥᒡᓗ ᓴᒡᓗᕿᑦᓯᓗᑎᑦ ᐱᔮᕆᔪᒃᓴᐅᓐᖏᓚᑎᑦ, ᐃᓴᕆᐊᓕᒥᐅᖑᖃᑎᒋᒍᕕᐅᒃ ᐅᕝᕙᓗ ᓄᓇᖃᑎᑐᖃᕆᖏᒃᑲᓗᐊᕈᕕᐅᒃ ᐃᒡᓗᒐᓴᒡᔪᐊᑦᓯᓐᓂ ᓇᓪᓕᐊᓐᓂ ᓄᓇᖃᖃᑕᐅᒃᐸᑦ.

¹⁵ ᖃᐅᑕᒫᓪᓕ ᓯᕿᓂᖅ ᓂᐱᓚᐅᕐᑎᓐᓇᒍ ᐊᑭᓕᖃᑦᑕᕐᑕᒃᓴᕆᕙᓯ ᐅᓪᓗᒥ ᐱᓇᓱᐊᕐᓂᖓᓄᑦ ᐊᑭᓕᐅᑎᐅᔪᓂᒃ ᐱᔭᕆᐊᖃᕐᒪᒋᑦ, ᓯᕿᓂᖅ ᓂᐱᓚᐅᖏᓐᓂᖓᓂ; ᑮᓇᐅᔭᕐᑖᕆᐊᖃᕐᒪᑦ ᐊᒃᓱᕈᕐᓗᓂᓗ ᐱᓇᓱᐊᕐᒪᑦ ᓂᕆᐅᒃᓱᓂᓗ. ᐊᑭᓕᓐᖏᑐᐊᕈᕕᐅᒃ, ᐊᑕᓂᕐᒧᑦ ᓂᓪᓕᐊᓕᕋᔭᕐᒪᑦ ᐃᓕᑦᓯᓐᓂᒃ ᓂᓪᓕᐊᑦᔪᑎᖃᕐᓗᓂ, ᑍᒤᑉᐸᑦ ᐸᓯᔭᒃᓴᐅᓕᕋᔭᕐᐳᓯ ᐊᔪᕐᑐᓕᓗᓯᓗ ᑕᒪᑐᒧᖓ.

¹⁶ “ᐊᑖᑍᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑕ ᐱᐅᖏᑦᑐᓕᓂᖏᓐᓄᑦ, ᕿᑐᕐᖎᓪᓗᑦᑕᐅᖅ ᑐᖁᑕᐅᔪᒃᓴᐅᖏᓐᓂᕗᑦ ᐊᑖᑕᖏᑕ ᐱᐅᖏᑦᑐᓕᓂᖏᓐᓄᑦ; ᐃᓄᒡᓕ ᑐᖁᑕᐅᔪᒃᓴᐅᕗᖅ ᓇᖕᒥᓂᖅ ᑭᓯᐊᓂ ᐱᐅᖏᑦᑐᓕᓯᒪᓂᕐᒥᖕᓄᑦ.

¹⁷ “ᓄᓇᖅᑲᑎᑐᖃᕆᓐᖏᑕᕕᑦ ᐃᓕᐊᕐᔪᐃᓪᓗ ᐱᔪᓐᓇᕐᓂᕆᔭᕆᐊᖃᕐᑕᖏᓐᓂᒃ ᓄᖅᑲᕐᑎᑦᓯᓇᓱᐊᕐᑐᒃᓴᐅᓐᖏᓚᑎᑦ; ᐅᐃᒡᒐᕐᓃᓪᓗ ᐊᓐᓄᕌᖏᓐᓂᒃ ᐱᔪᒃᓴᐅᓐᖏᓚᑎᑦ ᐊᑐᕐᑕᖏᓐᓄᑦ ᐅᑎᕐᑎᑦᓯᔭᕆᐊᖃᕐᓂᖓᓂᒃ ᓇᓗᓁᒃᑯᑕᐅᑎᓐᓇᓱᐊᕐᓗᒍ.

¹⁸ ᐃᖅᑲᐅᒪᔪᒃᓴᐅᕗᓯ ᐃᓖᔭᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ ᐊᑕᓂᐅᓪᓕ ᒎᑎᑦᓯ ᑍᑲᓐᖓᑦ ᓴᐳᑎᓪᓗᓯ ᐊᓂᑎᓚᐅᕐᐹᓯ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.

¹⁹ “ᓂᐊᖂᔭᒃᓴᓂᒃ ᑲᑎᕐᓱᐃᓕᕈᑦᓯ, ᐃᓚᖏᓐᓂᒡᓗ ᕿᒤᒍᕕᑦ ᓇᑲᑎᓚᐅᕐᑕᕐᓂᒃ, ᐂᓗᒋᑦ ᐅᑎᕐᕕᒋᔭᒃᓴᕆᓐᖏᓚᑎᑦ; ᑖᒃᑯᐊᓕ ᕿᒪᒃᑕᐅᓯᒪᔪᒃᓴᐅᕗᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ ᐱᔭᒃᓴᐅᖁᓪᓗᒋᑦ, ᑕᕝᕙ ᐊᑕᓂᐅᑉ ᒎᑎᑦᓯ ᑍᒤᓕᐅᕈᑦᓯ ᓮᒻᒪᕐᑎᓐᓂᐊᕐᐹᓯ ᐱᓂᐊᕐᓂᑦᓯᒍᑦ ᑕᒤᑎᒍᑦ.

²⁰ ᓇᐹᕐᑑᑉ ᐅᕐᓱᒃᓴᓕᖕᓂᒃ ᐸᐅᕐᖓᓕᐅᑉ ᐊᕙᓚᖓᔪᖏᑦ ᐊᓇᐅᓕᕐᓗᒋᑦ ᑲᑕᒑᑎᒍᑦᓯᐅᒃ, ᑕᒪᐅᖓᑐᐃᓐᓈᕐᓂᑯᑦ ᐅᑎᕐᕕᒋᓗᒋᑦ ᐂᔭᒃᓴᕆᓐᖏᓚᓯ; ᐱᔭᒃᓴᐅᖁᓪᓗᒋᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ.

²¹ ᐸᐅᕐᖓᓂᒡᓗ ᕔᓂᒃᓴᓂᒃ ᑲᑎᕐᓱᐃᓕᕈᕕᑦ, ᐊᒥᐊᒃᑯᓯ ᐅᑎᕐᓗᓯ ᐂᔭᒃᓴᕆᓐᖏᓚᓯ; ᑖᒃᑯᐊ ᐸᐅᕐᖎᑦ ᕿᒪᒃᑕᐅᔪᒃᓴᐅᕗᑦ ᐱᔭᒃᓴᐅᖁᓪᓗᒋᑦ ᓄᓇᖃᑎᑐᖃᕆᓐᖏᑕᑦᓯᓐᓄᑦ, ᐃᓕᐊᕐᔪᖕᓄᓪᓗ, ᐅᐃᒡᒐᕐᓂᕐᓄᓪᓗ.

²² ᑍᒪᓐᖓᑦ ᐳᐃᒍᕐᑐᒃᓴᐅᓐᖏᓚᓯ ᓯᐊᓛᕆᔭᐅᓚᐅᕐᒥᖓᑦᓯ ᐄᑦᔨᑉᑎᒥ; ᑕᒪᓐᓇ ᐱᑦᔪᑎᒋᓪᓗᒍ ᑕᒪᑐᒥᖓ ᐱᖁᔭᒥᒃ ᑐᓂᓯᕕᒋᕙᑦᓯ.”