ᑖᓂᐊᓕᐅᑉ ᐊᒡᓚᖏᑦ 10 - ᐊᒡᓔᑦ ᐃᑦᔪᕐᖕᓁᑦᑐᑦ

ᑖᓂᐊᓕᐅᑉ ᑕᑯᑎᑕᐅᓂᖓ ᑰᑉ ᑍᒐᕆᓯᒥᒃ ᐊᑎᓕᐅᑉ ᓴᓂᐊᓂ

¹ ᐊᖓᔪᖅᑳᕐᔪᐊᑉ ᓮᕋᓯᐅᑉ, ᐴᕐᓯᐊᒥᐅᑕᐅᑉ, ᐊᖓᔪᖅᑲᐅᓂᖓᑕ ᐊᕐᕌᒍᑦ ᐱᖓᔪᖓᓐᓂ, ᑖᓂᐊᓕ ᓇᓗᓁᕐᓯᕕᐅᓚᐅᕐᐳᖅ, ᑖᓐᓇ ᐊᑎᖃᕐᑎᑕᐅᔪᖅ ᐱᐊᓪᓴᔮᕆᒥᒃ. ᐅᖃᐅᓯᖅ ᑕᒪᓐᓇ ᓱᓕᑦᓯᐊᕐᐳᖅ ᐱᑦᔪᑎᖃᕐᓗᓂᓗ ᐅᓇᑕᕐᔪᐊᕐᓂᕐᒥᒃ: ᐅᖃᐅᑦᔭᐅᓂᐅᑉ ᑐᑭᓯᓇᕐᓂᖓ ᓴᖅᑭᓚᐅᕐᐳᖅ ᑕᑯᑎᑕᐅᓂᒃᑯᑦ.

² ᑍᑦᓱᒪᓂ ᐅᕙᖓ ᑖᓂᐊᓕ, ᐃᓔᓕᕿᔪᑎᑐᑦ ᕿᒃᓵᓚᐅᕐᐳᖓ ᐱᓇᓱᐊᕈᓯᕐᓂᒃ ᐱᖓᓱᓂᒃ.

³ ᓂᕿᑦᓯᐊᕙᖕᓂᒃ ᓂᕆᓚᐅᓐᖏᓚᖓ; ᓂᕿᒥᒡᓘᓐᓃᑦ ᕔᓂᒥᒡᓘᓐᓃᑦ ᖃᓂᓐᓄᑦ ᐊᒃᑐᕐᓯᓚᐅᓐᖏᓚᖓ, ᐅᕙᓐᓂᒡᓗ ᐅᕐᓱᕐᑎᓚᐅᓐᖏᓚᖓ ᐱᓇᓱᐊᕈᓰᑦ ᐱᖓᓱᑦ ᐊᓂᒍᕐᓗᒋᑦ.

⁴ ᐅᓪᓗᐃᑦ 24ᖓᓐᓂ ᑕᖅᑮᑦ ᓯᕗᓪᓕᕐᐹᖓᓂ, ᓇᖏᕐᑎᓪᓗᖓ ᑰᒡᔪᐊᑉ ᑍᒍᕆᓯᒥᒃ ᐊᑎᓕᐅᑉ ᓯᓈᓂ.

⁵ ᖁᒻᒧᑦ ᑕᑯᓴᕋᒪ, ᑕᑯᕗᖓ ᐊᖑᒻᒥᒃ ᓇᖏᕐᑐᒥᒃ, ᐊᓐᓄᕌᓯᒪᔪᖅ ᖃᓪᓗᓈᕐᑕᓂᒃ ᕿᑎᕈᓯᕐᓯᒪᓪᓗᓂᓗ ᒎᓗᒥᒃ ᐱᐅᓂᕐᐹᒥᒃ ᐆᐸᔾᒥᐅᑕᕐᒥᒃ.

⁶ ᑎᒥᖓ ᐅᔭᕋᒃᑎᑐᑦ ᐱᓐᓇᕐᓇᕐᑐᑎᑐᑦ ᑯᕆᓱᓔᑎᒥᒃ ᐊᑎᓕᒃᑐᑦ ᖁᕐᓱᕐᑕᑐᑦ ᑍᒤᑦᑑᕗᖅ, ᑮᓇᖓ ᖃᐅᒻᒪᓪᓚᒃᑎᑐᑦ ᑕᐅᑦᑐᖃᕐᐳᖅ, ᐃᔨᖏᒡᓗ ᐃᑯᐊᓚᔪᑎᑐᑦ ᑍᒤᑦᑑᕗᒃ, ᑕᓕᖏᒃ ᓂᐅᖏᒡᓗ ᑲᓐᓄᔭᑎᑐᑦ ᕿᓪᓚᕆᒃᓴᕐᓯᒪᔪᑎᑐᑦ ᑍᒤᓪᓗᑎᒃ, ᓂᐱᖃᕐᓗᓂᓗ ᐃᓄᒋᐊᒃᑐᕐᔪᐃᑦ ᓂᐱᖏᑎᑐᑦ.

⁷ ᐅᕙᖓ ᑖᓂᐊᓕ, ᑕᑯᑎᑦᔪᑎᒥᒃ ᑕᑯᔪᑑᓚᐅᕐᐳᖓ, ᐊᖑᑎᑦ ᐃᓚᒋᔭᒪ ᑕᑯᓚᐅᓐᖏᓛᑦ, ᑲᑉᐱᐊᓱᖕᓂᕐᒧᓪᓕ ᑕᑕᑕᐅᒐᒥᒃ ᕿᒫᕗᑦ ᐃᔨᕆᐊᕐᑐᕐᓗᑎᒡᓗ.

⁸ ᑍᒤᒻᒪᑦ ᐃᓄᑑᓕᓚᐅᕐᐳᖓ, ᑕᒪᑐᒥᖓ ᑕᑯᑎᑕᐅᓂᕐᔪᐊᒥᒃ ᑕᑯᓐᓈᕐᓗᖓ; ᓄᑭᖃᕈᓐᓃᓚᐅᕐᐳᖓ, ᑮᓇᕋᓗ ᑐᖁᖓᔪᑎᑐᑦ ᖃᑯᕐᓯᓪᓗᓂ, ᓄᑭᖃᖏᑦᓯᐊᓕᕐᓗᖓᓗ.

⁹ ᑐᓵᕙᕋᓗ ᐅᖃᓪᓚᒃᑐᖅ, ᓈᓚᒃᑎᓪᓗᖓᓗ ᐃᑎᔪᒥᒃ ᓯᓂᓕᓚᐅᕐᐳᖓ, ᑮᓇᕋ ᒪᓂᖅᑲᒧᑦ ᑐᓐᖓᓪᓗᓂ.

¹⁰ ᐊᒡᒐᒧᑦ ᐊᒃᑐᕐᑕᐅᒐᒪ ᓴᔪᒃᓗᖓ ᒪᑭᓕᕐᐳᖓ, ᓰᖅᑯᖓᓪᓗᖓ ᒪᓂᖅᑲᒧᓪᓗ ᐊᔭᑉᐹᕐᓗᖓ.

¹¹ ᐅᖃᐅᑎᕚᖓ, “ᑖᓂᐊᓖ, ᐊᖏᔪᒥᒃ ᐅᐱᒋᔭᐅᕗᑎᑦ, ᐃᓱᒪᒋᑦᓯᐊᒃᑭᑦ ᐅᖃᐅᓰᑦ ᐃᓕᖕᓄᑦ ᐅᖃᐅᓯᒃᓴᒃᑲ, ᓂᑯᕕᓕᕆᑦ ᐃᓕᖕᓄᑦ ᒫᓐᓇ ᑎᓕᔭᐅᒐᒪ.” ᑍᒫᒃ ᐅᖃᕇᕐᒪᑦ ᓴᔪᒡᓗᖓ ᓂᑯᕕᑉᐳᖓ.

¹² ᐅᖃᒃᑲᓐᓂᕆᕗᖅ, “ᑲᑉᐱᐊᓱᖏᓪᓗᑎᑦ ᑖᓂᐊᓖ: ᐅᓪᓗᐃᑦ ᓯᕗᓪᓕᕐᐹᖓᓂ, ᑐᑭᓯᔪᒪᓪᓗᑎᑦ ᐃᓱᒪᓕᓚᐅᕋᕕᑦ ᒥᑭᒡᓕᑎᕐᓗᑎᓪᓗ ᒎᑎᒧᑦ, ᐅᖃᐅᓯᕐᑎᑦ ᑐᓵᔭᐅᓚᐅᕐᐳᑦ, ᕾᕗᖓᓗ ᑭᐅᔭᐅᑦᔪᑎᖕᓂᒃ ᐅᖃᐅᑎᔭᕐᑐᕐᓗᑎᑦ.

¹³ ᐴᕐᓯᐊᒥᐅᓪᓕ ᐊᖓᔪᖅᑳᖓᑦᑕ ᐊᑭᕋᕐᑐᓚᐅᕐᐹᖓ ᐅᓪᓗᓂᒃ 21ᓂᒃ: ᒤᑰᓪᓕ, ᐊᖓᔪᖅᑳᑦ ᐃᓚᖓᑦᑕ ᐃᑲᔪᕆᐊᓚᐅᕐᐹᖓ, ᐳᕐᓯᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᓄᖅᑲᖓᑎᑐᐃᓐᓇᓕᓚᐅᕐᒪᖓ.

¹⁴ ᒫᓐᓇᓕ ᕾᕗᖓ ᓇᓗᓁᕐᓯᕕᒋᔭᕐᑐᕐᓗᑎᑦ ᐃᓅᖃᑎᑎᑦ ᐅᓪᓗᐃᑦ ᑭᖑᓪᓕᖏᓐᓂ ᖃᓄᐃᓕᖓᔪᒫᕐᒪᖔᑕ, ᑕᑯᑎᑦᔪᑦ ᑕᒪᓐᓇ ᓇᓪᓕᐅᑎᔪᒫᕐᒪᑦ ᓯᕗᓂᒃᓴᒥ.”

¹⁵ ᑍᒫᒃ ᐅᕙᓐᓄᑦ ᐅᖃᓪᓚᒃᑎᓪᓗᒍ, ᐅᑯᖓᓚᐅᕐᐳᖓ ᑮᓇᕋ ᒪᓂᖅᑲᒧᑦ ᓵᓐᖓᓪᓗᒍ ᐅᖃᕈᓐᓁᕐᓗᖓᓗ.

¹⁶ ᑕᕝᕙ ᐊᖑᑎᑎᑐᑦ ᑕᐅᑦᑐᓕᐅᑉ ᖃᓂᕋ ᐊᒃᑐᕐᐹ, ᐂᑦᑕᕐᓗᖓᓗ ᐅᖃᓕᕐᐳᖓ ᓵᓐᓂ ᓇᖏᕐᑐᒧᑦ, “ᐊᑕᓂᕋ, ᕿᒃᓵᒃᑐᐊᓘᒐᒪ ᑕᑯᑎᑕᐅᓂᕋ ᑕᒪᓐᓇ ᐱᑦᔪᑎᒋᓪᓗᒍ, ᐱᔪᓐᓇᕐᓂᖃᖏᑦᓯᐊᓕᕋᒪ.

¹⁷ ᐊᑕᓂᕋ, ᖃᓄᕐᓕ ᐱᔨᐅᓗᖓ ᐃᓕᖕᓄᑦ, ᐅᖃᕐᓂᐊᓕᕋᒪ? ᓄᑭᖃᕈᓐᓁᕋᒪ ᐊᓂᕐᓵᕐᑐᑦᓯᐊᕈᓐᓁᕋᒪᓘᓐᓃᑦ.”

¹⁸ ᓱᓕ ᐊᖑᑎᑎᑐᑦ ᑕᐅᑦᑐᓕᐅᑉ ᐊᒃᑐᕐᐹᖓ ᓄᑭᒃᑖᕐᑎᑉᐹᖓᓗ.

¹⁹ ᐅᖃᐅᑎᓪᓗᖓᓗ, “ᑲᑉᐱᐊᓱᖏᓪᓗᑎᑦ, ᐊᒃᓱᐊᓗᒃ ᐅᐱᒋᔭᐅᑦᓯᐊᕐᐳᑎᑦ, ᓮᓪᓕᓕᕆᑦ! ᓴᓐᖏᔫᓕᕆᑦ! ᓴᓐᖏᔫᓕᕆᑦ!” ᐅᖃᕐᕕᒋᖕᒪᖓ, ᓄᑭᒃᑖᓚᐅᕐᐳᖓ ᐅᖃᕐᓗᖓᓗ, “ᐊᑕᓂᕋ ᐅᖃᓕᕆᑦ, ᓄᑭᒃᑖᕐᑎᒃᑲᕕᖓ.”

²⁰ ᐅᖃᓕᕆᕗᖅ, “ᖃᐅᔨᒪᕖᑦ ᓱᖕᒪᑦ ᐃᓕᖕᓄᑦ ᕾᖕᒪᖔᕐᒪ? ᐅᑎᕇᕐᓂᐊᕋᒪ ᐴᕐᓯᐊᒥᐅᑦ ᐊᖓᔪᖅᑳᖓᑦ ᐅᓇᑕᕆᐊᕐᑐᕐᓗᒍ, ᐊᐅᓪᓚᕈᒪᓗ ᒍᕇᓯᒥᐅᑦ ᐊᖓᔪᖅᑳᖓᑦ ᕾᓂᐊᕆᕗᖅ;

²¹ ᓯᕗᓪᓕᕐᒥᒡᓕ ᐅᖃᐅᑎᔪᒪᕙᒋᑦ ᒪᒃᐱᕐᑐᖅᑲᑦ ᓱᓕᑦᓯᐊᕐᓂᕐᒥᒃ ᐅᖃᐅᓯᓖᑦ ᖃᓄᖅ ᐅᖃᕐᒪᖔᑕ, ᑭᐊᓘᓐᓃᑦ ᑕᒪᑐᒥᖓ ᐃᑲᔪᕐᓯᓐᖏᓛᖓ ᒤᑰᑉ ᑭᓯᐊᓂ, ᑖᑦᓱᒪ ᐊᖓᔪᖅᑳᕕᑦ.”