ᐂᒨᓯᐅᑉ ᐊᒡᓚᖏᑦ 9 - ᐊᒡᓔᑦ ᐃᑦᔪᕐᖕᓁᑦᑐᑦᐊᑕᓂᐅᑉ ᐃᖅᑲᕐᑐᐃᓂᖓ 1 ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ. 2 ᐃᑎᕐᓴᓕᐅᕋᓗᐊᕐᐸᑕᓗ ᑐᖁᖓᔪᑦ ᐃᓂᖓᓐᓄᑦ, ᑍᑲᓐᖓᑦ ᑎᒍᔪᒫᕐᐸᒃᑲ; ᒪᔪᕋᓗᐊᕐᐸᑕᓗ ᕿᓚᖕᒧᑦ ᑕᕝᕙᓐᖓᑦ ᐊᖅᑲᕐᑎᑦᓱᒫᕐᐸᒃᑲ. 3 ᐃᔨᕆᐊᕐᑐᕋᓗᐊᕐᐸᑕᓗ ᖃᖅᑲᐅᑉ ᑳᕐᒥᐅᓕᐅᑉ ᖄᖓᓄᑦ, ᕿᓂᕐᓗᒋᑦ ᓇᓂᔪᒫᕐᐸᒃᑲ ᑎᒍᓗᒋᓪᓗ; ᐃᔨᕋᓗᐊᕐᐸᑕᓗ ᐃᒪᕕᐅᑉ ᐃᖅᑲᖓᓄᑦ, ᑍᑯᖓ ᖁᒡᓗᒋᐊᖅ ᑎᓕᔪᒫᕐᐸᕋ, ᑖᑦᓱᒪᓗ ᑮᔪᒫᕐᐰᑦ. 4 ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.” 5 ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᒎᑎᐅᑉ, ᓄᓇᕐᔪᐊᖅ ᐊᒃᑐᕐᒪᒍ ᐊᐅᒃᐳᖅ, ᓄᓇᖃᕐᑐᓪᓗ ᑕᕝᕙᓂ ᑕᒪᕐᒥᒃ ᐃᓚᓐᖓᕐᑐᑐᑦ ᕿᐊᓕᕐᐳᑦ, ᓄᓇᓕᒫᖅ ᑰᒃᑐᑦ ᓁᓕᑐᑦ ᖄᒥᑦᑐᑐᑦ ᑍᒤᓕᕐᐳᖅ; ᐃᒤᕐᒥᓗᓂᓗ ᐄᑦᔨᑉᑎᐅ ᑰᖓᑐᑦ ᓁᓕᑐᑦ. 6 ᑖᓐᓇ ᖁᑦᓯᖕᓂᕐᓴᒥ ᐃᓂᒃᓴᒥᓂᒃ ᐃᒡᓗᕈᓯᓕᐅᕐᑐᖅ ᕿᓚᖕᒥ, ᓄᓇᕐᔪᐊᕐᒥᒃ ᑐᓐᖓᕕᓕᐅᕐᐹ; ᕾᖁᔨᕗᖅ ᐃᒪᕐᒥᒃ ᐃᒪᕕᖕᒥᑦ, ᑯᕕᓪᓗᒍᓗ ᓄᓇᕐᔪᐊᑉ ᖄᖓᓄᑦ. ᑖᓐᓇ ᐊᑕᓂᕐᒥᒃ ᐊᑎᖃᕐᐳᖅ! 7 ᐊᑕᓂᖅ ᐅᖃᕐᐳᖅ, “ᐃᓴᕆᐊᓕᒥᐅᑦ, ᐃᑎᐅᐱᐊᒥᐅᓄᑦ ᐊᑦᔨᐅᓐᖏᑎᑕᐅᓇᓱᒋᕕᓰ ᐅᕙᓐᓄᑦ? ᐊᐅᓪᓚᕐᑎᓚᐅᓐᖏᓚᑦᓰ ᐄᑦᔨᑉᑎᒥᑦ, ᑍᒫᒃᑕᐅᖅ ᐱᓕᔅᑍᓂᒥᐅᑦ ᑲᑉᕼᐊᑐᐊᕆᒥᑦ, ᓯᕆᐊᒥᐅᓪᓗ ᑭᕆᒥᑦ?” 8 ᑕᑯᒋᑦ, ᐊᑕᓂᐅᑉ ᒎᑎᐅᑉ ᐊᖓᔪᖅᑳᐅᕕᒃ ᐊᔪᕐᑐᓕᔪᖅ ᑕᑯᓐᓇᕐᐹ, “ᓄᖑᑎᑦᓱᒫᕐᐸᕋᓗ ᐊᖓᔪᖅᑲᐅᕕᒃ ᓄᓇᕐᔪᐊᒥᑦ; ᔧᑰᓪᓕ ᑭᖑᕚᖏᓐᓂᒃ ᓄᖑᑎᑦᓯᑦᓯᐊᒻᒪᕆᖕᓂᐊᓐᖏᓚᖓ,” ᐊᑕᓂᖅ ᐅᖃᕐᐳᖅ. 9 “ᓱᓕᓗᖓ ᐱᖁᔨᓂᐊᕐᐳᖓ, ᐃᓴᕆᐊᓕᒥᐅᑦ ᐊᐅᓚᑎᑦᓱᒫᕐᐸᒃᑲ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᓂᐊᖂᔭᒃᓴᑎᑐᑦ ᓴᓃᔭᕐᑕᐅᔪᑎᑐᑦ ᐃᕕᒃᓱᒐᕐᓂᑦ, ᐊᒡᓛᑦ ᓴᓃᑦ ᒥᑭᓐᓂᕐᐹᖓ ᑲᑕᖕᓂᐊᓐᖏᓚᖅ ᒪᓂᖅᑲᒧᑦ. 10 ᐃᓄᖁᑎᓐᓂ ᐊᔪᕐᑐᓕᔪᓕᒫᑦ ᑐᖁᔪᒫᕐᐳᑦ ᓴᕕᒡᔪᐊᒧᑦ, ᐃᒫᒃ ᐅᖃᕐᑐᑦ, ‘ᐱᐅᖏᑦᑐᒧᑦ ᐊᖑᔭᐅᓂᐊᓐᖏᓚᒍᑦ ᑎᑭᑕᐅᓂᐊᓐᖏᓚᒍᓪᓘᓐᓃᑦ.’” ᐃᓴᕆᐊᓕᐅᑉ ᐋᖅᑭᒃᑕᐅᓛᕐᓂᖓ 11 ᐊᑕᓂᖅ ᐅᖃᕐᐳᖅ, “ᐅᓪᓗᒥ ᑍᑲᓂ ᑍᕕᑎᐅᑉ ᐊᖓᔪᖅᑲᐅᕕᖓ ᑲᑕᒃᓯᒪᔪᖅ ᖃᕝᕕᕐᑎᑦᓱᒫᕐᐸᕋ, ᓱᕋᒃᓯᒪᔪᓪᓗ ᐊᖅᑭᒃᓲᕐᓗᒋᑦ, ᐅᕐᕈᓯᒪᔪᓪᓗ ᒪᑭᑎᓪᓗᒋᑦ, ᐱᐅᓯᕆᓚᐅᕐᓯᒪᔭᖏᑎᑐᓪᓗ ᐅᑎᕐᑎᓪᓗᒋᑦ. 12 ᓄᓇᑖᖁᓪᓗᒋᑦ ᐄᑐᒥᐅᑉ ᓄᓇᖓᑕ ᐊᒥᐊᒃᑯᖓᓂᒃ, ᐃᓅᖃᑎᒌᒡᔪᐊᓕᒫᓪᓗ ᐊᑎᒃᑯᑦ ᕾᖁᔭᐅᓯᒪᔪᑦ,” ᐊᑕᓂᖅ ᐅᖃᕐᐳᖅ ᑕᒪᑐᒥᖓ ᑍᒤᑎᑦᓯᔪᖅ. 13 ᐊᑕᓂᖅ ᐅᖃᕐᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᐱᕈᕐᓰᕕᖕᒥᒃ ᒪᒃᐱᕐᑎᕆᔪᖅ ᑲᑎᕐᓱᐃᔪᒥᒃ ᐊᖑᓯᔪᒫᕐᐳᖅ. ᐸᐅᕐᖓᓂᒡᓗ ᑐᓪᓕᕋᕐᓗᒋᑦ ᕔᓂᓕᐅᕐᑐᖅ ᐊᖑᒻᒪᑎᓕᕐᓗᓂ ᐱᕈᕐᓯᐊᒃᓴᓂᒃ ᑲᓐᖓᕐᓱᐃᔪᒥᒃ. ᖃᖅᑬᓪᓗ ᑰᒐᕈᒫᕐᐳᑦ ᕔᓂᒥᒃ ᓰᕐᓇᕐᑐᒥᒃ, ᐱᖑᓕᒫᓪᓗ ᑰᖃᓯᐅᑎᓕᕐᓗᑎᒃ. 14 ᐃᓴᕆᐊᓕᒥᐅᑦ ᐃᓄᖁᑎᒃᑲ ᐅᑎᕐᑎᑦᓱᒫᕐᐸᒃᑲ ᓄᓇᖏᓐᓄᑦ, ᐃᒡᓗᒐᓮᓪᓗ ᓱᕋᒃᓯᒪᔪᑦ ᐋᖅᑭᒃᓱᕈᒫᕐᐰᑦ ᐃᓂᒋᓕᕐᓗᒋᓪᓗ; ᐱᕈᕐᓰᔪᒫᕐᐳᓪᓗ ᕔᓂᒃᓴᓂᒃ ᐃᑦᓯᖏᓐᓂᒡᓗ ᐃᒥᕐᓗᑎᒃ, ᐱᕈᕐᓰᕕᓕᐅᕈᒫᕐᐳᑦ ᐱᕈᕐᑐᖏᓐᓂᒡᓗ ᓂᕿᖃᕐᓗᑎᒃ. 15 ᓄᓇᖏᓐᓄᑦ ᐃᓕᔪᒫᕐᐸᒃᑲ ᑕᕝᕙᓐᖓᓪᓗ ᐊᒧᔭᐅᓂᐊᕈᓐᓃᕐᓗᑎᒃ, ᓄᓇᒥᑦ ᑐᓂᔭᓐᓂᑦ ᑖᒃᑯᓄᖓ,” ᐊᑕᓂᖅ ᒎᑎᓯ ᐅᖃᕐᐳᖅ. |
Eastern Arctic Inuktitut Bible © Canadian Bible Society, 2012, 2021-2023.
Canadian Bible Society